"Bago ko simulan ang aking paggabay sa iyo... Mas makabubuting hintayin muna natin na tuluyang gumising ang natutulog mong kakayahan..."
Kaagad na kumunot ang noo ni Luna sa kanyang narinig sa sinabi ni Apple.
"Sa pagdating ng mga manlalakbay sa mundong ito ay inaalis ni Nexus ang mga gates na pumipigil sa paglabas ng Kal'as sa inyong katawan..."
Kaagad na naubo si Luna ng banggitin ni Apple ang tungkol kay Nexus, sa Gates at Kal'as. Tinakpan niya ng panyo mula sa kanyang bulsa ang kanyang bibig sa pag ubo ngunit laking gulat niya ng may dugo ang panyo.
"B-Bakit? D-Dugo..." nanginig ang katawan ni Luna sa nakita. Ang alam niya ay wala siyang karamdaman at wala siyang nararamdamang masama sa kanyang katawan.
"Wala kang dapat ipag alala... isa lamang iyan sa epekto ng paglabas ng Kal'as sa iyong katawan at kasalukuyang nag aadjust ang iyong katawan sa pagbabago ng daloy ng enerhiya na natatanggap nila mula sa mga Highways. Kasunod ng pag ubo mo ng dugo ay ang pagdugo ng iyong ilong dahil maging ang iyong utak ay binubuksan ng mga kal'as sa iyong katawan upang gisingin ang natitirang porsyento ng natutulog mong kakayahan."
Hindi nga nagkamali si Apple sa kanyang sinabi dahil ilang segundo pa ang lumipas ay nakaramdam ng mainit na likido ang lumabas sa kanyang ilong. Pakiramdam ni Luna ay mahihimatay siya sa nararanasan niya dahil sa dugong nakikita niya. Kaagad niyang pinahid ang dugo gamit ang kanyang panyo at ilang saglit pa ay tila naging maayos na ang kanyang pakiramdam kahit pa mabilis ang pintig ng kanyang puso dahil sa hindi kapani paniwalang nangyayari sa kanya.
"Kamusta na ang iyong pakiramdam? Kalmado ka na ba?" tanong ni Apple sa kanya tumango sya kay Apple bilang kasagutan at pinilit niya ang kanyang sarili na magpakatatag at maging kalmado. Nagpakawala sya ng malalim na hininga upang ilabas ang stress na nararamdaman.
"Mabuti naman... malaki ang maitutulong ng pagiging kalmado mo sa iyong paglalakbay dito sa mundong papasukin mo." nakangiti na si Apple sa kanya.
"M-Mundo? Hindi ba isa lamang itong laro?"
"Tama ka, isa itong laro, isang laro kung saan buhay mo ang nakataya... Tinawag itong Online sapagkat ginagamit ni Nexus ang mga koneksyon ng inyong modernong mundo upang humanap ng mga manlalakbay para sa mundong ito.Karaniwang tinatawag ito ng mga katulad mo bilang bagong Earth, ang bagong mundo dahil hindi ito nalalayo sa mundo na pinanggalingan ninyo."
"S-Si Papa... nasaan po siya? Narito po ba siya?" tanong kaagad ni Luna dahil sa kasabikan niyang makita ang kanyang ama.
"Hindi ko masasagot ang iyong katanungan sapagkat nilikha lamang ako ni Nexus upang magbigay ng mga paunang gabay sa mga bagong manlalakbay bago sila tuluyang magsimula sa mundong ito."
Nakaramdam ng panghihinayang at kalungkutan si Luna sapagkat inaasahan pa naman niya na kaagad silang magkikita ng kanyang ama sa pagtanggap ng imbitasyon mula sa larong ito.
"Mukhang handa ka na, kung gayon ay sisimulan ko na ang leksyon upang gabayan ka sa mga bagay bagay sa larong papasukin mo..." Umilaw ang mga mata ni Apple at bigla na lang ay naging madilim ang paligid ni Luna ngunit hindi ito kadiliman na wala kang makikita o maaaninag dahil nakikita pa niya si Apple sa kanyang harapan.
