ALMOST INTO YOU
Hariane Fia Qiaoug's POV
Isang batalyon ng mga estudyante ang sumalubong sa akin pagpasok ko sa bagong campus na malapit sa unibersidad na pinapasukan ngayon ni Dane. Si Tita Juliet at Tito Rome ang naghatid sa akin.
Hindi ko nakita si Dane buong umaga. Hindi siya lumabas ng kwarto niya. Naalala kong nakatulog ako sa lamesa dahil sa angking katamaran ko. Natatakot ako na baka iwasan ako ni Dane.
Dapat ba mag-sorry ako? Eh, ano namang ginawa ko para mag-sorry sa kanya? Ang natatandaan ko lang naman ay pinag-usapan namin si Gyreck at ang bangungot na nangyari sa akin.
Hindi ko talaga maintindihan. Baka nga kailangan ko talagang humingi ng dispensa sa kanya dahil baka hindi ko namamalayan na may nasabi akong masama kagabi.
I need to lower myself and my pride. I can't lose him.
"Hello, new student!"
Nagulat ako nang may biglang sumulpot sa likod ko at hawakan ang balikat ko.
Hinarap ko siya at hindi naman siya pamilyar na tao para sa akin. Isa lang ba siya sa mga feeling close na kanina pa ako kinakawayan?
"Ako nga pala si Perrie, grade 12 student katulad mo," pagpapakilala niya sa kanyang sarili at naglahad ng kamay sa harapan ko.
Paano niya naman nalaman na grade 12 din ako?
"Uh," nahihiyang tinanggap ko ang kamay niya. "Ako si Hariane Fia. Ikaw na ang bahala magpa-iksi ng pangalan ko."
Parang nagulat siya sa pagpapakilala ko pero hindi ko na pinansin.
"Oh, gandang pangalan. I guess bagay sa iyo ang Fia. Parang it describes you  eh," aniya.
"Describes me?"
"Oo," sang-ayon niya. "Ah, basta. Fia na lang ang itatawag ko sa iyo. Ang ganda ng pangalan mo at ang ganda mo rin. Ano nga pa lang section mo?"
Ang cute ng isang ito. Napakadaldal niya. Sa dami ng kumakaway sa akin kanina na hindi ko kakilala, siya ang naglakas-loob na magpakilala at kausapin ako.
I feel like she's the girl version of my Dane. Ang dami nilang pagkakaparehas.
Napakadaldal at matanong pero may lihim din siya na gusto kong malaman. Ako naman ang pinakamausisa sa lahat.
"12-Amethyst, HUMMS strand," tugon ko naman sa naging tanong niya tungkol sa section ko.
"So, same pala tayo ng section, sisteret!" pagsigaw niya na nakakuha ng atensyon ng mga tao sa loob ng classroom kung saan kami nakatayo ngayon.
"Ino-nominate kita bilang muse! Ang ganda ganda mo!"
Nagtawanan ang mga kaklase ko pero nagpahayag din sila ng pagsang-ayon sa suhestyon ni Perrie.
Umupo na ako sa upuan ko kung saan wala akong katabi. Nasa harap ko naman si Perrie kaya nakampante na rin ang loob ko. Hindi niya ako tinabihan dahil gusto niya raw katabi ang crush niya which happens to be Jameson, the president of our class, nakilala ko kakakwento niya.
Nang dumating ang adviser namin ay pinatayo niya rin ako ulit sa harapan.
"Ms. Transferee, please introduce yourself," utos niya sa akin.
Ngumiti ako nang malapad, isa-isang tinapunan ng tingin ang mga kaklase ko na ready nang makinig sa pagpapakilala ko.
"Hello, everyone. I'm Hariane Fia Qioaug," panimula ko at dali-dali namang nagkaroon ng bulong-bulungan sa classroom.
"Qiaoug?" tanong nila sa isa't isa.
Big deal ba sa kanila ang apelyido ko? Tinignan ko si Perrie at pareho ang reaksyon niya sa mga kaklase ko.
