"So talagang hindi ka kasama sa groupo ng Red Thorns?"
"Hindi nga!" hayst, ano ba ang lalaking ito, hindi talaga naniniwala sa akin! Ni hindi ko nga kilala ang mga iyon! Napainom siya ng maraming tubig, at bahagyang nasindak naman ako ng malakas niyang inilagay ang baso sa mesa.
Aba! Gawain ko yan ah!
"Sige, papatirahin na muna kita dito pero ang tandaan mo, na huwag na huwag ka lang gagawa ng bagay na ikagagalit ko dahil sa oras na mapuno na ako sayo, papalayasin talaga kita agad-agad naiintindihan mo? At isa pa, huwag na huwag ka ding pumasok sa kwarto ko, hayst!" padabog siyang umakyat papunta sa kwarto niya at ginulo pa ang kanyang buhok, umiiling-iling!
Iritang-irita?! Tss!
Ibang klaseng lalaki siya ha! At bakit naman ako papasok sa kwarto niya?At bakit? Sinabi ko bang gusto kong tumira dito? Eh hindi naman siya naniniwala na sa Aguivas talaga ako nakatira eh! Baliw daw ako!
Napairap ako at kumain na lamang nang inihanda niyang pagkain sa akin tss, namangha na sana ako sa kanya dahil ang galing niya palang magluto kaso, ang sama ng tingin niya sa akin kanina! Parang akala niya'y nagsisinungaling lamang ako upang manakaw ko sa muli yung kwadro na iyon.
Ano ba kasi ang nasa kwadro na iyon? Masyadong importante sa kanya.
Ilang sandali ay bumaba na siya at may ibinigay sa akin. "Ano to?" tanong ko, at tiningnan ang kakaibang suot na kulay itim, malaki ito.
"Suotin mo muna iyan, wala akong damit na pangbabae eh, naku! At yung jacket ko please pakibalik na lang din, paborito ko kasi yan" napatingin ako sa suot-suot kong tsaketa na ipinasuot niya pala sa akin kanina, ja-jacket tawag nila nito? Binigay ko naman agad iyon sa kanya.
Eh ano naman pala ang tawag nila sa damit na ito?
"Anong—"
"T-shirt tawag diyan" sambit niya pa at tangkang aalis ng mapalingon siya sa akin muli. Mukhang alam na alam niya na kung kailan akong magtatanong ah?
"May sasabihin ka pa ba?" tanong ko nang mapalunok siya.
"A-ah um, parang dress naman yang t-shirt ko kung suotin mo eh, oversized sayo, at uh---pasensya wala kasi akong maliliit na shorts na kakasiya masyadong maluwag 'yun sayo, at ang, gosh yung underwear!" napapikit siya at tumagilid sa'kin.
Nakahawak ang isa niyang kamay sa kanyang bewang at yung isa naman sa kanyang noo, may ibinulong naman sa kanyang sarili. Tsk!
Napaisip naman ako ng maigi sa naalala, sa salitang ingles... Underwear yung tawag sa damit panloob diba?
Nanlaki ang mga mata ko at biglang uminit ang buong pagmumukha!
"P-paano pala yun? Wala akong mga dala dito" napakurap naman siya't nagkatitigan kaming dalawa. Hayst! napakamalas! Napatalikod ako sa hiya! Ikalawa na tong nangyari ha! Hindi pa kasi talaga ako nakaramdam ng hiya kahit kanino hayst!
Napasigaw akong walang boses at humarap sa kanya muli na parang hindi namang malaking bagay iyon.
"B-bibilhan na lang kita ng mga y-yun, at hihiraman ng mga damit kay Ericka" napahinto siya at mukhang namumula rin ang kanyang tenga pati kanyang mga pisngi.
Huh? At sino namang Ericka na iyon? Napaiwas siya ng tingin sabay turo sa di kalayuan.