"Sa mundong ito maraming paraan ng pakikipaglalaban ang mga manlalakbay. Tinatawag itong Adventurer's Battle Setting o ABS."
"ABS?" hindi kaagad nakuha ni Luna ang sinabi sa kanya ni Apple.
"Ito ay iba't ibang pamaraan kung paano ka makikipaglaban sa mga halimaw at iba't bang pagsubok na kakaharapin mo sa iyong paglalakbay."
Hindi na sumagot pa si Luna, sa halip ay tumahimik na lang siya at hinayaang magsalita si Apple baka sakaling may maintindihan na siya sa mga susunod niyang sasabihin.
"Isa sa mga una at importanteng bahagi ng ABS ay ang kahalagahan ng manlalakbay na malaman niya kung saang Elemental Base siya nabibilang."
Bigla na lang may apat na simbolo ang lumabas sa kamay ni Apple.
"Ang elemental base sa mundong ito ay nahahati sa apat. Ang Sun base, Sky Base, Ocean Base at ang Earth Base."
Hindi naman pala komplikado...
"Ang bawat Elemental Base ay karaniwang nahahati naman sa tatlong type... Para sa Earth Base nahahati ito sa Forest, Desert at Mountain type. Para naman sa Ocean Base, nahahati naman ito sa Ice, Sea at Chemical type. Sa Sky Base naman ay Lightning, Wind at Cloud. Ang Sun base naman ay nahahati lamang sa dalawang type, ang Fire type at Light type."
"A-Ang dami..." parang bigla nalito si Luna sa sinabi ni Apple na inakala niyang madali lang tandaan.
"Huwag kang mag alala... Ang isang manlalakbay ay mayroon lamang isang elemental type na pwedeng maibilang sa ilalim ng elemental base." ngumiti lang sa kanya si Apple. "Ngayon ay kailangan nating alamin kung anong element type ka nabibilang... ilahad mo ang iyong palad." utos nito kay Luna.
Inilahad naman ni Luna ang kanyang kamay ngunit wala siyang ideya kung ano ang mangyayari.
"Ngayon, padaluyin mo ang iyong kal'as patungo sa iyong mga palad."
"Ha?" nagtatakang tanong ni Luna. "P-Paano ko gagawin yun?" Hindi niya alam ang gagawin niya at wala siyang ideya kung ano ang dapat na gawin niya.
"Sinabi ko kanina na sa pagdating mo sa mundong ito ay tinanggal na ni Nexus ang mga gates na humaharang sa iyong kal'as sa pagdaloy sa iyong katawan. Ang kal'as ang pangunahing enerhiya na bumubuo ng bawat technique na gagamitin ng mga manlalakbay sa ibat ibang paraan."
"Uh...okay..." hindi pa rin nakuha ang ibig sabihin ni Apple sa kanya. "Pero paano ko gagawin ang sinasabi mo?"
"Huminga ka ng malalim, pakiramdaman mo ang daloy sa katawan mo. Katulad ng paghinga mo na pinupuno ng hangin ang iyong baga ay dumadaloy rin ang kal'as sa iyong katawan ng hindi mo namamalayan. Pakiramdaman mo itong mabuti at padaluyin ito sa iyong palad tulad ng pagdaloy ng ilog patungo sa dagat o ang marahan na paglabas ng hangin mula sa katawan mo."
Hindi talaga alam ni Luna kung ano ang sinasabi ni Apple at kung paano ang gagawin ngunit sinubukan pa rin niyang sundin ang sinasabi nito sa kanya.
