Jasmine's POV:
Halos mamatay-matay ako sa kakatawa pagkakita ko kay Sassy ba 'yon? Oo, 'yong sinasabi ni Belle. Iyong itsura niya kasi parang nakakatakot siyang bading.
No'ng una, nagdalawang isip pa ako kung  lalapitan ko ba siya o hindi. Parang ayoko siyang kausapin kasi tingin niya pa lang parang mamamatay ka na.
Pero dahil gusto kong makaganti kay  Brixx slash devil kaya 'yong takot ko, isinantabi ko na lang muna.
"Any problem?" Mataray niyang tanong sa akin. Gagi, nakakatakot nga talaga siya.
"Uhm, can we talk privately?" I asked her bravely. Kunwari hindi ako natatakot sa kanya. Hoy, hindi siya pangit ha? Ang ibig kong sabihin is nakakatakot siya the way na tingnan ka niya, alam niyo 'yong baklang mahilig sa away? Oo, gano'n siya.
"Okay." Sagot niya lang atsaka sumunod sa akin. Nandito kami sa likuran ng classroom nila.
"So, tungkol saan naman ang pag uusapan natin?" Taas kilay niyang tanong. Maldita talaga!
"Hindi ba, kilala mo si Brixx Alfonzo?" tanong ko sa kanya.
"Of course! He's my loviedubs." Kinikilig niyang sabi. Magkakasundo kami nito, feel ko lang, ah? Haha!
"Kasi—alam mo bang pinapatawag ka niya?" Pang-uuto ko sa kanya. Bigla namang lumiwanag ang mukha niya sa sinabi ko.
"Talaga? Sure ka ba d'yan gurl? Eh, hate na hate kaya ako no'n." Malungkot niyang sabi. Napasimangot din tuloy ako.
"Oo, sabi niya kasi gusto ka raw niyang maka-usap. Baka naman nag bago na 'yon at hindi ka na niha hate?" Pang-uuto ko pa rin sa kanya.
"Baka nga 'no? Saan daw ba at kailan?" Excited niyang tanong. There we go! Lagot ka ngayon, Brixx!
"Ngayon na raw, eh. Sa may bench." sabi ko sa kanya. Bigla siyang nataranta. Naglagay din muna siya ng foundation at liptint.
"Sige, sige. Gorabels na akitch. Babush! Salamat sa 'yo ate girl, ha?" Nagmamadali na siyang umalis. Hindi naman obvious na sobrang excited siyang makita si Brixx, 'di ba? Rawr!
Belle:
Ate, nandito na si kuya papuntahin mo na po dito si ate Sassy bago pa siya mainip at umalis.
Text sa akin ni baby girl kaya nag madali na akong nagpunta sa pinaka malapit na bench. Ang supportive ng kapatid niya sa akin 'di ba?
"Okay, baby. Nand'yan na!" Reply ko sa text niya.
Nandito na ako ngayon sa taas ng puno. Umakyat ako para maganda 'yong view habang pinapanood ko sila.
"Hi, Brixx my loviedubs!" Sabay yakap at halik ni Sassy kay Brixx. Parang nakakita naman si Brixx ng multo ng makilala niya kung sino ang biglang nanghalik at yumakap sa kanya. Grabe, ang sakit ng tiyan ko katatawa.
"What the hell? Get off!" Panay waklit ni Brixx sa braso ni Sassy ngunit sadyang mahigpit itong nakakapit sa kanya kaya galit na galit na napapasigaw na si Brixx hanggang sa nagpagulong-gulong na sila sa damuhan tapos 'yong mukha ni Brixx puno na ng lipstick ni Sassy the gay.
Tawang-tawa ako habang kasalukuyang ginagahasa ni Sassy the gay itong si Brixx. Sobrang nakakatawa, promise!
Sa sobrang katatawa ko.
BOGSH!
"Aray! Kainis, ang sakit no'n, ah!" Nahulog lang naman ako sa puno kaya ayon, nakita ako ni Brixx. Panira naman kasi ang sanga na 'yon,eh! Ganda-ganda na ng pwesto ko tapos mababalian pa pala ng sanga!
