A/N: Gisingin na nga natin si Kaizer hehe😂
Sorry sa matagal na update. Pinaghintay ko kasi talaga kayo HAHAHAHA
Epilogue
-
Masayang pinanonood ni Kazier ang kanyang asawa na nag-aalaga sa 1 month old baby nila na si Summer. Sa tuwing nakikita niya ang mag-ina niya ay nawawala ang pagod niya galing sa trabaho. Nang maikasala silang dalawa ay ang pinakamasayang araw ni Kaizer. Ngunit hindi niya aakalain na mas sasaya pala siya noong araw na manganak na si Red sa first baby nila na si Summer.
Hindi niya inakala na masasabi niyang ang pinakamasayang pagpupuyat na nararanasan niya ay ang pag-alaga sa kanyang anak. Corny mang pakinggan, pero para kay Kaizer, ang mag-ina niya na ngayon ang buhay niya. Hindi niya alam ang mangyayari sa sarili niya pagnawala pa sa kanya ang asawa at anak niya.
Nang magawi ang tingin sa kanya ni Red, mas lumapad ang ngiti niya lalo na ng makita ang saya sa mga mata ni Red ng makita siya.
"Nakatulog na si baby." Nakangiting mahinang sabi ni Red sapat lang naman para marinig niya. Naglakad si Red palapit sa kanya kaya naman hinintay niya itong makalapit at saka niya inalalayan na makaupo sa kandungan niya.
"How's your day?" Malambing na tanong sa kanya ni Red at saka siya nito hinalikan sa labi na agad naman niyang tinugon.
"Na-miss ko kayo ni baby." Sagot naman ni Kaizer ng maghiwalay ang labi nilang dalawa ni Red.
Mahinang natawa si Red ng marinig ang sinabi ni Kaizer. "Kailan mo ba kami hindi na-miss? Eh, araw-araw mo namang sinasabi 'yan maski saglit ka lang naman nawala." Natatawang sabi ni Red. Natawa na rin tuloy si Kaizer dahil totoo naman ang sinabi ng asawa niya.
Isinubsob ni Kaizer ang kanyang mukha sa leeg ni Red. "Damn, baby. You smells so damn good."
"Ewan ko sa'yo! Palagi mo rin namang sinasabi sa akin 'yan." Natatawang sabi ni Red. "Bitawan mo na nga ako at ipagtitimpla kita ng kape." Nakangiting sabi ni Red. Sa tuwing dumarating galing sa trabaho si Kaizer ay palaging pinagtitimpla ni Red ng kape si Kaizer. "Bantayan mo muna si Summer." Humalik pa muna saglit si Red sa pisngi ni Kaizer bago siya tumayo mula sa pagkakaupo sa hita ni Kaizer at naglakad na papunta sa kusina. Habang si Kaizer naman ay naglakad na palapit kung na saan nakaduyan ang kanyang anak.
Isang matamis na ngiti agad ang kumawala sa labi ni Kaizer ng makita ang kanyang munting angheln na mahmbing nanatutulog. Mata lang ang parehas sa kanila ng kanyang anak at puro kay Red na ang nakuha nito mula sa matangos na ilong pati na rin ang manipis na pulang labi. Kung pagmamasdan, kamukhang-kamukha talaga ni Red.
Mahimbing na ang tulog nito at paniguradong mamayang matalingmataling araw na naman ang gising nito. Natatawa na nga lang si Red at Kaizer tuwing nagigising ang anak nila ng hating gabi. Magkasama silang nakikipaglaro rito at sabay-sabay din silang dinadalaw ng antok. Ang nakakatawa nga lang ay palaging si Summer ang una silang tinutulugan.
"Here's your coffee, love."
Napatingin si Kaizer kay Red na papalapit na ngayon sa kanya. "Pagkatapos mong mag-coffee, mag-shower kana."
Ito 'yung part na hinding-hindi magsasawa si Kaizer pakinggan mula kay Red. Palagi pa rin siya nitong inaalala. At higit sa lahat, inaalangan pa rin siya ni Red kahit na abala na ito sa pag-aalaga sa baby nila.
Oh God! Mahal na mahal niya talaga ang babaeng 'to.
Pagkatapos magkape ni Kaizer ay sinunod na niya ang utos sa kanya ni Red na mag-shower. After 10 minutes natapos na rin siya. Nagpupunas siya ng buhok ng lumabas ng CR. Ngunit natigilan siya ng mapatingin sa higaan nila kung na saan kanina ang mag-ina niya pero ngayon ay wala na. Napakunot ang noo ni Kaizer. Sa pagkakaalala niya, natutulog pa lang kanina ang anak niya sa duyan nito pero bakit ngayon ay wala na? Lalong napakunot ang noo ni Kaizer ng walang makitang duyan na nakasabit sa tabi ng higaan nila ni Red.
Hindi alam ni Kaizer kung bakit bigla na lang siyang kinabahan kasabay ng paglakas ng tibok ng puso niya. Kaya naman, dali-dali siyang lumabas ng kwarto. Baka nasa labas lang ang mag-ina niya at nagising na ang kanyang anak.
"Love?" Pagtawag ni Kaizer ng pumasok siya sa kusina. Wala sa sala si Red at ang anak niya kaya naman inaasahan niyang narito sa kusina ang dalawa. Ngunit wala siyang nakitang tao sa loob ng kusina.
Lakad takbo ang ginawa ni Kaizer para makalabas ng bahay at nagbabakasakali na naroon ang mag-ina niya ngunit wala siyang nakita kahit anino man lang ng kanyang asawa at anak.
Madilim na sa labas at nagbabadya pa ang ulan. Muling pumasok ng bahay si Kaizer at hinanap muli ang mag-ina niya sa loob ng bahay.
Natigil sa pag-akyat ng hagdan si Kaizer ng makaramdam ng sakit ng ulo. Napapikit si Kaizer ng bigla na lang siyang may narinig na mga sigaw. Sigaw na hindi niya alam kung saan nanggagaling. Ngunit ang mga boses na naririnig niya ay napakapamilyar.
"Kaizer! Wake up!"
"Kaizer?'
"Bro, gising!"
Napasigaw si Kaizer kasabay ng pagmulat ng mga mata niya mula sa realidad. Mukha nila Melvin, Albert at Andrea na umiiyak ang sumalubong sa kanya. Hanggang sa unti-unting natauhan si Kaizer.
"Where am i?" Inilibot niya ang tingin sa buong paligid. Mga taong nagsasayawan, nag-iinuman ang sumalubong sa tingin niya. "Oh, God! Bakit nandito ako? Nasaan si Red? Na saan si Summer-" Natigil sa pagsasalita si Kaizer ng putulin ni Andrea ang sinasabi niya.
"K-Kaizer, nananaginip ka." Umiiyak na sabi ni Andrea habang nakatingin kay Kaizer.
Napakunot ang noo ni Kaizer sa sinabi ni Andrea. "What are you talking about?"
"K-Kaizer, patay na si R-Red. Ganoon din ang b-baby niyo."
Tulalang napatitig si Kaizer kay Andrea. Hanggang sa unti-unting tumulo ang mga luha sa kanyang mga mata.
P-Panaginip lang pala.
Panaginip lang pala ang lahag ng inakala niyang totoo.
Dahil ang asawa at anak na nasa panaginip niya ay wala na.
Wala na 'yung buhay niya. Ang mag-ina niya.
THE END.