Nagmahal ka na ba?
Gaano ka lalim ang pagmamahal mo sa kaniya?
Sa tingin mo sapat na ang mga nalaman mo, para tanggapin ang buong pagkatao niya?
Paano kung hindi talaga siya ang taong nakilala at minahal mo?
Ang akala mong simpleng tao at normal?
Ay hindi mo pala kilala....
"Men always want to be a woman's first love - women like to be a man's last romance."-Ehhan Matthieu Leander.
"Being deeply loved by someone gives you the strength, while loving someone deeply gives you courage."-Aaliyah Mathilde Ho De la Fuente.
***
Complicated, chaotic and dangerous. That's what Aaliyah experienced while growing up under the care of her mother—which she also couldn't feel so it wasn't easy for her to show love to the people she considered important in her life and Ehhan Matthieu Leander was one of them. 
The person is already part of her past three years after their unspoken separation. Three years later, Ehhan decided to return home to the Philippines after the death of his beloved grandmother and continued working in his father's company. 
Because of this, Aaliyah's quiet life was once again disrupted after she and Ehhan crossed paths a few times—shortly—-after the young man's teasing several times, she couldn't stop falling for it again. But that's when the long-hidden secret of Aaliyah's entire family and identity gradually came out.
Will Ehhan still be able to accept and love Aaliyah after what he finds out? And what will they feel when they find out how long their lives have been connected so many times that fate has brought them together?
"Mommy..."unang salitang lumabas sa bibig ng batang si Aaliyah matapos matanawan ang maganda at seryosong babaeng nakaharap sa kaniya.
Walang mababakasang emosiyon mula rito habang nakayuko siyang pinagmamasdan, na tila ba isa lamang siyang bato na walang saysay sa kan'yang paningin.
Sa halip ay ngumiti parin ng malapad si Aaliyah sa kan'yang ina, hanggang sa ialis nito ang paningin mula sa kan'ya at 'saka binalingan ang matipunong lalaki na hawak ang kamay niya.
"Umpisahan mo na Michael." Maawtoridad na utos nito. Hindi man niya maunawaan ang pin ag-uusapan ng dalawa at kung ano ang tinutukoy nito ay inosente parin siyang nag-angat at nagpalipat-lipat ng tingin sa dalawang nag-uusap.
"Ngunit madam, masyado pang bata ang kan'yang katawan para sa pag-eensayo dahil sa kaniyang murang edad." Nakita niya ang lungkot sa mukha ng ginoo nang muli itong magbaba ng tingin sa kan'ya.
"Kailangan niyang matuto nang mas maaga pa, siya ang kakalaban sa sarili niyang pamilya." Tugon ni Verra pero inosente lang na nagbaba ng tingin ang batang si Aaliyah at tumitig sa kan'yang paanan at maliit-liit pang mga biyas.
"Gusto ko pong maglaro Mommy..."mahinang bulong niya matapos marinig ang mga salita mula sa kan'yang ina pero tinapunan lang siya nito nang tingin at muli nang binalingan ang kausap.
Muling tumingala ang batang si Aaliyah sa langit at nasilaw sa nakakabulag na liwanag ng sikat ng araw. Ang paligid ay puno ng katamtamang damo at mahabang ilog sa paroon. Dinig na dinig ang patuloy na pag-agos ng tubig sa mga bato patungo sa kawalan.
"Masusunod Madam." Malalim ang buntong-hininga ni Michael nang yumuko kay Verra. Alam naman niyang wala siyang magagawa pagdating sa bagay na 'yon. Pero nalulungkot siya katotohanang hindi niya magagawang pigilin ang buhay na nakatadhana na para kay Aaliyah...ang batang pinakapinahahalagahan niya. 
Malalim ang buntong-hininga niyang hinawakan ng mahigpit ang kamay ni Aaliyah 'saka ito inakay sa gitna ng batawan.
"Michael, maglalaro ba tayo?"excited na tanong ni Aaliyah sa ginoo pero wala manlang siyang natanggap na kahit anong tugon mula rito. Tanging mabigat na buntong-hininga lang mula sa kan'yang tiyo.
"Simula ngayon ay kakalimutan mo ang mga larong nasa isip mo Aaliyah. Wala ng laruan na manika at uso...dahil simula ngayon ang lahat ay hindi na biro..."
Nagtataka man ay tumango na lamang si Aaliyah. Kahit hindi pa niya lubusang naiintindihan ang tinuran ng ginoo, nakikita niyang nag-aalinlangan ito.
"Ano ang gagawin ko kung gano'n Michael?"inosenteng tanong niya.
"Nakikita mo ang kinatatayuang ito Aaliyah?"tanong sa kaniya ni Michael at awtomatikong dumapo ang mga mata niya sa damo na kan'yang inaapakan. 
Inosente siyang tumango. "Mga damo Michael, sa ilalim ng damo ay may lupa..." Parang naalala niya ang mga salitang iyon mula sa kan'yang ina.
"Oo Aaliyah...ang damong ito ay magsisilbing higaan, upuan at siyang tutungtungan mo hanggang sa matutunan mo ang lahat ng ituturo ko sa iyo. Dahil simula ngayon ay gigising ka na nang mas maaga pa. Bago paman tumilaok ang manok ay narito kana sa kinatatayuan mo. Naiintindihan mo?" Napakurap siyang tinitigan ang buong mukha ni Michael. 
Kitang-kita niya ang hirap sa pagsasalita nito at ang pangingilid ng luha na sa unang beses niya lang nakita. 
Nagpatuloy ito sa pagsasalita. "Hindi magiging madali ang lahat...alam 'kong naguguluhan ka pa at hindi mo pa lubos na nauunawaan ang nais 'kong sabihin ngunit darating ang araw na maiintindihan mo iyon..."
"Naiintindihan ko Michael," giit niya. Ayaw niyang mas lalong mahirapan sa pagpapaliwanag ang kan'yang tiyo kaya naiisip niyang sabihin na naiintindihan na agad niya ang mga sinasabi nito.
Ngunit taliwas sa iniisip niya na makikita na niyang ngingiti ito. Sa halip, mapait na ngiti ang nakita niya sa kan'yang tiyo, sinundan iyon ng mas mabigat na buntong-hininga.
"Kumain ka na at bukas ay maaga kang gigising Aaliyah. Bukas... ay magsisimula ang lahat." Huling usal nito. Ngunit taas noong tinalukuran ni Aaliyah ang ginoo 'saka bumalik sa loob ng bahay at doon kumain at ginawa ang mga sinabi nito.