Matapos noong gabing sinundo ako ni kuyang pogi sa may parking lot ng Robinson ay hindi ko na siya nakita pa.
Bakit naman siya magpapakita pa sakin diba?
Sino ba ako?
Hayst! Forget! Forget!
Muli ko na namang naalala yung gabing nakasakay ako sa loob ng sasakyan niya. Ang bango sa loob!
Hindi ko nga alam kung bakit ako sumama sa lalaking iyon! Eh di ko naman kilala! Buti nalang di niya ko nirape! My virginity is for my Mr. Right lang. Pero ang hindi ko inaasahan ay magkakilala pala sila ni Kuya!
Flashback.
Nang makasakay ako sa kotse ni kuyang pogi ay naamoy ko agad ang mabangong amoy ng sasakyan nito.
Puno ang paligid ng katahimikan, ni walang bumasag ng katahimikang iyon. Basta matapos kong maibigay ang aking address ay hindi na siya nagsalita pa, nagsasalita lang siya kapag nagtatanong ng daan at wala ng iba, kaya hindi na rin ako umimik.
Sino ba naman kasi ako para kausapin niya diba?
Matapos ang mga minuto ay tumigil ang sasakyan sa harap ng aming bahay.
"T-thank you." saad ko. Tumango lamang siya sa akin.
Napansin ko kaagad si kuya Charles na papalapit sa sinasakyan ko kaya agad kong tinanggal ang seatbelt at bumaba ng sasakyan.
Nang makalapit si kuya ay tiningnan niya kaagad kung sino ang kasama ko o ang naghatid sa akin.
"Kayden?" naninigurong tanong ni kuya.
Magkakilala s-sila?
Halatang nagulat ang lalaking naghatid sa akin nang mag angat siya ng tingin kay kuya,
"B-bro?" hindi niya makapaniwalang tanong.
"Long time no see!" ngiting ngiting saad ni kuya at umupo sa loob ng sasakyan katabi ng driver seat kung saan ako nakaupo kanina.
Matagal na ba silang magkakilala?
"What's up?" nakangiting saad nung tinawag ni kuya na Kayden. Nag apir silang dalawa, halatang tuwang-tuwa na nagkita sila.
"I miss you bro!" saad ni Kuya.
"Dito na pala kayo nakatira?" tanong nung Kayden.
"Yes bro, magkakilala pala kayo ng sister ko?" tanong ni kuya, natigilan si Kayden at lumipat ang tingin sa akin.
"Sister mo yan?" nagtataka niyang tanong.
"Oo bro, di ba halata? Ampon yata yan" pang aasar ni kuya sakin habang tumatawa. Napairap ako sa sinabi niya.
"Oy! Ang kapal ng muka mo kuya baka ikaw ang ampon!" pagtatanggol ko sa sarili.
Bumaba na si kuya Charles sa loob ng sasakyan, "Bro! Tara pasok ka muna sa loob. May pasok ka ba tomorrow?"
"Ah, maybe next time, I really need to go." sagot ni Kayden.
"Ah ganon ba? Sige next time na lang."
Nauna na akong pumasok sa loob ng bahay at iniwan ko na si kuya sa labas, hindi ko na pinakinggan ang huli nilang usap.
Nagtatakbo na ako paakyat ng aking kwarto.
Nang maicharge ang cellphone ay agad kong chinat si Clarisse.
Hindi ako mapapakali hangga't hindi ko naichichika sa kaniya ang nangyari sa buhay ko ngayong araw!
"Mainggit ka Clarisse! HAHAHAH"
Nakamegajackpot ako ngayong araw!
[Clarissaaaaa besssyyyy gising ka paaa?]
Clarisse:
[Hoy gabi na! Matulog ka na!]
[Mainggit ka pleaseeeee]
Clarisse:
[Sira! Bat naman ako maiinggit sayong chaka ka?]
Panira naman itong si Clarisa! Bwisit! Pasalamat ka goodmood ako ngayon kaya di kita aawayin.
[Nakita ko na si Mr. Righttt kooooo]
Clarisee:
[Share mo lang?]
Shutanginames! Kaibigan ko ba talaga ito?
[Namo!]
Clarisse:
[Pogi ba yan?]
Tamo 'tong babaeng ito! Palibhasa mahilig din sa gwapo!
Bahala ka sa buhay mo!
Nang maramdaman kong pumasok si kuya sa kwarto niya ay agad akong lumabas ng aking kwarto.
"Kuya!" tawag ko. Nasa tapat ako ng pintuan ng kaniyang kwarto. Binuksan ko kaagad ang pinto ng hindi siya sumagot. Mabuti na lamang at hindi iyon naka lock.
"Hoy panget anong ginagawa mo dito?!" reklamo niya kaagad. Higang higa siya sa kama.
"Bat kasi di ka tumutugon!" reklamo ko.
"Gabi na panget! Matulog ka na!"
Makapangit naman ito! Akala mo di ko kalahi! Sakalin kita jan eh!
Umirap ako sa kaniya pero agad rin ngumiti at lumapit sa kaniya. Kailangan maging mabait ako dahil may kailangan ako kay kuya!
"Kuya, pano kayo nagkakilala?" tanong ko nang makaupo ako sa tabi niya.
Kumunot ang noo niya sa aking tanong. Nagiisip kung sinong tinutukoy ko pero maya-maya lang ay agad ng ngumisi.
"Tigilan mo yang kalandian mo panget!" aniya at saka dumapa sa kama, akmang matutulog na. Kalandin agad? Pangalan lang eh! Madamot!
"Dali na kasi kuya! Hindi ko naman nilalandi yung tao eh! Nagtatanong lang! Madamot!" pagtatampo ko.
