Nagulat si Gabriel sa naging pahayag ni Mr. Rodelio. Binawi nito ang pagpapaalis sa kanyang msnsion at mananatiling magtatrabaho bilang personal bodyguard ni Katherine. Hindi niya inaasahan na mismo pa ang dalaga ang gumawa niyon para sa kanya. Nagkaroon pa tuloy siya ng utang na loob sa babae.
"Nakiusap ng dalawang beses sa'kin ang apo ko. Binigyan niya ako ng isang mahalagang rason para sumang-ayon sa kanya," wika ng matanda. "Kaya sana hindi masayang 'yon. Sa susunod kailangan mo mapatunayan na tama ang naging desisyon ni Katherine."
"Maraming salamat po, Sir Rodelio," natutuwang sabi ni Gabriel.
"Sa apo ko ikaw dapat magpasalamat dahil binigyan ka niya ng isang pagkakataon. Mabuting tao ang apo kong 'yon kahit matigas ang ulo." Kaya, sa huli doon niya napagbigyan ang dalaga.
"Maraming salamat pa rin po." Nakipagkamayan siya kay Mr. Yuzon at ngumiti rin itobsa kanya.
"Walang anuman. Sadyang mabait lang aking apo. Paano na 'yan Mr. Bustoz, kailangan ko ng bumalik sa opisina dahil marami pa akong dapat tapusin." Habang naglalakad palabas ng kwarto ni Gabriel. "Good luck ulit sa'yo!"
Matapos ng kanilang pag-uusap ni Mr. Yuzon kaagad niyang hinanap si Katherine. Nagtungo si Gabeiek sa kwarto ng dalaga subalit wala siya roon. Nagtanung-tanong siya sa mga kasamahan hanggang sa itinuro ang kinaroroonan ni Katherine.
"Sabi ni Yael, nandito ka raw." bungad ng binata sa dalaga dahilan upang lingunin siya nito.
"Ikaw pala." Ngumiti si Katherine sa kanya.
"Salamat nga pala sa tulong." Nakaramdam ng kaunting pagkahiya si Gabriel sa ginawang pagsagip sa kanya ni Katherine. Isang napakalaking utang na loob niya ito sa dalaga.
"Walang anuman saka kailangan mo naman ng trabaho di ba?" Abala ang babae sa pagdidilig ng mga halaman. Naiinip na rin kasi siya sa loob ng mansion lalo na wala si Arianne.
Tumango lamang si Gabriel bilang tugon dahil hindi niya alam kung ano pa dapat niyang sabihin.
"Tutal, mapagkakatiwalaan ka naman eh kaysa mag-hire nanaman si lolo ng bagong bodyguard kaya muling bagong pakikisama nanaman." paliwanag ng dalaga sa kanya. Tinapos na niya ang pagdilig ng halaman. Inayos ang mga gamit saka siya kaagad lumapit kay Gabriel.
"Pasensya ka na sa pagiging mahigpit ko." Nagsalita pa muli si Gabriel matapos ang kinse minuto na pananahimik.
"Ayos lang tutal para sa'kin din naman 'yon." Naglakad na sana si Katherine papasok ng mansion nang napansin niyang may kausap pala siya. "May napansin lang kasi ako sa mga naikwento mo kagabi eh."
Sandaling natigilan si Gabriel sa kanyang narinig. Ano naman kaya ang napansin ni Katherine sa kanyang mga sinabi kagabi?
"Ano narinig mo?" Napa-curious tuloy siya at bahagyang kinakabahan.
"Secret, hehe!" Tinawanan lamang siya nito. "Huwag mo ng isipin 'yon. Babalik na pala ako sa kwarto. Ingat ka."
Tinanguan na lang niya si Katherine dahil wala pa rin siya gaanong masabi at napapaisip naman siya naging pahayag ng dalaga. Ibang klase. Masayahin, matalino subalit hindi ganoon kadali mabasa ang mga kilos at paraan ng pakikitungo nito kahit matagal na rin niya ito nakikita sa CCTV camera at sa tuwing may pagkakataon na nagkakausap sila. Alam lang niya na matigas ang ulo ni Katherine pero bukod pa roon ay wala siyang mapansin.
