Third Person POV
Isang lalakeng naka itim na hood ang mabilis na naglalakad at palinga-linga kung saan.
Huminto siya sa tapat ng gate isang bahay, mataas iyon gayun din ang pader. Tumalon siya nang ilang beses para silipin ang nasa loob. Bigo siyang makahanap ng mapapatungan kung kaya't umakyat siya ng kaunti sa pader, mahirap man ay ininda niya iyon. Bukas ang pinto ng bahay dahilan para matanaw niya ang babaeng nasa sala.
Napangiti siya nang makitang paikot-ikot ito nang lakad, may dalang notepad at bahagyang napapakamot nang ulo.
"Trixie!" tawag niya rito na agad naman siyang mapansin.
Bumaba na ito sa pader.
Nakangiting nilapitan siya ni Trixie at binuksan ang gate para sa kanya.
"Art John" hindi makapaniwalang saad ni Trixie. "A-anong ginagawa mo rito?"
Ngumiti si Art John. "Dinadalaw ka malamang, pasok na ako" dumiretso ito patungong sala at prentang umupo ng sofa.
Iiling-iling at natatawang sinara ni Trixie ang gate. Pumasok ito ng sala.
"Ayos ka rin, ah" lalampasan niya sana si Art John ng hilahin siya nito, dahilan para mapaupo siya sa tabi nito. "Hoy!" sigaw niya.
"Ano ba 'yang ginagawa mo?" sumanday si Art John sa balikat ni Trixie.
"Ah, ito?" Ipinakita niya ang notepad. "Nililista ko ang mga bibilhin kong gamit"
"Hindi ka pa bumibili ng gamit para sa first day class bukas?" Kinuha niya ang notepad. "Walong notebooks bilhin mo, walo ang subjects natin sabi ni Jason Guivarra " ibinigay niya ang notepad.
"Sige, sige" agad na nilista iyon ni Trixie.
"Sino ang kasama mo?" umayos ito ng upo at sumanday sa sofa.
"Si Andrie Scott na lang" tipid na ngiti ni Trixie. "Kahit gustuhin ko man na ikaw ay hindi naman pwede. Maraming mga mata sa paligid." Niyakap siya ni Art John.
Naramdaman nitong nalulungkot na naman ang dalaga.
"Sorry. Kung alam ko lang na ganoon ang talaga si Ara, hindi ko na sana sinimulan pa" naging mapungay ang mga mata nito.
Tipid na ngumiti si Trixie, marahan nitong tinap ang likod ni Art John.
"Hindi mo kailangang mag-sorry. Saklap naman ang pinagdaanan mo 'dun" Humiwalay si Art John sa yakap. Tumitig ito sa mga mata ni Trixie.
"Salamat" nagpalinga-linga ito sa buong bahay. "Ikaw lang dito ngayon?"
"May dinaan si lola. Babalik rin maya-maya lang." Tumango si Art John bilang pagsang-ayon.
Nang bigla ay mag-ring ang phone ni Trixie na nasa mini table. Sinagot niya agad iyon nang makitang si Andrie Scott ang caller. Ni-loudspeaker niya ito.
"Andrie Scott"
"Anong oras ba tayo mamaya? Sasama raw si Jason Guivarra dahil na bobored siya. Nandito sa bahay."
Nilingon ni Trixie ang wallclock. "Siguro after lunch na lang. Nandito kasi si AJ"
"AJ? Galing 'yan dito, naglaro kami ng basketball"
Nagkatinginan sila ni Art John, ngumiti lang ang binata at nag hand sign ng "tres". Tinawanan lang ito ng dalaga.
"Sige Trixie, patahimikin ko lang si Jason Guivarra ang ingay na naman-- Trixie!!!" Bumungad sa kanila ang malakas na boses ni Jason Guivarra . "Hoy AJ! Balik ka rito laro pa tayo!"
"Hindi pwede uuwi na rin ako" nagkagulo sa background nila Andrie Scott.
"Sige Trixie bye, text ka na lang" ni-end na nito ang tawag.
"Galing ka pala doon, hindi mo binanggit"
"Hindi ka naman nagtanong" sinamaan niya ng tingin ang binata.
"Pilosopo!" tinawanan lang siya nito. "Tara maga-alas dose na, kain na tayo. Sabihin ko na lang kay lola na dumaan ka rito."
