Chapter 1
Sakay ng jeep, medyo maluwang pa ang daan kaya medyo mabilis ang pagpaandar ng driver at tinatangay nito ang basa kong buhok. Instant blower na din. Saktong-sakto pagdating ko ng Waterloo Academy, hindi na basa.
Malamig ang hanging humahampas sa balat ko. Nakalimutan ko pa naman na magjacket kaya giniginaw ako at niyayakap ko nalang ang bag ko para maibsan ang ginaw.
Nang makarating sa school ay agad akong pumara at sinalubong ulit ako ng malamig na hangin. Maaga pa naman kaya dinama ko muna ang moment nang biglang may sumundot sa tagiliran ko.
"What?!"
"Hi Ate Ai!"
Agad kong dinilat ang mga mata ko at halos lahat ng taong nasa labas pa ng school ay napatingin sa 'kin. They're giving me that same weird look.
Geez these ghosts.
Si Daisy pala. Ang lapad ng kaniyang ngiti na animoy inaasar ako dahil sa wakas, babansagan na ulit ako ng weirdo-talking-with-air nerd.
I ignored her once again, pinakita sa school guard ang ID at pumasok na sa loob.
At dahil ako nga ang dakilang nerd na may third eye, sinalubong ako ng apat na lalakeng tumatagos lang ang kanilang katawan dahil sa mga taong dumadaan. 
They're a ghost afterall. Hindi alam ng mga tao na nakakabangga na sila ng mga nilalang na nakitambay sa Earth dahil hindi pa nila natapos ang kanilang misyon para makaalis na sila dito.
"Heyo, Queen of Third Eye!"
Imbes na kausapin sila ay inirapan ko na lamang sila lalo na ang kumakausap sa 'kin na lalakeng walang ulo at duguan. Tumagos sa katawan ko ang headless body niya kaya narinig ko siyang napamura.
"Mga dre! Di na ba niya tayo nakikita? Hala, di pwede to! Siya nalang yung pagasa natin!"
"Gago kang Keith. Nagiinarte lang yan. Nagdadrama dahil ayaw niyang sa mental ulit ang bagsak niya."
Tuluyan akong huminto at nagtiim bagang humarap sa kanila.
"Lagot ka Kuya Mike! Galit na si Ate Ai!"
"Halaka gagong Mike na walang ulo. Lagot ka."
Meet: Mike the headless. Ang lalakeng walang ulo pero nagawa pang magsuot ng sumbrero. Nakapatong lang sa kaniyang leeg imbes na sa ulo niya ilagay ang kaniyang sumbrero.
Ang also Keith. Ang multong siga ang dating at parang napagiwanan ng panahon dahil sa jeje look niya. May malaking hiwa sa kaniyang pisngi at patuloy na umaagos ang dugo mula dito. Duguan rin gaya nila Mike.
Ang kasama naman nilang si Kurt. A nerd ghost na palaging may dalang gitara. His guitar is wrecked and full of blood. Ang polo naman niya ay may bakas na dugo at nakasaksak sa sikmura niya ang isang kutsilyo. I bet he died that way. Pero hindi ko alam kung ano pa ang ginagawa niya rito.
Tapos si Duke na kasing lamig ang pakikitungo sa 'kin ng isang yelo. He's just standing a few meters away from us, bagot na bagot na naghihintay sa mga kasama niya. He hated me when we first met at hindi ko alam kung bakit.
Kung ang kasama niyang sina Mike the headless, Keith the jejemon at Kurt the nerd ay nagkakandarapang humingi ng tulong mula sakin, si Duke naman ay hindi. I don't know what's the problem with that guy-ghost.
"Hehe. Hi, Queen of Third Eye!" si Mike.
Inirapan ko siyang muli kahit pa na hindi ko nakikita ang mukha niya. Bahala na kung maraming tao sa paligid.
"Pwede ba, Mike the headless. Don't call me that way. I'm not a queen!"
"Ano naman ang gusto mo? Reyna ng Apat Mata? Si Keith lang naman ang tumatawag sayo ng Apat Mata, eh!"
Can I punch his face now? Pero teka, saan ko naman siya susuntukin kung wala siyang mukha?