"Are you done, Ms. Hariane?" tanong ng adviser namin. Tumango ako.
"You may take your seat."
Nang makaupo ako ay pasimpleng bumulong kay Perrie at nagtanong.
"Lumingon ka," utos sa akin ng bagong kaibigan.
Sa paglingon ko ay nakakita ako ng tatlong bakanteng upuan.
"Ano namang mayroon diyan?" tanong kong muli.
"Malalaman mo rin."
Ngayon daw ang araw ng Election para sa mga magiging officers ng classroom namin. Nagkaroon na ng botohan last week para sa President at Vice President bago pa man ako dumating syempre. Natapos na ang botohan namin sa Secretary hanggang sa mga Sgt. @ Arms. Dalawang posisyon na lang ang wala.
The position for being the Muse and Escort. Pinagpilitan ni Perrie ang suhestyon niya kanina. Sinabi niyang ililibre niya ng lunch ang lahat ng boboto sa akin kaya ang ending, ako ang nanalo.
Nang Escort na ang pagbobotohan ay walang naging nominado.
"Class, wala bang gustong mag-nominate o mag-volunteer sa pagiging Escort? Ayaw niyo ba kay Hariane?"
Umiling-iling si Perrie at iniyuko ang ulo sa kanyang desk.
"Eh, wala naman po rito ang pagpipiliian, Ma'am. Hindi pa dumarating," bwelta niya.
Biglang nagtaasan ang balahibo ko sa hindi malamang dahilan. May dumating.
"I nominate myself, Ma'am."
Nanlaki ang mata ko sa nakita. Nagpalakpakan ang mga kaklase ko sa pagdating ng isang asungot.
"Hi, Hariane," bati ni Hades na may mga sugat sa mukha pero hindi iyon nakabawas sa pagiging gwapo niya.
Umupo siya sa may likuran ko.
Muling naghiyawan ang mga kaklase ko dahil sa muling dumating. Inangyan! Ang ibig sabihin, silang tatlo ang nakaupo sa mga bakanteng upuan kanina?
"I want to nominate myself too," saad ni Shack saka ako kinindatan.
Umupo rin siya sa tabi ni Hades.
May inaaasahan pa akong dadating pero sampung minuto na ang nakakalipas ay hindi ko pa rin siya nakita.
Ibinaon ko ang ulo ko sa desk ko. Nakakainis naman kasi! Kaya ba si Shack ang nagpumilit na ayusin ang mga papel ko sa pag-aaral para maging magkaklase kaming dalawa? Dapat nasa college year na sila dahil huminto ako ng pag-aaral last year.
Hindi na dapat kami magkakaklase ngayon.
Balak ko sanang matulog na lang ngayong araw dahil sa nakakainis na pangyayaring ito ng buhay ko pero bigla na namang lumiwanag ang bandang harapan ng classroom. Isang tao na naman ang dumating at mas malakas ang dating.
Nagsitayuan ang mga kaklase ko, lahat sila.
Para silang mga alipin ng isang hari na kakarating lang ngayon. I can't believe na kaya niyang mag-ayos ng sarili sa ganitong paraan.
Ibang-iba siya kapag magkasama kami sa bahay kaysa ngayon.
"Mr. Qiaoug, you're late," sambit ng adviser namin na hindi makatingin sa pinsan ko.
Peste! Naguguluhan talaga ako sa mga nangyayari ngayon!
"I sincerely apologize, ma'am, " aniya na para bang isang anghel kaya nagsalubong ang kilay ko.
"Who's the escort?" tanong niya.
Walang sumagot dahil tatlo silang naglalaban-laban sa posisyon. Ano ba kasing silbi ng Muse at Escort? Ipapangalandakan ang taglay naming ganda't kapogian? Tss.
"Kayong tatlo nina Alluigan at Hiroan ang maglalaban-laban sa pwesto. Bukas ang botohan. Kailangan niyong gumawa ng speech sa kung sinong mas deserving," utos ng adviser namin.
