Matapos ang orientation ko kay Jackhammer tumuloy na ako sa nakatalagang suite para sa akin. Namangha ako sa design ng loob nito. Bukod sa gusto ko ang kulay ng dingding, kisame at sahig, malawak din ito.
"Parang nasa movie nga talaga ako!" tuwang sabi ko at tumalon sa malambot na kama.
Pagkatapos ay humiga at nakangiting pumikit.
"Kayeen, magiging Trainee ka. Just believe in yourself," sabi ko sa sarili at minulat ang mga mata.
Tiningnan ko ang simbolong nakatatak sa braso ko at pumikit muli.
(Next day...)
Gumising ako nang maaga dahil ayon sa schedule ko dapat 4 am gising na ako. Excited kong sinuot ang training gear ko at humarap sa malaking salamin. Napangiti ako sa repleksyon sa salamin.
"I know bagay talaga sa iyo maging action star," usap ko sa sarili at tumawa.
Umikot muna ako ng isang beses bago napagpasyahang lumabas. Tinahak ko ang hallway patungong Training Room. Iyon kasi ang instruction sa akin. Sa Training Room dapat ako dumiretso.
"Good morning Cross!" bati sa akin ni Sword nang makasalubong ko siya.
"Good morning Sword!" bati ko rin at ngumiti.
"Good luck sa training. I know makakaya mo iyon," sabi niya.
"Salamat," tugon ko.
"Sige na Cross. Mauna na ako, bye!" sabi niya at nag-jogging.
"Teka, bakit sa ibang direksyon siya nagpunta? Eh, sa kabila ang daan papuntang Training Room. Wala siyang training ngayon?" nagtataka kong sabi at napaisip.
"Good morning queen archer!"
Nagulat ako sa biglang pagsulpot ni Thumper.
"Thumper naman eh. Ginulat mo ako," ani ko.
"Sorry na po. By the way, good luck mamaya ha?" sabi niya at ginulo ang buhok ko.
Susuwayin ko na sana siya pero nakalayo na siya. Napailing na lang ako at nagpatuloy sa paglalakad.
"Cross, headshots dapat ha!" pahabol na sigaw ni Thumper kaya lumingon ako sa direksyon niya.
Binigyan ako ni Thumper ng good luck sign kaya alanganin akong ngumiti.
"Seriously, ang weird niya," sabi ko.
Maya-maya, tumunog ang alert system sa buong Hydra kaya nataranta ako.
"May sunog ba? System error?" tanong ko.
"Paging Project Cross! Paging Project Cross! Proceed to the Training Room now! Proceed to the Training Room now!" sabi ng computer.
"Alright, alright," sagot ko at nagmadaling pumunta ng Training Room.
Tumigil ako sa tapat ng malaking pintuan at tiningnan ito.
"Now, paano ako ngayon makakapasok sa loob? Hindi naman ako binigyan ni Jackhammer nang katulad ng kay Flame," sabi ko.
Lumapit pa ako rito para tingnan kung may butas. Nagbabakasakaling may makitang tao roon at pagbuksan ako. Nang bigla itong bumukas kaya tuluyan akong nakapasok sa loob at napasubsob. Agad din akong tumayo at inayos ang sarili.
"Walang nakakita Kayeen, relax!" sabi ko sa sarili pero napapikit at napakagat na lang ako ng labi nang mahagip ng mga mata ko ang CCTV.
"Bloody shot, may nakakita nga!" bulong ko sa sarili.
Naglakad ako papunta sa gitna at nilibot ng tingin ang kabuuan ng Training Room.
"Bakit kaya walang katao-tao? Ako lang ba ang may training ngayon?"
Maya-maya biglang bumukas ang wall na nasa tapat ko. Kumunot ang noo ko dahil parang may secret passageway pala ang Training Room.
"Stand by... stand by..." biglang salita ng computer kaya napaatras ako nang wala sa oras.
