Buong gabi ay hindi ako makatulog sa kakaisip lamang ng kwadro na iyon. Hindi ko akalain na kamukhang-kamukha ko yung babae na ipininta noong ilang siglo na ang nakalipas.
Nakakapagtataka rin na noong oras na nahimatay ako, pagkagising ko'y agad ako napunta doon, sa kwarto ng mga kwadro. Ni hindi nga ako kilala at biglang-bigla sa akin si Levi.
Gayun paman ay parang naiintindihan ko na, napailing-iling ako sa iniisip at tinakpan ang aking mukha ng kumot, kailangan ko nang matulog. Ayaw kong isipin na isa lamang akong babae na nagmumula sa isang kwadro na iyon! Imposible.
Nakita ko ang orasan na nakadikit sa pader sa di lamang kalayuan at mag aalas-tres na pala ng umaga, agad kong ipinikit nang mariin ang aking mga mata at pinilit ang sariling matulog.
Nakaramdam ako na parang may nagyuyugyog sa akin kaya parang nairita ako at tumagilid sa kabilang direksiyon.
"Iha, kailangan mo nang bumangon" sabi nito at dinig kong may bumukas din ng pintuan kahit ako'y nakapikit.
"Ayaw ko, gusto ko pang matulog!" sabi ko sa matandang babae na ito at niyakap ang unan nang mahigpit. Ang bigat sa ulo, inaantok pa ako.
"Iho, ayaw niya pa daw bumangon mukhang nagpuyat seguro ito, kanina ko pa ginigising ayaw talaga e, nasipa pa nga ako kanina" saad ng matanda at dinig ko naman ang mga yapak na papalapit sa direksiyon namin.
"S-sinipa ka po? Pasensiya na po talaga, ako na po yung bahala manang, pwede na po kayong bumalik sa inaasikaso ninyo" dinig kong saad naman ni Levi sa kanya at tumawa yung manang. "O siya sige, sadyang mainitin pala ng ulo ng iyong alaga"
"P-po?" tumawa ang matanda. "Wala, kayo pala ang aking mga alaga, sige na lalabas na nga ako hay, mga bata talaga" sabi pa nito at lumabas natatawa-tawa.
Bigla namang may kumuha ng unan sa akin kung kaya't napasigaw ako sa inis. Kinuha ko ang isa pang unan nang mahawakan niya rin ito. Masama kaming nagkatitigan.
"Alam mo ba kung anong oras na? Ha?" binalewala ko lamang siya sabay hila ng unan na mahigpit niyang hinahawakan, tsk! Ang lakas niya hindi ko agad makuha yung unan!
"Yung unan, ibigay mo na!" reklamo ko pero may sinasabi pa siya.
"Mag aalas-dose na tigre, kailangan mo nang bumangon may sasabihin ako sayo, importante to! At isa pa sumunod ka sa akin, ako ang masusunod dito, nakakalimutan mo seguro na pamamahay ko to ano? Magsorry ka rin kay manang nasipa mo kanina, ikaw ha napakalikot mong babae ka" sabi niya pa sa akin kaya parang mas lalong naiinis ako.
Malakas kong hinila yung unan sapagkat nahila rin siya kasabay ng pagkahila ko nito!
Nasa ibabaw ko na siya ngayon at sobrang lapit ng aming mga mukha, na tila hininga niya ay naaamoy ko rin!
Anak--ng--ba-ka! Nabigla rin siya kung kaya parang wala sa amin ang gumalaw, nanatili kaming ganoon hanggang sa—biglang bumukas ang pintuan.
"Velvita! I'm homeweiiyow manang nakita mo ba ang cellphone ko?" saad ni Ericka at sa walang pag-aalinlangang umiwas ng tingin sa amin tiyaka lumabas ng kwarto.
Agad namang napatayo si Levi at napamasahe sa kanyang noo, inayos pa muli ang kanyang buhok na nakahawi.
Ngayon ko lamang din napagtanto na naka-ayos na rin siya, at suot-suot ang kanyang maayos na uniporme. Ang kanyang buhok ay hindi na ganoon ka kalat kagaya noon, mas maayos na ito tingnan, may mga buhok lamang na tumatama sa kanyang mga mata at matangos na ilong, na tila minsa'y tumatakip ng kanyang mga mata.
Ang presentable niyang tingnan. Hindi ko man alam kung anong klaseng estilo ang tawag diyan pero, ang totoo ay ang gwapo niyang tingnan. Parang pasa sa aking dapat na hangaan. Napangiti ako.
A-ano?!! Anong Pinag-iisip ko?!
Napailing-iling ako kasi teka nga! Kung gayun ay pumasok na sila kaninang umaga?
