NAKAHINGA nang maluwag si Kylie nang sa tingin niya ay napaniwala niya si Joshua na namamalik-mata lamang ito sa nakita nito. There is no way in hell na hahayaan niya na mabunyag na lamang basta-basta ang sikreto niya dahil lang sa kapalpakan niya sa pagtatago.
"I should have known better," ang pabulong na sabi ni Kylie sa kanyang sarili. “Hindi ko pa rin pwedeng ibaba ang depensa ko kahit mahina ang lalaking ito. Utak manyak nga pala siya.”
Hindi naman nakaligtas sa pandinig ni Joshua ang sinabi ng butler niya. Hindi pa rin siya kumbinsido sa sinabi nito na dulot lang ng hangover ang nakita niya nang umagang iyon. Hindi na lamang siya kumibo dahil gusto niyang alamin kung ano nga ba ang tunay na pagkatao ni Kyle Legazpi.
"Humanda ka sa akin, Kyle. Malalaman ko rin ang totoo mong pagkatao," bulong ni Joshua sa kanyang isipan.
Mabilis na lumipas ang mga araw ngunit hindi pa rin sanay si Kylie na mayroon siyang young master na dapat niyang sundan sa lahat ng oras. May mga pagkakataon pa na kailangan niyang batukan ang binata kahit sa harapan ng ama nito kapag nagiging stupid na ito sa paningin niya. As usual, hindi siya sinasaway ni Don Emilio sapagkat ang alam nito ay dinidisiplina lamang niya ang anak nito.
Isang araw...
"Kailangan ko ba talagang umattend sa ganitong uri ng event, Dad?" tanong agad ni Joshua nang natanggap niya ang imbitasyong nakapangalan sa kanya. "Para naman akong matanda kapag umattend ako sa ganitong party."
"Hindi ka naman magmumukhang matanda sa ganyang uri ng party because it is a formal one," sabi ni Don Emilio. "And you need this kind of party para mas mapatatag ang negosyo natin. You know, kailangan pa rin nating gumawa ng connections doon."
"As if namang may makikilala akong chicks doon " ang nakasimangot na sabi ni Joshua. "Eh puro matatanda lang naman ang nagpupunta riyan eh."
Nagchuckle na lamang si Don Emilio sa naging sagot ni Joshua, "Actually, you are not going to meet 'chicks' sa ganyang uri ng party dahil edukada ang mga babaeng dumadalo riyan. Hindi uubra ang pagiging bolero mo sa kanila. Baka masampal ka lang nila kapag binastos mo sila."
"Iyon na nga ang problema ko eh, paano naman ako makakakilala ng mapapangasawa ko kung puro old fashioned women naman ang makikita ko?" tanong ni Joshua.
"I don't get your funny logic pero isa lang ang alam ko," sabi ni Don Emilio. "Kailangan mong matuto ng formal dance kung gusto mong makapagbigay ng mabuting impresyon sa mga dalagang pupunta roon."
"What?!"
"At base sa reaksyon mo ay alam kong hindi ka bihasa sa formal dance so I already hired someone na maaaring magturo sa iyo ng tungkol sa pagsayaw," sabi ni Don Emilio. "Pupuntahan ninyo siya ngayong lunch."
"What?!" iyon na lamang ang lumabas sa bibig ni Joshua nang oras na iyon.
Nang sa tingin ni Don Emilio ay hindi pa rin nakakabawi si Joshua sa sinabi niya ay binalingan na niya si Kylie.
"Kyle, puntahan ninyo ang address na nakalagay riyan," sabi ni Don Emilio. "Kailangan niyang matutong sumayaw kahit na ano'ng mangyari."
"Yes Master." magalang na sagot ni Kyle sa utos ng matanda sa kanya.
Umikot na lamang ang mata ni Joshua sa kanyang narinig. Halata sa mata niya na ayaw niya ng pinagkasunduan ng dalawa. He wants to raise his hand or voice for objection pero alam niyang hindi siya pakikinggan ng mga ito. Isang malakas na tadyak na lamang ang ibinigay niya sa bangko bago siya umalis sa harapan nila.