"May cr din doon sa gilid, doon ka na magpalit, ang garbo kasi ng suot mo, parang ako yung nahihirapan sa'yo" saad niya pa at napakamot sa kanyang batok muli. Napatango na lamang ako, at pumunta na doon sa walang pag-aalinlangan.
Parang mahimatay ako sa hiyang bibilhan niya ako ng mga g-ganoon at hihiraman pa ng mga damit sa kay sinong babae na iyon.
Hindi talaga ako nanghihiram ng mga damit no! Kahit pa sa mga kapatid ko! At isa pa, ngayon pa lamang ako nakaranas na ipagbilhan ng damit panloob ng isang lalaki na hindi ko man lang kilala! Napatalon-talon ako sa loob ng banyo, linalabas ang inis at hiya.
Pagkatapos kong magbihis, lumabas na ako at nakita ko siya na may hinahawakang isang maliit na rektangular na bagay at inilagay pa ito sa kanyang tenga, parang may kinakausap siya, parang telepono pala talaga iyan no? Naaalala kong tinatawag nila itong 'cellphone' tss.
Sobrang iba talaga sa amin, hindi ko naman kasi masyadong nauunawaan yung babaeng naglalarawan ng cellphone na iyan kahapon. Oo maruno naman akong mag-ingles, pero mas lamang kasi ang kuryusidad ko kung paano siya natutong mag-ingles kahapon, hayst. Di ko tuloy masyadong naintindihan yung mga pinagsasabi niya.
Napahakbang ako papalapit sa kanya. "Ano? Lola sabihin mo sa kanya na huwag na siya pupunta dito, may pupuntahan rin ako and it's an emergency!" binababa niya na yung cellphone na iyon at nagulat pa pagkakita sa akin. Napakuyom naman ang kamao ko pinipigilang mapasigaw muli sa kahihiyaan.
"Kanina ka pa diyan? Hali ka" saad niya at lumapit sa akin. Nagulat naman ako ng bigla niya akong hinila papunta sa taas patungo ng kanyang-- silid?
"A-akala ko ba hindi ako pwedeng pumasok sa iyong silid?" tanong ko ng agad niya na akong pinasok doon. Nagtatakang nakatingin ako sa kanya.
"Just incase na dumating si mama may susi din siya sa bahay na'to eh, kaya diyan ka na muna at huwag na huwag mong bubuksan ang pinto dito naiintindihan mo?" tinuruan niya ako kung paano isarado ang pintuan. Natutunan ko naman ang salitang 'ilolock' at 'nilock' sa kanya.
"Sige aalis na ako, itikum mo na rin yang bibig mo ha, huwag mo siyang sagutin baka kasi sagutin mo pa siya, patay tayong dalawa" napairap ako, hindi naman seguro mababa ang aking isipan diba?
"Nemen, ang attitude irap-irap pa eh sige na, go lets na ako" napakunot ang noo ko golets? Ano na naman ba ang salitang iyun? Sinuot niya ang ibang kulay na tsaketa, kakaiba na naman ito, anong---
"Hoodie tawag dito tss" napangiwi ako. "Una na ako bye na" saad niya pa sabay sarado ng pinto, agad ko namang nilock? Oo yun ang tawag doon kapag sabayin daw ang salitang Ingles at Filipino, tama!
Napahiga ako sa malambot niyang kama, hay ang sarap humiga dito! Parang matutulog agad ako! Teka pinalitan niya na yung napunit ko tss, tiyaka wala naman siyang sinabing hindi ako pwedeng humiga dito diba? Kaya makahiga na nga! Hay, ang lamig din dito grabe. Napabangon ako ng mapagtantong--
"Mas malaki pa yata ang kama niya kesa sa akin a?" napatabingi ako ng ulo bago tumayo at nagpagala-gala sa loob ng kanyang silid. Napagtanto ko ring mahilig siya sa kulay abo at itim, ang pangit naman! Parang siya tss.
