Tumango lamang si Apple sa sagot ni Luna.
"Ngayong naintindihan mo na ang tungkol sa WAR slot ng ABS, sunod ko nang ituturo sa iyo ang Advance Setting ng WAR."
"A-Advance?"
"Ginagamit ang setting na ito kapag dumating na ang oras na kung saan ay sanay na ang isang manlalakbay sa paggamit ng isa sa slot ng WAR o mas gusto nila ang isa o dalawa sa tatlong slot nito"
"Ha? Kailangan pa ba yun?" takang naitanong niya kay Apple.
"May mga manlalakbay na mas gusto ang gumamit ng mga sandata sa halip na mga Accessory at mag alaga ng ibang Hayop at Halimaw. Dahil sa kagustuhan nilang ito ay binigyan sila ng pagkakataon ni Nexus na baguhin ang slot setting nila sa kanilang WAR slot. Ito ay upang mailabas ang tunay na potensyal ng mga manlalakbay."
Kumunot lang ang noo niya at hinayaan na magsalita pa si Apple baka sakaling makuha ulit niya ang sinasabi nito mamaya.
"Sa pag activate ng Advance Setting, ang mga manlalakbay ay maaring baguhin at palitan ang ayaw nilang slot upang maging isang bagong slot na depende sa kanilang kagustuhan. Ngunit sa pagkakataon na baguhin nila ang setting ng kanilang slot ito ay magiging permanente na at hindi na maaari pang mabago."
"Uh... hindi ko pa rin ma gets..." alangan na ngumiti si Luna.
"Isang halimbawa ay kung mas gusto mo na magkaroon ka ng dalawang alaga, ngunit dahil iisa lang ang slot para sa Rune Crystal, limitado ka lang sa iisa. Dito na papasok ang Advance Setting ng WAR, kung saan aalisin mo ang isa sa Weapon slot o Accesory slot upang madagdagan ang slot para sa Rune Crystal."
"Ah!" Napa palakpak si Luna sa paliwanag ni Apple dahil naintindihan na niya ang ibig nitong sabihin."
"Sa advance setting naman na kung sakaling gusto mo ang tatlong sandata, kung saan hindi ka maaaring humawak ng tatlong espada, binibigyan sila ng bonus na 100% increase pagdating sa lakas at tibay nito kung saan nagiging doble ang lakas ng isang sandata, ngunit kung sakaling armor o baluti ang ilalagay mo sa isa sa tatlong weapon slot ay mananatili ito sa normal na porsyento ng lakas. Kung sakali naman na isang pananggalang o shield ang isa sa tatlong slot at dalawang espada ang natitira, doble muli ang lakas ng sandata na may kaparehong slot."
"Paano kung sa isang slot ay suot ko ang shield, espada naman sa ikalawa tapos inilagay ko sa ikatlong slot ay isang palakol na ibang iba sa espada?"
"Sa ganung klaseng halimbawa na sinabi mo ay bibigyan ng pa alala ang manlalakbay kung alin sa dalawa ang pipiliin niya bilang pangunahing sandata, kapag nakapili na siya ay bibigyan ng percentage bonus ang isang sandata na pinili niya kasama na rin ang espesyal na epekto ng sandata kung meron man, ngunit kung hindi magtutugma ang espesyal na epekto ng isang sandata sa pangunahing sandata na pinili mo. Hindi gagana ang epekto nito maliban na lamang kung ito ang gagamitin niyang pangunahing sandata. Isa pa sa advantage ng may tatlong Weapon slot ay maari niyang pagpalit palitin ang mga sandata kahit pa nasa gitna na sila ng labanan."
"Kung ganun... pwede ko piliin sa Advance Setting na magkaroon ng dalawang alaga o tatlo... o kaya naman ay magkaroon ng tatlong Accessory... pwede rin na dalawang Accessory at isang alaga..." napangiti si Luna dahil mas gusto talaga niya ang magkaroon ng isang alaga noon pa man kahit aso ngunit umaayaw ang kanyang ina, kaya naman matutupad dito sa mundong ito ang kagustuhan niya.
"Maraming Salamat sa iyong pakikinig, bilang gantimpala ay magkakamit ka ng isang daang kudos."
Isang maliit na bag ang lumabas sa harapan ni Luna, sinilip niya iyon at may mga barya itong kulay ginto.
"G-Ginto?" takang sambit niya at napatingin pa siya kay Apple upang kumpirmahin ang nakikita niya.
"Kudos ang tawag sa pananalapi dito, magagamit mo ang mga iyan sa pamimili sa mga gamit na kalailanganin mo sa iyong paglalakbay."
Kaagad na inisip ni Luna na bumili ng Card sa mga orakulo kanyang pagdating. Natutuwa siya sa kakayahan ng mga ito at mukhang magiging kapaki pakinabang pa.
