TATlong araw na ang nakalipas ngunit hindi parin nagbabago ang desisyon ng kanilang manager. Ngayong umaga lilipat si Elvis sa condo niya dahil ito ang malapit sa Agency nila. Nagpapahinga siya sa living room nang tumawag si Elvis sa kaniya.
["Nandito na ako sa labas ng condo mo. Nasaan ka ba?"]
"Nandito sa loob."
["Nand'yan ka lang? Kanina pa ako nag-do-doorbell hindi mo ako pinagbubuksan."]
      Napabangon siya sa pagkakahiga sa sofa at napatingin sa pinto sa bandang kanan niya. Kanina pa nga niya naririnig ang doorbell, dahil sa kinagawian niyang hindi siya nagbubukas ng pinto sa mga taong basta basta nalang mag-do-doorbell maliban nalang kung tatawag sa kaniya kung sino ang bibisita.
"Ahhh......pasenya na nasa C.R. kasi ako kanina, hindi ko narinig." pagsisinungaling niya.
["Baka naman p'wede mo na akong pagbuksan. Nakakangalay kaya dito."]
      Pinatay na niya ang tawag nito at napangiti siya sa boses ng binata na halatang iritang-irita na. Binuksan niya ang pinto at mas lalo siyang natawa sa itsurang tumambad sa harapan niya. Naka-cross arm at nakasimangot.
"Pasok ka na." natatawang sabi niya.
     Pagkapasok nila sa loob ay nag ring ang kaniyang cellphone, tumatawag ang kanilang manager.
"Good morning Ate Jami."
["Good morning Gianna, nand'yan na ba si Elvis?"] tanong ng kabilang linya.
"Opo, nandito na..........naka simangot." natatawang sagot niya.
["Hindi mo siguro agad napagbuksan....hahaha. By the way nagpadeliver ako d'yan para sa first breakfast n'yo together. Tatawagan ko nalang mga P.A. n'yo about sa next schedules n'yo. Bye! Enjoy!"]
     Hindi na siya nakapag pasalamat or bye man lang dahil pinatay na nito ang tawag, halatang nagmamadali. Napatingin siya sa lalaking kanina pa pala nakaharap sa kaniya, nakataas ang isang kilay.
"Anong nangyari sa kilay mo?" pagbibiro niya dito.
"Hindi ko alam kung saan ko ilalagay ang mga gamit ko." seryosong tanong nito.
"Malinis yung kwarto dun sa bandang kaliwa. Doon mo na ilagay ang mga gamit mo." nakangiti niyang sagot dito na nakaturo  ang daliri sa kwarto kaya napalingon dun ang binata sa likod nito.
"Malapit sa C.R.?" magkasalubong na ang kilay nitong tumingin sa kaniya.
"Oo, kaysa naman magsama tayo sa isang kwarto?" paghamon niyang sagot sa binata.
      Biglang umiwas ng tingin ang binata at lumabas dito ang dimples dahil sa pagpipigil sa pagngiti. Napatitig siya dito at siya naman ang nagsalubong ang kilay.
"Anong nakakatawa?"seryoso niyang tanong.
"Tumatawa ba ako?" walang emosyong sagot nito at bigla ring umiwas ng tingin sa kaniya.
      Tumalikod ito sa kaniya at binuhat ang mga gamit nito pagkapasok sa kwarto. Naiwan siya sa sala na nagtataka sa inakto ng binata. Napatakip siya sa bibig nang ma-realize niya na may double meaning pala ang sinabi niya. Tumingin siya sa nakatalikod na binata bago siya tumalikod at pumasok sa kwarto niya. Humiga siya sa kaniyang kama at nag-iisip kung ano ang maaaring mangyari ngayong magkasama na sila sa iisang condo. Malinis naman ang kwartong tinuro niya dito hindi naman niya iyon ginagamit. Bumalik na naman sa ala-ala niya ang kissing scene nilang dalawa kaya namula na naman ang pisngi niya.