"Matulog ka na." mahina niyang sabi. Napairap akong muli.
"Paano muna kayo nagkakilala?" pangungulit ko. Akala mo titigilan kita huh.
"He's my tropa when I was in high school." inaantok niyang saad.
"Ahh"
"Anong whole name non?" pag uusisa ko.
Natigilan si kuya at huminga ng malalim, mabilis siyang nakakuha ng unan saka inihampas sa akin.
"Aray ko naman!" reklamo ko. Tatanong lang ng pangalan eh!
"Hay nako Loreng! Tigil-tigilan mo ko."
"Dali na kasi! Madamot!" pagtatampo ko.
"Tumigil ka! Hindi ka magugustuhan non!" natatawa niyang pang aasar.
Ang advance mo naman mag-isip! Nagtatanong lang ng pangalan eh! Sakit mo magsalita.
"Foul ka kuya!" reklamo ko. "Bilis na kasi kuya Charles! Ang damot-damot mo talaga! Parang di kapatid!"
Diba dami ko na agad nasabi.
"Pangalan lang eh!"
Ayaw niya talagang sabihin!
"Study first yon." sagot niya.
"Ako din naman ah." natatawa kong sagot. Muli niya akong hinampas ng unan. "Aray ko naman! Parang di nakakasakit ah!"
"Tumigil ka! Ayusin mo 'yang tres mong marka!"
"Pangalan lang ni kuyang puge eh."
"Pogi din naman ang kuya mo ah?" nakangiti niyang saad sa akin. Muntik na akong madura sa sinabi niya.
"Feeling mo naman." mahina kong bulong.
Pero pogi naman talaga si kuya Charles kaya nga crush yan ni Clarisse eh.
"Bala ka di ko sasabihin." pananakot niya ng marinig ang bulong ko.
"Dali na kuya kong pogi!" pambobola ko.
"Ayaw." pagtatampo niya.
"Daliii naa!" pamimilit ko. Habang hinihila hila paharap ang braso ni kuya. Nakadapa kasi siya.
"Wag puro pogi Loreng ang hanapin mo, gayahin mo ako na nag-aaral mabuti."
"Tumigil ka kuya! Alam ko namang puro malalaking boobs hanap mo! Tapos pag mukhang ugly duckling o kaya mukhang unggoy, sasabihin mo sa kanila study first ka! Iww ka kuya!"
"Bala ka di ko sasabihin." pagtatampo niya ulit saka nagtaklob ng kumot.
"Hala! Joke joke lang yun! Naniwala ka naman?" pagbawi ko sa sinabi kanina habang pilit inaalis ang kumot na nakataklob sa kaniya. "Bili na kuyaa! Ano ng name! Tapos saan napasok!"
Nakasimangot na inalis ni kuya ang kumot na nakataklob sa kaniya.
"Akala ko ba pangalan lang? Bakit may additional question?"
"Sagutin mo na lang kasi kuyaaa!"
Inirapan niya ako.
"Pleaseee" saad ko habang nagpapacute sa harap niya. Nabebeautiful eyes.
"Ampanget mo panget HAHAHHAHAHHAHHA" pang-aasar niya.
Bigla akong napasimangot, ang bad talaga ni kuya!
"Iyak ka munaaa hahahahhaha"pang-aasar niya pa.
"Bala ka nga! Hindi na kita kuya kahit kailan!" pagmamaktol ko saka pinagkrus ang dalawang braso, akmang lalabas na ng kwarto.
"Oh eto na nga! hahahahahaha ipagprepare mo muna ko ng pagkain, tas dalhin mo dito sa kwarto ko" utos niya habang nakahawak sa tiyan.
Oh di ba, ang bait ni kuya! Nag-utos pa.
Ako naman si uto-uto bilis-bilis na bumaba para kumuha ng pagkain sa kusina. Nang makakuha, ay agad akong umakyat ulit sa kwarto ni kuya.
"Oh kuya eto na!" nakangiti kong saad habang dala-dala ang tray na may pagkain at inumin.
Umupo siya mula sa pagkakahiga saka inabot ang tray na may pagkain.
"Ambait naman ng bebe gerl ko" pang aasar niya. Napairap na lamang ako. Ngayon lang ito!
"Ano ng name kuyaaa?" pangungulit ko at tumabi sa kaniya.
"Kakain muna ko." sagot niya.
"Sabihin mo na kasi"
Ang daming arte ni kuya!
"Weyt lang ubusin ko lang 'to "
"Kuya naman ehhh bili naaa-"
"Kayden!" putol niya sa pangungulit ko.
"Alam kooo" nakasimangot kong sagot.
"Alam mo naman pala eh! Nitatanong mo pa hahhaha"
"Yung buong pangalan kasi kuya!" sarkastiko kong sagot.
"Kiss muna" utos niya. Nang aasar. Nakakainis na!
"Kadiri ka kuya!"
"Bala ka di ko sasabihin" aniya at akmang susubo ulit ng pagkain.
"Oh eto na" sabi ko sabay kiss ko sa pisngi ni kuya. Lumawak ang ngiti niya sa labi.
"Sweet naman ng bebe gurl" nakangiti niyang saad. Sweet mo muka mo!
"Ano na whole name kuyaaa? At saan napasok? "
"Kayden Lopez. Hindi ko alam kung saan na siya napasok." sagot niya. Matapos ay nagtatakbo na ko palabas ng kwarto.
"Hoy dalhin mo muna ito sa kusina!" sigaw niya.
"May kamay at paa ka kuya!" sigaw ko rin.
"Bwisit ka panget!"
"I don't labyu kuyaaa" sigaw ko at tuluyan nang dumiretso sa kwarto ko.
End of Flashback.