Tumango-tango si Gyreck na para bang alam na alam na niya ang gagawin sa labang ito.
"And who's the muse?" he asked and stare at me as if he knows I'm the muse.
"Ms. Qiaoug," tanging sagot ni Ma'am.
"Hindi na masama," sabat niya.
Anong ibig niya sabihin sa 'Hindi na masama?'
For his information, hindi ko naman gusto ang posisyong ito. Wala itong kwenta. Baka pwede pang mag-back-out.
Nginisihan niya ako bago makaupo.
"Akala mo ba matatakasan mo ako?" bulong niya mismo sa tainga ko at nagdulot iyon ng matinding kilabot sa buong sistema ko.
"Ma'am!" pagsigaw ko. "Pwede po bang lumipat ako ng ibang section?"
Biglang dumagundong ang malakas na paghampas ng desk na siyang ikinagulat ko. Galit na galit si Gyreck.
"W-Why, Hariane? Ayaw mo ba sa section na ito?" tanong naman ng guro.
Tinignan kong muli si Gy na pinipigilan na ngayon nina Hades at Shack.
"W-wala po. Sorry for interrupting our discussion."
Nakakahiya. Napupunta ang atensyon sa akin. Bakit napakamalas ng buhay ko? Sa dami-rami ng taong pwedeng makasama, bakit sila pa?
"You'll pay for this," galit na bulong sa akin ni Gyreck.
Ano namang pagbabayaran ko? Wala akong ginawang masama. Pabor pa nga sa kaniya ang gagawin ko eh. Sana hinayaan niya na lang ako para maging masaya na siya.
Natapos na ang first three subjects namin kung saan ang aming adviser lang ang pumasok. Ganito raw ang madadatnan namin this whole week. Maraming kailangang i-discuss ang adviser namin, sa amin.
Inaya ako ni Perrie na kumain. Kasama namin ang buong Section A dahil sa pangako ni Perrie na magpapakain.
"Anong eksena niyo kanina 'te?" pagbasag ni Perrie sa katahimikang namamayani sa amin. "Ayos lang ba kayo ni baby Gyreck?"
What the hell? Baby? Kung isang sanggol si Gyreck baka naitapon ko na siya sa kung saan.
"Hindi mo naman sinabi sa akin na silang tatlo pala ang nakaupo sa likuran ko," usal ko.
"Sorry na. Hindi ko naman alam na magpinsan kayo eh. At saka hindi mo sinabi sa akin na isa kang Qiaoug," pagpapalusot niya.
"Eh hindi mo rin naman sinabi ang apelyido mo sa akin noong nagpakilala tayo sa isa't isa eh!" bwelta ko.
Pinagtalunan namin ang nangyari kanina. I did really not expect this coming. Akala ko matatahimik na ako pero parang mas lalo lang gumulo. Ginugulo nila ako.
"Pwedeng makiupo?" tanong ng dumating—si Shack kasama ang dalawa pang asungot.
"Napakalawak nitong canteen. Pwede bang maghanap na lang kayo ng ibang mauupuan? Huwag niyong isiksik ang sarili niyo rito," bulyaw ko sa kanila.
Hindi sila nagpatinag at nagawa pa rin talagang umupo sa tabi ko. Katabi ko sa magkabilang gilid si Gyreck at Shack habang si Hades ay katabi ni Perrie na kaharap namin ngayon.
"So, gaano kasaya ang pagiging muse?" tanong ni Gyreck.
"Gaano kasaya?" sarkastikong tanong ko pabalik. "Tingin ko isa itong pasakit sa akin. Lalo na noong i-nominate niyo ang mga sarili niyo bilang mga escorts ko."
"Kami lang naman ang tatlong pagpipilian sa klase. Right, Perrie?"
Tumango-tango rin naman si Perrie na nagpahayag ng kaniyang pag-sang-ayon.
"Magba-back-out ako," sabi ko sabay tumuloy sa pagkain. "I'll nominate, Siarra."