Ilang sandaling katahimikan ang namayani sa pagitan nila ni Apple. Ipinikit ni Luna ang kanyang mga mata upang magkaroon ng konsentrasyon sa sinasabi ng kausap. Doon na lamang niya naramdaman ang parang ilog na dumadaloy sa loob ng kanyang katawan, isamg mainit na pakiramdam na umiikot sa kanyang kalooban.
Padaluyin ito sa aking palad katulad ng pag agos ng ilog patungo sa karagatan...
Marahan at malalim na paghinga ang pinakawalan ni Luna at unti unti nga ay naramdaman niya ang pagkilos ng mainit na pakiramdam sa kanyang katawan patungo sa kanyang mga palad. Idinilat niya ang kanyang mga mata at nakita niya na pinalilibutan ng kulay asul na usok ang kanyang katawan ngunit hindi ito naglalaho at sa bandang palad naman niya ay may namumuong kumpol ng tubig na patuloy lang sa pagbabago ng kanyang hugis.

"Ah... anong?" magkahalong pagtataka at pagkabigla ang naramdaman sa nakita niya sa kanyang palad. Maliban sa magkahalong pagtataka at pagkabiglang naramdaman niya at tila nanlambot ang mga tuhod niya sa ginawa niya na pagpapalabas ng sinasabi ni Apple ng kal'as sa kanyang katawan.
"Kung pagbabasehan ang kulay asul na Kal'as na lumabas sa katawan mo ay masasabi kong isa kang Ocean base at sa dami ng tubig na nalikha mo ay isa kang Sea type."
"Hah..." ibinaba ni Luna ang kanyang mga kamay upang patigilin ang panginginig ng kanyang mga tuhod at suportahan ito upang manatili siyang nakatayo, sa ginawa niyang ito ay nalaglag sa sahig ang kumpol ng tubig na lumulutang sa kanyang palad.
"Natural lamang na manghina ka sa unang beses mong paggamit ng ganoong uri ng pamamaraan dahil hindi pa nasasanay ang iyong katawan sa pagbabagong nagaganap dito."
Tumango lang si Luna kahit hindi nya naiintindihan ang sinasabi sa kanya ni Apple.
"Ang technique na ginawa mo ang pinaka basic sa lahat ng sea type technique bagama't hindi mo pa tuluyang nakokontrol ang daloy ng kal'as ay nagawa mong makalikha ng water ball."
"W-Water ball? diba dapat Sea ball dahil isa akong sea type?" tanong niya kay Apple. Nginitian lamang siya nito.
"Ang Ocean Base Element ay mula sa tubig, nasa ilalim ang Sea type ng Ocean Base dahil sa dami ng tubig na nalilikha ng mga may taglay ng ganitong affinity type kumpara sa mga nagtataglay ng Chemical type kung saan mas kumplikado ang kanilang affinity at hindi stable ang sea type kung ikukumpara naman sa mga Ice type. Kung pagmamasdan mo ang karagatan, ang dagat ang maliit na bahagi nito at ang kaalatan nito ay mula sa mga chemical na tinataglay ng tubig at ang ibang bahagi ng karagatan ay may mga yelo na katulad ng sa inyong mundo."
Hindi na sumagot si Luna, nakuha naman niya ang ibig sabihin ni Apple ngunit hindi nga lamang ang lahat ng sinasabi nito, basta ang alam lang niya, ang mga Ocean Base ay may kapangyarihan ng tubig na katulad ng kay Katara na napapanood niya sa The Legend of Aang the Last Air bender at Naruto.
"Sunod ko namang ipapaliwanag sa iyo ay ang pagkakaroon ng dalawang uri ng manlalakbay sa mundong ito na siyang isa pang pamamaraan sa pakikipaglaban sa mga Hayop, Halimaw at mga Mystique..."
Wala ang isip ni Luna sa sinasabi sa kanya ni Apple, sa halip ay naglalaro ang imahinasyon nya sa mundo na papasukin niya at kung makikita ba niya ang kanyang ama sa bagong mundo na sinasabi sa kany nito.
