Dahan dahan kong minulat ang aking mga mata. Nasa Recovery Room pala ako. Hinawakan ko ang tyan ko kung saan ako nasaksak.
Hindi biro 'yon ah, ang sakit.
"Luwii!" Kilala ko ang boses na 'yon.
Bumukas ang pinto at mabilis akong niyakap ni Red. Sabe na nga ba sila 'yon.
"Kamusta ka,"
"Ayos naman,"
"Patawad Luwi," umiiyak na sabe ni Red.
"Saan?"
"Nanduon ako pero hindi kita nagawang protektahan," malakas itong umiyak medyo oa pero masarap pakinggan na may nag-aalala pala sa akin kahit na isang aso lang.
"Ayos lang wag ka ng umiyak," matawa tawa kung saad. Sinubsob niya ang kanyang muka sa hita ko at saka umiyak.
Ang kulit naman ng aso na 'to.
"Hindi ko sila mapapatawad sinaktan ka nila Luchin! Humanda sila sa akin gagawin ko silang abo!" Sigaw ni Dan at tangkang lalabas na.
Sinong Luchin ang sinasabe nito.
"Kung ako sayo hindi ko na itutuloy 'yan," napalaki ako ng mata ng biglang nagsalita si Gray sa isang tabe.
Kelan pa siya napunta dito.
"Bakit kinakampihan mo sila, gusto mo bang isama na din kita!"
"Wag mo nga akong idamay sa kalokohan mo saka nakakalimutan mo atang nalalapit na ang pagdating ni Aqua," biglang natigilan si Dan sa sinabi ni Gray nagbalik nanaman ito sa pagiging maputla at pangangatog.
Kapag binabanggit talaga ang pangalang Aqua nanginginig siya.
"Oo nga pala kamusta ang iba," bigla kong tanong ng maalala ko ang nangyari kanina.
"Bukod sa'yo wala ng nasaktan dumating na 'ren ang mga teacher nung nasaksak ka, ngayon pinatawag ng mga Maginerty si Caren para sa paliwanag," sagot ni Gray.
Bakit naman si Caren ang pinatawag eh hindi naman kami ang nagsimula ng gulo. Ang mga Maginerty ay ang nagbibigay ng parusa sa mga studyante na lumalabag sa panuntunan ng university.
"Pero hindi ba parang hindi patas ang ginawa nila," ani ko.
"Wala tayong magagawa anuman ang dahilan mahigpit na pinagbabawal ang pakikipag-away sa loob ng university,"
"Alam ko 'yon pero…" hindi pa 'ren patas 'yon para sa akin.
"Hindi talaga patas ang ginagawa nila, magaling lang sila sa pagbibigay ng parusa sa mga studyante pero kapag kapwa nasa posisyon na nila ang gumawa ng mali hindi nila 'yon nilalabas, nakakadiri ang ganon klaseng pag-uugali," mahabang sabe ni Dan habang may seryosong mga mata.
"Kahit anong posisyon pa o kahit sino pa hindi ko hahayaang saktan nila ang mga kaibigan ko," dagdag pa nito. Inaamin ko ngayon ko lang siya nakitang seryoso kadalasan kase puro kalokohan ang alam niyang gawin marunong din pala siyang magseryoso pagdating sa mga kaibigan niya.
Pinalabas ko muna sila dahil gusto kong magpahinga pero hindi 'ren ako makatulog dahil iniisip ko ang mga sinabi nung mga lalaking nakaaway namin.
Yung studyanteng namatay, sino kaya siya bakit ganon na lang mag react si Lauren.
Diko namalayan na nakatulog din pala ako dahil sa pagiisip. Lumipas ang dalawang araw medyo magaling na ako kaya naman papasok na ako.
Wala akong nakitang masiglang Lauren sa pagpasok ko.
May kakaiba din sa kanila hindi naman sila ganento katahimik napaka ingay pa nga nila eh pero ba't parang may kakaiba.
"Jesvi may problema ba tayo para kaseng ang tahimik niyo," bulong ko.
"Hindi mo pa pala alam, kanina lang kase namin nalaman ang parusang iginawad kay Caren,"
"A-anong p-parusa?"
"Sinuspende siya hindi siya pwedeng pumasok o kumuha ng kahit anong mission, meron pa nga 'raw Chance na mapatalsik siya," parang napipe ako sa sinagot niya.
Sa buong buhay ko ngayon lang ako nakaramdam ng ganento.
Sakit? Galit? Lungkot? Halo halong imosyon ang nadarama ko.
Hindi sila patas.
Kung ililibot mo ang mata mo sa buong classroom lahat sila apektado sa nalaman nila.