"Hihintayin ka namin sa baba, tanghalian na, magbihis ka nito plantsada na'yan, at huwag ka nang magtanong, mag-aaral ka na simula ngayon, bilisan mo, dahil isa sa ayaw ko ay ang ma late" sambit niya't umalis ng kwarto.
Agad akong pumunta sa banyo dito sa loob ng kwarto at naligo, mas maliit ang kwarto dito kumpara sa baba, pero ayos naman dahil gawa sa bato at may mga disenyo. Sinuot ko na ang uniporme, at huh? Bakit ang ikli naman pala nito? Itim yung uniporme at mahaba hanggang manggas, may mga puting pumapalibot sa bawat manggas at kwelyo, tapos yung palda na naman na maikling tinutukoy ko ay kita talaga ang aking tuhod at binti!
Nagsuot rin ako ng sapatos na kakaiba at maganda, bakit ganoon bakit ang gaganda? Ang problema lang talaga dito ay ang palda!
Nahihirapan akong itali yung laso na kulay pula kaya dinala ko na lamang ito papunta sa baba.
Kita ko na parang hinihintay na lamang pala ako nila. Laglag panga ang dalawang kambal at nanlalaking mga matang Ericka naman ang aking agad nakita.
"Holy crap, ang ganda niyo po!" saad ni Chase o ni Hase? Masyado silang magkamukha. Nabigla ako nang tumayo silang dalawa at pumunta sa akin, inilahad ang kanilang mga kamay.
"Eres tan hermosa mi dama (You're so beautiful my lady)" sabay nilang saad at yuko tss, napangiti naman ako at nagulat sa maruno silang magsalita ng Español pero napawi dahil biglang nagsalita ang nakakainis.
"Hindi niya naman alam yon tss!" napairap lamang ako at nagsalita rin sa dalawang to, binalewala ang kanyang mga sinabi.
"Me alegra escuchar eso de ustedes dos, realmente sé que parezco una diosa, así que les agradezco con todo mi amor" (Natutuwa akong marinig iyon mula sa inyong dalawa, alam ko naman talaga na ako'y parang dyosa, kaya pinasasalamatan ko kayo ng buong pagmamahal)
Natigilan silang lahat at napakurap pa ng ilang beses.
Parang masuka na naman ako sa aking mga pinagsasabi pero bahala na nga! Hindi naman talaga ako nagpapasalamat kahit kanino kaya di ko alam kung tama ba 'yon? Iyan lang din naman kadalasan ang mga sinasabi ng aking mga kapatid sa tuwing sila'y pinupuri.
Napatikhim silang dalawa bago bumalik na doon. "Ano daw?" dinig kong bulong ng isa tss. Di pala alam, nagsalita pa ng Spanish.
"Ay Velvita sanaol! Pero actually ang bagay ng uniform sayo! Diba kuya Vi?" saad ni Ericka at siniko pa si Levi na kumukuha na ng pagkain. Napatingin naman siya sakin bago ibinalik ang kanyang mga mata sa pagkuha ng pagkain. Napataas naman ang isa kong kilay dahil mukhang wala naman siyang pakialam.
"Hm, wala namang nagbago sa kanya" saad niya, kaya napangiwi ako at umupo nalamang sa tabi ni Ericka, nasa unahan ko naman ang nakakiinis na lalaking to. Hayst, naiirita ako, sa ganda kong ito? Tsk!
Kumain lang naman kami, pero pagkatingin ko naman sa kanya saktong kita ko talaga ang irap niya at nguso sa akin! Ano ba ang problema niya sa akin? Dahil ba sa itsura ko ngayon o sa pagsasalita ng español? Dahil ba hindi ako gumising ng maaga o ang pagkahila ko at nasabay siya?
"May problema ka ba sa akin?! Sabihin mo na, dahil hindi kita mauunawaan" sarkastiko nang pagsambit ko nang mapatawa rin siya ng sarkastiko. Problema niya ba?
"None, of, your, business" mariing sabi niya lang sabay nguso na naman at nagpatuloy sa pagkain. Napahinga nalamang ako ng malalim, dahil sadyang hindi ko talaga mabasa agad ang utak ng lalaking ito!
Pagkatapos naming kumain, agad siya may ibinigay na malaking bagay sa akin. "Bag mo yan, kompleto na" nakasimangot paring saad niya, tsk! Tiningnan ko ito at napansin yung pulseras na nasa loob ng bulsa nito sa gilid. Kinuha ko at may pangalang 'Velvet' ito na may disenyong mga bulaklak.