Nakuha naman ang aking attensyon sa isang pinto sa di kalayuan, yung silid ng mga kwadro! Tama! Napalunok ako at dahan-dahang pumunta doon umaapaw ang kuryusidad, kaya nang bubuksan ko na ito— nakasarado tsk.
Napapikit ako sa dismaya. Yung lalaking iyon, ang talino rin no? Isinarado niya na talaga to para ligtas sa akin? Napatawa ako ng sarkastiko ng biglang---
"Levi?" nabigla't nanlaki ang mga mata kong makarinig ng boses ng isang babae, sino yun? Siya ba ang sinasabi ng lalaking iyon? At ano daw ang pangalan ng lalaking iyon? Levi?
"Levi anak? Buksan mo ang pinto please, mag-usap tayo" isang katahimikan. Tinakpan ko na lang rin ang aking mga bibig baka makalikha pa ako ng kung ano mang tunog, dahan-dahan akong lumakad papunta sa kama, nang may maapakan pa akong isang bagay. Banal na baka!
"Anak..." narinig ko ang boses niyang umiiyak at tangkang binubuksan pa ang pintuan. "Alam kong nandyan ka lang" dinig kong napabuntong hininga siya sa huli. "I'm---I'm sorry anak ha, hindi ko man alam kung anong rason kung bakit ayaw na ayaw mo talaga sa    regalo kong iyon sayo, pero please naman, nanay mo ako, kausapin mo ako at ayusin natin to!" umiiyak siya.
"I'm sorry. I'm sorry dahil ang dami kong pagkukulang sayo. I'm sorry, dahil nag-asawa ulit ako, gayun paman na alam kong hinding-hindi mo ito gusto" saad pa ng nanay niya bago dinig ko ang yapak na nito palayo. Napaupo naman ako sa kama habang hindi makapaniwala sa mga narinig.
Naalimpungatan lamang ako dahil parang nakaramdam ako ng hilo at sakit sa ulo, grabe baka lagnatin talaga ako nito ha! Isang hindi pangkaraniwang bagay na magkasakit ang isang prinsesa! Ang isang ako!
Napahinga ako ng malalim at niyakap ang isang unan dito, hayst amoy siya ang unan kaya't inilayo ko agad ito sa akin! Napatingin naman ako sa aking suot at bahagyang tiningnan ang sarili sa isang malaking salamin sa harapan. Mas amoy siya din ang aking sinusuot ngayon hayst! Ang laki pa sa akin!
Nanlaki ang mga mata kong maalala na wala pala akong kalsonsilyo at tanging naka damit lamang akong panloob waa! Panay baba ko agad ang T-shirt na ito pababa aking hita, marahil isa pa namang kapusukunan na makita ng isang lalaki ang binti, paa, hita ng isang babae! Naalala ko tuloy na nakita niya na ang aking paa!
Agad akong napaiwas ng tingin sa salamin dahil kita talaga ang aking binti! Napaupo na lamang ako sa kama at hinihintay kung kailan ba dadating ang Levi na iyon.
LEVI'S POV
Pumipili ako ng mga sizes ng mga underwears para sa kanya, anak ng pusa! Bakit ko nga ba siya pinatira sa bahay? Hinampas-hampas ko ang aking ulo. Hindi makapaniwalang nagawa kong magdesisyon ng ganun!
"Sir, nahihirapan po ba kayong pumili? How about this po sir?" tiningnan ko ang underwear na iyon at bahagyang nahiya. "Oo-o okey na seguro iyan" sagot ko at nakaramdam pa ng init na umaakyat papunta sa aking mukha.
Anak ng pusa!
"Naku sir! Wag ng mahiya alam kong para sa girlfriend mo yan eh andami ng mga lalaking bumibili ngayon ng underwears para sa girlfriend nila haha! So sir, don't be shy and have some more!" parang mas lalong uminit ang buo kong pagmumukha.
Hayst! Loka-loka rin ang sales lady na to ha!
