➡️ CLASSROOM. May pinamigay na flyers, nakasulat dito ang iba't-ibang Club department.
"Idadagdag 'yan sa oras natin." Panimula ng guro namin.
"Kailangan po ba sumali rito kahit na isang club?" Someone commented.
"Required kahit na isa. Kung mayroon na kayong napili puwede niyo na puntahan ang Club building."
Kaniya-kaniya silang nag-uusap kung ano nga ba ang kanilang sasalihan.
"Sa flower club ka na lang." Bulong ni Hazel.
"Sasamahan mo ako?"
"Nope, may iba akong sasalihan."
"Napakadaya naman nito,"
"Wala akong hilig sa mga bulaklak, remember? Isa pa, ikaw lang sa atin may I'd para makapasok sa greenhouse kaya sulitin mo na."
"Baka wala akong maka-close roon." Malungkot kong patuloy.
"Mayroon, nakasisiguro ako."
NAGPUNTA na kami sa Club Building kung saan bawat clubroom ay may nakapaskil kung anong department sila. Nasa third floor ang flower club, mayroon nakahandang form sa labas ng pinto at kung nakatapos ka na sa pag-fill out ay maaari nang pumasok. Mayroon siguro nasa apat kaming nagsasagot ng may dumating na magandang babae.
"Ito po ba 'yong flower club?"
"Oo," sagot ng isa.
"May form pa ba?"
"Ayon oh kumuha ka na lang." Tinuro ang mga form.
"Salamat," kumuha ng form at tumabi sa akin, "Miss, mahilig ka rin ba sa mga bulaklak?"
"Oo, favorite ko ang tulips."
"Kaya pala may necklace ka na tulips."
Humawak ako rito, "Oo, bigay ng best friend ko."
"Ako ang pinaka favorite ko ay santan."
"Santan ang pinaka maraming nakatanim sa greenhouse."
She smiled, "Oo, ako kasi nag-aalaga roon."
"Talaga?" Lumingon ako sa mga ibang nagfi-fill out. "Kayo rin ba ay nag-aalaga ng mga bulaklak sa greenhouse?"
Nagsagutan sila ng 'Oo' bago ako ngumiti. Ayos naman pala dahil sila-sila rin ang makakasama ko sa greenhouse.
"Sabay-sabay na tayong pumasok." Paanyaya ng babaeng maganda.
Pagpasok namin anim ay bumungad sina Sunshine, Dani, at Reina.
"Tiara!" Yakap ni Reina.
"Hello, sabi ko na nga ba at kayo ang humahawak sa flower club, eh."
"Ang president natin ay si Sunshine, habang ako ang vice president. Akina mga form niyo." Matapos kunin ay inabutan naman kami ni Dani ng pin.
"Simula ngayon palagi na tayo magme-meeting dito sa clubroom at kapag may event or something na kailangan tayo ay dapat always present ha? Oo nga pala magpakilala muna kayo sa amin." Mahabang paliwanag ni Dani.
Nagsimula magpakilala ang apat na nauna sa akin, sunod ang magandang babae.
"I'm Anshe, grade eleven."
"Talaga?" Lapit ni Dani, "Ang ganda mo naman puwede ka namin isama sa modelo ng mga painting club.
"Anong gagawin doon?"
"Magkakaroon kasi ng malakihang art painting sa art room at gusto nila may isama na babae sa magandang bouquet at ikaw na ang isasama namin."
"Ganoon ba, kung papayag ang mga kasama natin."
"Ayos na ayos lang sa amin." Simula ko bago pumabor ang lahat.
"Bukas natin aayusin ang malaking bouquet. Sa greenhouse tayo kukuha ng mga bulaklak lahat naman tayo ay may I'd para sa greenhouse di ba?" Patuloy ni Dani.
Ipinakita namin ang I'd bago ako senyasan ni Shine.
"Masaya ako dahil sumama ka sa club namin. Actually, may ibang kasama pa tayo pero mga busy sila mamigay ng flyers."
"Ako rin masaya dahil kasama kayong tatlo. Hmm, kumusta ang in-love?"