Ang kalungkutan ng isa ay kalungkutan ng lahat, ang problema ng isa problema ng lahat yun ang nakikita ko sa kanila.
"Sumosobra na sila," rinig kong bulong ni Dan sa tabi.
"Dan.." mahinang sabe ni Red.
Tumatakbong pumasok si Tairon sa room habang sumisigaw.
"Andyan na si Aqua!"
Napataas ng tingin ang lahat at inayos ang bawat sarili kabaliktaran naman si Gray at Dan.
Mabigat na aura at nakakatakot na mahika ang nararamdaman ko mas lumakas pa ito sa pagpasok ng babaeng may mahabang pulang buhok hanggang bewang ang haba nito nakasuot siya ng isang armor.
Napansin ko 'ren ang eye patch na nasa kanang mata niya. Siya pala si Aqua. Ang ganda pala niya.
Walang ni isang nagtangkang magsalita sa kanila.
"Shoto, hindi ba nakiusap ako sayo na bantayan mo muna sila hanggang hindi pa ako nakababalik," matigas at mabagsik ang boses nito totoo ngang nakakatakot siya kung titignan. Tingin pa lang halatang malakas na siya siguradong wala akong maiibuga kapag naglaban kami, syempre ano ka ba Luna S-Class Wizard siya A-Class ka lang.
"Hindi ako taga pagbantay ng mga isip bata," malamig na sagot nung Shoto.
"Nakalimutan mo na ba ang binilin sa atin ni master na--"
"Na ituring pamilya ang bawat isa?" Pagputol nito sa sinasabe ni Aqua.
"Hindi ko kayo kailangan, hindi ko kailangan ng kaibigan o maski ang pamilyang sinasabi niyo," dagdag pa nito.
Para ata akong sinaksak sa mga sinabi niya. Ang sakit non para sa kanila.
Palihim ko itong tinignan. Wala kang makikitang emosyon sa kanya para siyang… walang pakiramdam.
"Pinapatigas mo naman ba ang puso mo Shoto," sabe ni Aqua.
"Matagal ng matigas ang puso ko." Naglakad ito, mabilis na sana niyang lalampasan si Aqua ng biglang may humarang na apoy sa pintuan.
Si Dan.
"Kinakausap ka pa ni Aqua," matalim na sabe ni Dan.
Bahagya siyang lumingon at masamang tinignan si Dan.
"Wag kang umarteng prinoprotektahan mo siya kung nagagawa mo 'yan ngayon sana ginawa mo din 'yan noon, nung nabubuhay pa si--"
"TAMA NA!" Biglang humangin ng malakas dahil lang sa sigaw ni Aqua. Hinahangin ang mapupula niyang buhok habang may pulang ilaw na nanggagaling sa katawan nito.
Matalim nitong nilingon si Shoto at madiin na nagsalita,"Tumigil ka na Shoto." Naglakad lang palabas si Shoto na parang walang nangyari.
"Bumalik ka dito Shoto maglaban tayo!" Nagwawalang sigaw ni Dan.
Nang tignan ni Aqua si Dan agad itong nanahimik at umupo ng maayos. Kinabahan ako dahil inikot niya ang kanyang paningin at alam ko 'ren na tinignan niya ako.
Nagbutong hininga ito bago magsalita.
"Nakapagpasiya na ang mga myembro ng Maginerty kung ano ang mangyayari kay Caren," wika nito.
"Hindi pa ba tapos 'yon! Sinuspende na nila si Caren hindi pa ba sapat 'yon!" Napatayo sa upuan si Jesvi.
"Nakakuha sila ng isang witness na nagsasabing ang Class A talaga ang responsable sa naganap na gulo," alam kung hindi lang ako ang nabigla kaming lahat. Ang daming studyante don tapos sa isa lang sila maniniwala?!
"Isang kalokohan 'yan!" Sigaw ni Tairon.
"Wala ni isang studyante ang nagsabi kung ano talaga ang nangyari pero dahil may nakita silang isa natural lang na 'yon ang paniniwalaan nila,"
"Anong Section ang studyanteng nagsabi non," sabe ni Gray habang nakasandal sa pader.
"Section 1 Class B," nanlaki ang mata ko dahil sa sinagot ni Aqua. Class B? anong kalokohan ba ang iniisip nila.
"A-anong napagdesisyunan nila, anong parusa?"
Biglang yumuko ng todo si Aqua ng magtanong si Jesvi dahilan para matakpan ang kanyang mga mata ng mahahaba niyang bangs.
"Si Caren… papalayasin nila dito sa university," hindi ko kinaya ang narinig ko kaya halos mapa atras ako sa pagkabigla.
Kung ganon tuluyan nilang palalayasin si Caren, hindi maaari.