"Wala akong girlfriend" sambit ko at tiningnan niya ako ng mapang-asar na tingin. Lumayo na lamang ako at bumili ng mga iba pang bagay para sa babaeng isang prinsesa daw tss, napailing-iling nalamang ako at medyo natawa sa naalala. Prinsesa daw siya pftss haha! At sa Kaharian pa ng Aguivas nakatira? HAHA!
"But it's cute" I whispered.
"Uyy!" napaiktad ako sa biglaang pagsulpot ng abnormal.
"Pucha, pre!" napapikit ako sa inis habang siya ay natatawa diyan sa kanyang ginawa. Edi wow, bakit andito siya?
"Ano yan dude ha? May tinatago ka ba sa'kin?" mapang-asar na tingin ang binigay niya rin sa akin, with matching pakurap-kurap pa!
"Shet, underwears to ah? Halos lahat nito pambabae! Dude bakla ka ba?" hinampas ko siya ng hinahawakan kong toothbrush. Yes binilhan ko ang tigre na iyon ng sarili niyang toothbrush! Alangan namang share kami sa iisang toothbrush diba psh!
"Baliw! Para sa kaibigan ko yan nagpapabili lang sa'kin!" sigaw kong malapit-lapit sa kanyang tenga.
Agad niya namang inilayo ang aking mukha, aray! Sakit noon ah Binatukan ko siya at binatukan niya rin ako pabalik, apaka! Yan tuloy parang baliw kaming nagtatawanan. Dami din tuloy ang mga nakatingin tss.
"Di ko alam na may kaebegen ka peleng bebe-e!" natawa na lamang ako sa mga sinabi ng baliw na'to hayst, kahit kailan talaga! Alam kong paghihinalaan niya talaga akong may girlfriend, wala naman kasi talaga akong kaibigan na babae e! Exept noong bata pa ako ofcourse may childhood friend akong babae noon But uh in short umiiwas talaga ako sa mga babae ngayon at sadyang tinatakasan ko sila! Maliban nalang kay Ericka.
"Tsk, tsk, tsk ikaw talaga bakit ang bait mo no? Sayo na namang bayad yan no? Alam mo dude, minsan pwede karing humindi you know? Hindi lahat ay kaya mo" tinapik-tapik niya ako sa likuran bago may kinuha sa kanyang bulsa at linagay ng kusa sa akin ding bulsa.
"Pucha ano yun?" kumindat siya bago tinapik-tapik ako sa balikat. "Geez dude, Happy birthday!" napakurap ako dahil sa hindi makapaniwalang alam niya na ang aking kaarawan.
"Paano mo nalaman! At kailan pa?" sigaw ko ng papalayo na siya sa akin. Lumingon siya muli bago ngumiti.
"Sus ako pa!" sambit niya lang bago umalis na. Hayst! Sinisikreto ko talaga yung birthday ko eh. Abnormal tinanong niya seguro si mama o di kaya si Ericka?
Kinuha ko naman ang binigay niya at---napakurap ako ng ilang beses, tama ba ang nakikita ko? Si pare binigyan ako ng pera? Binuksan ko yung mini envelope at bahagyang napatakip ng aking bibig, binilang ko.
Pucha 8,000! Bakit niya naman ako binigyan ng ganitong kalaking pera? Big time talaga, at pucha may letter pa sa loob, mamaya ko nalang nga yan basahin abnormal talaga ni Jax!
Umuwi agad ako pagkatapos bumili ng mga gamit at damit para sa masungit na parang tigre na babae tss. Humiram rin ako ng mga konting damit kay Ericka! Ang hirap palang magsinungaling no? Sabi ko kasi sa mga nagtatanong ay para sa bago kong kaibigan na babae tsk! Eh hindi ko naman siya talaga kaibigan diba? Dagdag venial sin na naman ako tuloy!