Inakay niya ang binata sa kusina. Pinagsilbihan niya ito. Pangiti-ngiti lang siyang pinagmasdan ni Art John.
"Pangiti-ngiti mo d'yan! Ikaw ang maghuhugas, akala mo, ah" umupo si Trixie at nagsimulang kumain.
Ngumiwi lang si Art John. "Akala ko pa naman sweet na, tsh!"
"Sweet mo mukha mo!"
Nagsimula silang kumain. Napuno nang tawanan ang hapag-kainan dahil sa kulitan nilang dalawa. Napakalas ng sense of humor ni Art John, lagi nitong napapatawa si Trixie. Kahit minsan pa ay malungkot ang dalaga ay nawawala iyon kapag pinapatawa siya ng binata.
Dumating ang lola ni Trixie na may dalang pananim. Hiningi raw ito ng lola niya sa kapit-bahay. Hindi na sila sinamahan ng lola niyang kumain dahil itatanim daw muna iyong pananim sa likuran ng bahay.
Matapos ay napagdesisyunang uuwi na si Art John.
"Sige, una na ako" pagpapa-alam ni Art John sa dalaga.
Nagsimula na itong maglakad ng paatras, suot na nito ang hood.
"Hm, bye!" Isasara na sana ni Trixie ang gate ng bigla ay pinigilan iyon ng humarang dito si Art John. "Oh?"
Hinalikan nito bigla ang dalaga sa noo. "Bye!" Tumalikod na ito at naglakad papalayo.
Napapakurap si Trixie na isinara na lang ang gate. Hindi niya alam ang gagawin sa tuwing ganoon ang binata sa kanya. Ang pagiging sweet nito ay sakto lang. Ramdam ang respeto sa dalaga.
Trixie POV
Madali akong nagligo at nag bihis. Tinext ko na rin si Andrie Scott na paalis na ako. Nagpaalam na ako kay lola at lumabas ng bahay. Sumakay ako ng jeep papuntang mall na pinag-usapan namin ng Andrie Scott. Pagkababa ko ng jeep ay pumasok na lang muna ako dahil napakainit sa labas.
Ilang sandali lang ang dumating na rin si Andrie Scott kasama si Jason Guivarra . Hindi na ako magtataka kung pagtitinginan sila ng mga tao. Hindi ko ipagkakaila ang kagwapuhan nilang dalawa. Paano ko ba naging bestfriend itong dalawa?
Unang lumapit sa akin si Jason Guivarra , naka-ripped jeans at white t-shirt lang ito. Nagsuot rin ng transparent na glasses at bagsak ang buhok. Si Andrie Scott naman ay naka black pants at oversized white t-shirt. As usual suot nito ang transparent glasses niya. Agad na kumunot ang noo ko.
"Tanungin mo si Jason Guivarra " naunang naglakad si Andrie Scott sa amin.
Nilingon ko si Jason Guivarra . "Asan ang own style mo ngayon?" Naglakad na rin ako. Sumunod na rin siya.
"What? Ni-try ko lang style niya, cool, 'di ba? Mukha kaming kambal" hindi ako makapaniwalang lumingon sa kanya.
"Bahala ka nga sa buhay mo" nagmadali akong sundan si Andrie Scott at sumabay sa lakad niya.
"Aish!" Ngumuso lang ito at sumabay na rin sa amin.
Pumasok kami at sabay na pumunta agad sa notebooks section. Busy sila sa pagcheck ng kada pages ng notebooks. Tinitignan kung maganda bang sulatan, samantalang ako ay kinuha ang may designs ng EXO.
Waaa ang gagwapooo!
Pumunta kami sa mga ballpens, ayun na naman silang masusing pinag-aaralan ang bawat ballpen na makuha. Ako ay kuha lang nang kuha.
Ang aarte ng mga 'to!
Ako ang nauna sa counter, sumunod si Jason Guivarra at last si Andrie Scott. Matapos ay lumabas na kami.
"Kain tayo!" Ungot ni
Jason Guivarra at hinimas ang tiyan. "Tara!"
"Saan? Ilibre mo ako ah!" Saad ko. "Kailangan may ice cream. Sa Jollibee na lang, gusto ko 2 piece chickens!"