"Para sa akin ba to? Bakit Velvet? E, ang pangalan ko naman ay Velvita?" nagtakatang pagtatanong ko sa kanya.
"Napansin mo pa yan? Wala lang, hindi ko naman alam kung anong gagawin ko diyan kaya sa'yo nayan" hindi tumitingin sa aking sambit niya kaya napairap na lamang ako ng may sasakyan na huminto sa harapan namin, kulay itim at malaki ito.
Sumakay naman kami dito pero wala kaming limang imik hanggang sa bumulong lamang si Ericka sa akin.
"Ayos lang ba kayo? Bakit ang tahimik niyong dalawa?" pabulong na tanong niya.
"Ewan ko ba sa lalaking iyon, ni hindi ko nga siya maiiintidihan, at teka, bakit ba? Ang tahimik mo rin naman a?" napangiwi siya sa aking tanong. "At kanino pala ang sasakyang ito--" bigla niyang tinakpan ang aking bibig sa di inaasahan.
"Shh, huwag mong lakasan yung boses mo" bulong niya't umusog pa papalapit sa akin.
"Pagmamay-ari kasi ito ng bagong asawa ni tita Ann, bale yung driver natin ay yun, si manong Tim, araw-araw papuntang University" napatango ako kasi alam kong ayaw ni Levi marinig yung mama niya lalo na sa bagong ama niya. Seguradong nagtatampo pa ito dahil nag-asawa muli yung kanyang ina, o di kaya may mas malalim pa siyang dahilan.
Pagkarating namin, ngayon ko lamang napansin na ang laki-laki pala dito! Dumaan kami sa kabila, hindi yung sa dinaanan namin kahapon, mukhang sa likuran ang dinaanan namin kahapon.
Pagkalabas namin ay agad na humarap sa akin si Ericka. "Welcome to The University of Crystalline!" abot tengang ngiti na saad niya't hinawakan ang mga kamay ko papunta doon ng sa di inaasahan, biglang may humila sa kwelyo ko sa likuran at inilapit ako sa kanya, tumama pa nga yung likuran ko sa kanyang dibdib. Ang tigas naman! Banal na baka!
"Hep! Sinong nagsabi na tatakbo kayo ha? Sumabay kayo sa akin!" sermon ni Levi at inayos ko naman muli yung suot kong uniporme. Parang masakal ako doon ah?
"Tsk! Makahila parang aso ako" bulong ko ng mapalingon siya sa akin. "May sinasabi ka?" tanong niya tss.
"Wala!" saad ko lang at nagpatuloy lamang kami sa paglalakad nang makasalubong namin yung matandang babae na nakausap ko kahapon.
"Welcome Velvita, wow! I cannot believe how you manage to answer all of those questions, how amazing! Did Davila told you that all of the examinations you've taken were all perfect?" parang nasisiyahan talagang saad niya. Sasagot na rin sana ako nang mapahinto sa biglaang pagsulpot ng Leon!
"Ma'am Parcon! Hi ma'am good morning! Pagpasensiyahan niyo na po, pero hindi po siya marunong mag ingles--"
"Are you kidding Davila?" napatawa si ma'am Parcon. "She manage to answer nga ng mga essay's in a very good and highfalutin words, how intelligent my dear, bilib na ako sayo" kinindatan niya ako sa muli at tinapik pa sa balikat.
"Ma'am nagkakamali po talaga kayo, paano niya po ba nasagutan ang lahat ng 'yun? Impossible! Ni hindi nga niya alam ang salitang T-shirt e! Ma'am look, nasa loob siya ng library diba? Sa tingin mo ba hindi siya nagcheat—" pinutol ko siya agad.
"Ma'am I'm so astonished about your compliments about me, I highly appreciated it, thank you so much! I'm also overwhelmed that I can really able to learn and gain more knowledge by studying here in this lovely school called, The University of Crystalline! I'm so happy and wow, I thank my friend Davila for giving me a great opportunity to school here, even though he's already been sacrificing alot" pinahid ko yung konting luha na lumabas 'daw' sa aking mga mata.
At pagkatingin ko kay Levi, bakas ang itsura niya ang lubos na pagtataka at hindi makapaniwala, linapitan ko siya "Sabi na maruno akong mag-ingles e" saad ko at napaatras siya sa akin.
"Gosh ma'am hehe, nagkamali pala ako, sige na ma'am p-papasok na kami sa aming mga classroom" sabi ni Levi at tinulak agad kami ni Ericka. Yung kakambal naman ay wala na sa aking mga paningin mukhang nakapunta na sa kanilang mga silid.