Humawak ito sa magkabilang pisngi, "Heto masaya, minsan nakakalimutan ko may problema dahil kay Dom dom ko."
"Masaya ako para sa inyo."
"Si Joed, kumusta na? Hindi na kasi kami nagkikita."
"Nasa mabuting kalagayan siya kahit alam mo na brokenhearted."
"Kasalanan ko ito," malungkot ang mukha.
"Tama lamang ang ginawa mo, pinili mo lang naman maging maligaya sa lalaking mahal mo. Sa mga susunod na buwan I'm sure happy na ulit si Joed."
She nodded, "Eh ikaw, kumusta ang ala-ala mo?"
"Actually, kahit walang improvement ang kalagayan ko nagiging okay naman ang lahat."
"Tinutulungan ka pa rin ba ng best friend mo?"
"Medyo LQ kami ngayon,"
"Bakit?"
"Nagtampo siya dahil hindi ko kaagad sinabing nagkabalikan kami ni Jim."
"Ng ex mo?"
"Boyfriend," pagtatama ko.
"Pero last time sinabi sa akin nagkabalikan na kayo di ba?"
"Akala niya nagkabalikan na kami pero nasa stage na medyo nagpaparamdam pa lang at iyon nga kahapon official mag-on na ulit."
"Sana ay maging happy ka rin sa desisyon mo."
"Masaya naman."
She nodded again, "Sabihin mo kay Joed kinakamusta ko kamo siya."
"Sure,"
"Magpupunta tayo ngayon sa greenhouse para tingnan kung may mga bulaklak tayong gagamitin para bukas."
May ngiti sa labi kaming lumabas ng clubroom kasama ang iba pa.
➡️ GREENHOUSE. 
"Mukhang magaganda ang mga bulaklak na kukunin natin para bukas." Panimula ni Reina.
"Kaya nga, basta ikaw na bahala mag-ayos ng bouquet ha?" Sunshine.
"Ako na bahala bumili ng ibang kakailanganin, magpapasa na lang ako sa iba." Dani.
"Bukas ng umaga bago tayo magsipasok ng room ay pipitasin na natin ang mga bulaklak at pagkatapos ay dadalhin na natin sa art room. Maaga raw isasagawa ng paint club ang event. Sa ngayon, dapat iwasan muna na huwag magpapasok ng ibang estudyante rito na walang pahintulot sa atin para walang masirang bulaklak."
"Sige po." Tugon namin sa mahabang detalye ni Sunshine.
Umalis na sina Shine at Dani dahil may iba pa silang gagawin habang kami ay dinidiligan ang ibang bulaklak. Maya-maya kinalabit ako ni Reina.
"Nasa labas ang best friend mo." Pareho kami lumingon sa labas. "Hindi ko pinapasok kaya ikaw na lumapit."
"Hayaan mo siya,"
"Magkagalit kayo?"
"Ayaw niya yata maging masaya ang tulad ko."
"Dahil?"
"Sa boyfriend ko,"
"Hindi siya boto sa boyfriend mo, tama?"
"Sinabi mo pa,"
"Baka may reason bakit ayaw niya. Marahil may nakita siya na hindi maganda sa boyfriend mo."
"Niloko ako ni Jim pero matagal na 'yon at gusto kong bumalik kami sa dati pero mukhang hindi niya matanggap."
"Kung ganoon kaya ayaw niya sa boyfriend mo ay dahil minsan ka nang niloko, okay tama lang siguro ang inaasal ng best friend mo dahil ayaw niyang makita kang luhaan."
"Tingin ko nagbago na si Jim."
"Eh di dapat patunayan mo o ni Jim na nagbago na siya nang sa ganoon ay matanggap na siya ni Joed."
"Paano nga namin maipapakita eh hindi bukas ang isipan sa ganoong bagay."
"Malay mo naman. Malay mo kaya makikipag-usap ay dahil na isip nitong pagbigyan ka, di ba?"
At sa huli napilit ako ni Reina na labasin si Joed. 