"Ang saya ng libre mo? Demanding!?"
"Ikaw ang nagyaya kay ikaw ang manlibre. Tawag d'yan, mabait na mabata" nilapitan ko si Jason Guivarra . "Mabait kang bata, alam ko 'yan" ngumiti ako at tumango.
"Kayo na lang, busog pa ako" lumingon kami kay Andrie Scott.
"Ang KJ mo naman, halika na libre ko na nga 'to"
"Ayoko"
"Tsh, sige, samahan mo na lang kami" nilapitan niya si Andrie Scott at sapilitang inipit sa kamay nito ang dala niyang plastic ng pinamili. "Ikaw mag dala"
Lumapit rin ako at ginaya ang ginawa ni Jason Guivarra .
"Tara na Jason!" Hinila ko agad ang braso nito at naglakad patungong Jollibee.
"Sabi nang 'wag mo akong tawagin nang ganyan!"
Iniwan namin si Andrie Scott na bitbit ang pinamili namin. Nakarating kami ng Jollibee, agad akong umupo at si Jason Guivarra ang nag-order. Padabog na umupo si Andrie Scott na kararating palang. Ilang sandali ang dumating na ang order namin. Napapatawa pa ako nang palihim na tinititigan si Jason Guivarra nang babaeng nagdala ng order namin. Bahagya pa itong napahinto ng makita si Andrie Scott.
"Cr muna ako" paalam ko sa kanila.
Pumasok ako ng cubicle kaagad. Dinig ko ang pagbukas at sara ng pinto, may pumasok. Nang matapos ay lumabas ako at naghugas nang kamay. Lumabas rin ang isang babae sa cubicle. Kinabahan ako nang magtama ang mga mata namin sa salamin.
Napahinto ako sa paghuhugas.
"Hi Trixie!" Nakangising lumapit ito at naghugas rin ng kamay. "Hindi ka ba maghuhugas ng kamay? Sinasayang mo ang tubig. Wash you hands, dali"
Bumalik ako sa ulirat at naghugas na lang ng kamay. Kukuha sana ako ng tissue ng maunahan niya ako. Hinarap niya ako habang ipinapakita ang pagpupunas niya ng kamay.
"Nakapaambisya mo, 'no?" Hinagis niya ang tissue sa mukha ko. Bahagya akong napaiwas. " Jason Guivarra ? Andrie Scott? Subukan mo na lang na pati si Art John mas malala ang gagawin ko sa'yo!"
Naglakad siya papalapit sa akin. Mga hakbang niya paunahan ay hakbang ko paatras. Naramdaman kong tumama ang likod ko sa pader ng cubicle. Malakas niya inihampas ang kamay sa pader.
"A-ano ba ang ikinagagalit mo?"
"Alam mo ang kaya kong gawin Trixie. Malakas ang kapit ko sa taas. Isang iglap lang, mawawala ka sa paaralang kinabibilangan mo! Pasalamat ka na lang at nakaabot ka pa ng 4rth year sa kabila ng mga low grades mo, bagsak, credits to Jason Guivarra , 'no? Sipsip!" pinagkrus niya ang dalawa niyang braso. Hindi ko alam pero nararamdaman kong maiiyak ako.
Maiiyak sa galit!
"H-hindi kita m-maintindihan Ara-"
"Talagang hindi mo ako maiintindihan dahil hindi ako ikaw!" Biglang bumukas ang pinto. Napalingon kaming dalawa sa janitress na pumasok.
"Anong ginagawa niyo d'yan?" Tanong nito.
Nilingon ako ni Ara, ayokong magtama ang mga mata naming dalawa kaya yumuko ako.
"Nothing" mabilis na lumabas ito ng cr.
Lumabas na rin ako at tumungo sa pwesto namin.
"Ba't ang tagal mo!?" Ungot ni Jason Guivarra .
"Wala, m-maraming tao, eh" umupo ako. "Kain na tayo"
"Are you ok?" Nilingon ko si Andrie Scott. Tipid akong ngumiti at tumango.
Nararamdaman ko parin ang kaba at takot ko ng makita ko si Ara. Isa sa kinababahala ko ay ang bubungad sa akin pagdating ng pasukan. Isang year na lang naman matatapos na. Kakayanin ko pa ba?