"Go ahead, sundan mo na si Joshua at nagtatantrums na naman siya," sabi ni Don Emilio kay Kylie na tinanguan lamang nito.
Alam na ni Joshua na susundan lamang siya ng butler niya kaya pumasok na agad siya sa kwarto niya. He is thinking of a stupid thing na sa tingin niya ay hindi kayang gawin ni Kylie. Iyon nga lang, bago pa man siya makapagsalita ay hinagisan na siya ng butler niya ng isang folder.
"Kung may gusto kang alamin tungkol sa pagkatao ko ay papayagan kitang tanungin ako," sabi ni Kylie sa binatang amo. "Hindi mo na ako kailangang paimbestigahan pa nang pasikreto."
Hindi kaagad nakapagsalita si Joshua nang oras na iyon. Ang tumatakbo lang sa isipan niya nang oras na iyon ay paano nalaman ni Kyle ang tungkol sa pag-iimbestigang ginagawa niya. Palaisipan din sa kanya kung saan nakakuha ng folder ang butler niya eh wala naman itong hawak na folder nang kaharap nito ang ama niya.
As if reading Joshua's mind ay sumagot na kaagad si Kylie, "May nadampot akong folder sa mesa."
"Grrr."
"Walang masama sa pagtatanong," sabi ni Kylie. "I can give the answers that you want basta magtatanong ka lang."
Napangisi na lamang si Joshua sa narinig. Sa tingin niya ay hinahamon na siya ni Kyle nang oras na iyon. Well, he will take that opportunity para masisante niya ang butler niya.
"I still have this question in my mind tungkol sa pagkatao mo, " pagtatapat ni Joshua. "I doubt your gender dahil mukha kang babae sa paningin ko."
"Ano naman sa iyo kung mukha akong babae? It does not affect my professionalism as a butler," sagot naman ni Kylie. “Isa pa, marami namang lalaki na mukha ring babae.”
"Professionalism my ass. Ni hindi mo nga ako sinusunod eh," sabi ni Joshua. “Para ngang hindi ako ang pinagsisilbihan mo.”
"That is simply because your father ordered me to discipline you in any way na alam ko," sagot ni Kylie. "Yes, kailangan kitang sundin but not at all times dahil nakakatanga lang kadalasan ang gusto mong ipagawa sa akin. Ipaalala ko lang, hindi rin ikaw ang nagbabayad ng serbisyo ko, si Master Emilio iyon."
"Aba't - "
"Now, kung iyan lang ang dahilan kung bakit mo ako pinaiimbestigahan eh mas mainam pang itigil mo na ang kalokohan mo," pambabara ni Kylie sa binata. “Halughugin mo man ang katawan ko ay patutunayan ko pa rin sa iyong lalaki ako.”
"This is too much Kyle," sabi ni Joshua na halatang naniniwala sa kasinungalingan ng dalaga.
"And now you're whining," ang stoic na sabi ni Kylie.
"I am not whining! Kung gusto mong patunayan sa akin na lalaki ka ay kailangan mo akong paliguan ngayon din!" automatic na utos ni Joshua sa dalaga.
Nakaramdam ng inis si Kylie sa sinabi ni Joshua. Hindi niya inakalang bibigyan siya nito ng isang kakaibang utos para lamang mapatunayan niyang isa siyang lalaki. Heck! Sanay naman siyang makakita ng hubad na katawan ng lalaki, pero nakikita lang niya iyon kapag hindi na ito humihinga sa paanan niya. There is no way in hell na susundin niya ang sinasabi ng binata sa kanya. He can still use another method para patunayan kay Joshua na lalaki siya at iyon ang gagawin niya. Lumapit kaagad siya sa binata upang pilipitin lang ang braso nito. Hindi pa siya nasiyahan sa ginawa niya dahil tinuhod niya ang binata bago pa man niya ito dinaganan.
