GREAT NICKNAME
Mason organized everything as we are about to start the pictorial, makukulit ang mga bata rito at naiinis na ata itong si Mason. Pero karma niya iyan dahil mas matindi pa iyong inis ko nang pagtulungan nila ako noon.
Kung ako ang tatanungin ay mas gusto ko itong mga makukulit na ito kaysa sa kanya.
Napakamot na naman ako sa kilay nang maalala kong akala ko ako na ang pupuntahan no'ng anghel—este babae kanina pero hindi pala. Nakakahiya at iniisip kong baka sinusundan niya ako pero baka naman talagang nagkataon lang. Pero hindi ko iyon maiiwasan dahil sa isa akong gwapo ay lapitin ako ng mga chicks.
"Ba't dimo nalang i-shave yang kilay mo Travis?! Kanina mo pa 'yan kinakamot ah?" Inirapan ko nalang si Mason sa ika-labing siyam na pagsita niya sa akin. 
Kanina pa kasi ako nagkakamot, at kanina pa rin kasi akong nalilito kung coincidence lang ba ito o may stalker na naman ako?
"Travis oh, si Ji!" Binigay ni Mason sa akin ang telepono at bumalik din kila Cameo.
Tinitigan ko naman itong cellphone niya saka nilapit sa tainga, mabilis ko rin iyong nailayo dahil sa mura agad ang bumungad. 
"Walang'ya kang Tinidor ka, kanina pa kita kinokontak ah? Kung hindi ko pa tinawagan itong si Gansa baka hindi mo pa ata sasagutin mga tawag ko!" Napangiwi ako at kinuha ang cellphone ko sa likod ng pantalon.
25 miscalls? Di ba to nauubusan ng load?
"What do you want? Miss me already?" 
"Si Louie, oo, pero kung ikaw kahit mamatay ka pa ngayon na," aniya na nagpa-irap sa akin.
Hindi ko alam kung maiinis o matutuwa ako, naawa ako sakanya dahil ginawa lang siyang pampalipas oras ni Louie pero hindi parin niya matakasan ang nakaraan nila.
"Move on na Kalbo!" 
"I am! Kailangan ko lang 'yong mga notes ko para makapag-review na 'ko, 'tsaka nasaan ba kasi kayo?"
Bumuntong hininga ako at napakamot sa kilay, napatingin ako sa babaeng akala ko stalker ko na. May kasama siyang bata habang iniiwasan  iyong lalaking nakaputing polo, pansin ko ang pag-iwas no'ng babae pero patuloy pa rin siya sa pagsunod. 
"Work. Pumunta ka nalang sa bahay, or better if you call bunso," sabi ko at sinundan ng tingin iyong lalaki na maitim na ang mukhang naupo. Sinulyapan ko ng tingin iyong babae 'tsaka muling napatingin sa lalaki.
Is he the boyfriend?
"Bobo ka ba? Nandoon si Louie! Paano pag nagkita kami? Paano pag kinausap niya ako? Paano pa—"
"Dami mong paano, edi kausapin mo. Ano naman ngayon, hindi naman siya nangangain ah?" 
"Gago ka ba? Exes don't talk," sabi niya, napaisip naman ako.
Exes don't talk? May gano'n ba?
"H'wag mo nang isipin, wala ka rin namang utak. Kung gusto mo talagang malaman edi ask the expert Gansa. Anyway kumusta kayo no'ng alam mo na?"  Dugtong niya. 
"Sinong alam ko na? At may utak ako mas malaki pa sayo. 'Tsaka ginagamit ko, lalo na pagdating sa pag-ibig. Hindi gaya ng isa riya—"  
"Kinukumusta ko kayo ng maayos tapos laglagan pala gusto mo ha?! At bakit sa dinami-rami ng babae rito sa mundo eh 'yong maldita pa ang natipuhan mo." 
Bastos, hindi pa ako pinatapos sa sasabihin. Parang 'di kaibigan ah.
Kumusta nga kami? Hindi ko alam. Malamig? Hindi na iyong gaya ng dati ang pakikitungo niya sa akin. Sino nga ba ako sakanya? Ano ba kami? Gusto ko siya at paniguradong gusto niya rin ako pero anong nangyayari ngayon?
Kinaiinisan ni Ji si Mason Girl, hindi ko alam kung anong ginawa niya para magkaroon siya ng pagkadisgusto sa babaeng natitipuhan ko. Siguro dahil kaibigan namin siya ni Mason? Dati ay iyon ang dahilan kung bakit iniiwasan niya ako, dahil 'kami' raw ni Ji at mas mahal pa raw ni Mason si Ji kaysa sakanyang kambal niya mismo.
"Anong gusto mong sabihin ko? At natutuwa ako sobra, grabe! Parang gusto kong ipagcelebrate na sa wakas ay kinumusta mo rin kami ng magiging kumare mo," ani ko habang natawa sa huling sinabi.
