Gigil na gigil siyang lumabas ng restaurant. Siya na nga ang na-harass, siya pa ang babaligtarin nito ngayon. Akala naman niya matatakot siya nito.
Humarang ito sa dadaanan niya. “Look,I’m sorry. I’m just joking about the physical injury case.”
“Well, I am not joking about the harassment case.”
“I didn’t mean to be insulting about your virtue.”
Humalukipkip siya at tinaasan ito ng kilay. “Well, I am insulted just the same. Maybe you have women panting over you. I am not one of them. Masyadong mataas ang tingin ko sa sarili ko para tapak-tapakan lang ng mga katulad mo!”
Bata pa lang siya, alam niyang wala siyang maaasahan kundi sarili lang niya. Lumaki siya sa babaero niyang ama at nanay niya na busy sa mga amiga nito. Napabayaan sila nitong magkapatid. Kaya nga nagsumikap siya na buhayin ang sarili. Wala naman kasi siyang maasahan sa mga magulang niya.
Nang mamatay ang ama niya, naghirap sila. Di sanay ang mommy niya sa luho na dating naibibigay ng tatay niya. Nangibang-bansa siya. Gusto niyang tulungan ang mommy at kapatid niya. Gusto niyang iangat ang sarili. Natuto siyang lumaban lalo na nang namuhay na siya sa ibang bansa. At hindi ang isang tulad ni Nikolos Theron ang titibag sa lahat ng pinaninindigan niya.
“Please! You can’t do this. Once you file a case against me, my whole world would be ruined. Gagawin ko ang lahat ng gusto mo basta huwag mo lang ituloy ang pagsasampa ng kaso,” pakiusap nito.
Inirapan niya ito. “Gagawa-gawa ka ng kalokohan tapos nagmamakaawa ka. Bakit ba hindi mo naisip ang kahihiyan mo bago mo ako binuhusan ng alak sa likod? Now you are trying to buy me off.” Nilagpasan niya ito. “I am sorry, Mr. Theron. You committed a mistake. Face the consequences.”
“NIKOS, what’s up? Nakausap mo na ba si Miss Calderon?” nag-aalalang tanong ni Marcoe nang pumasok siya sa suite.
Madilim ang mukha niyang dinampot ang throw pillow at ibinato kay Wyndham na busy na busy sa panonood ng football game. Tumama iyon sa ulo ni Wyndham. “Hey! What the hell…”
“Ni hindi ka man lang sumama habang iginigisa nila ako.”
“Bakit kailangan pa ako doon? Ikaw lang naman ang kailangan nila. Baka mamaya madamay pa ako sa kalokohan mo.”
“Kalokohan ko?” Iniyakap niya ang braso sa leeg nito at sinakal ito. “Hindi ako ang nagbuhos sa kanya. Iyong lalaki na lang ang basta nag-abot sa akin ng bote habang nakatayo ako doon.”
Nakatayo siya sa pool habang pinipili ang babaeng pwede niyang pagsubukan ng karisma niya. Nagulat na lang siya nang iabot ng isang lalaki sa kanya ang bote ng alak. Nag-thank you pa nga siya. Saka ito kumaripas ng takbo palayo.
Then he saw the woman that he wanted to test his charms with. Only she was getting up from the lounging chair. Sinugod na lang siya nito at sinuntok. Di pa ito nasiyahan at tinadyakan pa siya sa tiyan. Humagis tuloy siya sa pool.
“I am branded as a great seducer or spoiler as the worst. But I was never a maniac! Ngayon lang may nagsabi na maniac ako. Di ko pa kagagawan.”
“Face it, Nikos. Arizona Calderon is one tough girl. And she is definitely immune to your charms,” Ryuji said and offered him a glass of brandy.
“She doesn’t know who you are, does she?” asked Wyndham.
Pinakawalan niya si Wyndham at kinuha ang brandy na bigay ni Ryuji. He needed something strong at the moment. “No. She has no idea who I am. Ang alam lang niya, half-Filipino ako. At mukhang insulto sa pagiging Filipino ko dahil binastos ko daw siya. She’s a tigress. Galit pa yata sa mga lalaki. That girl should be lashed out for her sharp-tongue.”
He grinned as he took a sip of the brandy. He would love to do the lashing himself. Dapat lang iyon sa pang-iinsulto nito sa kanya. And she could punch.
“At oras na malaman niya kung sino ka talaga, lalo niyang iisipin na maniac ka nga,” tatawa-tawang sabi ni Marcoe.
“Luku-luko!” bulyaw niya. “Hahanapin ko dito kung sino ang totoong nagbuhos ng wine sa kanya. Di pwedeng ako ang kumargo sa kalokohan ng iba.” Di bale sana kung may nakita nga siya. Kaso ay wala.
“You know, I can do that,” sabi ni Ryuji. “Pero parang ayoko munang gawin.”
“Gusto mo bang idemanda ako ng babaeng iyon?” panggagalaiti niya.
Inakbayan siya ni Wyndham. “Kaya nga may pustahan tayo, di ba? Kailangan mong paamuin si Arizona Calderon.”
Nanlaki ang mata niya. “What? That tigress? Kung totoong tigre na lang kaya ang I-tame ko kaysa sa kanya.”
“Sumusuko ka na ba, Nikos?” tanong ni Ryuji.
Natigilan siya. “Who me? I am Nikolos Theron, remember? Kahit kailan hindi pa ako umurong sa usapan.” Di ang perang nakataya ang problema niya. It was his pride and his reputation.
“Tame her, Nikos,” sabi ni Marcoe. “Saka lang namin hahanapin kung sino ang totoong nagbuhos ng wine sa kanya.”
“That Arizona is like any other woman. She has a soft spot somewhere. You’ll see I will tame the meanest tigress in this ship.”
And he’ll make sure that he’ll enjoy every minute of it.