(ASHLEY'S POV):
Ngayon ay andito ako at nakasalampak sa sahig dahil kukuha pa daw muna si Hera ng upuan ko, hindi na ako sumama sa kanya dahil talagang sinaniban ako ng katamaran ngayon at nag-iisip ako ng plano kung paano ako makakaganti sa hinayupak na lalaking nagpahiya sa'kin kanina.
Kasalukuyan ngayong nasa Cafeteria ang iba naming mga kaklase, ang iba namang girls ay nakabuntot sa mayabang na nang-agaw ng upuan ko.
YEHEY! Nasa Cafeteria nga sila ngayon pati na ang mokong na 'yun, humanda s'ya sa'kin
Biglang nagliwanag ang mata ko ng may pumasok na magandang ideya sa isipan ko para makaganti manlang sa mokong na 'yun.
Dali-dali akong tumayo mula sa pagkakaupo sa sahig at pumunta sa harap ng upuan ko este upuan n'ya na pala at kinuha ang mamahalin n'yang backpack at binitbit ito.
"Nathaniel Thompson, pagsisihan mong nakilala mo pa ako!" matalim kong bulong sa aking sarili.
Bitbit-bitbit ang backpack ng mokong ay pumunta ako sa CR ng mga babae, mukhang sumasang-ayon sa akin ang tadhana ngayon ah. Pagpasok ko sa Comfort Room for women ay wala akong nadatnang estudyante dahilan para umabot tenga ang ngiti ko.
Agad kong binuksan ang unang Cubicle at pumasok rito bitbit ang backpack tsaka ko binuksan ang takip ng toilet at ipinasok dun ang kanyang mamahaling backpack, mukhang childish na paghihiganti ang ginawa ko sa kanya pero okay na 'yun at least nakaganti na rin ako sa ginawa n'ya sa akin.
"Tingnan natin kung anong magiging reaksyon mo rito mokong" bulong ko muli sa aking sarili sabay smirked.
Agad na akong bumalik sa Classroom namin at nadatnan ko na rin doon si Hera habang tinuturo kung saan ako uupo.
"Bestie, tabi tayo. Ito na ang bago mong upuan." excited na ngiti ang nakaukit sa mga mata ni Hera at s'yempre ako rin lalo't magkatabi pa kami.
Kinuha ko na ang bag ko sa may sahig sa likuran at inilagay na ito sa bago kong upuan na katabi ng bestfriend ko.
"Thanks, Frenny!" pagpapasalamat ko kay Hera dahil sa pagkuha ng bago kong upuan sa Storage.
Tinapik n'ya lang ang braso ko at ngumiti.
"Oh s'ya nga pala, Bestie. Saan ka pumunta kanina?" tanong sa akin ni Hera at agad akong napalunok dahil sa kaba.
"Ah wala, sinubukan ko lang sundan ka kanina pero hindi ko kasi alam kung nasaan yung Storage eh kaya bumalik na lang ako dito sa Classroom" kinakabahan kong ngiti sa kanya.
Tumango nalang sa'kin si Hera at hindi na muling nagtanong pa. Nagsibalikan na rin ang iba kong mga kaklase at umupo na sa mga upuan nila, s'yempre kagaya ng inaasahan ko ay may lumapit sa'kin para insultuhin ako dahil sa ginawa ko sa papa Nathaniel nila.
"Oh, andito pa rin pala ang Flirty girl ng Campus?!" pagpaparinig ni Cherry.
"You should go away habang wala pang nangyayaring masama sa'yo dito sa Campus" dagdag naman ni Isabelle.
Pero biglang sumabat si Hera para ipagtanggol ako.
"Pwede bang tigilan n'yo na si Ashley, sa tingin ko wala naman s'yang atraso sa inyo ah." pagtatanggol sa akin ng bestfriend ko.
"Then wala rin naman kaming atraso sa'yo, pinagtatanggol lang namin si Nathaniel gaya ng ginagawa mo sa Flirty Bestfriend mo!" resbak ni Charice, dahil sa kanya napatid pa ako kanina, isa rin s'ya sa hindi ko mapapatawad.