"Bloody shot, nanggugulat talaga ang nagsasalitang computer," bulong ko.
Nakatingin lang ako sa wall nang biglang magsara ang entrance ng Training Room kaya muntik na akong mapatalon.
"Nakakainis! Pinaglalaruan yata ako ng Hydra. I'm sure pinagtatawanan ako ngayon ng nakabantay sa CCTV," inis na sabi ko sa utak ko.
Naghintay ako ng limang minuto pero wala pa ring nangyayari. Kaya, napagdesisyunan kong pasukin ang secret passageway. Dahan-dahan kong hinakbang ang kaliwa kong paa pati na rin ang kanan. Huminga ako nang malalim at nagsimulang maglakad. Nang nasa kalagitnaan na ako, bigla akong kinabahan. Parang may na-s-sense na naman ang instinct ko. I sense danger, eh?
"Harrr..." ungol sa 'di kalayuan kaya napatigil ako sa paglalakad.
"'Yan na naman ang growl ng mga zombie. 'Wag nilang sabihin na mayroon din dito,"
"Harrr!" ungol na naman nito.
Kaya, binilisan ko ang paglalakad.
"Oh my gosh! Ayoko pang maging zombie!" sigaw ng isip ko.
Biglang bumukas ang isa na namang wall at iniluwa nito ang kinakabahala ko.
"Bakit may zombies dito?! Pinasok ba ang Hydra?! Bloody shot!" tarantang sigaw ng isip ko.
"Harrr..."
Umatras ako dahil sa dami nito. Hanggang sa napasandal ako sa malamig na pader.
"I'm doomed,"
Pero, may bumukas na namang wall kaya napatingin ako rito. Isang weapon ang iniluwa rito. Isang Super Arcum. Kaagad akong lumapit dito at kinuha ito. Nanginginig ang mga kamay kong dinampot ang mga arrow at isa-isang tinira ang mga zombie sa ulo. 'Di nagtagal na-enjoy ko rin ang ginagawa ko. Parang may nag-p-play din na zombie song sa ulo ko.
"Harrr," ungol ng mga zombie.
"Akala niyo natatakot ako. Hindi niyo ako masisindak 'no!" sigaw ko at pinakawalan ang arrow na hawak ko.
Napangisi ako pero nawala rin iyon nang wala na akong makapa na arrow. Tiningnan ko ang lalagyan nito at nanlaki ang mga mata.
"The arrows are gone!" ani ko at tumakbo pabalik sa entrance saka kinalampag ito.
"Somebody help me!"
Bloody shot! Dito na yata ako mamamatay!
Napatigil ako sa pagkalampag ng pintuan nang bumukas ang isa na namang wall. Automatic akong lumingon rito at napa-sign of the cross na lang.
"Thank you Lord!" tuwang sabi ko at kaagad na tumakbo papunta rito.
Pagkapasok ko sa loob kaagad ring sumara ang pintuan. Namangha na naman ako sa design ng room.
"Ang yaman siguro ng Big Three. Ang ganda ng mga room dito," sabi ng isip ko.
"Stand by...stand by..."
Ito na naman tayo sa pa-stand by ng computer. Anong akala niya sa akin si Alice?
"Computer kung sino ka man, hindi mo ba ako bibigyan ng weapon?" tanong ko pero ungol ng zombie ang sumagot sa tanong ko.
Mahina lang ito pero kinabahan pa rin ako.
Mahina 'yon diba? Mahina 'yon Kayeen!
Dahan-dahan akong lumingon at napaatras sa nakita. Nasa harapan ko ang kakaibang zombie. Hindi ito katulad sa mga nakalaban  ko. Parang normal na tao lang din ito. Marami nga lang kulay green na ugat at bluish ang mga mata.
"Hi?" bati ko pero bigla ako nitong dinamba.
Bumagsak kami sa sahig at napadaing na lang ako sa sakit ng pagkakauntog ng ulo ko.