May hawak na paper bag si Joed ng humarap ito, "Bumili ako ng cheese donut, gusto mo?"
"Busog pa ako,"
"Alam kong hindi ka tumatanggi sa pagkain," hinatak ako sa lamesa, "Ayokong nalilipasan ka ng gutom kahit hindi tayo okay."
Tahimik namin kinakain ang donut parang nagpapakiramdaman pa kami kung sino unang magsasalita. Maya-maya lamang may kinuha ito sa kaniyang bulsa ng band aid, may printed na tulips.
"Bakit ba ako nagkaroon ng kaibigan na katulad mo?"
Ngumisi, "Parang may pagsisisi 'yang tanong mo ah?"
"Huwag mo masamain sinabi ko. Ang totoo ang saya ko dahil may tulad mong napakabait at maalalahanin."
"Natural mahal kita."
"Oo mahal din kita."
"Eh di tayo na?" 
Napairap ako sa kawalan, "C'mon Joed."
"Binibiro ka lang."
"Huwag ka gagamit ng ibang tao para maka move on sa masalimuot mong nakaraan."
He nodded, "I know, I know..." natigilan ito at nakatingin sa loob ng greenhouse. "Si Anshe ba 'yon?"
Nalingon ako sandali, "Oo, bakit?"
"Ngayon ko lang nalaman na nakikipag-usap siya."
"Tahimik lang ba?" 
He nodded, "Oo, sabi ni Caloy mailap sa tao."
"Pero kung mailap siya at sumali sa flower club ibig sabihin hindi siya ganoon kailap sa tao."
"Syempre, required sumali sa club."
"Kung sabagay, pero ikaw saan club ka ba?"
"Painting club."
"Eh di magkikita tayo bukas?"
"Ahhh, alam ko na, tama, magkikita talaga tayo dahil ang flower club mag-aayos ng ipipinta namin." Bahagya itong lumungkot.
"Magkikita kayo ni Shine,"
"Yeah,"
"Ano ka ba huwag mo masyado isipin ang bagay na 'yon dahil darating din ang panahon mapapangiti ka lang dahil naging tanga ka sa---"
"Parang siya hindi...pero syempre kaibigan kita malamang buong puso kong tatanggapin ang lalaking 'yon alang-alang sa iyo."
"Tanggap mo na?"
"Noon pa man...ikaw lang itong pabalik-balik sa kaniya. Parang wala kang mahanap na medyo matinong lalaki."
"Eh ikaw lang kilala kong ganoon,"
"See?"
"Basta sabi mo 'yan ha tanggap mo na siya."
"Noon pa man nga."
"Kasi kung ikaw magkaka girlfriend buong puso ko rin siyang tatanggapin at baka nga ipagtulakan pa kita!"
"Grabe ka," nahuli ko na naman itong tumingin kay Anshe.
"Ilalakad kita huwag kang mag-alala."
"Sabi mo huwag akong gagamit ng iba para lamang maka move on."
"Eh kung ganyan ka lang naman nang ganyan sige pumapayag na ako. Basta si Anshe, maganda naman siya at guwapo ka."
"Mukhang langit siya at lupa ako..."
"Ha? At ikaw pa nagsabi niyan ha?"
"Malay mo..."
"Samantalang langit nga tingin sa iyo ng ibang kababaihan dito sa school natin."
"Sige!"
"Anong sige?!"
"Ilakad mo ako sa kaniya, malay natin kung magwork at maka move on na ako!"
"Ayan, ayan ang gusto ko sa iyo malakas ang fighting spirit."
"Ibigay mo Yesbook ko para maadd niya ako, o kaya cellphone number para man lang magtawagan kami."
"Alam ko gagawin ko kaya maghintay ka."
Pasimple akong lumingon kay Anshe. Hindi maitatanggi na kahit sino makakita sa kaniya ay mapapamahal dahil sa kaniyang mukha. Oo, maganda siya at tingin ko matalino pa. Sa tulad ng kaibigan kong ito bagay talaga silang dalawa.
MATAPOS ang klase ay uwian na. Sabay kami lumabas ng room ni Joed.
