MARGARETTE FAYE CAYETANO, kilala ng mga kaibigan niya sa tawag na Gay Magnet and NBSB dahil kahit na sabihin pang artistahin ang hitsura niya ay hindi pa rin siya nagkakaroon ng boyfriend kahit na sabihing nasa legal age na siya para magmahal at magpakasal. She has big eyes with double eyelids, thin and high nose bridge, small face with a v-shaped jaw, rosy cheeks and plump lips. Iyon nga lang, kahit na sabihin pang kamukha niya si Irene ng Red Velvet ay hindi pa rin niya maintindihan kung bakit puro bakla ang nakukuha niyang manliligaw. Thankfully, kapag nalalaman niyang bakla na naman ang manliligaw niya ay dinadamayan na siya ng kaibigan niyang bading na si Kahlil Alcantara.
"Baks, puro bakla na lang ba talaga ang makukuha kong manliligaw?" tanong ni Faye nang minsang inaya siya ni Kahlil na lumabas para gumimik. "Wala ba talagang face value ang mukhang mayroon ako?"
"Faye, hindi naman sa ganoon," sagot ni Kahlil. "Nagkataon lang na puro talaga bakla ang nakikita mo dahil wala namang straight sa pinapasukan mong paaralan."
Isang malalim na hininga na lamang ang pinakawalan ni Faye nang sandaling iyon. Maybe her best friend is right lalo na at mula pagkabata na rin naman ay magkasama na sila. Magkaiba nga lang sila ng trabaho dahil isa siyang guro samantalang tagapagmana naman ng isang malaking accounting firm si Kahlil. He is already training to take over sa nasabing kumpanya. Swerte na siyang maituturing dahil kahit busy pa ang kaibigan ay hindi pa rin nito isinasantabi ang friendship nilang dalawa.
"Nga pala, kumusta na kayo ni Marlon? Naipakilala mo na ba siya sa Papa mo?" tanong ni Faye sa kaibigan.
"Kung wala kang boyfriend, wala rin akong boyfriend," sagot ni Kahlil. "Break na kami."
"What?!"
Isang ngiti na lamang ang pinakawalan ni Kahlil nang sandaling iyon, "Hayaan mo na. At least, patas ang mundo sa ating dalawa dahil pareho tayong magandang walang lovelife."
Napangiti na lamang si Faye sa tinuran ng kaibigan. Kung hindi lang niya alam na certified na bakla si Kahlil ay mahuhulog na siya rito. Why not? Kahlil possesses the characteristics na hinahanap ng isang babae sa isang lalaki. He has an exotic visual that makes him appealing. He has tan skin, big and attractive eyes, a button nose and sensual lips. Matangkad din ito kaya mabilis mapansin ang pagiging hunky nito. Bonus na lang ang pagiging bilyonaryo ni Kahlil kaya madalas itong pagkaguluhan ng mga kababaihan kahit noon pa mang bata sila.
"Ano na ang itinatawa-tawa mo riyan?" tanong ni Kahlil na nakataas ang natural na on-fleek niyang kilay. "Hindi mo ba ako dadamayan dahil pareho tayong sawi?"
“Hindi na, mas iiyak lang ako kapag dinamayan pa kita," natatawang sagot ni Faye.
Isang matinding irap na lamang ang nakuha ni Faye mula kay Kahlil nang sandaling iyon. Hindi na niya iyon inintindi pa dahil sanay naman na siya sa irap na ibinibigay ng baklang kaibigan sa kanya. Gusto man niyang ayaing uminom si Kahlil nang gabing iyon ay hindi na niya iyon pwedeng gawin pa dahil kahit bakasyon ay may pasok pa rin siya kinabukasan. Sadly, kailangan niyang umattend ng isang webinar training for junior high school teachers na sa tatagal din ng tatlong araw.
"So, magkikita kayo ni Bakla bukas?" tanong ni Kahlil sa dalaga.
"Oo, may pasok kasi kami, webinar training," sagot naman ni Faye. "Hindi ko nga alam kung paano ko siya haharapin eh."
