Manila Hotel, Manila, Philippines
Nanatiling naka upo si ariadna sa kaniyang higaan at may malalim na iniisip.
Hindi niya pa rin matukoy kung sino ang nag padala ng liham na iyon sa kaniya.
Gayunman, ngayon at nandito naman na siya ay kailangan niyang mahanap kung sino ang nag sulat nun.
Pero napa tigil siya sa puntong iyon.
Dahil ang liham ay nasa kaniyang suitcase, at hindi niya ito makukuha sapagkat ito ay nasa lalakeng iyon.
"Malas naman.."
Kung alam niya lang na mangyayari ang insidenteng iyon ay sana nilagay niya na lamang iyon sa bulsa ng kaniyang coat.
Tinignan niya ang kaniyang relo at hindi niya maiwasan na mapa buntong hininga.
"Alas sais na, wala pa rin akong ginagawa tungkol sa liham"
Ngunit, lumipat ang kaniyang atensyon sa mapa.
Seryoso niyang tinignan iyon at mabilis na tumayo upang itago ito sa kaniyang kabinet.
Maya maya lang ay biglang may kumatok sa pinto, dahilan para mapalingon siya dito.
Mabilis na ginilid ni ariadna ang suitcase bago nag lakad papalapit sa pinto at buksan iyon.
Laking gulat naman ni ariadna ng makilala niya kung sino lang naman ang taong nasa harapan ng kaniyang silid.
"Tiyo Isco?" Masayang banggit ni Ariadna ng makita ang Kalihim ng kaniyang Ama na si Isco.
"Señorita Ariadna" saad nito at yumuko ng kaonti.
Hindi maka paniwalang pinagmasdan ni Ariadna ito.
Sobrang tagal na rin ng huli niyang nakita ito.
Kilalang kilala niya ito at malapit na malapit si ariadna dito simula nung siya'y dalaga, dahil halos mag labing isang taon na rin ito na nag lilingkod sa Ama ni Ariadna na si Don Ontañon.
Sa sobrang tagal na rin ay Tiyo na ang tawag ni ariadna dito.
Naalala niya na lagi itong nag hahatid sa kaniya o kaya naman gumagawa ng gawain niya kapag sobrang dami na talaga.
Ngayon, hindi siya maka paniwala na nandito pa rin ito at nag lilingkod pa rin sa kaniyang Ama.
"Matagal na rin po nung huli po tayong nag kita, tiyo isco"
Umupo si ariadna habang ang kaniyang tiyo isco naman ay umupo rin.
"Sinabi mo pa, tatlong taon rin, señorita"
Napailing naman si ariadna.
"Alam mo na hindi ko po nais na may tumatawag sa aking señorita, tiyo"
Ngumiti naman ang tiyo sabay tumango.
"Pasensya na, alba"
Hindi maiwasan naman ni ariadna na manibago ng marinig muli ang kaniyang ikalawang pangalan, dahil nasanay siya na lagi siyang tinatawag na ariadna noong siya ay nasa ibang bansa.
Bukod pa doon ay iyon rin ang tinatawag sa kaniya ng kaniyang ina at kapatid.
Napansin naman ng may edad na si isco ang reaksyon ni ariadna, at naalala niya naman kung ano ang dahilan.
Gayunman, agad din siyang nag salita upang ilayo ang isipan ni ariadna tungkol doon.
"Kumusta ang iyong paninirahan sa Hawaii? Naging maayos ba? Tatlong taon ka rin na nandoon, hindi ba?"
Naging masigla naman muli ang ngiti ni ariadna.
"Opo, tiyo. Naka hanap din po ako ng magandang trabaho doon."
Tumango ang matandang si isco.
"Sabihan mo lamang ako kung may kailangan ka, dahil alam ko na naninibago ka ngayon at nandito ka na sa Pilipinas" Napa ngiti naman si ariadna.
Hindi pa rin nag babago ang kaniyang tiyo isco, palaging binibigay nito ang kaniyang nais at gusto.
"Sige po, tiyo.
"Nga pala, bago ko maka limutan. Ito ang iyong imbitasyon"
Inilahad naman ng kaniyang tiyo isco ang isang imbitasyon. Takang tinignan ni ariadna ang kaniyang tiyo.
"Imbitasyon?"