Matatalim na tingin na naman ang napadpad sa akin. Galit na galit ang apat na kasama ko ngayon.
Basically, it's not a good idea for them.
"Ano ba iyan, Fia? Inubos ko ang pera ko para mapunta ka sa posisyon mo. Hindi mo alam ang advantage no'n!"
Sabi ko na eh! Dapat una pa lang ay tinutulan ko na ang ideyang ito. Sinampal ako agad ng utang na loob ni Perrie. Kasalanan ko ba na inilagay niya ang sarili niya sa alanganing sitwasyon?
"Lilipat na lang din ako ng school," dagdag ko pa. "Hindi ko matatagalan ang lahat ng ito."
"Subukan mo, Hariane," pagbabanta ni Gyreck sa akin.
"Alis na ako," paalam ko sa kanila at tunayo na.
Dumiretso ako sa field papunta sa
Sports department. Alam ko masaya ang pag-aaral dito pero hindi ko talaga alam ang gagawin ko kung kasama ko sina Hades, Shack lalo na si Gyreck.
Hindi ako makakapag-isip ng tama at lagi akong maba-badtrip. As in, palagi talaga!
Papasok sana ako ng Sports Department nang may humigit naman sa akin.
If I'm not mistaken, this is a locker room where athletes rest their minds after the tiring training.
Bakit naman madilim?
"S-sino k---?"
Hindi natuloy ang sasabihin ko dahil dumikit ang labi niya sa labi ko. I was so shocked! Hindi ako makapagsalita!
Napapaanas ako hindi dahil sa gusto ko ito pero dahil gusto kong sumigaw! Napapadpad ang kamay niya sa iba't ibang parte ng aking katawan.
Idinidikit niya ang sarili niya sa akin. Pamilyar ang amoy niya pero hindi naman pwedeng iisang tao lang sila.
Hindi ko alam pero tumulo na ang luha ko. Patuloy pa rin sa paghalik sa akin ang kung sino man at nauubusan na ako ng hininga sa ginagawa niya.
Bakit hindi ko magawang gamitan siya ng kaalaman ko sa Martial Arts? Bakit may parte ng katawan ko na gustong-gusto ito?
Nanlumo ako. Hindi ko na nagawa pang lumaban. I just cried. This stranger stole my first kiss at nagkaroon pa siya ng pagkakataon na mahawakan ako.
Wala siyang awa! Alam kong alam niya na umiiyak na ako pero hindi pa rin siya tumitigil. Parang mas nag-aalab ang puso niya na gawin ang bagay na ito.
Dinig ko ang pagtanggal niya ng belt. Mas lalo akong humagulhol pero tinakpan niya kaagad ang bibig ko.
Nabuhayan lang ako ng loob nang marinig ang pamilyar na boses.
"Ria? Ria!" sigaw ng lalaki.
Gusto kong sabihin na, "Nandito ako, Dane!" pero hindi ako makasigaw.
Dali-daling nag-ayos ng sarili ang estrangherong humalay sa akin. Oo, panandalian akong nakaramdam ng sensasyon mula roon pero maling-mali. Hindi ko siya kilala!
Nagtangkang lumabas ang lalaki pero nakalmot ko ang balikat niya bago pa niya magawang lumabas. Hindi siya lumingon sa akin.
Naiwan akong mag-isa at nakasandal lang sa locker. Iniisip ang mga kagaguhang nangyari sa akin. Dane saved my life again. Kung hindi siya dumating ay baka wala na ang pinakaiingatan kong bagay.
Nang maulinigan ang mga yapak niya ay kaagad akong nagpunas ng aking mga mata. Ayaw kong makita ako ni Dane na umiiyak.
"There you are, Ria," sambit niya saka ako niyakap. "Sabi sa akin nina Gyreck nagalit ka raw sa kanila kaya ka umalis. Alam kong dito lang kita makikita because you love sports."
Oo, mahal ko ang sports kaya nga ito rin ang naging dahilan kung bakit ako namanyak.
