Tahimik lang si Diwata hanggang sa makauwi sila ni Lee galing sa party. Hindi niya pa rin maintindihan yung sinabi ng lalaki sa kanila kanina. Pilit niyang iniitindi iyon pero abot din ang salita sa kaniya ni Lee na wag niyang isipin kung ano ang sinabi ng lalaki kanina.
Ang sabi nung lalaki na kamukha ni Jericho Rosales eh may kahalikan daw na ibang babae si Lee kanina. Sino naman kaya ang sinasabi nitong babae? Baka naman nanay lang iyon ni Lee, palagi naman kasing humahalik si Lee sa nanay nito kapag nagkikita ang mga ito, pero hindi niya naman nakita sa party ang nanay ni Lee kanina. Hindi rin naman taga dito sa Village 'yon.
"Sweetheart, wag mo ng isipin yung sinabi sayo ng lalaki kanina. Hindi ko naman siya kilala, baka napagkamalan lang niya ako," ani Lee sa kaniya. Naglalakad na siya at patungo na sa hagdanan. Kasunod niya si Lee na kanina pa siya tinitingnan.
Nang makapanhik sila sa silid nila ay hinawakan ni Lee ang kamay niya. Natigilan siya at napatingin sa gwapong mukha nito. Malamlam ang mga mata nito at tila ba naglalambing.
"I love you," masuyo nitong sambit sa kaniya at yumuko ito upang halikan ang labi niya. Hindi siya nakagalaw. Para lang siyang naestatwa sa kinatatayuan niya. Hindi niya man lang alam kung paano gagantihan ang halik nito na nagsisimula ng lumalim. Ilang sandali pa ay lumayo siya sa asawa niya.
Nakita niyang bumuntomg-hininga ito at tila ba napahiya ngunit nagtimpi lang.
"What's wrong?" medyo inis na tanong nito.
"I'm tired, sweetheart. Pwede bang matulog na tayo?" sabi niya kay Lee. Napipilitang tumango ito sa kaniya kaya naman mabilis siyang nagpalit ng pantulog niya at sumampa na sa kama upang matulog. Ipinikit noya ang mga mata habang nakatalikod. Kasalukuyan pa lang na nagpapalit ng damit ang asawa niya. Laman pa rin ng isipan niya yung lalaki kanina. Napagkamalan niya itong asawa niya. Bakit ba naglalaro ito sa isip niya? Parang nakapakat pa rin sa ilong niya ang gamit nitong pabango. Ang malapad nitong dibdib na sinandalan pa niya kanina, pakiramdam niya ay nakasandig pa rin sya doon hanggang ngayon. Ipinikit niya ang mga mata upang huwag ng isipin ang mga nangyari kanina. Naramdaman niya na sumampa na rin si Lee sa kama nila dahil lumundo iyon.
"Goodnight sweetheart," mahina nitong bulong at ginawaran pa siya ng halik sa buhok. Gising pa siya ngunit hinayaan niyang isipin nito na natutulog na siya.
-
Napabuntong-hininga na lamang si Hale matapos siyang bulabugin ng kaibigan niyang si Damon. Ang damuho, kauuwi lang nila galing sa party at wala pa siyang halos tulog tapos gagambalain pa siya nito sa kalaliman ng gabi. Mabuti na lang at umalis na ang walang hiya!
Hanggang ngayon ay hindi pa rin naaalis sa isipan niya yung wirdong babae sa party kanina.
Damn it! Bakit ba naglalaro ito sa utak niya? Wala siya dapat pakialam dito at pati na sa asawa nito. Kung tutuusin ay naiinis nga siya dito simula pa lang noong unang beses nya itong nakita pero ngayon ay heto siya at parang gago. Naaawa siya sa babae at para bang hindi kaya ng kalooban niya na manatili ang panggagago dito ng asawa nito.
Inis siyang napabuga ng hangin at tumayo upang kumuha ng alak na pinakialaman ng walang hiyang si Damon kanina.
Inilapag niya iyon sa lamesa at nagsalin sa baso. Gumuhit ang pait sa lalamunan niya nang inumin niya ang laman. Nakagat niya ang ibabang labi.
Ilang sandali pa ay hindi niya namalayan na nakakalahati na pala niya ang laman ng bote ng alak. Nakatulog siya sa couch at nang magising siya kinabukasan ay masakit na masakit ang ulo niya.
Kaagad niyang inayos ang sarili dahil papasok pa siya sa trabaho. Marami siyang kailangang asikasuhin ngayon doon.
Limang minuto lang ang itinagal niya sa banyo, habang naliligo ay nagsisipilyo na rin siya.
Namumula ang mukha niya dala ng pagkakasandig ng pisngi niya sa couch buong magdamag.