"Baliw ka na talaga Gianna." bulong niya sa kaniyang sarili at nagtakip ng unan sa mukha hanggang sa nakaramdam siya ng pagod at nakatulog.
-----
      Napabalikwas siya ng bangon dahil sa sunod-sunod na katok ng binata sa kaniyang silid.
"Ano bang kailangan mo?!" pasigaw niyang sabi dahil sa inis.
"Lalamig ang pagkain lumabas ka na d'yan." sigaw rin ng binata para marinig niya.
     Naalala niyang nagpa-deliver nga pala ang kanilang manager kaya tumayo na siya at inayos ang sarili bago lumabas.
"Teka.......naka tulog ka?" tanong agad ng binata nang makita nito ang mga mata niyang halatang galing sa tulog.
 Hindi ba halata? Inis niyang sabi sa isip pero hindi nalang niya sinabi dito. Dari-daritcho lang siyang naglakad papunta sa dining area at umupo.
"Two days na nga ang binigay sa'yo para magpahinga pero mukhang pagod ka parin." dugtong pa ng binata habang nakatingin sa kaniya at umupo narin sa harap niya.
"In-enjoy ko kasi ang two days na pahinga kaya ngayon lang sana ako babawi sa tulog hangga't wala pang binibigay na schedule. Bihira na ang two days na pahinga ngayon noh." sagot niya habang kumukuha ng pagkain sa mesa.
"Bakit, saan ka ba pumunta?" tanong ng binata na nakatingin parin sa kaniya halatang nag-aalala.
  
         Napatigil siya sa ginagawang pagkuha ng pagkain. Ang kinuha niyang pagkain na para sa kaniya ay agad niyang sinubo sa binata kaya nagulat ito.
"Kumain kana masyado kang maingay." nakangiti niyang sabi dito at kumuha ulit ng pagkain.
         Hindi na nagsalita ang binata at kumain nalang sila na tahimik.
 
******
        PAGkatapos nilang kumain siya na ang nag-presentang linisin ang pinagkainan nila. Pumasok ulit sa kwarto ang dalaga, mukhang pagod pa rin ito kahit binigyan na ng two days na pahinga. Nakatingin siya sa nakasaradong kwarto ng dalaga dahil sa pag-aalala kung saan ba ito nag-enjoy ng two days at ngayon lang magpapahinga. Nakaramdam siya ng kirot sa puso sa pag-iisip na baka may kinikita itong lalaki. Agad niyang iwinaksi ang pag-iisip.
Hindi ganun si Gia.  Sambit niya sa kaniyang isip dahil sa 15 years nilang magkakilala masasabing wala silang inililihim sa isa't isa. Nagulat pa siya sa pagtunog ng kaniyang cellphone na nasa bulsa.
"Hello." pagsagot niya sa tawag.
["Hello bro. Where are you?"] tanong ng kabilang linya.
"Nasa condo.... bakit?"
[" So, you are free today?"]
"Ahhh....oo, bakit ba?" napaisip pa siya kung wala ba siyang schedule ngayon.
["Punta ka naman dito. I need your help....please?]
"Ano na naman bang ginawa mo?"
["Sasabihin ko sa'yo pagpunta mo dito."]
"Nasaan ka ba?"
["Sa Bar. Pumunta ka na dito please........text ko sa'yo ang location ko. Bye! Thanks bro!]
        Hindi na siya nakasagot sa kaibigan dahil pinatay na nito ang tawag. Agad rin naman siyang nakatanggap ng text dito, ang location ng bar. Pinag-isipan niya muna kung pupunta ba siya o hindi.
Hindi naman siguro ako kailangan ni Gia dito, nagpapahinga s'ya. Tanong niya sa kaniyang sarili at ilang segundo lamang nang maisipan niyang tawagan ang manager para sabihin dito na may pupuntahan siya dahil baka magbigay ito ng schedule ngayon.