"Sigurado ka na ba hindi ako ang maghahatid sundo sa iyo?"
"Oo,"
"Sigurado na?"
"Sure na sure,"
"Kung ganoon kapag wala siya puwede ako pa rin?"
"Sige, pero sure akong mag-e-effort 'yon maghatid sundo sa akin kaya better luck next time ha?"
"Hindi ka nakakasiguro..."
"Hmm...kinakamusta ka nga pala ni Shine."
"Okay,"
"Sana raw ay maging okay ka na."
"Huwag kamo siya mag-alala magiging okay din ako kapag kami na ni Anshe."
"Relationship kaagad?"
"Kung bibigay kaagad siya ay sige magiging kami kaagad-agad."
"Hindi ba puwede---"pinigilan ng hintuturo nito ang bibig ko.
"Huwag kang kumontra."
Inalis ko ang kamay nito, "Masyadong mabilis, magiging obvious na ginagamit mo lamang siya para makalimot. Hmmm, ano kaya kung ikaw na lang magka-amnesia?" Kinutusan ako, "ARAY!"
"Hindi magandang biro 'yan na magkaka amnesia ako eh paano nga kung nagkatotoo eh di kawawa ka?"
"At bakit ako ang magiging kawawa?"
"Hindi na kita maaalala at hindi na rin kita pamamalasakitan tuwing umiiyak ka,"
"May boyfriend naman ako,"
"Eh siya nga dahilan kung bakit ka umiiyak minsan..." pabulong lamang ito pero dinig ko naman.
Sa dami pinagkuwentuhan hindi namin namalayan nasa parking na kami ng mga bisikleta. Nandoon na si Jim, nakatayo habang hinihintay ako. Lumapit ito sa amin na kaagad akong niyakap.
"Miss na miss kita," pasimpleng ngumisi kay Joed matapos akong sabihan. "Sorry, pare ako na ha?" Sabay sakay sa bisikleta nito.
"Go ahead, ilaglag pa kita riyan..." ang bulong ni Joed ako lamang nakarinig kasi kung narinig ni Jim I'm sure makikipag-away ito.
"Ingat ka, Joed." Huling sambit ko bago ito sumakay ng bisikleta at mabilis na lumayo sa kinaroroonan namin.
"Saan mo gusto magpunta bago umuwi?" Mala-anghel ang mukha nito ng humarap sa akin.
"Diretso uwi na marami kami assignment at kailangan ko mag-isip ng design para bukas."
He nodded, sunod ay tumingin sa leeg ko, "Puwede ba ako humingi ng pabor?"
"Ano 'yon?"
"Tuwing magkasama tayo puwede ba alisin mo 'yan? Kung okay lang, pero kung hindi ay sige ayos lang din."
"Ito?" Hawak ko sa necklace. He nodded.
"Mas bagay sa iyo ang mga gold necklace kaysa sa mga cheap. Hayaan mo ibibili kita ng bago mas bagay sa ganda mo."
Napangiwi ako, ang totoo kasi parang ayokong hubarin ito dahil galing kay Joed pero boyfriend ko si Jim at...
"S-sige huhubarin ko na." Medyo alanganin kong hinubad at itinago sa bulsa ng palda.
"Sakay ka na." I nodded.
Tahimik lamang ako habang binabaybay ang kalsada patungo sa barangay namin. Nakasisiguro akong magtatampo, o magagalit si Joed kapag nakita nitong hindi ko suot-suot ang kuwintas na mula sa kaniya.
PAGPASOK ko sa kuwarto kaagad kong kinapa ang bulsa ngunit wala ang kuwintas dito. Kahit hindi pa nagbibihis patakbo akong lumabas ng bahay at hinanap ang mahalagang kuwintas na 'yon. Ang huling pagkakaalala ko ay huminto kami ni Jim sa milktea shop para bumili marahil nandoon lang ang kuwintas. Hindi na bale huwag kong isuot at least nakikita ko pa pero ang nawala ito na hindi ko alam kung saan hahanapin ay napakahirap sa kalooban. 🌷🌷