"Ngayong natapos na ang aking pagpapaliwanag tungkol sa Adventurer's Battle Setting ay tutungo na tayo sa ilang mahalagang impormasyon sa mga nilalang sa mundong ito."
Akala ko pa naman tapos na...
Napakamot na lang si Luna sa kanyang ulo at nakinig muli sa sinasabi ni Apple.
"Maliban sa mga diwata at duwende na naninirahan sa aming mundo mayroong tatlo pang uri ng nilalang ang itinuturing na kailangang mawala at magapi sa aming lupain, ito ang pangunahing dahilan kung bakit kayo inimbitahan na maglakbay sa aming mundo."
"Duwende at Diwata?"
"Ang tatlong uri ng mga nilalang na ito ay ang mga Hayop o Beasts, Halimaw o Monsters, kung minsan ay tinatawag din silang Mystical Beast, at ang huli ay ang mga Mystiques."
"May mga Duwende at Diwata din pala dito?" Hindi pinansin ni Apple ang tanong ni Luna sa halip ay nagpatuloy lang ito.
"Ang mga Beast o Hayop ay ang mga nilalang na karaniwang makikita sa aming mundo, karaniwan na nasa mababang antas ang kanilang kakayahan ngunit hindi rin maitatanggi na sa kanila nagmumula ang karamihan sa mga pagkain at pangangailangan na kagamitan na mayroon sa aming mundo. Hindi nila kayang makipag usap ng katulad ng ibang nilalang ngunit mayroon silang kaisipan at pakiramdam.Ang sumunod na uri naman ay ang mga Halimaw o Monster o Mythical Beast. Sila ang mga uri ng mga nilalang na may pagkakahawig sa mga hayop at kung minsan ay tulad ng mga Mystique. May mga Halimaw na kayang makipag usap ng katulad ng ating salita at may iba naman na hindi nabiyayaan ng ganitong kakayahan. Katulad ng sa mga hayop, nagmumula rin sa kanila ang ibang kagamitan at pagkain na pinagkukunan ng ibang nilalang sa mundong ito. Dapat mo lamang tandaan na hindi lahat ng karne ng hayop at halimaw ay nakakain, sa pagdating mo sa aming mundo ay malalaman mo kung alin ang pwede at alin ang hindi."
Parang sumasakit na talaga ang ulo ni Luna sa mga impormasyon na binibigay sa kanya ni Apple.
"Sunod na ipapaliwanag ko ang tungkol sa mga Mystique..."
"Teka, Sandali lang..." Pigil ni Luna kay Apple. "kailan matatapos ang paggabay mo?" medyo nahahabaan na si Luna sa pag uusap nila ni Apple at talagang nasasabik na siya na makita ang mundong sinasabi nito.
"Matatapos ang aking paggabay kung hindi mo ako pipigilan sa aking pagsasalita. Nasasayang ang ating oras sa mga ganitong uri ng konbersasyon." sagot naman ni Apple. Napakamot na lang ng ulo si Luna at humingi ng paumanhin.
"Ang mga Mystique..." pag sisimulang muli ni Apple. "Sila ang may mataas na antas na kapangyarihan at ang pangunahing kalaban sa digmaan sa mundong ito, malaki ang pagkakahawig nila sa mga diwata, may mataas din silang antas ng kaisipan at kaya nilang makapag salita at makipag usap."
"Kung ganun... parana rin silang mga tao? Teka... bakit kailangan silang labanan at sa isang digmaan pa?"
"Ang mga Mystique ay mga nilalang ng kadiliman, wala silang ibang nais kundi ang sirain ang payapang mundo namin at makuha ang likas na kayamanan na taglay nito."
Hindi na nakapag tanong pa si Luna sa sinabi sa kanya ni Apple. Kung kanina ay nasasabik na siya sa paglalakbay na gagawin niya sa kabilang mundo, ngayong nabanggit na ang digmaan at ang tungkol sa mga Mystique ay takot na ang namayani sa kanya.
"Ang kapangyarihan ng tatlong nilalang sa mundong ito ay nasusukat sa iba't ibang antas, nahahati sila sa iba't ibang Class. Mula sa Class E patungo sa Class S. Ang isang Class naman ay nahahati sa lima pang antas. Mula sa bilang na lima na siyang pinaka mababa hanggang sa bilang na isa na siyang pinakamataas."
Hindi pa man nakakarekober si Luna tungkol sa mga Mystique ay tila nagulo na naman ag kanyang utak sa mga antas ng kapangyarihan na sinasabi ni Apple.
"Class E ang pinakababa o pinaka mahinang antas ng kapangyarihan at ang bawat Class ay nahahati naman sa limang bilang..."
"H-Hindi ko maintindihan."