"Hindi katulad ng pagkakaroon ng Elemental Affinity type na natural na sa katauhan ng isang indibidwal. Sa skill slot na mayroon sa ABS, ang mga manlalakbay ay may kalayaan na pumili kung sila ba ay magiging isang Book Master o Card Master."
"Book? Card?"
Bigla na lang may lumabas sa harap ni Luna na isang hologram box at nasa loob ng box na ito ay may tatlong pang box. Magkahilera sa itaas ang dalawa at ang isa naman ay nasa ibaba ng dalawa.
"Isang pa alala, kapag dumating ang oras na nakapagdesisyon ka na kung magiging isa kang book master o isang card master, ang slot na hindi mo pinili ay permanente nang mawawala at hindi na maari pang baguhin... Una kong ipapaliwanag ang tungkol sa pagiging isang book master."
Mula sa kamay ni Apple ay may itim na bola ang lumabas at may mga simbolo ito na hindi mabasa ni Luna kung ano ang ibig sabihin.
"Ang bolang itim na ito ay tinatawag na Book of Skill."
"B-Book? diba dapat Skill Ball o kaya Skill Sphere dahil bilog sya?" tanong niya kay Apple dahil malayo ang itsura ng bolang itim na ito sa pagiging isang aklat.
"Sa pagdating mo sa mundong pupuntahan mo, ganito ang itsura ng isang book of skill naiiba siya sa isang pangkaraniwang aklat." sagot naman ni Apple. "Sa oras na makakuha ka ng book of skill ay magkakatanggap ka ng pa alala at katanungan kung saan kinakailangan mong magdesisyon kung magiging isa kang Book Master o Card Master. Habang hindi ka pa nakakahawak o nakakatanggap ng isang book of skill pansamantala ay maituturing mo ang sarili mo bilang isang Card Master."
"Ha?"Takang sambit ni Luna. "Habang hindi pa ako nakakahawak ng isang book of skill ay pansamantala akong isang Card Master? Bakit ganun?"
"Sapagkat ang isang Book of Skill ay mahirap makuha, taglay nito ang naiibang kapangyarihan na tanging iisang manlalakbay lang ang maaring magkaroon. Mas makabubuti kung babasahin mo muna ang introduction ng aklat bago mo ito buksan dahil awtomatiko itong mananatili sa book slot ng iyong ABS."
"P-Paano ko mababasa ang introduction ng aklat kung ganyan ang mga simbolo na nakasulat?" itinuro ni Luna ang mga simbolo na nakasulat sa bolang itim na umiikot dito.
"Ito ang mga letra sa bagong mundo, wala kang dapat na ipag alala sapagkat magbabago ang mga letra na nakikita mo sa pagdating mo sa bagong mundo."
"Sunod naman ay ang tungkol sa pagiging Card Master, katulad ng nasabi ko kanina, pansamantala ay isa kang Card Master habang hindi ka pa nakakakita o nakakakuha ng isang book of skill. Ang paggamit ng baraha bilang isang Card Master ay may mga advantages na makukuha sapagkat maaari kang gumamit ng iba't ibang uri ng Baraha o Card sa mundong ito ng walang affinity limitation at may malawak na pagpipilian ng ibat ibang gamit."
Natulala si Luna, hindi niya alam ang ibig sabihin ni Apple dahil hindi niya maintindihan ang tungkol sa mga sinasabi niyang affinity limitation.
"Isa kang Ocean base at Sea type..." pagsisimulang pagpapaliwanag ni Apple ng makita niya ang reaksyon ni Luna sa sinasabi niya. "Ang isang Sea type ay kayang lumikha ng isang water ball technique na katulad ng ginawa mo kanina, ngunit ang ibang may affinity type, halimbawa ay ang fire type ay hindi maaring lumikha ng isang water ball."
"Ah..." napakamot si Luna dahil medyo nakuha niya ang ibig sabihin ni Apple.