"Inaasar mo ba ako, Young Master?" tanong ni Kylie na may halong pagbabanta habang dinadagdagan ng pwersa ang pagpilipit na ginagawa niya sa kamay ng binata. “Hindi pa ba sapat para sa iyo ang lakas na ibinibigay ko para lang mapatunayan sa iyong lalaki ako?”
Nang hindi nakasagot si Joshua ay inilapit ni Kylie ang labi niya sa tenga ng binata, "Sa tingin ko ay sapat na ang lakas na ipinapakita ko sa iyo ngayon upang hindi mo na pagdudahan pa ang pagkalalaki ko. Ngayon, hindi lang ganyan ang aabutin mo sa akin kapag nag-utos ka pa ng katangahan sa akin."
Napaungol na lamang sa sakit si Joshua nang marahas siyang binitawan ni Kylie. Sa tingin niya ay hindi na niya kailangan pang dagdagan ang sakit ng katawan niya dahil may pupuntahan pa siyang formal party.
"Mapapatanggal din kita sa trabaho mo, Kyle. Humanda ka talaga sa akin," bulong ni Joshua habang pinagmamasdan ang papalayo niyang butler
MABILIS na lumipas ang oras at dumating ang oras na kinaiinisan ni Joshua. Ginagamitan na siya ni Don Emilio ng dahas upang mapasunod lang siya nito sa isang bagay na ayaw niyang gawin. Mas nainis pa siya dahil tanging si Kyle lamang ang may alam kung saan sila pupunta nang oras na iyon.
Well, mukhang nadagdagan lamang ang kamalasang nararanasan niya nang oras na iyon dahil may isang hindi kilalang babae na biglang lumapit sa kanila. Nagulat na lamang siya nang bigla siyang pinagsasampal ng babaeng iyon. Hindi naman niya madepensahan ang sarili niya dahil sa bilis ng pangyayari. Pasalamat na lang siya nang tinulungan siya ni Kyle.
"Hurt my Young Master and I, myself will hurt you," pagbabanta kaagad ni Kylie nang nasalo niya ang braso ng babaeng iyon. "Personally."
"At nakuha mo pa talaga siyang ipagtanggol ha?! Siya nga ang dahilan kung bakit nasira ang buhay ko eh!" sigaw ng babae sa kanya.
Nabingi si Kylie sa lakas ng boses ng babaeng kaharap niya. Alam naman niyang pilyo at spoiled brat si Joshua, pero sa tingin niya ay hindi naman nito kayang manira ng buhay ng isang babaeng medyo eengot-engot din sa buhay. Napahinga na lamang siya nang malalim dahil wala na siyang ibang choice kundi ang pigain ang braso nito.
"Paano naman sinira ni Young Master ang buhay mo gayong hindi ka naman niya kilala?" ang mahinahong tanong ni Kylie habang mas pinipiga niya ang braso nito.
Hindi na makasagot ang babae dahil nasasaktan ito sa ginagawa niyang pagpiga sa braso nito. Isang glare kaagad ang ibinigay nito sa kanya.
"Malinaw na hindi ka niya kilala so tell me, paano niya sinira ang buhay mo," sabi ni Kylie in a dangerous tone.
Napangisi na lamang si Kylie nang napansin na niyang naging malikot na ang mata nito. Mas hinigpitan pa niya ang pagpiga sa braso ng babaeng hawak niya.
"Young Master, hindi kaya nabuntis mo ang babaeng ito kaya siya sumugod sa iyo?" tanong ni Kylie kay Joshua in a serious tone.
"S-Sigurado ako na buntis ako at siya ang ama!" sabi agad ng babaeng sumugod sa binata.
“I have my own eyes at sigurado akong hindi pa kita nakita kahit noon,” sambit ni Joshua sa dalagang hawak ni Kylie. “Hindi ka nga pasok sa standard na mayroon ako eh.”