Geez! Kung bakit ba naman kasi bigla na lang niyang naisipan ang uminom. Kasalanan iyon ng babae kagabi. Ano kayang mayroon sa tsokolateng idinampi nito sa labi niya at ganito katindi kung maglaro ito sa isipan niya ngayon? Tsk!
Nang makapagbihis siya ng unipormeng pang-opisina ay agad siyang nagtungo sa kaniyang mustang. Nang akmang sasakay siya roon ay nakarinig siya ng pagpito. Lumingon siya sa paligid at nakita niya si Damon na nakangisi habang papito-pito at sinisipat siya mula sa labas ng kaniyang gate. Topless ang gago at mukhang kagigising lang.
Ano na naman kaya ang ginagawa ng walanghiyang 'to dito? Hindi na nahiya. Baka mamaya ay may mkakita pa sa kanilang mga kapitbahay tapos kung ano ang isipin sa kanila. Nakahubad ang walang hiya at wala man lang pakialam sa sarili. Feeling adonis ang gago.
Ngumisi ito sa kaniya at nagbaba-taas pa ang dalawang kilay. Napailing siya at naglakad patungo sa kinaroroonan nito.
"Ano na naman bang masamang hangin ang nagtulak sa'yo para tumayo-tayo riyan sa labas ng pamamahay ko? Ang aga-aga mukha mo na naman ang nakita ko," iritableng sabi niya sa kaibigan. Kahit anong sabihin niya dito ay tinatawanan lang siya nito.
"Hindi mo ba i-wewelcome ang bago mong kapitbahay?" nakangising wika nito at tumingin ito sa kalapit niyang bahay na siyang tinutukoy nito. Oo nga pala at kapitbahay na niya ngayon ang walanghiyang damonyong ito.
Umasim ang mukha niya dahil sa ngisi nito. Ngising demonyo talaga ang gago, talagang bagay na bagay dito ang pangalan nito.
"Bakit may pa-welcome party ka rin ba?" sarkastikong tanong niya.
"Ito naman! Wala ka man lang bang kalambing-lambing diyan sa katawan mo? Kaya wala kang nobya eh. Mas mungit ka pa sa babaeng menopause na," pang-aalaska nito sa kaniya.
"At nagsalita naman ang demonyong may nobya," balik niya rito. Agad na nalukot ang mukha nito.
"Nagsisimula ka na naman eh!"
"Aba't ako pa? Ikaw nga riyan ang kaaga-aga eh nambubulabog ng kapitbahay. Papasok na ako sa opisina, lumayas ka na riyan at umuwi ka na sa bahay mo," pananaboy niya rito. Nagtaas naman ng dalawang kamay ang kaibigan niya habang natatawa at naiiling.
"Fine! Easy ka lang! Uuwi na nga eh. Makiki-kape lang sana ko. Masarap ba yung kape mo?"
Halatang inaasar lang siya nito.
"Wala akong kape sa bahay. Ang yaman-yaman mo tapos makiki-kape ka? Saka mahalaga ang oras ko. Bayaran mo kung gusto mo," wika niya na mas lalong nagpatawa rito.
"Name your price baby," anito at umakto na tila bading.
"Rowdy!" singhal niya rito. Tangina! Ang lakas talaga manggago ng sira-ulong 'to. Kayang-kaya sirain ang araw niya eh.
"Bakit ba bigla ka na lang parang multo na sumusulpot? Wala ka bang trabaho at nanggugulo ka na naman ng kapitbahay mong gwapo?" sabi niya rito.
"Wow! Ibang klase ka na rin magbuhat ng sariling bangko ngayon ano? Kasama pati lamesa. Ano 'yan gawa sa narra o-"
Hindi na nito naituloy pa ang sasabihin dahil kinuha niya agad ang hose ng halaman mula sa gilid ng gate at binasa ng tubig ang kaibigan niya.
"Tangina Hale, stop it!" anito sa kanoya habang sinasangga ang tubig na nagmumula sa hose. Nagmamadali itong umalis sa kinatatayuan nito. Hinabol pa niya ito hanggang sa makapasok ito sa loob ng gate ng bahay nito. Hila-hilamos nito ang mukha na binasa niya ng tubig.
"Fuck you, Hale! Sira ulo ka talaga! Kasalanan mo kapag nilagnat ako!" parang batang sabi nito habang kinukuskos ang buhok. Tinaasan lang niya ng middle finger ang kaibigan bago naiiling na tumalikod dito at bumalik sa kaniyang sasakyan na nakaparada. Ibinagsak niya ang hose sa gilid ng halaman at sumakay na sasakyan patungo sa kaniyang opisina.