"Masakit ba?" tanong ni Kahlil sa kaibigan.
"Hindi ko na alam, sa text lang din naman niya kasi sinabi sa akin ang katotohanang bakla siya eh," sagot ni Faye. "Bahala na si Batman bukas."
DAHIL identified as gay magnet si Faye ay hindi na siya nagugulat pa kapag may mga baklang nanliligaw sa kanya. Napapailing na lamang kadalasan ang mga kasamahan niya sa pagtuturo dahil kahit sobrang ganda pa niya ay lagi pa rin siyang sawi sa pag-ibig. Halos dumarating na rin sila sa puntong nagsasawa na sila sa pagrereto ng lalaki sa nasabing guro dahil nagiging malansa ang dugo nila kapag nakakausap na nila si Faye.
"Seryoso, malakas ba ang pagiging gay magnet mo at lagi ka na lamang sumasabit sa mga bakla?" tanong ni Monika David, isa sa mga kasamahan ni Faye na Science major. "Hindi na rin kasi kinakaya ng scientific skills ko ang hindi mo pagkakaroon ng love life eh."
Napangiti na lamang si Faye sa sinabi ng dalaga. Maski naman siya ay hindi rin niya kinakaya ang pagiging gay magnet niya. Sa totoo lang ay gusto na rin naman niyang maranasan ang magkaroon ng boyfriend na ipapakilala sa pamilya niya lalo na at mas napapadalas pa na napagkakamalang may relasyon na silang dalawa ni Kahlil dahil nagiging single itong bigla kapag nalalaman niyang bakla ang manliligaw niya.
"Huwag mo nang iasa pa sa scientific skills mo ang pagiging gay magnet ko dahil talagang malakas ang appeal ko sa mga bakla," sambit ni Faye nang narinig niya ang pagrereklamo ni Monika. "Sanay na ako."
Bago pa man makapagsalita si Monika para depensahan ang kanyang sinabi ay nakita niya na palapit sa kanila si Sir Arc Dela Cruz, ang latest na bumasted sa kagandahan ni Faye.
Napatingin na lamang si Faye sa baklang guro nang sandaling iyon. Kahit na sabihin pang inamin ni Arc sa kanya na isa itong bakla ay hindi pa rin maramdaman ng radar niya na bakla nga ito. Mas lalaki pa nga itong kumilos kung ikukumpara sa ibang lalaking kilala niya.
"Madam, balik na muna ako sa table ko," paalam ni Monika nang naramdaman niyang hindi siya kailangan nang sandaling iyon sa table ni Faye. "PLC na lang tayo mamaya kapag natapos na ang unang araw ng webinar."
"PLC ka diyan, baka chismis lang ang habol mo," naiiling na sabi ni Faye bago pa man niya binalingan ang dating manliligaw. "Sir Arc, may kailangan ka?"
"Ano, gusto lang sana kitang makausap tungkol sa -"
"Hindi mo na iyon kailangang alalahanin pa, naiintindihan ko naman kung bigla kang naging bakla," nakangiting sambit ni Faye. "Sanay na ako sa rejections."
Bago pa man makapagsalita si Sir Arc ay itinaboy na siya ni Faye pabalik sa sarili niyang mesa dahil mag-uumpisa na ang kanilang webinar training.
MABILIS na lumipas ang isang buong araw nang hindi namamalayan ni Faye dahil ibinuhos niya ang kanyang atensyon sa training na kinukuha niya bilang isang guro. Kailangan talaga niyang ibigay ang one hundred percent concentration niya dahil blended learning ang modality nila sa kanilang pagtuturo lalo na at hindi pa sila pwedeng magsagawa ng traditional face-to-face classes. Habang busy siya sa pakikinig sa webinar ay nakatanggap siya ng isang chat mula kay Kahlil.
"Gay Magnet, pinapatanong ni Papa kung pwede ka raw bang pumunta rito sa bahay this weekend? Hindi ka na raw kasi nagpapakita sa kanya."
