Maaga akong nasa office para tapusin muli ang trabaho. I guess, we have 3 days to go. Para mag start na kami sa project and back to meeting na naman.
Project na gagawin sa isang beach. Wala pa namang sinasabi si Sir sa amin. Pero hula ko na ang project ay isang kasalan.
Kadalasan na natatanggap namin ay ang newlyweds. Sa iba't ibang resort o location naka held ang kanilang venue.
Nag takenote lang ako sa draft ko dito sa computer. Kapag may ideas na pumasok sa isipan ko ay idadagdag ko nalang rin para ipakita kay Sir.
Busy din sa kabila si Donalyn. Walang break time naming dalawa dahil nga day off nung nakaraang araw, susulitin naman namin ang oras ng pagpasok.
"Miss Ziah!"
Habang nakatutok ako sa computer, napalingon ako ng may humahangos na pumunta sa table area ko.
"Bakit?" Nagtataka kong tanong. "May kailangan ka ba, Jojo?"
Si Jojo ay isang trainee palang sa kompanya. Nasa ikalawang palapag lang siya at nagulat ako kung anong ginagawa nito dito sa pangatlong palapag?
Bumaba ang tingin ko sa mga kamay nitong may mga dala.
Napatingin siya doon sa tinignan ko at napasingap. "Nga pala, Miss Ziah! Para po sa inyo. Pinapabigay po sakin ng tao sa ibaba!"
Dahan-dahan nitong inilagay sa kabilang side ng table ko ang bouquet of flowers, inilapag nadin ang isang bugkos na tsokolate, maging ang cup of coffee ay meron din.
Nanlalaki ang mga mata ko.
"Sino ang nagbigay?" Gulat akong napatingin sa dumating na regalo at kay Jojo.
"Nasa ibaba kasi ako, may delivery boy po sa labas. Hinahanap ka po. Kaya sinabi ko na kilala kita at ako na po ang magbibigay n'yan sa'yo." Mahabang lintaya ni Jojo. "Tinanggap ko nalang po, alam ko pong nagmamadali si Kuya. Aalis na po ako, Miss Ziah!"
"S-salamat, Jojo.." Naiwan sa ere ang boses ko at mabilis din namang umalis si Jojo.
Saglit ko pang binigyan pansin ang mga dumating sakin. Malaki ang bulaklak na pinadala, halos mapuno ang bakante ko pang table at ang malaki ding tsokolate sa gilid. May kasama pang cup of coffee!
Wala naman akong natatandaan na may manliligaw ako? Wala talaga ni isa. Ito ang unang beses ko na makatanggap ng ganitong kalaki na regalo.
May price tag pang nakakabit sa bulaklak. Umawang ang labi ko sa mahal ng presyo.
Inilapit ko ang ilong at inamoy ang bulaklak, mabango naman siya. Umusog ako at kinarga upang ilagay sa mga hita ko ang bouquet of flowers.
Sa pagtitig ko sa iba't ibang parte ay napansin ko ang isang papel. Nakasiksik sa ilalim ng pungkol na puting rosas.
Kinuha ko ito at ibinalik ang bulaklak sa table.
"To Miss Beautiful.." Pagbasa ko sa unang naka sulat.
Ewan ko nga ba at nag umpisang tumibok ang puso ko. Sa bilis ba naman ay hindi pagkailang nagrampahan sa loob ang mga bituka ko.
Bumuntong hininga ako ng malalim. Nilabanan ko ang kaba sa dibdib.
Binuksan ko ang letter. "Hi?"
Natawa ako ng mahina. Akala ko ito lang ang unang nakasulat, ngunit ng mapansin ang nakatakip na pulang papel. Hinawakan ko ito at binuksan.
Naiwang nakabukas ang labi ko. Namangha ako sa magandang sulat kamay ng taong ito..pinahanga niya ako.
"Hi, I already imagined your face when you received the bouquet of flowers and chocolate I bought. It's really funny..I hope you like it! Have a nice day, Ziah." Pagbasa ko.
Muli akong napalunok. May secret admirer ba ako? Wala naman akong maalala na meron. Ni kunti lang ang kilala kong kalalakihan.
Sa loob pa ng nakasulat ay may naka ukit sa dulo, isang shell.
Naging familiar sakin ang ukit ng shell. Medyo hindi sakto ang pagguhit pero alam kong shell talaga ang naka draw nito.