"Kung ganoon, ano ang pangalan ng Young Master ko?" tanong ulit ni Kylie.
Mas naging malikot ang mata ng babaeng tinatanong ni Kylie. Halatang hindi nito alam ang sagot sa tanong niya. Ibinaling na kaagad niya ang paningin niya kay Joshua na naghihintay lamang sa kanya nang oras na iyon.
"Joshua, Joshua Carriedo ang pangalan niya," sabi agad ni Kylie. "Now, stop this prank kung ayaw mong ipapulis kita."
Mas mabilis pa sa kidlat ang paglayo ng babae sa kanila nang binitiwan na ito ni Kylie.
"That was..."
"...Crazy? Well, alam ko namang may mangtitrip sa iyo," sabi ni Kylie.
"What?! Bakit hindi mo sinabi sa akin?!" ang sunud-sunod na tanong ni Joshua.
"Wala lang," sabi ni Kylie. "Gusto ko lang makita ang reaksyon mo kapag may sumampal sa iyo."
Bago pa man makapagreact si Joshua ay inaya na siya ni Kylie papunta sa dance studio. As expected, isang matandang babae ang sumalubong sa kanila sa loob ng dance studio. Nakilala naman iyon kaagad ni Joshua.
"Tita Elisha, ikaw pala ang sinasabi ni Dad na magtuturo sa akin ngayon," sabi agad ni Joshua. "Ikaw na rin ba ang magiging dance partner ko?"
"Nope," sabi ng tita ni Joshua. "I prefer someone else as your partner."
"Who?!"
Nagulat na lamang si Kylie nang tumingin sa kanya si Elisha, "Ang butler mo ang magiging dance partner mo."
"HA?!" ang sabay na reaksyon ng dalawa.
"Come on, this lesson will be good for both of you. Nabanggit na rin naman kasi sa akin ni Emilio ang bangayan ninyong dalawa," sabi ni Elisha. "Ang sabi pa nga niya ay umaasa siyang magkakasundo na kayo kapag tinuruan ko kayo. I promise. And no more protests young man."
Wala nang nagawa si Joshua nang bigla siyang inalalayan ni Elisha papunta sa butler niya. Nakaramdam siya ng pagkailang nang iginiya na ng tita niya ang mga kamay niya sa tamang pwesto.
“Kahit na lalaki pa ang kasayaw mo ngayon, ituring mo pa rin siyang babae sa paningin mo ngayon,” sabi ni Elisha sa binata. “After all, babae ang isasayaw mo sa formal events kaya kailangan mong matuto kung paano maging gentleman. A gent will always prioritize his partner’s comfort.”
Nanigas lamang si Kylie sa kinatatayuan niya nang dumantay ang kamay ni Joshua sa katawan niya. Hindi siya sanay na may humahawak sa kanya. Mas lalong hindi siya sanay na may hahawak sa kanya para lang isayaw. Kadalasan ay puro hila ang ginagawa sa kanya kaya wala siyang kalam-alam sa mundo ng formal dance.
"Both of you, relax. Wala namang masama sa ginagawa ninyo eh," sabi agad ni Elisha nang napansin niya ang tensyon sa pagitan ng dalawa niyang estudyante. "This is just a dance tutorial, nothing else. Wala namang mababawas sa pagkalalaki ninyo pareho."
Hindi man aminin ni Joshua ay nararamdaman niya ang pag-init ng pakiramdam niya. Alam niyang may mali na sa sitwasyong kinalalagyan niya nang oras na iyon lalo na at may bahid pa rin ng pagdududa ang pagkakakilala niya kay Kylie. Gustuhin man niyang kumbinsihin ang kanyang sarili na lalaki nga ang kaharap niya ay may isang parte ng utak niya na nagsasabing babae ang kasama niya sa dance tutorial.
"Bahala na nga si Batman," bulong ni Joshua sa kanyang sarili.