       Isang oras ang nakalipas bago siya nakarating sa Bar. Hindi na siya nakapag-paalam sa dalaga dahil maiinis na naman ito sa kaniya kapag nagising niya. Agad niyang nilapitan ang kaibigan nang makita ito at maraming alak ang nakapalibot.
"Kagabi ka pa ba dito? Anong nangyari sa'yo?" tanong niya sa kaibigan nang makalapit siya dito.
"Ang tagal mo naman bro. Wala na.......nakaalis na ......yung chikz....sayang" sagot ng lasing niyang kaibigan.
      Umupo siya sa tabi nito at binigyan siya ng alak. Halatang namomroblema ang kaibigan niya. Uminom muna siya dahil mukhang kailangan niya bago niya tanongin ulit ang kaibigan.
"Ano bang nangyari Ash?"
      Si Asher Velasco, kilala bilang Ash magkasing edad lang sila. Nagkakilala sila noong College sa  University, pareho sila ng course at naging magkaibigan dahil pareho sila ng hilig kaya mabilis silang nagkasundo. Isang company heritance si Ash kaya waldas lang ng waldas ito ng pera, iyon ang pagkakaiba nilang dalawa.
"Kamusta si Gianna?........ahhh mali pala.... Kamusta na kayo...... ni Gianna?" nakangising tanong nito sa kaniya pero may bahid ng lungkot.
"Siya parin ba ang iniisip mo hanggang ngayon? 'Di ba sabi ko sa'yo kalimutan mo na s'ya. Nanalo ako sa pustahan kaya sundin mo 'yun." seryoso niyang sabi dito.
       Nang ipakilala niya si Gianna sa kaibigan noon wala itong tigil sa pagtatanong tungkol sa dalaga. Maganda si Gianna at nakakabighani talaga lalo na kapag ngumingiti kaya hindi niya ito masisisi lalo na at sadyang mabait ang dalaga. Nagkapustahan sila kung sino ang mataas ang grado sa pagsusulit ay ito ang magbibigay ng kahilingan. At siya ang nanalo dito, hiniling niyang kalimutan na ang dalaga hindi dahil sa nagseselos siya, ang totoo dahil sa sinabi niya sa dalaga ang tungkol sa nararamdaman ni Ash at ayaw dito ng dalaga. Ayaw niyang masaktan ang kaibigan dahil prangka si Gia pagdating sa manliligaw.
"Hayaan mo na ako.....'bigay mo na sa'kin ang araw na 'to...ngayon lang ulit ako mag e-emote. Dito ka lang....kailangan ko ng kaibigan." nakangiti nitong sabi at binigyan ulit siya ng alak.
        Inabot sila ng hapon bago niya maisipang umuwi. Lasing na lasing silang dalawa pero kinaya pa niyang tawagan ang driver ni Ash at ang P.A. nya. Sinundo siya ng kanyang P.A. pagkatapos niyang maihatid si Ash sa kotse nito.
"Ano po bang ginagawa n'yo dun? Maliwanag pa kaya siguradong may makakakilala sa inyo. Puno rin ang schedule n'yo bukas. May problema po ba kayo?" nag aalalang tanong ng kaniyang P.A. na si Thea.
       Imbis na sumagot ay nakatingin lang siya sa bintana, malayo ang iniisip. Nararamdaman niya ang alak sa kaniyang sistema, umiikot na ang paningin niya. Ngayon lang ulit siya nakainom dahil hectic ang schedule nila. Napasapo siya sa ulo dahil sa hilo. Tumigil ang kotse na ang P.A. ang pinagmaneho niya dahil hindi na niya kayang magmaneho. Bago bumaba ay nakuha pa niyang magtanong dito. Ang tanong na nagpatigil sa paggalaw ni Thea na tinatanggal ang seat belt.
"Thea........may kakilala ka bang
.
.
.
.
Bella?"