Ibinalik ko nalang agad ang sulat sa lalagyan. Mabigat ang katawan na isinandal ko ang likod sa chair ko.
Kahit gaano karami akong iniisip ay wala talagang pumasok na eksenang tungkol sa she'll..bulaklak..mga pamilyar na bagay.
Sa lalim ng iniisip ko, muntikan na akong mahulog sa sariling upuan!
"Boo!"
Napakapit ako ng mahigpit. "Ano ka ba naman!"
Gulat akong napabaling sa tumabi sakin. Malamang, si Donalyn lang naman ang may kakayahan na manggulat sa akin!
Nanunukso ang paningin nito habang titig na titig pa.
"Anong tinitingin mo?" Asal ko sa kanya.
Nanatiling nanunukso ang paningin niya. "Napa-isip lang ako, sino kaya ang taong nagpadala nito? May pa coffee at chocolate with extra flowers pang nakalagay."
Nanahimik ako at bagkos itinuon nalang ang atensyon sa gawain. Hinahayaan na magsalita si Donalyn sa tabi.
"Nako, tignan mo pa naman. Ang mahal ng presyo! Teh, may nahuli kang jackpot!" Muling lintaya ni Donalyn. "Apat ang laman ng coffee box, pahingi ng isa `ha?"
Tumango lang ako habang nanahimik padin.
"Kumuha ka ng isa," Sagot ko.
Napaigtad ako ng tinusok nito ang kiliran ko!
"Ano ba, Donalyn! Nang a-ano kana!" Napataas ang boses ko doon.
Ngumisi ito at nanghahamon ang mga tingin sa akin.
"Ano, ha? Nang a-ano ba ako?" Maging ang boses ay pinanatiling nang-aasar sakin.
Sinamaan ko siya ng tingin.
"Kapag ikaw dumaan sa ganito, asahan mong gaganti ako!" Pinandidilatan ko siya. May diin pa naman ang pagsalita ko.
"Echos ka pa, Zi. Walang magbibigay sakin!" Mabilisang sagot niya. "Kung meron man..siguro iyon na ang the one ko, haha."
"Baliw ka, malamang at sa malamang may magbibigay naman talaga sa'yo." Tinulak ko ito palayo. "Bumalik kana sa table mo! Ginugulo mo lang ako sa ginagawa ko!"
Natatawa itong umalis. "Ginugulo o baka naman.. ikaw ang ginugulo kung sino ang nagpadala sa'yo?"
Kinuha ko na ang ballpen at handa ng ibato sa kanya ng tumabok na ito palayo. Nakakainis ang babaeng iyon.
SUMUNOD na araw ay may nagpadala ulit sakin ng bouquet of flowers, with letter na naman. Ganon padin ang penmanship, maganda padin.
Kapag umaalis ako ay napapatingin na sakin ang mga ka trabaho sa kompanya. Lalo na sa mga bitbit ko sa tuwing uuwi ako sa amin.
Napapadalas na ang nagbigay sakin ng mga regalo. Hindi ko na nagustohan at baka ibang pakay ang gusto ng taong ito sakin.
Ngayon sa huling araw, dahil bukas ay meeting na namin ulit. Lahat kami mag pre-presenta sa mga gawain namin.
Pagkabalik ko sa sariling table ay meron ng teddy bear, at paborito ko pa simula bata pa ako. May sulat din na nakasuksok sa gilid ng rebon ng teddy bear.
Tumingin pa ako sa paligid at lahat ng mga kasama ko ay abala. Habang kay Donalyn naman ay ngisi-ngisi lang ang pinapakita.
Umupo ako at hinablot ang sulat na nakalagay. Marami nang naka pundo sa kwarto kong halos regalo, surpresa lang para sakin.
Kahit nagtataka na si Mama kapag uuwi ako, tanging palusot ko lang na regalo ng ka officemate ko.
Bibuksan ko ang nakasulat, as usual, may nakaukit na namang she'll sa dulo.
"Good luck, don't forget to smile every and have a good mood always!" Pagbasa ko sa nakasulat.
Muli akong napansandal sa upuan ko. At nagsalita na tanging ako lang ang makakarinig.
"Sino ka ba? Bakit ako pa ang pinagtripan mo araw-araw?" Bulong ko sa sarili kasabay nang paghilot sa sintido ko.