"Seryoso kumare talaga? Pag kayo hindi kinasal bigyan mo 'ko ng dalawang libo ha?" 
Abay makikipagpustahan pa ata ito?
"Oo kahit limang libo pa! Pero nasaan ka rin? Ang ingay diyan, sa mall ba?"
"Hindi! Nandito lang ako sa baba ng condo, may pamilya kasing nagbobonding. Sige! Bye na, kukunin ko nalang sa bahay niyo," aniya at nagpaalam. Bago ko pa ibaba ang telepono ay tinitigan ko muna iyon.
Bonding sa baba ng condo niya? Abnormal nga 'tong kalbong ito. Kahit kailan hindi siya marunong magsinungaling!
Nilagay ko muna sa bulsa ko ang cellphone ni Mason na si Mary Ann ang wallpaper, nakuha ng batang maduming kumakain ang paningin ko. Na-iiling akong lumapit doon sa kinaroroonan niya at kinuha ang panyo sa kabilang bulsa ng pantalon ko.
"Hi there!" 
Tiningala ako nito at mabilis ding binalik ang mga mata sa carbonarang kinakain. 
Sungit.
"Here." Nailahad ko ang panyo, muli ay tinaas niya ang tingin, pero ngayon ay nagpapalit-palit na sa akin at sa kamay kong may panyo.
"No thanks," masungit niyang turuan.
Naupo ako sa harapan niya, nilibot ko ang paningin dito sa loob nagbabasakaling may makita akong mga magulang na naghahanap.
"Why are you alone? Where are your parents?"
Tinaasan niya ako ng kilay, nagulat man ay nagawa ko paring gawing seryoso ang mukha.
"My father died before I was born, and my Mama told me not to talk to some old strangers," saad niya ng may pagkataray.
Her Mama must be a very independent woman.
"I'm not old, just a stranger wanted to help," sabi ko saka muling nilahad ang panyo sakanya.
Kahit makikita ang pag-aalinlangan sa mukha niya ay kinuha niya parin iyon at pinunasan ang labi niya, pati sa pisngi't ilong. Pinanood ko siyang ubusin ang kinakain niya, napansin kong kulay asul ang dress niya. Bumabagay sa kanya lalo na't nag-uumapaw ang kaputian niya, makakapal ang mga kilay at pilik mata niya, bilugan ang mga mata at matangos na ilong, makikintab na labi at mala-tinapay na pisngi.
"Ouch!" 
Napangiwi ako 'tsaka binaba ang kamay na pinipisil na pala ang pisngi niya. Ngumuso ako 'tsaka napangiti ng makita ang lalaking naka-polo kanina, palapit siya sa amin. 
Baka pamangkin niya 'to, it'll be impossible if he's the father when he's dead.
"Is he doing something bad to you Saña?" 
Saña is her name? Pretty huh.
"Tito Still!" 
So this ass is her Tito? Ang pangit ng pangalan.
Hindi ko alam pero naiinis ako sa kanya! 
"I just helped her, sir." Bumuntong hininga akong tumayo at nagpaalam kay Saña, masama ang tingin sa akin no'ng Still na lalaki.
Hindi ko naman gagawan ng masama iyong bata, at sa gwapo kong 'to bawal akong manakit ng bata. Una wala silang maling ginagawa, ikalawa ang kyu-cute nila! Lalo na pag mataba! 
"Start na tayo?" Tinanguhan ko si Mason na kakatapos lang kausapin iyong bride.
I fix my cam and position near the coconut tree where the bride is. She's wearing a long blue gown, standing in the shore overlooking the ocean and holding a bouquet of yellow tulips while the sun is shining bright. I kneel my left knee down to balance the brightness and take a shot, twice. 
After the bride, the groom and after that, both of them were captured. Naupo ako habang tinawag ni Cameo iyong matron of honor, bestfriend daw iyon ng bride. I wipe my forehead that keeps on sweating using the back of my hand and crossing my brows after meeting my stalker's eyes. 
Tinanguhan niya iyong bride 'tsaka lumapit sa akin. Bumibilis ang paghinga ko kasabay ng pintig ng puso ko, bakit siya lumalapit sa akin? Hinihika ba ako?
Huminga ako ng malalim at pinaseryoso ang mukha, kahit na nagtatambulan ang pagpitik ng pulso ko ay sinubukan kong kumalma. Nang makalapit siya sa akin ay kinamot niya ang siko, namumula siya. Namumula siya?!
"K-Kumain na raw muna tayo bago magsimula ulit Mr. P-Photographer," aniya ng mautal-utal. Tinanguhan ko siya at tumayo, mabilis siyang umalis kaya napangisi ako ng masilayan ang likod niya.
Mr. Photographer? Great nickname Ms. Nice Hips.