"Ilabas mo ang iyong Summon Type Carta." utos ni Apple sa kanya.
"Paano?"
"Bigkasin mo ang pangalan ng baraha, kusa na itong lalabas mula sa iyong deck."
"Baa-Baa..."
Isang mahinang tunog ng "Poof" ang narinig ni Luna at lumabas sa harapan nya ang isang baraha na ibinigay ni Apple kanina.
"Kung susuriin mo ang Summon Type na Cartang hawak mo, makikita mo na maliban sa imahe ng Carta ay nakalagay dito ang deskripsyon ng tatawagin mong nilalang... Ang Elemental Base at Type nito at ang Class kung saan siya nabibilang."
Binasa ni Luna ang hawak niyang baraha at nakita nga niya ang sinasabi ni Apple sa kanya.
"Class E5."
"Ang Class E ang pinakamababa..." pag uulit ni Apple na halatang naiinis sa paulit ulit na paliwanag.
"ang mga Class ay nakabase sa kung gaano kalakas ang isang nilalang. Class E, D, C, B, A, S at X."
"Ang isang Class naman ay nahahati din sa limang antas, mula sa lima na pinakamababa hanggamg sa bilang na isa na siyang pinakamataas."
Tumango na si Luna dahil naintindihan na niya ang sinasabi ni Apple.
"Ang pangunahing rason kung bakit kayo nakarating sa mundong ito ay ang lipulin ang mga Mystique..."
"D-Digmaan... May pagpaslang na pwedeng mangyari?"
"Nasa iyong desisyon king paano ka mamumuhay sa aming mundo, kung nais mong maglakbay kung nais mong gampanan ang laglipol sa mga Mystique, ng lahat ng ito ay nasa iyong sariling kagustuhan."
"Ah, hindi naman pala sapilitan..." nakahinga ng maluwag si Luna sa kanyang narinig.
"Isang daang Mystique ang kailangan bago mo matapos ang iyong misyon at pagkatapos nito ay mayroon kang gantimpala na tatlong kahilingan."
Kahilingan? Ito yung sinasabi ni Archie at yung nabasa ko sa imbitasyon na para kay Quincy!
"Ngayong naintindihan mo na, marahil dapat na tayonv tumungo sa huling bahagi ng iyong paggabay."
"Matatapos na?!" bigla na naman nasabik si Luna. Hindi na niya maintindiham ang sarili sa halo halo at mabilis na pagbabago sa emosyon na nararamdaman niya kanina lang.
"Sa iyong paglalakbay, hindi maiiwasan na makakuha ka ng mga gamit at mangangailangan ka na mag imbak ng pagkain."
Napaisip na naman si Luna, tama nga naman si Apple.
"Bago tayo magsimula, ibalik mo na ang iyong Carta sa kanyang deck." utos muli ni Apple, sinunod naman ito ni Luna.
"Ngayon, bigkasin mo ang Open Bag."
"Open... Bag."
Katulad kanina na may lumabas na hologram na hugis kahon ng ipinakita sa kanya ni Apple ang tungkol sa Book at Card Slot Skill, sa pagkakataong ito ay mayroon ding lumabas na katulad kanina ngunit mas marami ito at mas maliit. May sampung kahon ito at isa ibaba naman ay may hugis na parihabang na sakop ang buong hilera ng isang malaking kahon.
"Iyan ang iyong Bag, maari kang maglagay ng hanggang dalawampung gamit sa iyong bag, at ang bawat kahon ay ang esasyo para sa bawat gamit."
Nagawa niya kanina na mailagay ag isamg baraha sa kanyang deck sa loob ng isang hologram box kaya naman hindi na nagulat o nagtaka pa si Luna sa sinasabi sa kanya ni Apple.
"Ang hugis parihaba naman na nakikita mo sa ibaba ng kahon ay ang iyong pocket. Sa pocket inilalagay ang mga Kudos na makukuha mo."
"Kudos?"
"Kudos ang tawag sa pananalapi sa aming mundo."
May lumabas na dalawang maliit na bote na tulad ng test tube at isang malaking slice ng tinapay, lumutang ito palapit kay Luna.
"Ngayon ay ilagay mo ang mga iyan sa iyong bag."
Sinunod ni Luna amg sinabi ni Apple at matapos nya itong ilagay sa loob ay may isa pang hologram box ang nagpakita sa ibabaw ng kanyang Bag.
You acquired a Green Herb potion, Big loaf bread and Kal'as replenisher.
Identify these item?
YES NO
"Huh?" napatingin si Luna kay Apple.
"Magkakaroon ng notification sa bawat item na ilalagay mo sa iyong Bag. Kung sakaling hindi mo alam ang deskripsyon ng mga ito, pindutin mo amg yes sa oras na magtanong ito kung nais mo silang ma identify."