"Bloody shot,"
Maya-maya may bumukas na naman sa wall at iniluwa ang panibago na namang weapon. Isang Dark Rosett. Pilit kong tinulak ang zombie na nakapaibabaw sa akin pero hindi ko ito maitulak. Kaya, inabot ko ang nabitawan kong bow at pinalo ito sa ulo ng zombie. Ilang beses ko itong pinalo hanggang sa tumalsik ang dugo nito sa mukha ko. Inis kong tinulak ang zombie at kinuha ang Dark Rosett sa lalagyan. Kumuha ako ng arrow at tinira ito sa ulo ng zombie.
"Double dead," ani ko at pinahid ang dugo sa mukha ko.
Bumukas na naman ang wall kaya hindi na ako nagdalawang-isip na pasukin ito. Hinanda ko ang hawak kong Dark Rosett sakaling makasalubong ko ang mga zombie.
"Be brave sweetie," paulit-ulit ko itong narinig sa isip ko.
Ang boses ng pinakamamahal kong mommy. Parang biglang nadagdagan ang tapang ko nang dahil doon. Naririnig ko ang ungol ng mga zombie kaya natitiyak kong malapit lang ang mga ito. Hindi nga ako nagkamali dahil nakasalubong ko ang unang umatake sa akin. Walang kahirap-hirap ko itong pinatumba gamit ang isang arrow. Tinamaan kaagad ito sa ulo.
"Harrr..."
Muli akong kumuha ng mga arrow at pinaulanan ang mga ito. Pero, kahit anong tira ko sa mga ito hindi pa rin ito maubos-ubos dahil may panibago na namang dumarating.
"I really hate zombies! Bloody shot unlimited talaga sila!" bulong ko sa sarili.
Pinatamaan ko lahat nang gustong makalapit sa akin. Hanggang sa naubos na lahat ng mga arrow.
Bakit kasi limited iyong mga arrow? Sa dami ba naman ng mga zombie sure akong hindi ko sila mauubos.
Dahil naubos na lahat ng mga arrow, ginawa kong pamalo ang Dark Rosett. Sinuntok at sinipa ko rin ang mga ito. Abala ako sa pakikipaglaban sa dalawang zombies nang sunggaban ako ng isa na namang zombie. Kaya, bumagsak kami sa sahig. Agad akong umatras nang kakagatin na ako ng isa pang zombie sa paa. Sinipa ko rin sa balikat ang isa pang gustong kumagat .Pilit kong inabot ang nabitawan kong weapon. Nang maabot ko ito, hinampas ko ito sa ulo ng zombie na nasa ibabaw ko. Gumulong ako papalayo sa kanila at kaagad na tumayo. Pagkatapos ay isa-isa itong nilapitan at hinampas sa ulo. Ganoon lang ang ginawa ko hanggang sa naubos ko itong lahat.
"Bloody yes! Naubos ko rin!" tuwang sabi ko at umupo sa sahig.
Pinahid ko ang pawis sa noo ko at napabuntong hininga. Napagod ako sa pakikipaglaban sa mga zombie parang naubos lahat ng energy ko.
"Warning...Warning...A huge wave of zombie is approaching...Warning," sabi ng computer kaya automatic akong napatayo.
Hinawakan ko nang mahigpit ang Dark Rosett at inabangan ang paparating na zombies na sinasabi ng computer.
"Harrr..." ungol ng papalapit na mga zombie kaya napalunok ako.
Alam kong mas marami na ito dahil mas malakas ang ungol ng mga nito.
"Here we go again. Mapapalaban na naman tayo," sabi ko at itinaas ang hawak na weapon.
"Ahhh!" sigaw ko at pinaghahampas lahat ng gustong makalapit sa akin.
(Wall opened)
Automatic akong napatingin dito at laking tuwa ko dahil isa itong lagusan.
"Thank you Hydra!"