"Itong silid natin" saad ni Ericka, napatango naman ako at papasok na sana ng hinila ako ni pabalik, Levi! Nakita ko ang mga silip ng ibang mga estudyante sa amin, at napansin kong, mukhang yung sinisilipan nila ay si Levi tss.
"Hoy Velvita pinaglalaruan mo ba ako?" biglang saad niya sa akin nakahawak ang isang kamay sa kanyang bewang. "Ano yun? Ha? Bakit bigla-bigla? Ikaw ha naguguluhan na ako sayo! Pinaaral nga kita kasi buong akala ko ay lumiliit na yang utak mo pero bakit ganoon ha? Bakit?!" niyugyog niya ako pero imbis na magalit, ay napatawa ako. Kaya seguro kanina pa itong nakasimangot at parang inaaway ako dahil dito tss.
"Naalala mo ba ang mga sinabi ko sayo noon? Nagkakamali ka sa inaakala mo sa akin Levi, alam kong nasabi ko na nga ito pero upang malinawan mo sa muli" inilapit ko ang labi ko sa kanyang tenga.
"Hindi-Ko-Na-Kailangang-Mag-aral" mariing sabi ko at kumindat pa sa kanya sabay pasok sa silid. Natawa na lamang ako dahil parang naestatwa siya doon sa labas.
Pagkalingon ko, akala ko'y nakaalis na siya yun pala ay lumapit pa siya sa akin! Sesermonan niya ba ako sa harap ng mga tao dito?!
Nabigla naman ako nang kinuha niya yung pulang laso na hinahawakan ko mula pa kanina, at bahagya akong pinatalikod.
Ikwinintas niya ito sa akin at tinali sa likuran, magpapasalamat na sana ako ng higpitan niya pala ito! N-napaka! Parang masakal tuloy ako. Pero mabuti at naluwagan ko na naman agad-agad hayst!
"Nakakainis ka!" sigaw ko pero dinig kong tawa ng iba tsk!
"Nice one papi!" sabi ng ibang mga babae at dinilaan ako, inirapan ko naman sila kaya sila'y nabigla tsk!
"Siya na ba yung bagong kaklase natin? Ba't kasama niya si Levi? Magpinsan?" dinig kong mga tanong ng iba pero pinabayaan ko na lamang at umupo sa bakanteng upuan katabi ng isang lalaki, nasa likuran ko kasi si Ericka at gusto ko ang mas malapit kesa sa kanya. Di ko naman alam, pero biglang mas dumami ang bulung-bulungan.
Napatingin ako sa lalaking aking katabi, at tss kaya pala parang nabigla ang lahat, gwapo kasi siya pero hindi pa pasa sa aking dapat na hangaan.
Ngumiti siya sa akin. "Hi, I'm Felix" sabi pa niya at inilahad sa akin ang kanyang kanang kamay, ano to bakit ba sila gumaganito? Tiningnan ko lang iyon, at bahagya lamang yumuko sabay lingon kay Ericka sa likuran.
"Ohhhh alam niya! A good prend of Ericka" sambit ng lahat di ko alam, pero napataas naman ang isa kong kilay dahil isa sa ayaw ko ay ang binabantayan ang aking mga kilos. Napatikhim sila bago may tinawag.
"Wew, Melody may bago nang mas masungit sayo o gusto mo ba yun?" saad ng isang babae at napalingon yung isang pang babae sa akin, inismiran niya ako bago may ibinulong sa babaeng tumawag sa kanya tss, natatawa-tawa sila sa huli at ramdam ko na mukhang ako yung pinag-uusapan nila! Tila ikinakulo agad ng aking mga dugo.
"Velvet" biglang sabi ng Felix na'to, nilingon ko naman siya at pinakalma ang aking sarili dahil baka siya pa yung masabunot ko o masapak dito.
"Ano?" tanong ko at tiniro niya yung pulseras na suot-suot ko.
"Nice name" saad niya lang na ikinakurap ko, di ko na lang din siya kinausap pagkatapos dahil parang nananabik ang aking mga kamay sumuntok ng ano mang oras!
Ilang sandali ay may babaeng guro nang dumating at binati ako, tinawag niya ako upang magpakilala kaya nagpakilala agad ako.
Yung mga tingin ng iba ay parang nanunukso pa pero hindi ako yung tipong babae na mauutal sa harapan kapag nagpapakilala! Binalewala ko na lamang ang mga mukhang pwet.
"Thank you, Velvita you may now sit down" umupo ako at napatawa ang lalaking katabi kong ito.
"Akala ko Velvet na yung pangalan mo hindi pala" saad niya pa at napailing-iling. "But for me, I guess I should call you Velvet, is that okey with you?" napaisip naman ako.