"Upang maging mas malinaw, subukan mo ang isang ito." Isang baraha ang muli na namang lumabas at lumipad ito palapit kay Luna. Hinawakam niya ang baraha at nakita niya na hindi katulad ng normal na baraha sa kinalakihan niyang mundo ay makapal at tila gawa ito sa metal. Nakaukit ang mga salita sa baraha at may larawan ng isang bola ng apoy.
"Bigkasin mo ang Flame ball, Release." utos sa kanya ni Apple.
"Flame ball... release?" nagliwanag ang baraha at naging isang bola ng apoy na kasing laki ng isang bola ng golf. Muntik nang bumagsak sa kinatatayuan niya si Luna dahil parang biglang nawala ang lakas niya kasabay ng paglabas ng bola ng apoy sa kanyang harapan.
"W-Wow..." manghang sambit ni Luna habang lumulutang ang bola ng apoy sa kanyang harapan, kahit pa nakaramdam siya ng panghihina. Sinubukan niyang hawakan ang bola ng apoy at lalo siyang namangha dahil hindi sya napapaso kahit pa nararamdaman niya ang init na inilalabas nito ay sapat lang ang init ng bolang apoy para sa kanya.
"Ang bawat card ay nangangailangan ng Kal'as upang gumana at iyon ang dahilan kung bakit bigla kang nanghina ng gamitin mo ang card." paliwanag ni Apple sa kanya "Alam kong namamangha ka kung bakit hindi ka napapaso ng apoy na nagmumula sa bola, iyan ay dahil nagmula sa iyong sariling Kal'as ang enerhiyang pinagmulan ng apoy kaya protektado ka ng init nito. Ganun din ang epekto ng ibang elemento katulad ng Lightning, Ice at Chemical bagama't mas kumplikado ang mga chemical type."
Unti unti ay naglaho na ang bolang apoy sa harapan ni Luna at parang nakaramdam siya ng kaunting pagkadismaya.
"Kapag hindi ginamit ang Card sa oras na pakawalan na ang kapangyarihan nito ay maglalaho ito depende sa oras na itinalaga dito."
"Saan ako makakabili ng baraha sa mundo ninyo?" nasasabik niyang tanong kay Apple.
"Carta, Carta ang tawag sa kanila sa aming mundo at sa mga orakulo sila nabibili."
Sa sobrang kasabikan ay napa isip tuloy si Luna kung ano ano pa ang mayroon sa mundong pupuntahan niya.
"Ang Card na ginamit mo kanina ay isa lamang halimbawa ng One Time Quick Acting Card. Maaari silang magamit ng isang beses lamang at pagkatapos ng release ay kusang mawawala ito. Ang mga ganyang uri ng Card ay maaring magamit kahit ng mga Book Master ngunit may affinity limitation na ito at kailangan nilang maghintay ng sampung minuto bago sila muling makagamit ng panibagong card."
"Akala ko po ba na kapag Book Master na hindi na pwede gumamit ng baraha?" tanong ulit ni Luna.
"Katulad ng sinabi ko, limitado ang paggamit ng mga book user sa isang carta. Isang beses sa loob ng sampung minuto ang paggamit ng ganoong uri ng card para sa mga Book Master, kung ikukumpara sa isang Card Master na mas maraming uri ng card ang pwedeng gamitin. Ang mga ganitong uri ng card na pwedeng gamitin ng mga Card Master ay tinatawag naman na EGC o Extendable Game Card."
"Extendable? Pwedeng ma extend?" tumango lang si Apple kay Luna.
"Ang mga Extendable Game Card ay para lamang sa mga Card Master at hindi sila naglalaho matapos gamitin, Ngunit sa oras na umabot ang isang Extendable Game Card sa kanyang time limit o last chance nagiging isa itong One Time Quick Acting Card bago ito tuluyang maglaho."
Napakamot na naman ng ulo si Luna.