Pagpasok ng dalaga sa kanyang kwarto nang may biglang nagpadala sa kanya ng mensahe mula sa di-kilalang numero.
From: 0915*******
Hi, Miss kamusta? Alam kong gumaling ka na rin matapos ang nangyari. Huwag kang mag-alala patikim ko pa lang sa'yo 'yon. Hahahaha!
Biglang kinabahan si Katherine sa kanyang nabasa. Alam niyang may kinalaman ito sa mga kalalakihan na umatake sa kanila. Hangga't wala pang lead, wala muna makakaalam tungkol rito. Wala rin siyang ideya kung ano pang motibo nito paliban sa pagdukot sana sa kanya.
Kinabukasan, hindi niya inaasahan ang biglaang pagdalaw ulit sa kanya ni Denzel.
"Nag-abala ka pa ng mga nitong dessert ah!" Nasurpresang sambit ni Katherine sa kaibigan. Nilapag niya ito sa mesa at naglagay ng iilan sa platito saka nilagay ang iba sa refrigerator. "Heto kumain ka rin."
"Para sa'yo naman kasi 'to eh. Mahilig ka sa mga ganito di ba?" Nakangiti pang sagot ni Denzel. Isa na itong paraan niya ng pagpapakita ng tunay na intensyon, ang ligawan si Katherine.
"Thank you for this. Di ko lang alam na naalala mo pa 'yong time na sinabi ko sa'yo na trip kong kainin ang mga matatamis." Tuwang-tuwa naman ang dalaga sa dalang pagkain ng binata. Para sa kanya, kahit kailan hindi pa rin nagbago kahit maraming pagbabago na sa kanilang buhay. Dati isa lamang sila na estudyante na nangangarap pero ngayon may sarili na ring mga career na inaatupag.
"Syempre ako pa? Anong silibi ng friendship natin kung di ko maalala 'yon, tzk." Basta para kay Katherine kayang ibigay ni Denzel di lamang pagmamahal at atensyon. Masaya siyang nakakasama ang dalaga na hindi niya maramdaman sa ibang babae na naging ka-trabaho niya na single din.
Mga ilang sandali ng kwentuhan ay biglang sumingit sa kanila si Gabriel. Nagtataka itong tinititigan si Denzel, "Paano ka nakapasok dito?"
"Pinayagan na siya ni Lolo Delio na bumisita dito sa mansion." Si Katherine na mismo ang nagpaliwanag. "Noong time nasa hospital si Denzel kinausap siya ni lolo roon para magpasalamat."
"Nagpaalam ako kahapon kay Sir Rodelio na kung pwede ako bumisita dito at sabi niya ayos lang." Si Denzel naman ang nagbigay ng explanations kay Gabriel.
"Unbelievable!" Hindi pa rin naniniwala si Gabriel sa kanilang sinasabi.
"Believe it, Gab!" sambit sa kanya ng dalaga dahilan mapatitig siya dito dahil sa pagtawag niya sa kanyang pangalan sa unang pagkakataon. "Why don't you ask, Grandpa or Sir Warren about this? Para malaman mo na di kami nagsisinungaling."
"Ok, fine. Tatanungin ko sila." diretsahang sagot ng binata. "Sinisigurado ko lang dahil napakadelikado para magpasok ng ibang tao dito sa mansion. Sige, pupunta na lang ako office ni Sir Warren."
"OK..." tugon ni Katherine.
"Akala ko alam na niya." bulong ni Denzel pero narinig pa rin 'yon ni Katherine.
"Hindi ata siya ininform ni Lolo Delio tungkol dito." wika ng dalaga habang ninanamnam ang pagkain.
"Ok. Well, masyado lang strikto ang bodyguard mo Kath! Di kaya nagseselos lang 'yon?" Natawa si Denzel sa kanyang sinabi.