"Maya maya ay may salo salong magaganap, dito rin gaganapin mismo sa Manila Hotel. Nais ka'ng imbitahan ng iyong Papa dahil tutal nandito ka na rin ay sumama ka na, bukod pa doon ay nais ka rin makita ng iyong papa"
Binuklat ni ariadna ang imbitasyon at binasa iyon.
Napatango siya.
Gayunman, saglit siyang natahimik at nag tatalo ang kaniyang isip kung kakamustahin niya ba ang kaniyang Papa o hindi.
"Ayos lang ang iyong, Papa. At masaya siyang malaman na ikaw ay naka pag desisyun nang umuwi, hindi na rin siya maka pag hintay na makita ka."
Huminga ng malalim si ariadna bago iniangat ang kaniyang tingin at ngumiti.
"Mabuti..kung ganun"
Pansin naman ng kaniyang tiyo ito.
"Alba, ang iyong papa ay nangungulila sayo. Araw araw ay hinihintay niya ang iyong liham, hindi lang niya pinapakita subalit sa kaloob looban niya ay mahal na mahal ka niya bilang kaniyang unang anghel."
Ngumiti si ariadna sabay tinignan ang imbitasyon na hawak hawak niya, lumipat naman ang paningin ng dalaga sa malaking kahon na dala dala rin ng kaniyang tiyo.
"Ano naman po ang mga iyan, tiyo?"
Ngumiti ang kaniyang tiyo at kinuha ang dalawang kahong
atsaka inilagay sa may center table.
"Unang regalo sayo ng iyong papa, Ariadna."
Binuksan naman ni ariadna ang kahon at bumunsa kaniya ang isang puting terno na may kakaibang disenyo dahil sa napaka detalyadong tekstura nito at pagkakagawa.
Nasa loob din ang kakaibang mga palamuti sa buhok na gawa sa perlas, idagdag pa ang isang maliit na kahon kung saan nandoon ang isang makinang na hikaw na gawa muli sa perlas.
Hindi tuloy maiwasan ni ariadna na manibago, lalo na't matagal na nung huli siyang naka pag suot nito.
Binuksan naman niya ang isa pa na kahon at hindi niya maiwasan mapangiti ng makita ang nandoon.
Isang white comfort ankle straps ang nandoon.
Parehas na parehas din sa kaniyang mga binili sa hawaii.
Pero hindi lubos maisip ni Ariadna na ganito ang ipapagamit sa kaniya bilang saplot sa kaniyang paa habang suot suot niya ang terno.
Dahil unang una sa lahat ay laging bakya ang kasama ng damit na terno at wala ng iba pa.
"Binili ito ni Papa?" Tanong ni ariadna sa kaniyang tiyo.
Tumango naman ang kaniyang tiyo.
"Kailan? At paano?"
"May ka negosyo ang iyong papa na mula sa Amerika, habang sila ay nag uusap ay naalala ka niya at naisip niya na mag pabili sa amerikano ng ganyan."
Pinagmasdan niya lang iyon at hinawakan.
"Marahil ay mauna na ako upang makapag handa ka na"
Nag angat ng tingin si ariadna at tumayo na rin upang ihatid ito papalabas.
"Salamat, tiyo"
"Walang anuman, alba"
Umalis naman na ito kaya sinarado na ni ariadna ang pinto, siya'y nag lakad at pinagmasdan iyon.
Bumuntong hininga siya bago umupo at kinuha ang imbitasyon.
Binasa niya iyon habang ang mukha niya ay naging seryoso bigla.
"Hindi kaya..."
Ngunit, pinagpatuloy niya na lang ang kaniyang gagawin at iyon ay ang mag handa sa gaganapin na salo salo.
Walang alam si ariadna sa salo salong mangyayari ngayon at wala din siyang ideya tungkol sa mga taong inimbitahan din ng kaniyang ama.
Subalit, kung iisipin at pag mamasdan niya ang damit maging mga bagay na binigay sa kaniya ng ama niya ngayon upang isuot mamaya, alam niyang malalaking tao ang dadalo mamaya.
"Masyadong magarbo ang damit at mga alahas.."
At alam niya rin na magiging mahalaga ang salo salo ngayon.
Hindi na siya nag sayang pa ng oras at sinimulan ang pag aayos.
Hirap lang si ariadna na isuot ang terno dahil matagal niya na itong hindi na susuot, bukod pa doon ay laging may naka aalalay sa kaniya kapag ito'y kaniyang susuotin.
Hindi naman na nag lagay ng kahit anong kolorete sa mukha si ariadna.