"Maiintindihan mo rin ang lahat sa pamamalagi mo sa bagong mundo." sagot lamang ni Apple.
"Mayroong limang uri ng Extendable Game Card na maaring magamit ng isang Card Master. Ang Fusion, Exquip, Summon, Elemental Chance at Skill Chance."
"Sa Fusion Card ang kapangyarihan na nakasulat sa baraha ay sumasanib sa card user at nakadepende sa baraha kung gaano katagal mananatili ang kapangyarihan ng fusion card sa card user o target ng baraha."
Sinusubukan ni Luna na tandaan ang mga uri ng baraha dahil para sa kanya ay mas maganda ang pagiging card master kumpara sa pagiging isang book master.
"Sunod naman ay ang Exquip type EGC. Isa itong sandata o armor na mula sa baraha, na nagtataglay ng abilidad at kapangyarihan na katulad ng tunay na sandata o armor ngunit katulad ng Fusion type EGC, nakadepende din ang haba ng oras na maaaring magamit ang isang Exquip type EGC."
"Ang Summon type EGC naman ay ang pagpapakawala ng isang Beast type o Monster type mula sa baraha, ang mga summoned creature ay hindi nagbabago at untrainable kumpara sa mga tunay na Beast at Monster type creature na nabubuhay sa aming mundo."
"Ikaapat naman na uri ay ang Elemental Chance Card type, ang mga barahang ito ay may iba't ibang elemental affinity attack at tinatanggal nito ang mga elemental affinity limitation. Isa sa magandang halimbawa nito ay ang ginawa mo kanina sa pagrelease ng isang fire type card kahit isa kang sea type affinity user."
Tumango si Luna ng maalala niya ang ginawa niyang pag release ng fire ball mula sa hawak niyang baraha.
"Ang panglima at ang pinakahuling uri ng Extendable Game Card ay ang Skill Chance type card. Sa halip na sa limitadong oras na tulad ng Fusion at Exquip type ang Skill Chance at Elemental Chance ay nagbibigay ng limitadong bilang kung saan maari mo silang gamitin."
Namayani ang katahimikan sa pagitan nina Luna at Apple.
"Tapos na ba?" basag ni Luna sa katahimikan nila. Ngumiti lang si Apple saka ngumiti.
"Dahil sa tagumpay na ginawa mo kanina sa paglikha ng water ball bilang una mong pagsubok, mayroon kang gantimpala mula kay Nexus."
Tatlong baraha ang lumabas at lumipad palapit kay Luna.
"Tatlong uri ng EGC ang makukuha mo bilang gantimpala, una, dahil sa pagtanggap mo sa imbitasyon sa iyo kahit pa wala kang ideya sa mundong papasukin mo. Ikalawa, sa pagtatagumpay mong makalikha ng una mong technique at ikatlo ay sa tamang paggamit ng isang card na ayon sa aking kautusan." paliwanag ni Apple sa kanya. "Isang Fusion, Summon at Elemental EGC ang matatanggap mong gantimpala."
Binasa ni Luna ang mga pangalan ng baraha na natanggap niya.
"Flame Lick, Baa-Baa, Speed Surge..." natuwa si Luna sa natanggap niyang gantimpala. Ilalagay sana niya ang kanyang mga baraha sa bulsa ngunit napansin niyang dahil matigas at parang gawa ito sa metal ay hinawakan na lamang niya ito.
"Bigkasin mo ang Open Deck." utos sa kanya ni Apple ng mapansin nito ang kaunting pagka dismaya. Hindi na nagdalawang isip pang sundin ang utos ni Apple.
"Open Deck!" malakas na bigkas ni Luna. Isang hologram box ang lumabas sa kanyang harapan at may sampung maliliit na kahon ang nasa loob ng hologram box.