"Hahaha, FYI kaka-break lang nila ng jowa niya kaya ayon, broken-hearted." Kahit si Katherine ay natawa rin sa sinabi ng kaibigan. Napakaimpossible naman ang sinasabi nito sa kanya.
"Paano mo naman nalaman na may girlfriend siya?" Bahagyang nawala ang malapad na ngiti ni Denzel sa kanyang narinig. Wala naman siya dapat ikaselos pero hindi niya mapigilan talaga ang nararamdaman.
"Naikwento niya sa'kin noong time na umiinom siya," wika ni Katherine sa kaibigan.
Natigilan ang binata sa kanyang pagkain at tinutok ang paningin sa dalaga, "Nagkausap kayo? So, ibig sabihin you're already close to each other?"
"Hindi naman. Naikwento niya lang sa'kin kasi wala siyang mapagsabihan. I just let him express his emotion freely habang dinadamayan ko siya." Bagama't matigas ang ulo ni Katherine, isa pa rin siyang mabuting kaibigan at maasahan ng tulong. Siya ang taong madali mo talaga malapitan.
"Kayo lang dalawa?" Paniniguradong tanong ni Denzel at mabilis na tumango sa kanya ang kaibigan.
"Yes!" Buong pag-amin naman ng dalaga dahil wala naman masama sa kanyang mga sinasabi. "Why, ano pumapasok sa isip mo ah?"
"Nothing but I want to know if it is true na kayong dalawa lang sa isang silid?" Paglilinaw ng binata. Hindi niya alam kung ano dapat niyang maramdaman sa kanyang nalaman. Ayaw niyang bigyan ito nang malisya pero ang isipan niya ito ang sinasabi.
"Oo. Kami lang dalawa at siya lang naman umiinom but there's nothing happen like you think, Denz." Napansin kasi ni Katherine na akala ni Denzel na may nangyaring milagro sa pagitan nila ni Gabriel ng gabing 'yon. Hindi siya ganoong klaseng kababaw na babae at hindi rin ganoon ang bodyguard niya dahil sobrang mahal nito ang girlfriend.
"Sorry, if I was thinking bad." Kaagad na binawi ng binata ang statement at humingi ng apology.
"Dumi kasi ng isip." Bulong ni Katherine pero narinig iyon ni Denzel kaya natawa na lamang ito na kunwari ayos lang. Ang totoo hindi siya mapalagay lalo na naging close na rin ng kaibigan ang personal bodyguard nito kahit di aminin.
"Sorry na nga di ba? Mabuti pa ikain mo pa nito." Kumuha pa ng pagkain sa refrigerator ang binata at nilagyan pa ang platito ni Katherine.
"Hoy, busog na'ko! Ba't mo pa dinagdagan, tzk." Reklamo ni Katherine sa kanya.
Mga ilang minuto pa ay patuloy pa rin ang kwentuhan nila hanggang sa sumapit na ang ala-singko ng hapon. Hinatid ng dalaga ang kaibigan sa labas ng mansion hanggang sa nakauwi na si Denzel.
PAGKALIPAS NG DALAWANG BUWAN. Hindi pa rin tinigilan si Katherine ng unknown sender na magpadala ng mga mensahe na tila nanakot. Pinag-block na niya ang unang numero hanggang sa pangatlo na nagti-text sa kanya. Kinakabahan na siya na hindi maiwasan. Ayaw naman niya ipaalam ang tungkol rito iba.
Mga ilang sandali ay akala niya ito ulit pero si Denzel na ang nag-text. Madalas chitchat na lamang ang ginagawa nila ngayon lalo na sa ibang bansa ang binata dahil kasama siya sa isang concert tour ni Miss Madrigal na kilalang OPM singer sa Pilipinas. Nakaraang buwan nagtungo mga ito sa South Korea, Italy at ngayon, nasa Germany naman sila.
Magri-reply pa sana si Katherine sa kaibigan nang biglang bumukas ang bahagi ng bookshelf at bumungad sa kanya si Gabriel.
"What are you doing here?" Gulat niyang tanong.
Di mapakali ang mga mata ng binata hanggang sa napatingin siya sa nakalapag na desktop doon.