Agad akong pumunta sa kwarto ko at Kumatok-katok. "Miss? Andito na ako pakibukas ng pinto"
Walang sagot.
"Miss cosplayer?" bakit hindi siya sumasagot?
Inilabas ko agad yung susi para dito. Nasecure ko na naman yung kwarto ng mga kwadro kaya wala naman akong dapat na ipag-alala.
Maliban nalang kung--masira niya yung pinto tss, napailing ako as if naman kaya niyang sirain yun. Pero teka...
Baka may mga tinatago pa siyang mga sandata kagaya ng latigo na iyon! Binuksan ko agad ang pinto.
Nakahinga ako ng maluwag sa nakitang mahimbing pala siyang natutulog tss, napatawa ako ng mahina sa aking mga inasal kanina.
Seriously? Saan naman siya kukuha ng mga sandata no? Nababaliw na yata ako haha! Nakakapagtataka lang na may latigo siya, napahawak ako sa aking baba.
Saan niya naman pala nakuha iyon? May mga designs pa sa gilid hayst nakakakilabot, taga-saan ba talaga ang babaeng ito? Pati pananalita niya ang weird! Yung suot niya ring kagaya ng sa painting napaka creepy! Bakit kaya? At yung korona? Shocks yung korona! Totoo kaya 'yun?
Tsk, tsk, tsk, die hard fan lang siya.
Napatingin ako sa kanya, mukha siyang anghel kaso may tinatagong tigre pala sa loob tss, lumapit ako sa kanya dahil mukhang nilalamig siya yata huh? Nakakuyom ang kamao niya habang hinahawakang mahigpit yung makapal na kumot.
Agad kong hinawakan ang kanyang noo. "Shocks ang init niya" nilalagnat siya.
Agad akong kumuha ng maliit na towel at binasa ito, pinunasan ko muna ang kanyang noo at leeg bago inilagay na sa kanyang noo ang basang towel. Gusto ko siyang gisingin upang painumin ng gamot kaso baka biglang maging tiger siya eh.
Napabuntong hininga ako at kinuha na lamang ang mini envelope, binasa ko ang letter ni baliw! Natatawa ako habang pinagmamasdan ito. May pa heart, heart at cake designs pa siyang drinawing haha! Ampangit niyang magdrawing!
'Happy birthday dude! Di ako marunong magsulat ng mga sweet massages kaya iyan lang haha! Basta Godbless you always and enjoy your day muwah!'
Yan lang ang nakasalulat! Abnormal talaga. Di man lang nilagay kung bakit ganitong halaga talaga ng pera ang ibinigay sa akin tss.
Nakarinig ako ng boses, kaya nilingon ko agad siya. Gising na si miss tiger!
"Miss wait lang ha" saad ko at bumaba para kumuha ng gamot at tubig. Pagkaakyat ko sa taas muli, tiningnan niya ako na parang hindi makapaniwala.
"Ah, inumin mo na to miss may lagnat ka" saad ko sabay bigay sa kanya ng gamot at tubig. Tiningnan niya naman ang gamot na parang kabago-bago pa lamang sa kanyang mga paningin. Seriously, ayan na naman siya, ang wierd niya talaga!
Sa laking gulat ko'y kinagat niya yung biogesic dahilan nang paglagok niya ng maraming tubig, hindi rin maipinta ang mukha niya sa huli dahilan ng malakas akong napatawa.
Omg! She---haha! Did she just--haha! Kinagat niya yung biogesic!!
Agad naman akong napahinto sa tawa dahil alam kong lalabas na ang tigre sa kanyang pagkakatawan! Oh, no.
"Anong tinatawa-tawa mo ha! Isang karantaduhan, walang respeto at suwail na gagawa ka ng kalokohan sa isang prinsesa, lalong-lalo na kapag may sakit ito" napalunok ako.
"Pagsisisihan mo—" napahawak siya sa kanyang ulo, kaya agad ko siyang inalalayang humiga sa kama muli. Ayan kase eh.
