Madaling naka-adjust si Ylora sa kanyang bagong kapaligiran lalo na sa kanyang bagong paaralan. Mabilis niyang naging kaibigan ang dalawa niyang kaklase, si Hailey at ang kapitbahay niyang si Bettchy. Hindi niya akalain na matutuwa siya sa piling ng dalawa niyang kaibigan. Dati, labis siyang nag-aalala tungkol sa kung paano siya maninirahan sa isang malayong lugar at malayo sa kanyang mga kaibigan sa lungsod. Pero ngayon, natutuwa siyang dinala siya ng kanyang ama sa lugar na iyon, bagamat hindi pa rin sila nagkakasundo na mag-ama. Sa pagkakakilala niya sa kanyang dalawang kaibigan ay nagiging mas masaya ang kanyang bagong buhay sa bagong kapaligiran.
"Let's go, Bettchy and Ylora! Let's sit over there," hinila ni Hailey ang braso niya paupo sa ilalim ng malaking puno. May isang bench na may maliit na mesa na gawa sa kakahuyan sa ilalim ng puno. Halos hindi makadaan ang sinag ng araw dahil sa makakapal na dahon ng punong iyon. Ang magagandang bulaklak at ang man-made fountain, kasama ang sariwang hanging malalanghap sa paligid na iyon ang perpektong lugar para makapagpahinga sila habang nagpapalipas ng oras.
Inilagay nila ang kanilang pagkain sa ibabaw ng mesa. Nag-take out na lamang sila ng kanilang pagkain dahil tinatamad si Hailey na kumain sa loob ng canteen kaya lumabas na lamang sila at naghanap ng magandang lugar kung saan sila makakapag-lunch. At voila! Natagpuan nila ang lugar na iyon.
Abala sila ni Bettchy sa paglantak sa pagkain nila nang mapansin niya si Hailey na lihim na nakangiti at humahagikgik na tila kinikilig.
"Anong nangyari sa'yo, Hailey? Don't tell me may isang makapangyarihang multo sa puno na ito na kayang m
magpangiti sa'yo ng walang dahilan?" pang-aasar niya sa kaibigan. Kumuha siya ng french fries at nilagay sa sauce bago niya ito kinain.
Gusto niyang kumakain ng french fries bago ang kanyang tunay na pagkain. Nasanay kasi siya na ganoon lagi ang ginagawa niya dahil lagi siyang pinagluluto ng tita niya ng french fries. Paborito niya iyon.
"Parating ang crush ko. Ang gwapo niya talaga," impit na tili ni Hailey at saka huminga ng malalim. "Pero hanggang sa pagtanaw na lang ako sa kanya. He is too good for me. He's out of my league."
Napatingin si Bettchy sa taong tinutukoy ni Hailey habang siya ay walang pakialam na nagpatuloy lamang siya sa pagkain ng fries niya. Wala siyang interes sa mga ganoong bagay. Ang gusto lang niyang gawin ay makapagtapos ng pag-aaral at makahanap ng magandang trabaho.
"You had a crush with that vam—" Hindi na natapos ni Bettchy ang sasabihin dahil mabilis na tinakpan ni Hailey ang bibig noto gamit ang dalawang kamay.
"Shut up, Bettchy. Paano kung marinig ka niya? Ayokong isipin niya na naniwala din ako sa mga kalokohang tsismis tungkol sa kanya," bulong ni Hailey sa tainga ni Bettchy ngunit narinig pa rin niya ang sinabi nito sa kanya. Napukaw ang kanyang kuryosidad sa narinig niya.
"As if he cares whether you believe it or not," Bettchy rolled her eyes. "Ni hindi nga niya alam ang pangalan mo at hindi rin niys yata alam na nagi-exist ang isang Hailey na patay na patay sa kanya."
Sinundan ni Ylora ng kanyang mga mata ang direksyon kung saan nakatingin ang dalawa niyang kaibigan. At nabigla siya sa taong nakita niya. Isang matangkad at medyo maputla ngunit gwapong lalaki ang nakatingin sa direksyon nila. She's not sure if he is looking at her or Hailey but she stares at him na parang nalulunod siya sa mga tingin nito.
Kung ano ang naramdaman niya noon sa taong nasa loob ng sasakyan ay ganoon din ang nararamdaman niya ngayon. Hindi rin niya maialis ang mga paningin niya rito. Ang lalaking ito ay nagtataglay ng isang pares ng ginintuang mata. Natatanging mga mata, naisip niya. First time niyang makakita ng taong may golden eyes kaya namangha siya. Mapula at kissable ang labi nito kahit medyo maputla ang kulay ng balat. For sure, maraming babae sa school nila ang lihim na humahanga rito. Maraming mga batang babae ang nalunod sa magaganda at ginintuan nitong mga mata. Namangha ba talaga siya sa mga gintong mata nito o sa taong nagmamay-ari mismo?
"Hoy, Ylora? Don't tell me crush mo din yung lalaking yun?" Ang boses ni Bettchy ay parang kampana na gumising sa kanya mula sa pagkalunod sa mga mata ng lalaki. Lumapit ito sa kanya at bumulong sa tainga niya. "His name is Colt Maclains. Pero iwasan mo siya at huwag kang makipaglapit sa kanya dahil isa siyang bampira."
Hindi niya maiwasang matawa nang marinig ang sinabi ng kaklase niya. "It's ridiculous! I don't easily believe in rumors especially those kind of rumors. It's unbelievable."