Pinindot ni Luna ang Yes.
Green Herb Potion - Cures some type of poison, paralysis and burn.
Big Loaf Bread - Satisfies the hunger and replenishes some stamina.
Kal'as replenisher - Replenish a little amount of Kal'as lost.
Nawala na ang notification box matapos na basahin ito ni Luna.
"Kung sakaling umabot sa limitasyon ang item na ilalagay mo sa iyong box maari mong dagdagan ang carrying capacity nito mula sa dalawampu hanggang sa kung ilan ang iyong nais, ngunit kinakailangan mo din na magbayad ng Kudos sa mga gumagawa nito."
"Saan ko sila ipapagawa para madagdagan ang pwede kong dalhin?" tanong ni Luna kay Apple.
"Sa Workshop... bago ko malimutan mayroong regalo ang ipinabibigay ni Neil Miranda sa iyong pagdating."
"S-Si Papa?!" magkahalong pananabik at pagkagulat ang naramdaman ni Luna. "Akala ko po ba hindi mo ba siya kilala?"
"Pangalan lamang ang binanggit ko, maaaring ang isa pang katulad ko na si Pineapple ang naka usap ng iyong ama na pinagbigyan ng regalong ibibigay ko sa iyo."
Isang hikaw ang lumabas mula sa kawalan at katulad ng mga naunang bagay ay lumipad ito palapit kay Luna. Isang notification box muli ang nagpakita sa kanyang harapan.
You acquired a Lapis Lazuli Earpiece.
Identify
Equip
"Ano to?" pinindot ni Luna ang identify at isang box muli ang lumabas.
A part of the Accessory Set of Collection Lapis Lazuli.
This set of accessory was made from the Famous city of Luvia the Blue City of the Sea.
Half of the Lapis Lazuli Earpiece that gives 25% increase in all Ocean Based Attacks.
"Isang regalo mula kay Papa..." masayang masaya si Luma sapagkat ito ang unang regalo na naalala niya na nagmula sa kanyang ama. Ngayon ay may koneksyon na silang mag ama sa mundong ito kahit papaano.
Sunod na pinindot ni Luna ang Equip button sa notification box, kaagad naman na nawala ang piraso ng hikaw na nasa kanyang palad at nasuot bigla sa kanyang kanang tainga.
"A-Anong nangyari?" takang tanong ni Luna kay Apple.
Lumabas muli ang WAR Setting sa harap ni Luna at sa Accessory Slot nito ay nakalagay na ang Lapis Lazuli Earpiece.
"Ngayong natapos na ang aking paggabay ay ililipat na kita sa bagong mundo, kung mayroon ka pang katanungan ay mas makabubuting itanong mo na." sambit ni Apple na unti unti ay lumiliwanag na ang mga mata.
"Teka..." bigla ay may naalala si Luna. "Diba katulad ng mga laro may mga Level ang mga manlalaro?"
"Walang level ang mga manlalakbay sa mundong ito... kusa silang lumalakas depende sa mga karanasan at laban na pinagdadadaanan nila. Tanging ang mga technique na nalilikha nila ay may kaakibat na antas depende sa mastery nila sa ganitong technique."
Unti unti ay binabalot na ng liwanag ang katawan ni Apple at nagbabago ang madilim na lugar na kinalalagyan nila na tila siya na kalawakan dahil nakikita niya ang mga bituin.
"Luna Miranda is now logging in to a New World... in 5... 4... 3..."
"Teka, paano nga pala kung gusto kong magpahinga o kaya ay gusto kong mag log out?" Hanggang ngayon ay isang laro pa rin ang iniisip dito ni Luna, alam niya na isang mapanganib na mundo ang kanyang pupuntahan ngunit sa kanyang kaisipan ay isa pa rin itong laro, isang mapanganib na laro.
"I'm sorry... but once you Log in you cannot Log out."
"2..."
"Ha?! T-Teka anong ibig mong sabihin? hindi pa ako nakakapag paalam kina Lolo at sa Mama ko!"
"1..."
Sumabog ang isang nakasisilaw na liwanag at walang nagawa si Luna kundi ang ipikit ang kanyang mga mata.
Sa kanyang pagmulat ay isang kulay asul na kalangitan ang nakikita niya. Ang mundo na kinalakihan niya ay natatanaw mula sa kinatatayuan niya kasama ang buwan.
Mabilis na iginala niya sa paligid ang kanyang mga mata at sa harapan niya ay isang napakalaking kristal at nagbabago ito ng kulay makalipas lamang ang ilang sandali.
"I-Ito na ba ang bagong mundo?" manghang sambit ni Luna habang pinagmamasdan amg kanyang paligid.
★★★★★ITUTULOY★★★★★