Trixie POV
"Ito ang magiging kwarto natin!?"
Pumasok kami sa isang kwarto.
Napakalawak nito sa loob, dalawa ang double deck pero hindi gaanong kaliit ang distansya.
Ibinaba ko ang dala kong bag sa kama.
"As in free 'to!?"
Mabilis akong pumunta ng cr.
"Woaaaaahh!"
Ang Cr ay tama lang ang size. May shower pero walang bath tub. May cabinet doon na lalagyan siguro ng mga alipores sa mukha at katawan.
Napakalinis at kumikinang ang sahig sa kaputian. Isinara ko na ang pinto matapos akong ma-amaze. Sunod akong tumungo sa malaking sliding door na natatakpan ng kurtinang kulay blue.
"Balcony 'to?"
"Oo" binuksan ni Jae ang sliding door.
Sabay kaming lumabas. Nasa 2nd floor ang kwarto namin. Mula rito ay tanaw namin ang malawak na field, sa tapat namin, may malawak nga lang distansya, ay ang dormitory ng mga kalalakihan.
"Koreans ang namamahala ng school na 'to." Ngumiti siya. "Welcome to Shimjang International School!"
Napangiti ako.
Koreans!
Annyeonhaseyeo!!
Kamsahamnida!!
Hahahahaha!
"Jae, Trixie, tara gala muna tayo." Pagyaya sa amin ni Aycl. "Mamaya mo na lang ayusin ang gamit mo"
Sa akin nila ibinigay ang susi dahil mukhang ako daw ang responsable pagdating sa gamit. Kung si Raja daw ay baka makalimutan niya kung saan inilagay. Sa Acyl ay baka masira daw iyon. Si Jae naman ay baka mapasama sa mga gamit niya, mahihirapan siyang hanapin, marami siyang gamit na karamihan ay ballpen at papel tsaka libro.
"Minsan kasi ibinibigay namin sa guard" Ani Jae. Tinutukoy niya ang susi.
"Sige ako na lang ang magtatago" sagot ko.
Bumaba na kaming apat. Wala namang elevator dito, hagdan lang. Marami na din ang mga estudyante dito. Karamihan ay pinag-uusapan na ang pasukan bukas. Matapos ko kasing maipasa ang exam ay agad nila kong sinamahan sa bahay. Si lola ay pumayag naman, wala naman akong aalalahanin doon dahil makakasama ni lola muna si tita.
Iginala nila ako sa loob ng school, sa magiging room namin. First floor dahil fourth year na kami. Apat na palapag iyon. Sobrang lawak kaya sa room na lang nila ako dinala. Maraming rooms ng clubs at organizations dito, nakapaskil rin ang mga clubs na pwedeng salihan sa whiteboard sa hallway. Ang loob lang ng school ang may elevator dahil mataas na masyado ang pangatlo at pang-apat na palapag. Sunod naming pinuntahan ay ang sariling mall dito. Mayroon 'ding mga maliliit lang na shops dito.
"Tara snacks tayo, mag-aalasais na pala" ani Raja.
Pumasok kami sa isang bread and pastry shop. Napakaganda ng atmosphere dito, tama lang ang lamig ng aircon. Aesthetic ang style kaya ang ganda. Pumila kami sa counter, kaunti ang mga tao. Nakakatuwang isipin na lahat ng mga taong nandito ay puro lang mga highschool students. Nakakapanibago pero parang masaya naman. Pare-pareho kami ng order, isang mamon at crinkles, tsaka shake.
"Mayayaman ba kayo o may kaya lang?" Tanong ko sabay simsim ng shake. "Waaaa ang sarap!"
"May kaya lang. Tama lang" Sumubo si Jae ng mamon. "Pagbakasyonkasipart timingangbuhaynaminsalabas ng school—"
"Anyenyenye" natatawang pangungutya ni Raja. "Sabi nang wag magsalita ng may laman ang bibig"
"Ayos lang haha, naintindihan ko naman" saad ko.
