Kinuha niya ang baraha mula dito at binalasa iyon. “So, magaling ka bang humalik? I am just curious,” tukso pa niya dito at kinindatan ito. “Kung di ka naman confident, maiintindihan ko.”
Napamaang ito at parang hindi alam kung ano ang isasagot. Hindi rin niya alam niya sinabi iyon sa lalaki. Marahil nalusaw na ang inhibisyon niya dahil sa tequila na nainom niya kanina. O gusto lang niya itong tuksuhin dahil alam niyang maiinis ito sa kanya at mas naguguwapuhan siya dito kapag naiinis ito sa kanya. O baka naman nadala lang siya ng kuryosidad kung magaling nga itong humalik o hindi at kung ano ang pakiramdam.
“Okay. Maghanda na kayo,” utos ng host. “Ready, set, go!”
Idinikit niya ang ibabaw ng baraha sa labi sabay higop. Maagap naman si Riego na idikit ang labi sa baraha para ilipat sa plato sa tabi nito. Nahigit ni Sayaka ang hininga nang maramdaman ang diin ng labi nito sa kanya. Kung di dahil sa baraha sa pagitan nila, parang hinalikan din siya nito. Sabay naramdaman niya ang init ng hininga nito nang higupin nito ang baraha.
Nagulat pa siya noong una. Hindi niya inaasahan na parang may kuryente na dumalo sa pagitan nila. Ano bang nangyayari sa akin? Di naman niya ako hinalikan talaga. Bakit ako affected?
Mabilis niyang hinamig ang sarili. Nasa gitna sila ng laro. Di pwedeng mawalan siya ng focus. Di na siya inosenteng teenager na konting dikit lang sa labi ng lalaki apektado na. She was a woman of the world.
Nang sumunod na card, medyo nakakahabol na sila at nakakagamayan na nila. Kinokontrol na lang niya ang emosyon niya kahit damang-dama niya ang pagdidikit ng labi nila. It was like smack on her lips and little zing of electricity. And it started to build up. As if her lips were itching to touch his for real, without the flimsy card between them.
Gusto na niyang matapos iyon bago pa siya mawala sa sarili. Bakit parang napakatagal ng one minute? Bakit hindi pa matapos agad samantalang marami na kaming cards na nailipat?
“Kayo na ang nangunguna, Sayaka! Galingan mo pa!” narinig niyang cheer ng mga kaibigan. “Konti na lang iyan mananalo na kayo.”
“Ten, nine, eight…”
Nanginginig ang kamay niya nang idikit ang baraha sa labi niya. Nanlaki ang mata niya nang maramdamang nawala ang pagkakadikit niyon sa labi niya. Gusto niyang umungot para bilisan ni Riego at saluhin ang baraha bago pa tuluyang mawala sa labi niya. Naramdaman na lang niya na bumangga ang labi nito sa labi niya.
Oh, shoot! We kissed.
Animo’y tumigil ang mundo ni Sayaka. It was a simple press of his lips against hes. Aksidente lang ang lahat. And it was not even a real kiss. But she felt the spark, heard the zing. Dama niya ang labi ng binata nang wala na ang baraha at parang iyon ang pinakatamang sandali. Na parang iyon ang first kiss niya.
Nanlaki ang mga mata niya nang maghiwalay ang labi nila saglit. At kapareho rin niya ang itsura si Riego na parang may nadiskubreng isang bagong bagay at namamangha ito.
Hindi alam ni Sayaka kung ano ang gagawin ngayon. Nanginginig ang kamay niyang may hawak ng baraha at tuluyan nang nabitawan iyon. Naririnig pa niya na nagka-countdown ang host. Magpupulot pa ba siya ng baraha at itutuloy ang laban?
Hindi pa. Hindi pa tapos ang laban.
Tumutok ang mga mata niya sa labi ni Riego. That simple accidental smack was not enough. Na-curious na siya kanina at parang di siya matatahimik hanggat di nalalaman kung ano ang pakiramdam ng totoong mahalikan ito.
Hinawakan niya ito sa magkabilang pisngi at idinikit ulit ang labi dito. Kinalimutan niya ang inhibisyon. She nipped his lips playfully and he opened up to her. Hinapit nito ang katawan niya palapit dito. He was kissing her back masterfully. Tinapatan nito ang pagiging agresibo niya. And he tasted so good and manly. She tasted the beer on his lips. She smelled the musk of his cologne. Nawala na pati ang inis niya dito kanina. Everything seemed to melt away. They were inside the cocoon-like energy that they built around each other. Silang dalawa lang ni Riego at ang halik nila. And she freakin’ wanted more. She wanted to sink into his body. Let him take over her senses. At noon lang niya iyon naramdaman sa isang lalaki.
“Uwian na! May nanalo na!” anunsiyo ng host.
Nagising si Sayaka sa palakpakan ng mga tao. Parang nagising siya sa isang magandang panaginip. Nakita na lang niya na nakatingin ang host na si Kim sa kanya. Nakatutok na sa kanila ang mata ng ibang contestant at maging ang mga tao. Kitang-kita ng lahat ang nangyari.
Dali-daling humiwalay si Sayaka kay Riego dahil sila pala ang tinutukoy ng host. Hindi niya alam kung ano ang sumapi sa kanya at hinayaan niya ito na halikan siya. O ako ba ang humalik sa kay Riego? Ilang beses siyang kumurap. Ako ba talaga humalik sa kanya sa harap ng maraming mga tao? Sa harap ng mga conservative na taga-Pandan? Anong gagawin ko? Baka bumuka ang lupa at ipalamon nila ako.
Okay. Di siya mapanghusga sa mga wild na tao. May mga nakakasalamuha siyang tao na di nahihiyang mag-public display of affection, makipag-one night stand o humalik sa mga di nito kakilala. Pero di naman siya sanay sa ganoon. Di siya basta-basta nanghahalik. Siya ang unang hinahalikan at di niya iyon ginagawa sa public.