"Dalawampung card ang maari mong ilagay sa iyong deck at sampu naman ang para sa One Time Quick Acting Card. Sa sandaling ilagay mo ang mga baraha sa iyong card deck ay konektado na ang deskripsyon at pangalan nito sa iyong ala ala upang hindi mo na kakailanganin pang buksan ang iyong deck sa kritikal na oras."
Tumango lamang si Luna sa sinabi sa kanya ni Apple at sinubukan niyang ilagay ang mga baraha sa mga kahon. Tatlong kahon kaagad ang na okupa nito sa kanyang deck. Katulad ng sinabi ni Apple sa kanya, bigla na lamang nanatili sa memorya niya ang tatlong baraha na nakuha niya at ang deskripsyon ng mga ito.
"Ang summon type na EGC... isa rin pala syang chance type at time limited card?" tanong ni Luna kay Apple.
"Ayon sa deskripsyon ng baraha na kung saan maari kong i release ang isang Beast Creature Class E5 Lightning type Baa-Baa sa loob ng limang minuto at maari ko siyang i summon ng hanggang sa tatlong beses." paliwanag niya kay Apple. Ngumiti lamang si Apple sa sinabi ni Luna.
"Sinadya kong hindi sabihin sayo na magkahalong time limited at chance type ang Summon Type EGC, maliban sa summon type chance base din ang ilan sa exquip at fusion type EGC. Sa iyong paglalakbay ay may mga kaalaman kang dapat mong madiskubre sa sarili mong paraan." sagot sa kanya ni Apple.
"Ang ilan sa mga EGC type na nais mong ma extend sa paggamit ay maaring mabili sa mga Time Shop na makikita mo sa bawat nayon at siyudad." dagdag pang impormasyon sa kanya ni Apple.
"Ngayong natapos na tayo sa ikalawang bahagi ng ABS maari na tayong tumungo sa ikatlong bahagi nito."
"T-Teka, hindi pa din ba tapos?" hindi maintindihan ni Luna ang pakiramdam niya dahil sa halip na natatakot sya ay parang nasasabik siya na makarating sa bagong mundo.
"Nasa huling bahagi na tayo ng Adventurer's Battle Setting kaya mas makabubuting makinig ka sapagkat katulad ng dalawang nauna ay importante din ito para sa iyo." sagot lamang sa kanya ni Apple. Napabuntong hininga na lamang si Luna sa sinabi sa kanya ni Apple.
"Maliban sa Elemental Base Affinity at Book-Card Mastery, ang ikatlong bahagi na kung saan ang manlalakbay ay maaring magtaglay ng tatlong slot sa pakikipaglaban. Tinatawag naman ito bilang WAR Mastery Slot."
"W-War..." parang hindi nagustuhan ni Luna ang narinig niya dahil kung war ang sinasabi ni Apple, ibig sabihin ay may labanan at may maaring mamatay.
"WAR o Weapon Accessory Rune Crystal Mastery. Ang tatlong ito ay maaring magamit ng isang manlalakbay at hindi katulad ng Elemental Base at Book-Card Mastery kung saan iisa lang ang maaring taglayin at piliin, ang WAR Mastery naman ay maaring taglayin lahat ng isang manlalakbay."
"Huh?" nagsimula na namang malito si Luna sa kanyang narinig.
"Una sa tatlo ay ang Weapon, ang manlalakbay ay maaaringa makagamit ng isang sandata o armor kung ilalagay niya ito sa Weapon Slot. Malaki ang maitutulong ng paggamit ng sandata sapagkat hindi katulad ng Elemental Base at Book-Card Mastery kung saan kinakailangan ng Kal'as upang makalikha at magamit, ang paggamit ng sandata at baluti ay pisikal na lakas lamang ang kinakailangan."
"P-Pero, diba mahirap at mabigat humawak ng mga sandata?" naisip ni Luna ang mga larawan na nakita niya sa internet sa mga larong online, naglalakihan at mukhang mabibigat ang mga sandata at baluti na hawak at mga suot nila.