"Ah, dagdagan na lang namin ang nalalaman mo dito sa Shimjang" nilingon ko Acyl. "Ang batch namin dito magulo. Kami buong klase, hinding-hindi kami nagkakasundo, as in. Pero, magugulat ka kapag may pa competitions and activities, doon lumalabas ang we are one. Nagbabangayan lang kaming lahat ng ibang mga bagay, pero hindi kami nanliliit ng kapwa, no to bullying, basta makikita mo na lang"
Ngumiwi ako. "Hindi ko maintindihan" saka ako kumagat ng crinkles.
Nagpatuloy na lang kami sa pagkain.
Nagpalinga-linga ako sa labas. Napataas ang kilay ko nang may makitang couples na masayang nagtatawanan.
"Tsh!" sumimsim ako nang todo sa shake ng, bigla ay nabulunan ako. "T-Tubig, tu-big"
"O, dahan dahan lang" bigla na lang may umabot sa akin ng tubig.
"Thank you" saka ko nilagok iyon.
Matapos mahimasmasan ay saka ko lang na realize kung saan galing ang tubig. Nilingon ko sina Jae at Acyl na bahagyang gulat, at si Raja ay busy sa kinakain niya. Dahan-dahan kong ipinihit ang ulo ko pa kaliwa.
"Ok ka na?" Iniangat ko ang ulo ko sa lalakeng nagbigay sa akin ng tubig.
Ang gwapo!
"Sakto kasing may dala akong tubig 'nung nabulunan ka. Sa likod mo rin ako napadaan. Wala kasi kayong tubig, napansin ko lang"
Naibuka ko ang bibig ko pero wala akong mailabas na salita.
Paano ko ba d-describe ang itsura niya?
Basta gwapo!
"Ano ang pangalan mo?" wala sa wisyong tanong ko dito.
Kumunot ang noo niya. "Ha? E-excuse me?"
What the F! Anong sinabi ko?
"Huh? Ah! Hindi a-ano, thank you ha-ha thank you" binaling ko na lang ang atensyon ko sa mamon at kinain iyon.
Nadinig ko ang impit na tawa nina Jae at Acyl. Nakakahiya ka Trixie!
Sino ba naman ang hindi masi-star struck kung mukhang artista ang nag-abot ng isang basong tubig sa 'yo? Napapailing na umalis na lang ito, sinilip ko siya sa peripheral view ko, pabalik siya sa counter at nagsalin ulit ng isang basong tubig.
Sa isip ko ay nabatukan ko na ang sarili ko.
"Lucas ang pangalan niya. Kaklase natin 'yun" nanlalaki amg matang nilingon ko ang katabi kong si Raja. Ubos na pala ang kinakain niya, shake na lang ang natira.
"KAKLASE!?" Napalakas ang boses ko dahilan para magtinginan ang mga nandoon sa akin. "Kaklase? Kaklase natin s'ya?" Tumango silang tatlo.
"Eh, kayo?" Tinuro ko sina Jae at Acyl. "Bakit para gulat kayo kanina?"
"Ah" Ani Jae. "Swerte mo. Ininuman na kasi ni Lucas 'yung baso, saktong 'dun sa ininuman mo. Hala! Indirect kiss, yieeeeee!"
Pakiramdam ko ay bigla akong namula. Napatingin ako sa baso.
Indirect kiss..
Kiss..?
"Kalma ka lang haha marami kang kaagaw dito" natatawang sabi ni Raja. "Pulang-pula na ang pisnge mo, oh"
"Isa si Lucas sa sikat dito. Marami ka pang makikitang artistahin dito" Ani Acyl.
"Marami din naman sa AIS, pero 'di ko type haha! Waa nakakahiya, kaklase pa naman natin!"
"Sus, mawiwitness mo ang personality niya sa loob ng room, half amaze, half naman ok lang. Close rin kami 'nun" ani Raja.
"We? Hindi mo nga s'ya tinignan kanina"
"Sawa na ako sa mukha niyan, sa 'yo na gusto mo?"
"Oo" mabilis kong sagot na ikatawa naming apat. "Biro lang hahaha!"