"Bwisit kayo. Tantanan niyo na nga ako."
At the corner of my eyes, I saw people already giving me disgusting look. Oo na, ako na yung weirdo na kinakausap kuno ang hangin.
➳➳➳
Sa gitna ng pagsusulat ko, bigla akong nakaramdam ng lamig sa kaliwang bahagi ko. Kinilabutan naman ako kaya nagtaasan ang mga balahibo ko.
"Hey, Apat Mata!"
Seriously, kailan ba nila ako tatantanan? Should I bring holy water everyday just to let them get rid of me?
"Ate Ai! Hindi ka pa ba tapos diyan? Gutom na ako~"
Buong pwersa kong binagsak ang ballpen ko sa inis. Ang resulta, napatingin silang lahat sakin pati na ang guro namin sa English na si Mrs. Sanches.
"Sorry," agad kong paumanhin.
Pinanlisikan ko ng mata ang dalawa; si Keith at Daisy na ngiting-ngiti lang.
Muli akong nagsulat para kopyahin ang nakadikit sa board na manila paper. Bwisit, gusto ko ng umuwi.
"Kuya Keith, puntahan ko muna sila Kuya Duke, ah!"
In just a snap, naglaho si Daisy na parang bula. Bumuntong hininga ulit ako at sinamaan ng tingin ang lalakeng nasa tabi ko pa.
"Hehe. Sabi ko nga aalis na ako. Una na ako, Apat Mata!"
➳➳➳
Dala ang lunch box, nagtungo ako sa rooftop kung saan ako palaging nananghalian. Sa rooftop ako palagi dahil pakiramdam ko, malaya ako sa mga taong sinasabihan ako ng weirdo, nerd at kung ano pa.
Inayos ko ang suot kong salamin at hinayaan ang buhok kong nakalugay. Isang liko nalang at mararating ko na ang pinto ng rooftop nang biglang may sumulpot sa harapan ko. Nabitawan ko ang lunch box sa gulat pero imbes na mahulog pababa ang aking lunch box, may sumalo nito at agad na binigay sa kin.
I blinked. Talaga bang sinalo niya ang lunch box ko? I thought he doesn't want to get close to me? Pero ngayon, halos isang hakbang lang ang layo namin sa isa't isa.
Nasa harapan ko pa din ang lunch box at nakatitig sa 'kin gamit ang malamig niyang titig. His body is blur, hudyat na isa siyang multo.
"D—Duke."
"Are you going to take it or nah?"
As usual, bagot na bagot siyang nakatingin sa 'kin. Wala akong magawa kundi ang kunin ang lunch box kong nasa kaluluwang kamay niya. Mahirap na. Baka may biglang makakita dito sa 'kin at aakalain niyang lumulutang ang gamit ko.
"Ba't ba kasi sumusulpot ka sa harap ko?"
Instead of thanking him, pinagalitan ko pa siya. Dinaan ko lang sa inis ang pagkagulat ko sa kaniya at hinayaang tumagos ang kaluluwa niya sa katawan ko para makadaan na ako.
Binuksan ko ang pinto at bumungad sakin ang nakakasilaw na araw kaya napapikit ako saglit.
"Ohayo, Apat Mata!"
"Oy, Queen of Third Eye!"
"Ate Ai!"
Tumango lang sa 'kin ang nerd na may dalang guitar na si Kurt. Dirediretso ako sa pwesto ko sa ilalim ng munting silungan sa rooftop. Nagsilapitan naman sila upang kumbinsihin ulit ako na tulungan ko sila.
"Sige na Aidee Apat Mata, oh. Kawawa naman kami kung hindi mo kami tutulungan."
"Ai please naman oh. Kawawa naman kaming mga multong-gala."
"Hoy mga gagong si Kurt at Duke! Tulungan niyo naman kami ni Keith dito, oh!"
I didn't listen to them. Subo lang ako nang subo hanggang sa matapos ako.
"Ayan. Tapos na si Apat Mata."
Huminto ako at humarap sa kanila. I gave them my sarcastic smile and wave.
"Bye and hope not to see you guys again!"