Dahil kahit mag lagay naman siya ay wala siyang dala dalang mga lipstik, sapagkat ang mga iyon ay iniwan niya lang sa Hawaii at ang dinala naman niya ay nasa mismong suitcase niya na nasa kamay ng ibang tao.
Sinuot niya na rin ang hikaw at maging ang palamuti na para sa kaniyang buhok.
Pinagmasdan niya ang sarili sa salamin.
Ngayon at nakita niya muli ang sarili na naka suot ng isang Terno, natutuwa siyang tignan lalo ang kaniyang repleksyon sa salamin.
Hindi niya maiisip na masusuot niya muli ito, dahil simula ng mapunta siya sa hawaii ay nawala na sa kaniyang isipan ang pakiramdam ng pag suot ng gawang pilipinong damit.
Kinuha naman niya ang saplot niya sa paa na isang white ankle strap knees at sinuot iyon.
Tinignan niya ang orasan at mag aalas siyete pa lang.
"Maaga pa"
Lumapit si ariadna sa may bintana at binuksan iyon ng kaunti.
Pagka bukas niya ay nakita niya na ang iilang mga magagarbong kotse na nag sisidatingan.
Pero ang nakakuha ng atensyon ni ariadna ay ang mga kababaihan sa labas ng manila hotel na nag si kumpulan habang nandoon rin ang mga kumukuha ng larawan na hindi mabilang.
Tama ang nasa isip ni ariadna na hindi basta bastang maliit na salo salo ang gaganapin.
Dahil sa nakikita niya ngayon ay puro mayayaman ang dumadating.
Iling na lang niyang pinagmasdan ang mga kababaihan na parang may hinihintay na tao o mas madaling sabihin 'pangkat ng kalalakihan'
"Hindi pa rin nag babago"
Habang pinagmamasdan ni ariadna ang nangyayari sa labas, doon ay isa isa na rin nanumbalik ang kaniyang ala ala tungkol sa mga taong dumarating ngayon.
"Ang Pamilyang Lopez" saad ni ariadna ng makita ang pamilyar na mukha ng isang matandang lalaki.
Ito ay kasama ang kaniyang asawa at isang dalagang babae na marahil nasa edad labing-walo pataas.
Magarbo ang suot ng pamilya lopez, subalit ang dalaga nila ay kumikinang sa ganda. Ang buhok nito ay naka disenyo sa isang Jazz Hair Style at kitang kita ang nag lalakihang hikaw na suot suot nito.
Bukod pa doon ay naka suot ito ng isang bestida na halatang nag mula pa sa kanluranin na bansa dahil sa estilo nito.
Kinuhaan ang pamilya lopez ng larawan at ang mga ito ay nag lakad na papasok.
Sumunod ay ang panibagong pamilya na muling naalala ni ariadna.
"Nandito rin ang pamilyang araneta?"
Huling kita niya sa mga araneta ay noong dumalo ang mga ito sa pag diriwang ng kaarawan ng kaniyang ama, halos apat na taon na rin yun.
Manghang pinagmasdan naman ni ariadna ang isang dalagang at binatang lalake na kasa kasama ni Don at Doña Araneta.
"Malalaki na ang mga bata" iling na saad ni ariadna ng makilala niya ang dalawang iyon.
Pero agad rin siyang napa tingin sa sumunod na pamilya.
Ang pamilya ferrer.
"Pati ang pamilya ferrer ay inimbitahan din ni Ama?"
Sumunod sa pamilyang ferrer ay ang pag dating ng Consunji at Suarez.
Naging seryoso ang tingin ni ariadna sa labas ng bintana.
"Mukhang mahaba habang gabi ito"
Sinarado niya ang bintana at agad pumunta sa may kabinet upang kunin ang mapa.
Naka kunot ang noo ni ariadna habang pinagmamasdan ang mapa.
Hanggang sa may pumasok sa kaniyang isipan.
Tinanggal ni ariadna ang mapa sa pag kakatupi at ang kaniyang mata ay may hinahanap na marka sa mapa mismo.
Subalit, napa tigil siya ng hindi niya nakita ito.
"Mali ba ang pagkaka intindi ko?"
Hanggang sa unti unting pumasok sa isipan niya ang lahat.
"Isa lang ibig sabihin nito"
Tinignan ni ariadna ang imbitasyon at ang uniporme ng lalake.
//