Dahil sa sinabi ni Charice ay tumayo na ako sa upuan ko.
"Anong sinabi mo?Flirty ako? Ako? Ako pa talaga ang Flirty, eh sino bang halos ibigay na ang sarili n'ya kay Nathaniel para lang mapansin, hindi ba ikaw? Kung matatawag mo ng Flirty ang pag-upo ko sa kanya kanina, Pwes sasabihin ko lang sa'yo na umupo lang naman ako dun dahil ayaw n'yang umalis sa upuan ko di tulad mo na desperada ng gawin lahat mapansin lang ng kumag na 'yun!" palaban kong tugon sa kanya.
"S-sinong kumag ang tinutukoy mo? Hindi kumag si Nathaniel!" pambibira sa akin ni Charice habang aambahan pa akong sampalin.
Pero ng sasampalin na sa n'ya ako ay biglang dumating ang iba pa naming kaklase kasama si Mokong (NATHANIEL) at kasunod lang nila si Ms. Avarra, ang teacher namin sa MAPEH kaya hindi na natuloy ang pagsampal n'ya.
Thanks Lord, niligtas n'yo ang pretty face ko..
"Where's my things?!, I just Left it here!" galit na sabi ni Mokong habang hinahanap ang Backpack n'ya.
Hahahahahaha, kunin mo sa CR ng mga babae! Pang-aasar ng utak ko.
Nang mapansin ni Ma'am na tila may hinahanap si Mokong ay lumapit s'ya 'dun.
"What are you doing Mr. Thompson?" tanong ni Ma'am sa kanya.
"There's someone who hide my bag." pasigaw na tugon ni Mokong kay Ma'am, WOW! ang lakas ng loob n'yang sigawan si Ma'am ah..
Hindi na umimik si Ma'am at tinulungan na lang si Mokong na maghanap.
"Okay Class, Sinong nagtago ng backpack ni Mr. Thompson? Ilabas n'yo na ang bag n'ya!" galit na utos ni Ma'am sa amin pero walang ni isa sa amin ang nagsalita.
Patay ako pagnalaman ni Ma'am na nilagay ko 'yun sa Toilet..
Nagulat nalang ako ng lumapit sa akin si Mokong at kwelyuhan ako ng mahigpit habang nanggigil, kaagad na nanlaki ang mata ko dahil sa ginawa n'ya kasabay ng pagtulo ng malamig kong pawis habang nakatitig ang mga mata n'ya ng masama sa'kin.
"Ilalabas mo ang bag ko or else...hindi mo magugustuhan ang igaganti ko sa'yo...mamili ka.." nakakatakot at madiin n'yang pagbabanta sa'kin.
P-pa-paano n'ya nalaman na ako ang kumuha ng bag n'ya? Anong gagawin ko?
Hindi pa rin binibitawan ni Mokong ang kwelyo ng uniform ko kaya patuloy pa rin ang pagtulo ng malamig kong pawis at halos lumabas na ang puso ko sa bilis ng pagtibok nito lalo na't nakatingin na samin ang lahat ng mapanghusgang mata ng aming mga kaklase.
Pero kahit na kinikwelyuhan n'ya ako ay nakaramdam ako sa kanya ng awa lalo na ng makita ko ang nangagalit n'yang mga mata na tila ba may mahalagang bagay sa loob ng bag na 'yun.
"Don't blame her without enough evidence, Mr. Thompson!" pagsaway ni Ma'am kay Mokong at agad n'yang binitiwan ang kwelyo ko, nakabuntong hininga naman ako ng binitawan n'ya na ito.
Unti-unting lumayo na sa'kin si Mokong pero hindi pa rin nagbabago ang expression ng mukha n'ya.
"Call the Security Operators then check the CCTV!" utos n'ya sa teacher namin at bigla s'yang nagwalk-out at padabog na sinirado ang pinto.
Ano daw CCTV, lagot yari na ako nito.
"Ms. Alvarez, follow me in the Guidance Office." seryosong utos sa'kin ni Ma'am.