"Pwede bang humingi ng favor?" Nahihiya pang tanong ni Gabriel kay Katherine. "Alam kong kailangan ko na mag-move kay Hannah matapos puntahan ko siya sa bahay nila noong pinayagan ako magbakasyon ni Sir Rodelio, at wala na siyang balak pang balikan ako. Ang mahirap lang tanggapin na kaagad niya ako ipinagpalit sa ibang lalaki."
Sa halip na ituloy ng dalaga makipag-usap kay Denzel sa text, mas pinili na muna niyang pakinggan ang binata na nasa harapan niya.
"Pwede ba? Di ba nagsusulat ka rin ng mga romantic stories?" Muling tanong ni Gabriel sa kanya.
Hindi alam ni Katherine ang nais ipunto ng binata sa kanya. Ano naman kaya kinalaman ng pagsulat niya ng love story sa favor na hinihingi ni Gabriel sa kanya.
"Pwede mo ba akong tulungan? Alam kong masakit itong gagawin pero sa tingin ko mas makakalimutan ko siya kapag ginawa ko 'to."
Biglang kumunot ang noo ni Katherine sa naging pahayag ni Gabriel at tila alam na niya ang gusto nitong sabihin. Madalas iyon ang ginagawa ng mga male lead sa protogonist female lead sa mga romantic stories na binabasa niya noon. Pagpapanggapin siyang maging jowa nito para pagselosin ang girlfriend nito.
"No way!" Sigaw ng dalaga sa kanyang isip. "Di ako papayag sa gusto niya. Hindi ako martyr."
"Naririnig mo ba sinasabi mo, Gab?" Natatawa subalit may sarkastiko ang tono ng pahayag ng dalaga.
"Naririnig ko at alam ko ang aking sinasabi. Matagal ko din itong pinag-isipan dahil nahihiya ako." wika ni Gabriel.
"Pasensya ka na, hindi kita matutulungan diyan." Tumayo si Katherine at kaagad sana siyang lalabas ng silid para iwasan ang binata dahil nakukulitan na siya na pilit gawin ang gusto niya ngunit kaagad siyang pinigilan nito.
"Please? Tulungan mo ako. Ayaw ko ng pahirapan ang sarili na patuloy pa ring nasasaktan dahil di ko matanggap na wala na kami ni Hannah." Muling pakiusap ni Gabriel.
Napapikit ng mata ang dalaga sa inis na nararamdaman. "Hindi ko kayang gawin ang hinihingi mo, Gab! Mahal ko ang sarili ko kaya di ko rin hahayaan na lumagay ako sa alanganin. Pasensya ka na, di kita matutulungan diyan. Ibang babae na lang, ok?"
Pansin sa mukha ni Gabriel ang pagtataka sa naging huling sagot ni Katherine sa kanya. Hindi rin niya ito naiitindihan. "Paanong ibang babae?" wika niya sa isip. "Anong sinasabi mo diyan na ibang babae?"
"Di ba nakikiusap ka sa'kin na magpanggap ako bilang girlfriend mo para paselosin si Hannah?"
Nagulantang naman si Gabriel sa sinabi ni Katherine sa kanya.
"No, saka bakit ko naman 'yan gagawin? Bakit kailangan ko pa gumamit ng ibang tao para manakit ng damdamin?" seryosong pahayag ni Gabriel. "Ako na nga ang sinaktan, ako pa mananakit?"
"Huwag ka na mag-deny diyan. Iyon naman talaga ang plano mo sana di ba?" sambit ng dalaga rito.
"Anong sinasabi mo? Di ako nagdi-deny at wala talaga akong balak na manggamit ng iba para manakit!" May kataasan na rin ang boses ni Gabriel dahilan para marinig ito ni Arianne.
"Kath, are you ok?"
"Yes, Rian. I'm ok. Nag-uusap lang kami." mabilis na wika ni Katherine. "So, ano 'tong sinasabi mo na kailangan mo 'yong tulong ko?"