Bampira ba ang gwapong iyon? Oo nga't medyo maputla ang balat nito na parang bampira katulad sa mga pelikula at libro pero kaya nitong tumayo sa ilalim ng araw nang hindi nasusunog. Kaya paano nila masasabi na isa itong bampira? Hindi ba't ang mga bampira ay nasusunog kapag tinatamaan ng sinag ng araw? Bakit ito ay tila hindi apektado sa sikat ng araw kung totoo ang hinala ng mga tao na isa itong bampira?
"Iyan din ang naisip ko," pagsang-ayon ni Hailey sa kanya. Mukhang masaya itong nakatagpo ito ng taong hindi naniniwala sa mga tsismis na tulad niya.
Tinitigan siya ng maigini Bettchy. "Makinig ka, Ylora. Ang mga pamilya nina Colt at Gray ang may-ari ng ating paaralan. Sila ay—"
"Sino si Gray?" putol niya sa pagsasalita ni Bettchy.
"Isa si Gray Writes sa dalawang sikat na estudyante sa school natin. Gwapo siya at malapit sa mga babae pero mas gusto ko pa rin si Colt kahit na palaging seryoso ang anyo. Siya lamang ang cold at gwapong bampira sa puso ko," sagot ni Hailey sa kanya at pagkatapos ay muling sinulyapan si Colt na ngayon ay naglalaro ng basketball kasama ang mga kaibigan nito.
"Pwede bang tumahimik ka, Hailey?" singit ni Bettchy. "Itutuloy ko ang kwento ko para iwasan ni Ylora itong dalawang sikat na estudyante na ito kapag nakadaupang-palad niya ang isa man sa kanilang dalawa.
"Okay fine. I will zip my mouth," sabi ni Hailey at saka muling tinitigan si Colt.
Si Bettchy naman ay ipinagpatuloy ang naudlot na pagkukuwento tungkol kay Colt at Gray. "Sina Colt at Gray ay mula sa isang makapangyarihan at mayamang pamilya. Sila ang nagmamay-ari ng buong Brgy. San Roque. I mean ang dalawang pamilya ang siyang nagmamay-ari ng parehong kalahati ng lupang ito at mga ari-arian sa aming barangay."
Matamang pinakikinggan ni Ylora ang bawat salitang lumalabas sa bibig ni Bettchy habang si Hailey naman ay nakatulog sa haba ng kuwento ni Bettchy. Tulog pa rin ito hanggang matapos ikuwento ni Bettchy sa kanya ang tungkol sa kasaysayan ng pamilya ng Maclains and Writes.
"So, iyon ang dahilan kung bakit mo nasabi na si Colt ay bampira at itong si Gray ay isang taong lobo?" sabi niya matapos marinig ang buong kwento patungkol sa dalawang pamilya.
Sinabi sa kanya ni Bettchy na ang dalawang pamilya ay hindi orihinal sa lugar na ito ngunit sila ay nanggaling oa sa Europa. Dumating lang sila dito at nagsimulang bilhin ang lahat ng lupain sa lugar nila. Walang nakakaalam ng dahilan kung bakit sila nagpasya na manatili sa liblib na lugar na ito. Ngunit sinabi ni Bettchy na ang tsismis tungkol sa pagiging bampira ni Colt at pagiging werewolf naman ni Gray ay dahil nakita ng isang lasing na lalaki ang dalawang pamilya nagpapabago-bago ng anyo anyo mula sa pagiging tao ay naging bampira at taong-lobo habang nag-aaway ang mga ito. Ngunit makalipas ang isang araw matapos masaksihan ng lasing na lalaki ang away ng dalawang pamilya ay misteryosong nawala ito sa lugar nila at walang iniwang bakas. At doon nagsimula ang tsismis tungkol sa Maclains at Writes family.
"Oo. Kaya dapat iwasan mo na sila kapag nilapitan ka nila," babala ni Bettchy sa kanya. Kinuha niya ang kanyang tubig at ininom Bigla kasi siyang inuhaw sa haba ng kuwento nito.
"Nope. Hindi pa rin ako naniniwala," she frankly told her. Paano madaling naniwala ang mga tao sa isang salita na nanggagaling sa bibig ng isang lasing na lalaki? At tsaka bakit magkahati ang dalawang pamilya sa pagmamay-ari ng kanilang paaralan kung hindi maganda ang samahan nila?
"Naku, Ylora. Pagkatapos ng sinabi ko sa'yo ay hindi ko na alam kung ano ps ang sasabihin ko para maniwala ka sa akin," sabi ni Bettchy. May tono ng pagsuko sa boses nito.
Magsasalita pa sana si Ylora nang marinig nila ang malakas na tunog ng kampana. Ibig sabihin tapos na ang tanghalian nila. Oras na upang simulan ang kanilang mga klase sa pang-hapon.
Ginising nila si Hailey na natutulog pa rin pagkatapos ay sabay-sabay silang naglakad papunta sa classroom nila. Bago sila makapunta sa kanilang silid ay kailangan nilang dumaan sa basketball court ng paaralan kung saan naglalaro pa rin sina Colt at iba pang mga estudyante kahit narinig na nilang tumunog ang bell. Habang dumadaan sila sa court ay hindi niya maiwasang tumingin ulit sa kanya. And her heart beats so fast when she discovered na nakatingin din pala ito sa direksyon niya kaya nagtama ang kanilang mga mata. Muli niyang naramdaman ang pamilyar na pakiramdam na pakiramdam na iyon. Iyong feeling na nalulunod siya sa tingin nito. Pakiramdam niya ay hini-hypnotize siya nito kaya hindi niya maipaliwanag ang pakiramdam na iyon. Vampire ba talaga siya? May kapangyarihan ba siyang mang-hipnotismo ng mga tao?