Napatingin kaagad sa kalendaryo si Faye para alamin kung may bakante ba sa schedule niya o wala. Napasimangot na lamang siya dahil napagtanto niyang hindi lamang tatlong araw ang scheduled webinar niya dahil naka-assign din siyang umattend sa isa pang webinar for senior high school teachers na gaganapin naman pagkatapos ng tatlong araw na training niya sa junior high school. Linggo na lamang ang magiging pahinga niya kung sakali. She needs one whole day to rest para masigurong alive and kicking ulit siya ng sumunod na araw.
"Sorry Baks, busy ako this week hanggang weekend dahil sa webinar. Bawi na lamang ako sa papa mo next week, mga Wednesday."
"Hala siya! Madugo ba iyan?"
"Kung nandito ka ay siguradong duduguin ka rin kapag nakita mo na ang topics namin. Sige na, mamaya na ulit ang chat. Ipapasok na kami sa workshop rooms namin."
Isang malalim na hininga na lamang ang pinakawalan ni Kahlil nang nabasa niya ang huling mensahe sa kanya ni Faye. Hindi rin naman niya masisisi ang dalaga kung sadya mang busy ito dahil mas marami silang trabaho ngayon kung ikukumpara sa mga nakaraang taon na face-to-face ang mga klaseng tinuturuan nito. Dahil sa hindi rin naman niya ka-chat si Faye ay hinarap na lamang niya ang mga papeles na nakatambak sa kanya. Nangunot pa ang noo niya sa dami ng mga papeles na dapat niyang pirmahan bilang isang CEO.
"Bakit bumalik na naman ang letseng papeles na ito eh hindi ko nga ito approved?! Wala ba silang mata?!" inis na sambit ni Kahlil sa kanyang sarili nang nakita niyang same lang ang content ng isa sa mga papeles na binabasa niya.
Padabog na ibinalik ni Kahlil sa mesa ang nasabing papeles. Wala na siya sa mood para basahin pa ang ibang mga papeles dahil sigurado naman siyang iisa lang din ang content noon. He needs to read something na wala sa linya ng trabaho niya. Iyon nga lang, hindi na niya iyon nagawa pa dahil kumatok ang sekretarya niya. Umayos siya agad ng upo na pang-CEO dahil kahit alam naman ng karamihan na bakla siya ay hindi naman iyon nangangahulugang may lisensiya na siyang ipangalandakan sa lahat ang pagiging bakla niya dahil sigurado siyang hindi naman talaga siya bakla. Nagkataon lang na naging bakla rin siya sa paningin ng mga empleyado niya dahil minsan na rin siyang tinawag na "Baks" ni Faye sa kanilang harapan.
"Sir, nasa labas po si Marlon, gusto raw po niya kayong makausap," sambit ng sekretarya sa bakla.
"Papasukin mo na siya, he is expected here."
"Yes, Sir."
Aksidenteng nakilala ni Kahlil si Marlon Concepcion sa Omegle nang kasalukuyan siyang naghahanap muli ng magiging boyfriend na ipapakilala niya kay Faye dahil kinukulit na naman siya nito sa relationship status niya. Hindi naman sana niya papatulan ang kakulitan ng dalaga. Iyon nga lang, dahil nalaman din niyang may nanliligaw sa kaibigan niya ay kinailangan niyang magpakilala ng isang boyfriend para manahimik ito. Since, match naman ang visuals nilang dalawa ni Marlon ay kinausap na rin niya ito para magpanggap na maging boyfriend niya hanggang sa matauhan lamang ang manliligaw ni Faye. Iyon nga lang, may kapalit ang kasunduan nilang dalawa. Kailangan niyang tuparin ang pangakong iyon kung ayaw niyang mailaglag siya nito sa sariling kaibigan.
"You are hired, simula bukas ay pumunta ka sa branch ng Milky Way Mall sa Marikina at dalhin mo itong letter of recommendation ko para wala na silang maging kwestiyon pa sa pagkakapasok mo. Congratulations," sambit ni Kahlil sa binata. "I do hope na hindi ka sisira sa pinagkasunduan natin"