Tumalikod saglit ang binata at naupo sa sofa. "Sa totoo niyan, gusto ko sana tulungan mo ako gumawa ng nobela patungkol sa love story namin ni Hannah? Sumusulat ka rin naman ng mga gano'on di ba?"
"Oo pero slight romance dahil mas nagko-concentrate ako sa mystery eh." saad ni Katherine. "Siguro, mas maganda kung gagawin natin siyang fictional. Papalitan 'yong mga pangalan at settings ng kwento maliban sa plot na pagagandahin lang natin at 'yong personality per character sa'yo na mismo galing. Ayos ba sa'yo 'yon?
Napaisip muna ng ilang segundo si Gabriel bago sumagot, "OK na sa'kin 'yon."
"Matanong ko lang bakit naisip mong gawan ng nobela ang kwento ng buhay mo?" Curious na tanong ni Katherine.
"Memories or souvenirs? Di ko alam. Basta naisipan ko lang siyang gawin." Hindi malaman ng binata kung ano naghudyok sa kanya para gumawa ng isang nobela kahit inaalala pa niya ang nakaraan nila ni Hannah.
"Sige. Well, ngayon na ba tayo magsisimula?"
"Wala ka bang ibang gagawin ngayon?" Tanong din ni Gabriel kay Katherine.
"Wala since kapapasa ko pa lang ng novel sa isang publishing house and waiting for their confirmation about my manuscript." Napatango-tango ang binata bilang kanyang reaksyon.
"Sige, magsimula na tayo." May kasabikan sa boses ni Gabriel sa kanyang naging huling sagot.
Nagsimula na nga sila sa pagsulat ng nobela. Napagdesisyunan na si Gabriel mismo na ang magtitipa sa keyboard ng computer habang si Katherine ang taga-masid at dikta ng kanilang gagawin. Pinaliwanag naman ng dalaga ang istruktura ng isang nobela at madali iyon nakuha ng binata.
Mahigit dalawang buwan na rin nila sinusulat ang mga nobela. May pagkakataon na nauudlot 'yong pagsulat nila dahil bigla nanamang inatake ang dalaga ng anxiety. Nang maging maayos ulit ang kalagayan nito ay todo bigay muli ang binata na sa pagsusulat at para tiyak niyang makabuo siya ng isang literary piece sa tulong ni Katherine. Atleast, para sa kanya nagkaroon sila ng libangan doon at mas nakilala pa niya ng husto ang dalaga.
Ngayon, tahimik na pinagmamasdan ni Katherine si Gabriel habang nagtitipa ito sa keyboard. Sobrang seryoso ang mukha nito sa ginagawa at nakita niyang tama rin ang mga sinusulat nito gaya ng mga itinuro nito sa binata.
"Oh, heto snack muna kayo!" singit sa kanila ni Arianne nang mahuli nitong nakatitig kanyang pinsan kay Gabriel.
"Thanks, Rian!" kaagad na kumuha ang dalaga ng isang buong tinapay at kinain ng paunti-unti 'yon.
"Naks, Sir Gabriel magiging kilalang author ka na rin ba tulad ni Kath?" tanong ni Arianne sa binata na kumakain na rin ng merrienda.
"Hindi naman siguro." Gusto lang ni Gabriel na magkaroon siya ng kakaibang souvenir sa naging relasyon nila Hannah at maibahagi sa buong Pilipinas ang kanyang love story. Para sa kanya, kahit di man ito pumatok at maging pisikal na libro, mayroon pa rin siya mabuong alaala hanggang sa kanyang pagtanda.
"Eh, malay rin mo naman di ba?" aniya ni Arianne.
Katatapos lang ni Katherine kumain at ngayon, hawak niya ang phone. Muling bumungad sa kanya ang isang text mula sa unknown number. Bago nanaman ito.
From: 0919*******
Malapit na mga pasabog ko para sayo, Miss Yuzon. Maghanda na nga at siguradong mababaliw ka na kaagad sa simula pa lang lalo na lahat ng na sa'yo kukunin ko sa'yo.
