Lexinne's Pov 
Ang aga aga pero kinakabahan ako. Kakatawag lang din ni Mama at ginising ako pinapaalala na may pasok ako at wag mag skip ng breakfast. Tapos ko na din naman ang research poster ko at ready na para ma i pass.
Bumaba na ako para mag breakfast at mas lalong kinabahan nung makita yung nakahain na breakfast. Pandesal, ham, hotdog, egg at bacon. 
"Nay wala bang loaf bread?" Tanong ko kay Nanay Sally
"Sorry anak na late kasi ako ng gising kaya nagpabili nalang ako kay Tatay Nicanor mo ng pandesal sa labas ng village. Nakalimutan ko kasing isali ang loaf bread sa listahan ko kahapon" hinging pasensya nito 
"Hindi po okay lang, okay na po ito" sabi ko at simulang kumain 
Masarap naman talaga ang pandesal at hindi ako yung taong naghahanap ng wala sa mesa. Kaso ewan ko ba bat natanong tanong ko pa kay Nanay Sally kung may loaf bread ba.
Mabilis kong tinapos ang pagkain ko at siniguradong wala akong nakalimutan bago inaya si Mang Nicanor na umalis na. 
"Wait po stop!" Pigil ko kay Mang Nicanor ng may makitang aso sa tabing daan. 
Agad akong bumaba ng kotse at nilapitan ang kawawang aso. Payat ang aso at pilay, may mga galis din siya sa katawan. 
"Baby come here" tawag ko sa aso. Parang alangan pa siyang lumapit sakin pero sa huli ay lumapit din.
"Ang batang ire nakahanap na naman ng aalagain" tumatawang sabi ni Mang Nicanor 
"Mang Nicanor balik po muna tayo sa bahay" sabi ko habang hinihimas ang ulo ng aso
"My God Lexie! Kadiri! Bakit hindi ka nalang bumili ng dog kaysa mamulot ka?! Ambaho Yuck!" Sabi ni Pearl na binuksan ang bintana ng kotse niya at tila sukang suka sakin 
"Tara na po Mang Nicanor" tawag ko sa driver namin at nagpatulong sa kanya para mabuhat ang aso. Natatakot kasi ako na baka masaktan ko siya dahil pilay siya. 
Habang nasa sasakyan ay himas himas ko ang ulo ng aso. Noong unang dating ko nakapulot din ako ng aso sa may labas ng airport at pinangalan kong Maddie. Pangalawang nakita ko naman ay si Pocholo, pagala gala lang siya sa hiway at ilang beses ko na din siyang nakita don. Kaya nagtanong tanong ako at sinabi sakin na wala daw may ari sa aso at asong gala lang daw talaga. Kaya to the rescue ako at iniadopt ko nalang siya kaysa naman makuha at dalhin lang sa impound at doon mamatay.
"Babae pala siya Ms.Lexinne ano niyan ipapangalan mo sa kanya?" Tanong ni Mang Nicanor sakin 
"Girl pala siya, hindi ko napaglaanan ng oras tignan gender niya. Pero Mang Nicanor Lexinne nalang po wag niyo ng dagdagan ng Miss" tumatawang sabi ko "Queenie po kaya? Tutal dito ko naman siya sa loob ng Queen Vill nakita" 
"Magandang pangalan yan sigurado pati si Queeni magugustuhan pangalan niya" sagot nito sakin hanggang sa huminto na kami sa harapan ng bahay at pinagbuksan ni Nanay Sally 
"Oh? Wala bang pasok? Bakit kayo bumalik?" Tanong ni Nanay Sally ng makitang bumaba ako 
"Nay kasi ano, hindi muna ako papasok sa first subject ko may bagong anak po kasi ako" nakangiting sabi ko tsaka nilabas si Queenie sa sasakyan. "Nay paki kuha naman po akong dog food at tubig" pakiusap ko 
Mabilis namang kumilos si Nanay Sally at ilang saglit lang ay may dala na siyang isang bowl ng tubig at dog food. Maganang kumain naman si Queenie at halatang gutom na gutom siya. Natuwa rin ako ng makita na kulay asul ang dila niya kaya agad akong nag research tungkol sa mga blue tongue. Hindi ako pwedeng magkamali isa siyang aso na tinatawag na chow chow. 
Sigurado taga Queen Vill lang din amo niya kaso pinaalis ng bahay o pinalayas dahil hindi na siya cute tulad ng dating itsura niya. May galis na rin siya kaya siguro pinabayaan nalang. 
Nang matapos siyang kumain ay pinaliguan ko muna. May mga kuto at garapata din siya. Pilay siya kaya kailangan niyang madala sa vet clinic sa labas ng village. 
Muli akong naligo at nagbihis at pinasakay ulit si Queenie sa sasakyan. May fourty minutes pa ako para sa next subject ko. 
"Mang Nicanor sa Vet clinic po tayo ha?" Utos ko 
Nang makarating sa destinasyon namin ay tinulungan kami ng mga staff buhatin si Queenie papasok ng clinic nila. Agad din siyang inasikaso at kinausap ko yung vet niya at binayaran na lahat ang kailangan ni Queenie. Dahil oras na din at kailangan kong pumasok sa school nag taxi nalang ako at sinabihan si Mang Nicanor na bantayan si Queenie at iuwi sa bahay pagkatapos nila.
Nakahinga ako ng maluwang ng makarating ako sa classroom namin. Kanina pa kasi text ng text si Klea at tinatanong ako kung nasaan naba daw ako. Hindi ko na din nireplayan huling text niya kasi nasa tapat na ako ng classroom. 