"Miss natawa lang ako dahil sa itsura mo, eh kasi miss, dapat nilagok mo 'yun, hindi mo dapat iyun kinagat my gosh miss" napakamot na lamang ako sa aking ulo.
Mas lumalabas ang tigre niya kapag nilalagnat!
"Matulog ka na ngalang diyan sa kama ko miss, ikaw na nga tong stranger sa pamamahay ko, ikaw pa yung matutulog sa paborito kong kama, hmp!" napailing-iling ako.
Realization hits me! Siya din yung kauna-unahang babae na nakapasok sa aking kwarto! Isang stranger pa!
"Sige matulog na nga ako!" saad niya at tumagilid. Napanguso naman ako dahil hindi man lang nagpasalamat sa akin tss. Asa pa nga ako diba?
"I'll make dinner, baba ka mamaya" nakanguso pa ring saad ko bago lumabas ng kwarto hayst! Napakacold niya.
Buong gabi pagkatapos naming maghapunan pinag-iisipan ko talaga kung hanggang kailan ko papatirahin ang babaeng ito sa'kin! Hayst!
Dadating na sila bukas eh ano na naman ang sasabihin ko? Ayaw ko namang papalayasin agad ang stranger na'to, alam kong maging kawawang tigre siya eh. Hayst! Her mind is so messed up, sana hindi lang siya naka drugs diba? Makatulog na nga!
Kinabukasan maaga akong gumising para magluto ng aming kakainin, nakasanayan ko naman to eh, ako ring naghuhugas pagkatapos kumain, at minsan naghuhugas rin ang aking mga pinsan na pinag-uutusan ko hehe. Kuya ako sa kanila eh 21 na ako no, mukha lang 17 joke haha pero totoo naman!
Ilang sandali ay bumaba na rin ang tigre, gosh sasabihin ko ba? Buong gabi ko na to pinag-iisipan eh! At isa pa naaawa naman ako sa kanya parang wala siyang kaalam-alam ng mga ganyan at ito may pinag-aralan ba talaga ang babaeng to? Tanungin ko kaya siyang 2+2? Ay hindi sobra naman yata.
Kahit kasi T-shirt di alam eh, napaka weird, kawawa siyang nilalang.
Naalala ko yung usapan namin kagabi...
*
"Mabait akong tao miss, kaya matutulungan kita kung gugustuhin ko. Sa totoo, saan ka ba talaga nakatira?"
"Ilang ulit ko bang sasabihin sa iyo? Sa Aguivas ako nakatira."
I sighed in defeat and just come up with another question. I give up, talagang ayaw niyang sabihin sa'kin!
"Bakit ka tumakas?" I asked.
Then there was silence...
I pursed my lips... Oh Crap, I guess I've crossed something I shouldn't have?
She was looking at the book I'm holding so I immediately lent her another book.
"Gusto mong, basahin?" she looked somewhere else avoiding me.
Do not tell me she do not know how to read too??! Oh my crap?!
*
Sayang ang mukha niya kung wala siyang matulis na utak! Kaya handa na ako sa mga desisyon ko!
Lumapit siya sa akin. "Yung mga gamit palang binili mo para sa akin? Babayaran ko iyan sa oras na makarating na ako sa amin, huwag kang mag-alala, nasaan na? Hindi ako sanay na hindi naliligo ng maaga kaya pwede mo na bang ibigay sa akin? Ayos na naman ang pakiramdan ko't mukhang napagod lang talaga ako kagabi" tss, umagang-umaga ito na agad yung inaalala wala talagang thank you no? Tss, at teka hindi siya dapat maligo baka mabinat siya!
Tinitigan ko lang siya at napataas yung isang kilay niya, halatang nagtataka sa akin. Napabuntong hininga nalang ako bago sabihin ang salitang...
"Papaaralin kita" tanging saad ko na ikinakunot ng kanyang noo.