Dahil dyan, kaagad siyang tumayo at napansin 'yon nina Arianne at Gabriel. Mabilis itong nagtungo papalabas na sana ng kanyang silid.
Kaagad siyang tinanong ng binata, "Teka lang!"
"Bakit, Kath?" tanong sa kanya ni Arianne. "Saan ka pupunta at nagmamadali ka?"
"Bibili lang ako ng bagong sim card aa labas." Sa tingin ni Katherine 'yon ang tama niyang gawin upang iwasan na ang di kilalang texter na 'yon. Ayaw niya itong patulan at ipakitang natatakot siya dahil mas lalo lamang siya pagtatawanan ng mga 'yon.
"Agad-agad, bakit?" muling tanong ng kanyang pinsan.
"Nasira na kasi 'yong isang sim ko at di ko naman pwede gamitin 'yong isa for publicity." Pagsisinungaling na lang ni Katherine.
Subalit, si Gabriel kinukutoban na sa ganitong reaksyon ng mukha ng dalaga lalo pa nakita niyang seryoso ito habang nagsusulat siya ng kanyang nobela. Hindi muna kokomprontahin ng binata ito saka na lamang kapag nakumpirma niya talaga.
"Sige, samahan kita bumili sa labas." Lalabas na sana ang dalawa nang harangan ito ni Gabriel.
"Hindi kayo pwede lumabas. Delikado lalo na kung di pa nahuhuli 'yong mastermind na nangyaring pamamaril sa mall."
"Kailangan ko bumili ng sim card eh!" Reklamo ni Katherine sa kanya.
"Magpabili na lang kayo kay Patricio." Lumabas si Gabriel sa kanilang silid upang puntahan ang kasamahan sa mismong kwarto din ng mga ito.
Mabilis siyang ipinagbuksan ni Alfred ng pintuan, "Sir Gabriel?"
"Nasaan si Patricio? Kausapin ko lang siya saglit." Pagkatapos lumingon siya kay Katherine.
"Yes, Sir Gabriel. Mayroon po ba kayong kailangan ipagawa?" sagot ni Patricio sa kanya.
"Oo, pwede mo ba siyang mabilha ng sim card?" Pagtukoy ng binata sa kanyang amo.
Napatitig lang saglit ang binatang bodyguard kay Katherine at sumagot, "Ah sige, Sir tutal lalabas din naman ako."
"Kuya Pat, pwede makisabay ako ng mga junk foods. Heto 'yong pera pambayad namin ni Kath." Inabot ni Arianne ng isang libong piso ang lalaki.
"Sige po, Ma'am Arianne." ngumiti si Patricio pagkakuha ng pera. "Magbibihis lang po ako saglit." Paalam muna sa kanila bago muling pumaasok sa silid.
"Thanks, Kuya Pat!" sigaw ni Arianne. "Babalik na kami sa kwarto. Ipaabot mo na lang kay Sir Gabriel 'yong mga pinabili namin."
"Masusunod po, Ma'am Arianne," dinig nilang sagot mula kay Patricio.
Pagkatapos niyon ay kaagad nilang itinuloy ang pagsulat. Muling nakatitig si Katherine kay Gabriel habang abala ito sa kanyang sinusulat. Ini-examine niya kasi ang itsura nito na tila pamilyar na pamilyar na sa kanya.
"Nagkita na ba tayo before?" Biglang tanong niya sa kanyang isip. "If reincarnation is possible, baka nagkita na nga talaga tayo."
Hindi niya maintindihan ang sarili kung di maiwasan tumitig kay Gabriel. Na-realized niyang ngayon lang natitigan ito ng husto at ng ganoong katagal. Mga ilang sandali ay kaagad nagtanong ito sa kanya.
"Ano sa tingin mo 'yong minor plot sa chapter na 'to, ayos ba?"
Para mabasa ng dalaga ang tinatanong sa kanya nito ay mas lalong lumapit ang mukha nila sa isa't isa. Nagdulot ng slow motion sa binata. Bumalik lamang sa wisyo ng may binanggit sa kanya si Katherine.