Inobserbahan ko ang mga zombie na malapit sa akin. Napangisi ako nang makaisip ng plano kung paano makakatakas sa kanila. Isa-isa ko itong hinampas, tumalon nang mataas at binigyan ang mga ito ng flying kick. Bumagsak itong lahat kaya kinuha ko ang pagkakataong iyon para makatakas. Pero, unti-unti nang sumasara ang wall kaya hinagis ko ang Dark Rosett para tumigil ito sa pagsara. Nang tumigil ito ay agad akong nag-dive papasok dito dahil kaunti na lang ang espasyo. Pero, hindi kaagad ako nakatayo dahil may kumapit sa paa ko.
"Get off me! Get off me!" sigaw ko habang pilit sinisipa ang mga zombie.
Nagtagumpay naman ako dahil nagawa kong makaalis sa posisyong iyon. Pero, nakapasok ang kalahating katawan ng isang zombie kaya sinipa ko ang Dark Rosett. Sumara ang wall dahilan para maputol ang katawan ng zombie. Tumalsik ang dugo nito sa combat shoes ko kaya inis kong inapakan ang ulo ng zombie.
"Harrr..." ungol na naman ng zombie kaya natigilan ako.
Mas nakakakaba at nakakakilabot ito. Parang nagmula ito sa malaking tao. Dahan-dahan kong nilingon ang pinanggalingan nito at napalunok na naman. Isang dambuhalang zombie ang nasa tapat ko!
Kahit suntok at sipa ay hindi ito kayang patumbahin dahil sa laki nito. Kinakailangan ko ng weapon para mapatumba ito.
"Hydra another weapon pa. Please lang!" sabi ko sa tapat ng CCTV na malapit lang sa akin.
Maya-maya, bumukas na naman ang wall at iniluwa nito ang hinihingi kong weapon. Pero, ang problema nasa tabi ito ng zombie.
Naman oh! Bakit doon?
Bumaba ako gaya ng ginagawa ng mga runners. Huminga nang malalim at saka tumakbo papunta sa direksyon nito. Tumakbo rin sa direksyon ko ang dambuhalang zombie. Nang malapit ko na itong makasalubong pahiga akong dumaan sa ilalim nito. Agad rin akong tumayo at nilapitan ang weapon. Isang crossbow, ang primary weapon ko at pinagmulan ng code name ko. Nilagyan ko ito ng arrow at kaagad sinentro sa ulo ng dambuhalang zombie. Bumagsak ito sa sahig kaya napangiti ako nang malawak.
"Congratulations! You've passed Stage 1 Project Cross!" sabi ng computer kaya lalo akong napangiti sa narinig.
Hindi ako makapaniwala na na-survive ko ang Stage 1!
Maya-maya, bumukas ang wall sa itaas kaya napalingon ako rito. Nakita ko ang Big Three. Naroon si Flame, Jackhammer at Strike. Bumukas din ang isa pang wall kaya napatingin din ako rito. Iniluwa nito ang mga Trainee.
Tumakbo sa direksyon ko si Sword at si Thumper.
"Cross, congratulations! You made it!" tuwang sabi ni Sword at niyakap ako.
Napangiti na lang ako sa kaniya.
"Pero, nakita namin iyon Cross," parang natatawang sabi ni Thumper kaya nanlaki ang mga mata ko.
No! They didn't!
"Oo nga Cross, laugh trip ka talaga," komento rin ni Sword.
"Kayo lang ba nakakita?" tanong ko.
"No, no, no, my dear friend. Lahat ng Trainee pinanood ka kanina," tawang sabi ni Sword kaya natampal ako ng noo.
"Tatanga-tanga pala ang queen archer na sinasabi mo Thumper," biglang sabi ni Dagg na kararating lang.
Narito na naman ang kontrabidang bitter na dagger.
"But, you did great, Project Cross," sabi rin ni Blaster na kararating lang.
"Talaga?" ngiti kong tanong sa Trainee.
Tumango lang si Blaster. Kaya napangiti ako nang malawak.