"Walanghiya ka talagang babae ka! Tulungan mo ako dito!" Nag-uusok na 'yong ilong niya habang humihingi ng tulong sa akin. Nakadapa siya sa damuhan kaya bale nakapatong lang sa likod niya si Sassy the gay habang panay ang paghalik halik nito sa kanya na siyang pinandidirihan naman ni Brixx. Hahaha! Ang cute nilang tingnan!
"Hala, inaano ba kita?" Painosente kong sabi.
"Ikaw ang nag plano nito, 'di ba?" Galit niyang sabi.
"Hoy, hindi ah! Hindi ko nga siya kilala, eh. Sige na nga, tutulungan na kita." Suminyas ako kay Sassy na tumigil muna kaya tumigil naman siya.
Inabot ko 'yong kamay ni Brixx kaya ngayon bale nakaharap na siya kaya malaya na siyang mahalikan ulit ni Sassy sa kanyang mukha.
"Sassy, ituloy mo na, oh!" Lumapit si Sassy the gay sa kanya sabay.
Tsup!
Nanlaki ang mga mata ko.
"Sayang!" Komento ko dahil akala ko mahahalikan na si Brixx ni Sassy sa lips. Nakaiwas pa ang loko!
"Enjoy ka lang sa kanya Sassy, minsan lang 'yan." Sabay kindat ko kay Sassy at saka umalis na ako.
"Mag babayad ka talaga sa aking babae ka!" Pahabol na sigaw sa akin ni Brixx. Tinawanan ko lang siya.
"Okay! Hihintayin kita n'yan?" Sabi ko sabay patawa-tawa akong tuluyang umalis.
Brixx's POV:
Anong klaseng babae ba talaga ang Jasmine na 'yon? Bakit ang dami niya yatang alam na kalokohan? Mabuti na lang talaga at dumating ang tatlo kong kaibigan kasi kung hindi baka napatay na ako ng Sassy na 'yon!
"Grabe, Brixx! Anong nangyari sa 'yo? Bakit parang talo ka na yata ng babae 'yon? Hahaha! In fairness, nakakabilib siya, ha!" Binatukan ko nga si Mark. Siya talaga 'yong numero unong nang aasar sa akin. Bwesit!
"Aray naman, Brixx!" Reklamo niya. Bagay lang 'yon sa kanya, 'no!
"Oo nga Brixx, ang astig niya." Dagdag naman ni Ethan, isa pa ang loko na 'to.
"So, what's the next plan?" tanong ni Niko.
"Wala munang plan plan na 'yan! Nabu-bwesit pa ako." Inis kong sabi.
"Brixx, I think nakaharap mo na. . ." bigla na namang sambit ni Mark. Napakunot ako ng noo. Anong pinagsasabi nito?
"Anong sinasabi mo d'yan?" tanong ko.
"Oo nga, Brixx. Nakaharap mo na nga." Si Ethan naman ang nag salita.
"Ang ano nga?" Nakakainis na sila! Hindi na lang ako diretsuhin, ang dami pang nalalaman!
"Katapat, bro!" Si Niko naman ang dumugtong no'n.
"Yari ka niyan!" Sabay sabay nilang kantyawan sa akin. Lumabas na lang ako ng tambayan kasi naiinis na talaga ako. Wala akong mapapala sa kanila kundi puro pang aasar lang naman.
Nagtungo ako ng cr upang magpalit ng uniform ko. Winasak na kasi ng baklang 'yon ang uniform ko.
"Bwesit! Piste!"
Halos mapatalon ako sa kabilang kanto ng makakita ako ng ipis sa locker room ko. Kukuha kasi dapat ako ng pamalit ko. Bwesit talaga ang Jasmine na 'yon!
Wala namang ibang gagawa nito sa akin, maliban sa babaeng 'yon!
Jasmine's POV:
Siguro tama na muna 'to. Sa wakas bawing-bawi na ako sa paghihiganti sa kalokohan ng Brixx na 'yon. Ang swerte ko talaga sa kapatid niya, effective lahat ng mga tips na ibinigay niya sa akin.
Hindi ko na naman mapigilan 'yong tawa ko nang makita ko kung paano tumili si Brixx dahil sa ipis. Nice one, Jasmine! You're so brilliant talaga!
Matapos kong tumawa nang tumawa nagpasya na akong bumalik na ulit sa classroom. Enough na muna for this day.
Tignan na lang natin Brixx kung hindi ka pa tumino sa mga ginawa ko sa 'yo.