"Sa pagkawala ng Kal'as sa iyong katawan ay napalakas na rin nito sa normal ang pisikal mong katawan... Maliban sa mga normal na baluti at sandata, may mga sandata at baluti rin na nagtataglay ng salamangka mula sa mga nilalang na naninirahan sa aming mundo. Ang mga ganoong uri ng sandata ay mahirap din makuha."
Hindi naman interesado si Luna sa paggamit ng sandata kaya naman hindi niya masyadong inintindi ang impormasyon na binigay ni Apple tungkol dito.
"Sunod naman ay ang mga Accessory... hindi rin ito mga pangkaraniwang palamuti na katulad ng mga kuwintas, singsing, hikaw at iba pa. Karamihan sa mga Accesory ay may taglay rin na salamangka na maaring magamit sa iba't ibang paraan."
"Ah, parang mga anting anting? may mga proteksyon na binibigay sa mga magsusuot sa kanila." Hindi na pinansin ni Apple ang sinasabi ni Luna at nagpatuloy na lamang sa kanyang sasabihin.
"Ang ikatlo ay ang Rune... isa itong kristal na may mga orasyon ng mga sinaunang diwatang pantas na nagtataglay ng salamangka na kayang mag paamo ng mga Hayop at Halimaw at gawin silang mga alaga na susunod ayon sa iyong kagustuhan."
Muli ay may lumabas na isang kristal at lumulutang sa kamay ni Apple. Pinagmasdan itong mabuti ni Luna, isang kulay berdeng kristal at may mga simbolo ito na hindi niya pa rin mabasa at maindintindahan.
Muling nagsalita si Apple upang ipaliwanag ang kakayahan ng isang Rune Crystal. "Ang bawat kristal ay mayroong nakatalagang uri ng Beast at Monster type na maaari mong sanayin bilang iyong alaga depende sa deskripsyon ng kristal. Sa pamamagitan ng masusing pagsasanay sa iyong magiging alaga maaari rin silang maituring bilang sandata at proteksyon dahil mayroon din silang sariling kakayahan o technique sa pakikipaglaban. Higit pa bilang isang sandata, ang mga napapa among mga nilalang ng kristal ay maaring maging kaibigan at tapat na karamay ng mga manlalakbay."
Parang isang aso o pusa na aalagaan ko? Pero hindi katulad ng Summon Type EGC na si Baa-Baa ay tunay at hindi lang basta galing sa isang baraha.
Bulong ni Luna sa kanyang sarili.
"Isang paalala, Ang pagpili ng iyong alaga na sasanayin sa pamamagitan ng Rune Crystal ay dapat na pag isipang mabuti sapagkat sa sandaling ginamit mo na ang crystal ay mananatili ito sa WAR slot ng iyong ABS. Sapagkat maituturing sila bilang Semi-Permanent Slot."
"Semi Permanent? ano yun? Permanente pero hindi?" nagtatakang tanong ni Luna.
"Semi Permanent dahil may buhay ang nilalang na napili mong sanayin at alagaan. Ang Rune Crystal Slot ay magiging bakante lamang kung mamatay ang creature na ginamitan mo ng Rune Crystal. Ngunit sa pagkakataon naman na masawi ang taong nagmamay ari ng nasanay na Beast o Monster Creature, sila ay magiging malaya at ituturing na Wild Creature kung saan ay maari na silang subukan muling sanayin ng ibang manlalakbay."
Muli nagkaroon ng katahimikan sa pagitan ng dalawa.
"Nasundan mo ba ang lahat ng nasabi ko?" nakangiting tanong ni Apple kay Luna. Saglit na nag isip si Luna kung ano ba ang mga naaalala niya
"Ang ABS... ay may tatlong bahagi... Una ang Element Base, Ikalawa naman yung tungkol sa pagpili kung magiging isa kang Book o Card Master. At ang ikatlo ay ang WAR Mastery"
★★★★★ITUTULOY★★★★★