"Dagdagan ng emosyon dito sa part na 'to na tipong nasaktan ka talaga sa break up niyo." suwestiyon ng dalaga at mabilis namang sinunod ni Gabriel ito.
"Parang di ko siya kayang gawin?" Nilingon niya ang dalaga na tulala na pinanonood siya. "Pwedeng ikaw na lang magsulat na part na'to?"
Nag-isip isip muna si Katherine bago tuluyang nagtipa sa keyboard. "Matanong ko lang ah, ano magiging ending nitong story mo- sad or happy?"
"Ako na lang bahala sa part na 'yan." sagot ni Gabriel na sinang-ayunan lamang ng dalaga.
Matapos nang isulat ni Katherine ang bahagi na nahihirapan si Gabriel ay biglang tumunog ang kanyang phone. Isang mensahe nanaman para sa kanya. Biglang lumakas ang kabog ng kanyang puso bago tignan ang nasa screen nito. Umupo siya sa kama at binasa ito.
From: Unknown Number
Hello. Malapit na pala tayo magkita ulit. I'm excited to see you, woman.
Napalunok siya ng laway at napatitig kay Gabriel kung ito ay nakatitig sa kanya pero abala ito sa sinusulat na nobela. Napapaisip pa rin siya sa sinabi ng texter na magkikita sila ulit? Ibig sabihin nagkita na sila nito at maaaring magkakilala na sila? Bagay na naging isang palaisipan kay Katherine.
Mga ilang sandali ay dumating na rin si Patricio kasama si Arianne nang makapasok sa kanilang silid.
"Ma'am Katherine, nandito na po iyong pinabibili niyong sim card." Inabot sa kanya iyon at mabilis na pinalitan ang dating sim card na nakalagay sa kanyang phone.
"Thanks, Kuya Path!" sambit niya saka na ring lumabas ito ng kanilang silid.
"Sayang mukhang bago pa 'tong sim card pero may damage na kaagad?" Hinawakan ni Arianne ang old sim ngunit kaagad niyang kinuha ni Katherine sa kanya.
Nagulat ang kanyang pinsan sa naging kilos nito, "Ok ka lang, Kath?"
"Yes, I'm alright. Pasensya ka na." sabay higpit na pagkakahawak ng dalaga sa dating sim na kung saan nagti-text sa kanya ang mga di kilalang tao. "Itatapon ko muna 'to." Lumabas ng silid si Katherine para itapon ang sim card na iyon sa di na makakapulot pa niyon.
"Teka, ano nangyayari kay Kath?" wika ni Arianne nang may pagtataka pa rin sa ganoon na kakaibang reaksyon ng kanyang pinsan.
Narinig ito ni Gabriel dahilan para natigilan siya sa pagsusulat. "Bakit, ano ang problema?"
Nagkibit-balikat na lamang ang dalaga subalit ramdam pa rin niya ang pag-alala kay Katherine.
Lumipas ang isang linggo nang wala ng natatanggap ang dalaga ng mga spam messages matapos niyang magpalit ng simcard. Ngunit, iba naman ang bumungad sa kanya.
Tumawag isa sa kanyang fan reader na si Jane, "Lady Green!"
Kaagad niyang sinagot ito, "Hey, what's up?"
"Nabasa mo ba 'yong balita sa facegram?" Biglang tanong nito sa kanya.
"Why?" tanong ulit ni Katherine kay Jane sa kabilang linya.
"Kailangan mong mabasa ito." Hindi napapakaling saad ni Jane sa kanya.
"Ano ba talaga meron?" tanong niya ulit sa kanyang kausap.
"Please lang Lady Green basahin mo muna ang isang post sa facegram!" Nagulat si Katherine sa kanyang nabasa sa isang post pero wala siyang ideya kung paano nangyari 'yon. Kaya, kaagad niyang sinilip ang mga ibang posts at inalam ang buong detalye.
Napatakip siya sa kanyang bibig at halos mangiyak-ngiyak nang makita niya ang sarili sa screen ng balita, "This is not true!"