"Hm sige, tila wala naman segurong masama isang ginoo" sabi ko at napatawa siya muli ng mahina.
"O siya sige binibini, sadyang malalim ang iyong pananalita" nakangiting sabi niya pa ng mapahinto kaming dalawa sa pag-uusap ng suwayin kami bigla ng guro.
"Velvita and Felix are you listening? I said what is star? It's a very simple question"
"Oh yeah, always be ready for sudden questions every subjects of Miss Rem." bulong niya sa'kin. Agad na tumayo si Felix at sumagot.
"For me, star is a natural luminous body visible in the sky especially at night miss Rem" sagot niya at napangiti, napatango naman ang guro.
"That's good Felix, it's a very nice answer, but I want something a little bit specific here, can someone please stand up ang tell me what the star is? I'll give 20 points again" sabi ng guro nang biglang nagsalita ang isang babae kanina.
"Eh for me miss yung star is the most--uh the most--"
"Wala sa libro ang answer Muki, I'm always doing reviews before our actual subjects right?" napangiwi siya at umupo muli tss.
"Ah miss Rem ako!" saad ng isang lalaki na may kulay naman ang buhok. "Okey Jabe?"
"Miss, star is the one that shines every evening like yeah of course and absolutely, and when you say star miss, it's like you know, you're shining more than that person hihi like me miss! I shine bright like a diamond I mean a star!" napatawa ang karamihan ng mapailing-iling naman yung guro.
"Jabe, this is science, we're not talking about how you derive it to a person, I asked what is star not what do you think is a star, you're grade 12 yet you're so uh whatever" napailing ang guro at tinuro si Melody na nakataas ang isang kamay.
"Yes Melody" saad niya. Pumunta naman siya sa unahan at taas noong tiningnan kaming lahat. mukhang alam na alam talaga ang sagot a?
"Andito ako ngayon upang mapasaakin na yung puntos" saad niya pa at nagkrus ng braso.
"Wew" sabi ng mga lalaki.
"What is star?" ulit niya at napatawa nang mahina. Yung parang hindi pa makapaniwalang tinatanong pa yan ng guro sa edad naming to. "A star is an astronomical object consisting of a luminous spheroid of plasma held together by its own gravity, a simple but specific answer of mine" nakangiting sabi ni Melody at tinaasan pa ako ng kilay mukhang bilib na bilib sa kanyang pinagsasabi e kulang naman ang sagot!
"Wow, very good Melody, that's it! everybody clap for her" napairap ako at napatayo bago paman ibigay sa kanya ang puntos.
"I would like to debate my answer for the points" taas noong saad ko din, kaya napanganga siya nang bigla akong pumunta sa gitna at tuminging deretso sa kanya. Magkaharap kami ngayon at parang matawa naman siya sa aking ginawa.
"Hala! Masaya to, haha!" sabi pa nila. "Fight! Fight! Fight! Fight!" sigawan pa nila, mga sira.
"Students! Shush!" tumahimik naman sila kaagad. "Okey then Velvita, I want to hear your answers" sabi ng guro kaya medyo humakbang ako papalapit doon.
"Melody, you said star is an astronomical object consisting of a luminous spheroid of plasma held together by its own gravity?" napatawa ako. "Not that yet specified" nanlaki ang mga mata niya at napaawang ng konti ang kanyang bibig, naghudyawan nanaman ang mga kaklase namin. Tinaas ko yung kamay ko sa ere sumisimbulong tumahimik na sila.
"Yes I know that star is a massive, luminus sphere of plasma held together by it's own gravity bruhh, but stars also produce their own light and energy by the process called nuclear fusion. Fusion happens when lighter elements are forced to become heavier elements. When this happens, a tremendous amount of energy is created causing the star to heat up and shine! Miss Rem do you agree?" sabi ko at pansin kong natahimik silang lahat.
"Well, that's a very specific answer—"
"Stars also has variety of sizes and colors, period" pagtatapos ko pa at napalunok ang aming guro. Tss, napakarami ko pa sanang sabihin tungkol sa bituin pero tama na, alam kong ako na HAHA.
Napakurap si Miss Rem at napailing-iling parang hindi makapaniwala.
"Congratulations my dear, I will give you those points, everybody clap for her" naghudyawan na naman agad yung mga kaklase ko habang, parang maiiyak na naman at puno ng galit ang makikita ko kay Melody, tss. Sa ganoon lang maiiyak na? Tss mahina.
Nakangiti-ngiti pa ako nang pagkalingon ko sa gilid... Tila naestatwa ako nang makita si Mang Pedrito na nakangiting nakatingin sa akin sa labas ng silid.