January 15, 2014
Patulog na sana ako non nang tumunog yung cellphone ko. Hinayaan ko nalang dahil sanay na naman ako na palaging may nga nagchachat sa akin na kung sino sino.
Pag gising ko nung araw na iyon, agad akong bumangon dahil sa mahuhuli na ako sa klase. Alas siete kasi ang simula ng klase ko.
Habang naglalakad ako sa daan papunta sa school ay ka chat ko yung kaibigan kong si Dhanni o Dhanniesa na siya palang nag chat nung madaling araw sa akin, todo takip pa ako sa cellphone ko dahil sa hindi ko maaninag yon dahil sa sinag ng araw.
Kahit hindi ko na maaninag ng ayos yung cellphone ko dahil hindi ko mahanap yung adjust-an ng brightness ay sige pa din ako sa pag type habang naglalakad.
Nang makasakay ako sa jeep, napakunot agad yung noo ko nang may makita akong ibang nagchat doon bukod sa kaibigan kong si Dhanni.
"Clyronne Oppxr"
Napakunot pa ulit saglit ang noo ko bago tignan ang message nya at nanlaki ang mata ko nang makitang na wrong send pala ako kaya nag reply sya ng "?"
Sorry ako ng sorry pero tinatawanan lang nya ako. Tsaka ko lang din naalala kung sino sya.
Naalala kong, siya pala yung partner ko sa falling game na sinalihan ko pero agad akong nag left. Ansabi nya ay tanda nya pa din daw naman ako.
Tinanong nya pa kung bakit daw ako umalis sa gc na yon at sinabi ko naman ang dahilan ko.
At nagtanong din ako sa kanya kung andon pa ba siya sa gc na yon, ang sabi niya naman ay umalis na din daw sya at nakakatuwa na halos parehas kami ng rason.
Hanggang sa noong araw na iyon doon na nagsimula yung pag uusap namin ni Clyronne.
Andami kong sinasabi sa kaniya na kung ano anong mga kalokohan kaya naman tawa sya ng tawa.
March 29, 2014
Makalipas lang ang mahigit dalawang buwan ay napapadalas na ang pag uusap naming dalawa.
Halos buong araw kaming nag uusap. Lagi kong kinukwento sa kanya yung mga nangyayari sa akin sa bawat araw na nagdadaan. Ganon din naman siya sa akin.
Kung minsan nga ay nanghihinala ako sa kanya na baka babae sya dahil nga sa uso din sa rpw yung cross role player or crp. Yun bang magpapanggap na lalaki pero babae naman talaga sa totoong buhay.
Sa katunayan kasi ay nabiktima din kasi non ang ate Bea ko kaya halos masaktan noon ang kapatid ko.
Pero panay tanggi naman si Clyro sa akin at ilang beses ang ginawa nyang pagtanggi sa bawat pangungulit ko kaya naman naniwala nalang din ako.
Pero kahit nanghihinala ako sa kanya minsan ay kinakausap ko pa din naman siya. Sa kanya ko din kasi minsan naikukwento ang mga personal na problema ko.
Hindi na din kasi kami nakakapag usap ni Dhanni na matalik kong kaibigan sa rpw dahil sa busy daw siya sa school.
April 24, 2014
Tatlong buwan na din ang nakakalipas simula nang makilala at makausap ko si Clyro. Mas naging magkasundo kaming dalawa dahil sa araw araw naming pag uusap.
Hindi ko alam pero ilang buwan lang ang lumipas, may mga nararamdaman na akong kakaiba sa sarili ko.
Bigla nalang akong napapangiti kung minsan lalo na kapag kausap ko siya at para bang hindi nakukumpleto ang araw ko kapag hindi ko siya nakakausap.
May isang araw nga na hindi lang niya ako nireplyan agad ay grabe ang tamlay ko. Ni wala din akong gana kumain dahil don. Hindi ko naman siya magawang ichat non dahil sa nahihiya din ako.
Kung ano ano na ang nasa isip ko non, na baka ayaw nya na akong kausap, na baka may nahanap na siyang bagong makakausap yung mas madaldal at mas magaling mag isip ng topic kaysa sa akin.
Kung ano ano ang inisip ko nung araw na iyon. Pero kinabukasan nag chat ulit siya sa akin at halos matawa ako sa sarili ko nang mabasa ang chat niya.
"Hello Zhelri! Sorry busy kasi ako sa pagrereview kahapon babawi ako promise"
Halos humagalpak ako ng tawa nang mabasa yon. Grabe naman kasi ang ginawa kong pag dadrama yun pala ay busy lang siya sa pag rereview.
Matapos nga non nag tuloy tuloy ulit ang usapan namin. Kung ano anong kalokohan nanaman ang pinagkukwento ko sa kanya. Ganon din naman at nagkwento din.
Kwentuhan ang lagi naming ginagawa kaya minsan madalas talaga na inaabot kami ng 5am sa pag uusap.
Kaya naman madalas na wala akong tulog na napasok sa school dahil sa 7am ang pasok ko.
Pero kahit ganon pa man, ay ayos lang sa akin sanay na din naman akong napasok na walang tulog sa school at masaya naman ako sa dahilan non.
June 15, 2014
Halos anim na buwan na simula nang magkakilala kami ni Clyro. At sa araw na 'to din siya nagtapat ng nararamdaman nya sa akin.
Punong puno ako ng gulat nang magtapat siya sa akin. Doon ko na din inamin ang nararamdaman ko para sa kanya.
Nung araw din na yon ay pinayagan ko siyang ligawan ako. Alam kong napaka bata ko pa. Dahil mag di-disi syete palang ako sa October habang siya naman ay mag di-disi otso palang sa January.
Pero hindi naman siguro masama kung pumasok kami sa relasyon ng sa ganoong gulang.
Kung sasagutin ko man siya ay hanggang sa mundong yon lang naman. Yun bang tinatawag nilang "Rp to Rp" at hindi na makakarating pa rw or real world.