Pero nagawa ko kay Riego. Nababaliw na ba ako?
Anong gagawin niya ngayon? Napaka-awkward naman. Paano niya haharapin ang mga tao. Higit sa lahat, paano niya haharapin ang binata ngayon. Nawala bigla ang tapang niya. Ni hindi niya ito matingnan nang diretso habang nararamdaman pa niya ang diin ng labi nito sa labi niya.
Bigla siyang hinila ng binata pababa ng stage. Ni hindi na nito hinintay na matapos ang bilangan ng mga baraha. Ni di nito inalam kung nanalo sila o hindi. “Riego, saan mo ako dadalhin?”
“Hindi ko pa alam. Nag-iisip pa ako.”
“Nag-iisip para saan?” tanong niya.
Hindi sumagot ang lalaki at di maipinta ang mukha nito. Galit ba ito sa kanya dahil hinalikan niya ito? Gusto ba nitong usisain siya kung bakit siya nito hinalikan?
Ano ang isasagot ko? Sasabihin ko bang attracted ako sa kanya? O lasing lang ako?
Hindi na niya alam. Di pa siya naging mahina pagdating sa lalaki. Di siya basta-basta nagpapakita ng emosyon. Dahil kapag nalaman ng mga ito ang kahinaan niya, pwedeng gamitin iyon laban sa kanya. Iyon ang dahilan kaya naka-survive siya nang di napapaikot ng lalaki.
Nakarating sila sa madilim na bahagi ng school building. Hinila siya nito sa ilalim ng hagdan at isinandal siya nito sa pader. “Ano bang sasabihin mo sa akin?”
“Wala.”
“Ano pang ginagawa natin dito kung wala ka namang sasabihin sa akin?”
Hindi ito sumagot. Inilapit nito ang mukha sa kanya. Akala niya ay may sasabihin ito nang malapitan. Subalit inangat nito ang kamay at maingat na hinaplos ang pisngi niya. It was too gentle that she wanted to cry. Then he combed his fingers at the back of her head and suddenly ravished her lips. Animo’y gutom na gutom ito at pati hangin na nilalanghap niya ay gusto nitong angkinin. Parang ilang araw itong di nakakain at isa siyang pisa na ihinain dito.
Parang humihigop siya ng sabaw. Higop King.
Kumpiyansa itong humalik at matinding sensasyon ang naramdaman niya sa simpleng halik lang. As if he knew what could make her tick with a kiss. Wala pang humalik sa kanya na nakakapagpalimot sa kanya, na nae-enjoy niya at nawawala siya sa sarili. Sa unang pagkakataon, ayaw niyang tapusin ang isang halik at di niya iniisip kung paano tatakas.
At sa gitna ng kadiliman, walang ibang makakakita sa kanila at pipigil sa kanila. Silang dalawa lang. The attraction was uncontrollable and she stopped thinking about logic. She just wanted to be swept away. Riego’s thumbs brushed the underside of her breasts. Parang nabuhay ang bawat himaymay ng laman niya. She wanted him closer. She wanted more. She wanted him to explore her body and she wanted to return the favor. She wanted to surrender to the pleasure. Ibinuka niya ang palad at humaplos sa matipuno nitong dibdib pababa. He had tight muscles in his abdomen and she liked it. She was itching to feel his skin and ridges of his muscles. He must really look good without his shirt on. At natatakam siya na makita ito habang nasa puting buhangin ng Boracay. But for now, she must do with the darkness. At wala siyang pakialam kung nasaan pa sila. Even if they were worse than two teenagers groping in the dark under the school stairwell.
She gasped for air. Gusto niyang tanungin dito kung okay lang na hubarin niya ang damit nito. Bago lang kay Sayaka ang maging agresibo. Hindi niya alam kung ano ang tama o mali sa ganitong sitwasyon. Hindi rin siya sigurado kung ano ang gusto ni Riego.
“Anong ginagawa mo sa akin, Sayaka?” humihingal nitong tanong at idinikit ang noo sa kanya. She could taste his breath still. Na parang iisa na lang ang lasa nila.
“Hindi ko alam. Ikaw itong basta na lang kumaladkad sa akin dito at hinalikan ako.”
Inilayo nito ng ilang pulgada ang sarili sa kanya at sinubukan siyang pagmasdan mula sa liwanag na nagmumula sa labas. “Pero hinalikan mo ako sa stage,” anito at umangat ang gilid ng labi.
“Aksidente iyon. Nalaglag ‘yung card.
“Even the second time?” Nakita niya sa mga mata ang kompiyansa nito. Alam nito ang atraksyong nararamdaman niya. Di na siya pwedeng magtago. Di ba’t muntik na nga niyang ibigay ang sarili dito kanina? Naiinis siya na kailangan pa niyang magpaliwanag. Mas gusto na lang niyang halikan ito kaysa makipag-usap dito. Tuwing nag-uusap sila, di lang sila nagkakasundo.
Pero wala naman siyang magagawa kundi harapin ito. “So… I was curious about kissing you. Pero dahil magaling akong humalik, nadala ka naman.” Akala nito ito lang ang marunong magyabang?
“Nakainom ako.”
Tumirik ang mga mata niya sa inis. Lame excuse. “Ng beer? Mas lasing ka pa sa akin na nakailang shot ng tequila? Ni di mo nga yata naubos ‘yung isang bote.”
“Nakasunod ka pala sa kilos ko?”
“That is beside the point. Hinalikan kita kasi gusto ko. Hinalikan mo ako nang di naman kita pinipilit. Di naman kita tinutukan ng baril o kutsilyo para halikan ako. Hindi naman na tayo bata, Riego. What are we? Fifteen? Na kailangan matakot ka dahil akala mo nakakabuntis ang halik. Di ka na lang umamin na gusto mo talaga akong halikan. Let’s be adult about this. First kiss mo ba ito t ganyan ka kung maka-react?”
“Of course not.” Mariing nagdikit ang mga labi nito. Parang di nito gusto na kinukwestiyon ang kilos nito o ang umamin sa totoong nararamdaman nito. “It was just a kiss and a game. Let’s not make a big deal out of it.”
“Sino ba ang may sabi na big deal iyon? Halik lang iyon.” Itinulak niya ito sa dibdib at saka umalis sa pagkakasandal sa dingding. “Diyan ka na nga!”
Hindi big deal ang halik na iyon. Di nga big deal, di ba?