"Anong nangyari sa inyo nina Gyreck sa canteen? Bakit pinagsakluban ng langit at lupa ang mga mukha nila kasama ang isang babae roon?"
"Huwag mo na silang ipaalala sa akin. Mas lalo lang akong naiinis!"
Naiinis ako kasi kung hindi nila ako kinantyawan kanina, e 'di sana hindi ako nakaramdam ng ganitong takot ngayon.
"Okay, chill. You have me, Ria. Kung may problema, nasa kabilang building lang ako nitong school. Pwede mo akong puntahan doon o 'di kaya'y tawagan mo ako at ako mismo ang pupunta sa iyo."
Hindi na ako sumagot at yumakap na lamang kay Dane. Palagi na lang siyang ganito. Palagi niyang pinapalakas ang loob ko sa tuwing nasa ganitong mga sitwasyon ako ng aking buhay.
"Okay na ako, matatapos na ang lunch break niyo. Mauna ka na," utos ko.
"Are you sure that you are okay here? Ihahatid muna kita roon sa classroom niyo kung gusto mo," paninigurado niya.
"I'm okay. Sana huwag mo akong iwasan ah?"
"Iwasan?" takang tanong niya kasabay pa ng pag-angat ng kaniyang kilay.
"Oo. Akala ko kasi galit ka sa akin kaya hindi ka nagpakita buong umaga. I'm sorry," paghingi ko ng tawad.
"Silly, Ria. Of course hindi ako kailanman iiwas o magagalit sa iyo. You are my source of happiness. Kahit sina Mama at Papa gusto ka rin as my little sister."
Hinalikan niya ang aking noo saka ako iniwanang balisa pa rin. Ang weird ng mga kinikilos ng tao ngayon.
Bumalik na ako sa classroom dahil tapos na rin ang lunch break. I saw Hades and Shack but Gyreck's not there. Wala rin si Perrie at Jameson.
Umupo na ako sa aking kinauupuan at nagsimula na ring maghintay para sa susunod na asignatura.
"Kung hinahanap mo si Jameson, Perrie at Gyreck, kasama sila sa Music Club ngayon," bored na sabi ni Hades.
"Hindi ko tinatanong."
Hindi pa rin mawala sa isip ko ang nangyari sa locker room ng athletes.
Nanlulumo ako sa tuwing iniisip ko ang bagay na iyon. Gusto kong makalimutan pero napakahirap!
Biglang may kumatok na kumuha ng atensyon ko.
"Good afternoon, Section A. I'm Miss Cartajenas and I'm here to proudly announce that your officers will run for the positions of being a SSG."
President hanggang sa Sgt. @Arms lang ang naimbitahan para sa pagiging kandidato ng SSG. Sabi ko naman sa inyo eh, walang kwenta ang pagiging muse o escort. Takang-taka nga ako kung bakit nag-aagawan ang tatlong asungot sa pagiging Escort.
Hindi naman nila ikakagwapo ang posisyong iyon.
Natapos na ang buong araw ko sa eskwelahan. Nakakapagod. Nakapanlulumo. Nakakabaliw.
Walang eksaktong salita ang makapaglalarawan ng mga naranasan ko ngayon. I never saw this coming, again.
Hinintay ko si Dane sa school building kung nasaan siya. Naroon din sina Jameson, Perrie at Gyreck na nag-eensayo pa rin sa Music Club. Sina Gyreck at Jameson ang presidente no'n habang si Perrie ang bise.
Lalapitan pa sana ako ni Gy pero dumating na si Dane na inaya ko agad umuwi. Alam ko, oo alam ko na pipilitin niya lang akong umuwi sa bahay nila.
Panigurado, sinabi niya na nakitulog lang ako sa kung sino-sino at uuwi rin kapag gusto ko na. Ganyan naman siya, lagi niya akong sinisiraan.
Hindi pa ako tapos sa iyo, Gy.
Hindi pa talaga.