TUMINGALA si Justine at ngumiti nang makita ang pagtagos ng sikat ng araw sa nagtataasang puno ng mahogany. Ang Ardent Hot Spring Resort ay nasa puso ng Mount Hibok-Hibok, isa sa mga aktibo at pinakasikat na bulkan sa Pilipinas. Isa sa pinakamalakas nitong pagsabog ay noong 1871 dahilan para lumubog ang isang bayan. Napakaganda ng kalikasan doon dahil sa matataas na mga puno at naririnig din niya ang lagaslas ng mainit na bukal sa baba. Sinong mag-aakala na may tahimik na bulkan pala doon na pwedeng magpakita ng galit ng kalikasan sa takdang panahon.
Matagal magbihis sina Dreamilyn at Yngrid kaya nag-abala muna siyang kumuha ng mga larawan. Kung tutuusin ay konti lang ang mga larawan niya dahil mas gusto niyang kumuha ng magagandang tanawin kaysa kuhanan ang sarili niya. Habang kumukuha ng magagandang tanawin ay sinamantala rin niya ang pagkakataon na maghanap ng guwapong lalaki sa mga bisita doon. Seryoso talaga siya sa hamon niya sa sarili na ibibigay niya ang numero niya sa mapalad na lalaking iyon.
Na-spot-an niya ang isang guwapong blonde na umaahon sa hot spring. Heto na ang tsansa niya. Pero di pa man siya nakakahakbang para gumawa ng da moves ay isang blonde ang sumalubong dito at niyakap ito. Nanghinayang siya. Taken na pala ito.
Nang iikot niya ang mata, lahat halos ng may itsurang lalaki ay may ka-partner na. Mukhang hindi niya magagawa ang plano niya. Pambihira naman! Aalis ba siya sa Camiguin nang bigo? Ang hot spring na iyon na ang last tourist spot na pupuntahan nila. Matapos iyon ay babalik na sila sa resort na tinutuluyan nila. Sana naman ay magpadala ang langit ng guwapong lalaki na may matipunong katawan para magawa niya ang misyon niya. Minsan lang naman ito.
"Excuse me," anang malalim at lalaking-lalaking boses sa likuran niya.
"I'm sorry. I..." Nag-sidestep siya at dumako ang tingin sa abs nito. Umakyat sa matipuno nitong dibdib at malapad na balikat. Malapit nang tumulo ang laway niya hanggang mapapatitig sa guwapo nitong mukha. Ito na ang pinakaguwapo at hot na lalaki sa hot spring resort na iyon.
Subalit nawala ang ngiti sa labi niya nang mamukhaan ito. Ang lalaking nambastos sa kanya sa airport. Ang lalaking nagbintang sa kanya na miyembro siya ng sindikato.
“Ikaw na naman? Sinusundan mo ba ako?” mataray niyang tanong at namaywang. Mukhang type nga siya ng kumag na ito dahil hanggang doon ay sinundan siya. At malakas talaga ang loob nito. In-approach pa talaga siya at nilapitan. As if naman makaka-score ito sa kanya.
Nagsalubong ang kilay nito. "Paanong sinusundan kita? Are you delusional, MisS> Kahapon pa ako naka-check in dito sa resort. Baka ikaw ang sumusunod sa akin.”
She suddenly shut her mouth. Napahiya siya doon. Hindi siya nito sinusundan. Malay ba niyang doon pala ito naka-check in. Kung alam lang niyang doon ito naka-check in, sana ay hindi na lang siya pumunta.
Mariin siyang pumikit. Naiinis pa rin siya dito pero hindi naman niya pwedeng sirain ang bakasyon niya dahil lang dito. Hindi rin niya gustong gumawa ng eksena sa hot spring. Iyon ang ina-anticipate nilang magkakaibigan sa pagpunta sa Camiguin. They wanted to relax at the hot spring. Pagbalik kasi sa resort ay mag-aayos na sila ng mga gamit para sa pagbalik nila sa Cagayan de Oro bukas para sa flight nila.
Ayaw na lang niyang makipagtalo sa lalaking ito dahil tiyak na sa huli ay siya pa ang mababaligtad. Ngayon pa nga lang ay pinalalabas nito na siya ang sumusunod dito. Kapal!
Pilit niyang kinalma ang sarili at dumilat. "Okay. This is just an unfortunate incident. Iisipin ko na lang na hindi tayo nagkita. Na hindi ka nag-e-exist sa islang ito. At ganoon din ang gawin mo."
Isinuklay nito ang daliri sa buhok. Bakas ang frustration sa mukha nito. "Look I just want to have a shower."
Namula siya at may kakaibang init na gumapang sa buong katawan niya. "Bakit kailangan mo pang sabihin sa akin iyan? Kundi ka ba naman bastos talaga..."
"Natural lang na sabihin ko sa iyo dahil nakaharang ka sa shower," anito at itinuro ang tubo na nakatayo di kalayuan sa kanya at sa tuktok ay nozzle ng shower. Hindi niya iyon napansin kanina dahil malapit sa isang puno at may mga halaman pa sa paligid. Malabo na rin ang karatula ng shower. "Kaya nga nag-excuse ako nang maayos. Ikaw itong kung saan-saan pumupunta ang utak. Can you stop making a big deal out of it? Just stay away from me so I can take a shower in peace."
So she overreacted. Gusto sana niyang humingi ng paumanhin dahil nature naman niya ang magpakumbaba. Pero di yata niya iyon gagawin sa lalaking ito. Nakakairita kasi ito. Tuwing bumubuka ang bibig nito ay parang lagi siyang iniinsulto. She had to fight back.
"Fine!" aniya at nagdadabog na naglakad palayo. Hindi siya magso-sorry dito. Manigas ito.
Natigilan siya sa paglalakad nang marinig ang lagaslas ng tubig sa likuran niya. Pinanood niya itong mag-shower. Nakatagilid ito sa kanya at nakapikit ito nang mariin habang tinatanggap ang pagbagsak ng malamig na tubig mula sa shower patungo sa katawan nito. She stood there mesmerized while the water cascaded at his perfectly sculpted face. Bumaba ang tubig sa leeg nito patungo sa dibdib nito hanggang sa magandang hulma ng sikmura nito.
Nakakahalina itong pagmasdan. Napahawak siya sa lalamunan niya at nang mga oras na iyon ay gusto niyang uminom ng malamig na tubig. Hindi niya maiwasang mainggit sa patak ng tubig na humahaplos sa katawan nito. Ano ba itong nararamdaman niya? Bakit hindi niya maialis ang tingin sa lalaking ito? Guwapo naman ito at matipuno pero masama ang ugali. Mas mahalaga sa kanya ang ugali kaysa sa panlabas na anyo. Pero kung ganito naman ang panlabas na anyo… parang masarap pagnasaan…. Masarap papakin.
"Hoy! Anong tinitingnan mo diyan?" panggugulat ni Dreamilyn sa kanya at hinawakan siya sa balikat.
“Ano ba?” angil niya at magkasalubong ang kilay itong hinarap.
“At bakit mainit ang ulo?” tanong ni Dreamilyn at minulagatan siya ng mata. Lumagpas ang tingin nito sa balikat niya at nanlaki ang mata. Marahil ay nakita na nito ang nakita niya.
“OMG! Nandito rin ang guwapong lalaking nakaaway mo sa resort. At pinapanood mo siyang mag-shower,” sabi ni Yngrid na nakatingin din dito. Pumaswit ito. "And he is smoking hot. Parang diyos siya ng Bulkan ng Hibok-Hibok."