Pagbukas ko sa classroom mga nag iingay na kaklase ko naabutan ko. Walang pinagbago, tulad parin ng dati wala silang pake sa presensya ko. Pero okay lang wala din naman akong oras pakealaman mga buhay nila sapat na sakin ang isang kaibigan.
"Bakit ngayon ka lang?" Hila sakin ni Klea paupo 
"May nangyari kasi" sabi ko nalang 
"Oo alam ko may nangyari, may kinakalat kayang picture mo si Pearl na may hawak na galising aso" sabi niya 
"Hayaan mo siya, kung saan siya sasaya support mo nalang" sabi ko na nagkibit balikat nalang 
"Yuck! Siya ba yon?" 
"Wala sa itsura niya ang pagigingulubi" 
"Baka naman pinapag aral lang siya dito at katulong talaga nanay niyan" 
"Baka katulong siya nina Klea kaya close sila"
"Bakit nakikipag kaibigan si Klea sa mga gaya niya?"
"Dukha spotted" 
Iilan lang sa mga naririnig ko habang nakapila kami ni Klea sa canteen. Nangigigil nga si Klea at tila gusto ng patulan sila pero pinipigilan ko at sinasabihan na kumalma. 
"Yuck! Huwag ka ngang didikit sakin at baka magka galis ako!" Sabi ng isang estudyante na nabangga ko ng kaunti ang siko. Actually hindi talaga bangga, nadikit lang.
"Ohh! Sorry" hingi ko nalang ng pasensya tsaka nginitian siya 
"Ewww" sagot naman niya sakin 
Nakita ko naman sa 'di kalayuan pagmumukha ng flirty four. Nagtatawanan sila at paminsang minsang tumitingin sakin. 
"Beh dito!" Tawag sakin ni Klea na nakahanap na ng upuan namin 
Nakangiti akong naglalakad ng patirin ako ng isang babae. Pero sorry siya digital ang karma sa kanya tuloy natapon yung spaghetti na binili ko. 
Syempre dahil OA mga tao todo react sila at naghiyawan. Tinulungan akong makatayo ni Klea mula sa pagkakadapa dahil pinatid nga ako.
"You bitch how dare you!" Sigaw nung babaetang mukhang espasol na puno ng pasta sauce ang uniform 
"Whatever" tanging sagot ko at nag shrug at tinalikuran siya 
Hahablutin niya sana ang buhok ko pero bago pa niya naabot ay napilipit na ni Klea ang kamay niya. 
"Don't you dare touch even a single strand of my bestfriend hair or else" nagulat ako ng makita si Klea habang pinipilipit ang kamay nung babae kaya inawat ko pero ayaw talaga niyang bitawan 
"Or else what? Pipilayan moko?!" Matapang na sagot ng babae kahit nasasaktan na 
"I won't do that" nakangising sagot naman ni Klea tsaka niya binitawan kamay ng babae na halatang nasaktan. "Pinapauna ko na sayo matakot ka sakin kung ayaw mong pulutin sa kangkungan" sabi pa ni Klea 
"Matakot? Ako? Sayo? Bakit? Multo kaba? Matapang ka lang kasi kayo may ari ng school na'to! Anak ako ng Mayor sa lugar nato!" ayaw paawat na sabi ng babae 
"Buti alam mong kami may ari ng school na to at anak ka pala nang tuta ng erpat ko. Huwag kang magmalaki sakin kasi kaya kitang tapakan mula sa ninuno mo. Masyado kang matapang, ano bang nagawa mo na?" Nakangising sabi pa rin ni Klea na humakbang palapit pa sa babae 
"Wala pa nga siguro pero ngayon meron na!" Sigaw ng babae tsaka niya hinablot ang buhok ko at hinila yon. Napaiyak naman ako sa sobrang sakit. 
Gaganti na sana si Klea pero dumating na yung mga guards at naawat sila. Grabe yung buhok ko wawa naman. 
"Gusto mo yan ha?" Nang gigigil na sabi ni Klea habang dinuduro yung babae 
"Losers!" Sigaw pa ng babae at tatawa tawa pa sila ng mga alipores niya 
Dahil hindi na kami nakakain ay pumunta nalang kami sa tinatawag niyang bahay bahayan niya sa likod ng building. Ngayon ko lang nalaman na sila pala may ari ng school, kaya pala pinayagan siyang i renovate at gawing bahay/ condo style ang back building. 
"Sa susunod lumaban ka! Huwag kang mag papaapi! Kita mo yon?! Kapag hindi mo nilabanan yon I bubully ka nila" sermon niya sakin habang paikot ikot sa sala niya 
"Oo na, masyado kang siga. Ang tatahimik tahimik na Klea dinaig pa ang gangster" natatawang sabi ko 
"Hindi ako siga at lalong hindi ako gangster, ayoko lang inaapi api mga taong mahal ko" sabi niya na umiwas ng tingin sakin
"Yiiie love niya ako" sabi ko na sinundot sundot pa ang tagiliran niya 
"Gaga! Love kita pero hindi ako tibo, malandi pa nga ako sayo. Tignan mo nga yang itsura mo mukha kang tomboy" sabi nito 
"Yah! Ang sakit mo magsalita ah! Oo maikli nga ang buhok ko at hindi palaayos ng mukha pero babae pa ako sa bakla no!" 
"Kaya ka nabubully dahil sa mukha mong napaka inosente, mukha kang bata" sabi nito 
"At least cute" sabi ko at binelatan siya 
"Ewan ko sayo. Nanggigigil ako satwing nakikita yang buhok mo, magsuklay ka nga!" Utos niya sakin
"Yes madam" nakangiting sabi ko tsaka nilabas ang hair brush ko sa bag at nagsuklay "cute cute kaya ng short hair ko" mahinang sabi ko habang tinitignan ang reflection sa salamin 
***********