Nagpalipas pa kami ng oras doon. Panay kwento sila tungkol sa mga sarili nilang kalokohan dito sa Shimjang. Natawa ako mg sabihing si Acyl daw ang pinakatuso sa kanilang tatlo.
"Ito si Jae good girl ang datingan, ako naman normal lang" paliwanag ni Raja.
Tumaas ang kilay ko. "We? Normal? Sigurado ka? Eh, 'nung una kita nakita para kang naka beast mode, mukha hindi uso sa 'yo ang tumawa. Para kang may mga maiitim na ulap sa taas ng ulo mo, tapos may mga kidlat"
"Hindi naman kita ka-close 'nun, ganun ang pagmumukha ko kung hindi ko ka-close ang isang tao. 'Buti nga nagsalita pa ako 'nun"
"Tahimik kasi 'yan, hindi marunong mang-approach ng tao. Hindi sociable same sa 'min" Acyl.
Tumango ako. "Ako din. Mabuti nga ni-approach niyo ako."
"Wala namang choice kasi tayo lang naman ang nandun sa bahay ni Raja, haha!" Jae.
Nakakatuwa na bukod doon ay may iba pa kaming mga similarities. Nalaman ko rin na marami palang naging crush si Acyl dito. Si Jae ay tutok sa pag-aaral, siya ata ang pinakamatino sa aming lahat. Nabura na rin ang una kong impresyon sa kanila. Si Raja ay likas na boyish at mapagbiro din minsan. Si Acyl ay expressive, marunong siya i-express kung galit, pikon o ayaw niya gawin ang isang bagay. Si Jae naman ay sadyang mabait talaga.
"Bakit niyo pala kilala si Ara?" Biglaan kong tanong na ikinatahimik nila.
"B-bakit?"
"A-ah, kasi—" Jae
"Sa tingin ko…" Acyl
Nagtinginan silang tatlo. "Saka na lang namin sasabihin" Raja. "Oy, halika na, 6:30 na. Magliligpit ka pa ng gamit mo. Hindi na ako makakakain mamaya busog na ako, tara" pagyaya niya.
Sabay sabay na kaming lumabas at naglakad papuntang dorm.
°°°
"Saan mo gusto Trixie sa taas o baba?" Tanong ni Jae pagkarating namin dorm.
"Dito na lang ako sa baba" turo ko sa kama.
"Sige" nauna na itong umakyat ng double-deck.
Inilapag ko ang gamit ko sa kama. Inayos ko iyong lahat.
"Oo nga pala, free wifi dito" Aniya at sinilip ako mula sa taas.
"As in!?"
"Trixie! Doon mo na lang pala sa pangalawang drawer ang mga damit mo. Ang iba mong gamit dun lang sa sarili mong desk, may drawer din naman 'yun. Inayos ko rin dito sa cr, kung may mga gamit kang hindi ko maintindihan ilagay mo na lang" Ani Raja na kalalabas pa lang ng cr. Nakangisi niya akong tinignan. "Gamit sa mukha, lotion, cream or mask ba 'yun. Katulad kay Jae, online seller kasi kaya meron siya."
Tumango ako. "Sige. Pero wala naman akong ibang bling bling sa mukha." Natatawa kong saad
Matapos kong maayos ang gamit ko ay nahiga na ako at kinalikot ang phone ko. May load pa naman ako, sayang. Sa kabilang deck ay si Raja ang nasa taas. Si Jae ay panay cellphone, pati si Acyl. Si Raja ay nauna na sa aming matulog dahil maaga pa bukas.
Alas otso pa lang ah!
Gayunpaman, kahit masaya ang araw na ito ay hindi ko maiwasang magtaka sa kanila. Ano ba ang kinalaman nila kay Ara? Katulad ko rin ba sila? Ni-try kong i-search sila sa Facebook pero wala namang ibang laman iyon. Si Raja ay bihira lang ata gumamit, dahil ang mga post niya at shared posts ay malalayong araw at buwan ang agwat. Si Jae ay halos bible verses. Si Acyl ay puro shared posts lang din.
Sino ba talaga kayo?