Nang maamlipungatan si Heaven napansin na lang niya na nasa kwarto niya ito.
Anong nangyari? May nakita lang ako na lalaki na may matigas na muscles at malaki ang pangangatawan. Pagkatapos parang may sumalo sa akin at may nahawakan akong itlog. Itlog ba 'yon? Naku po! Baka nabasag. Pero paano nagkaroon ng itlog sa loob ng bahay?
Hinawakan niya ang kaniyang ulo na parang sumakit kakaisip. Natigilan siya ng may narinig siyang boses ng lalaki na kausap ng kaniyang lola. Napaisip siya baka siya 'yong lalaki na nakita niya kanina. Hindi niya mawari kung ba't nakaramdam siya ng excitement na masilayan ulit ang lalaki. Kaya nagmadali siyang lumabas muntik pa ngang madapa mabuti na lang nakahawak siya agad sa may kahoy ng kanilang hagdan kung hindi nakakahiya siya. At tama nga ang hinala niya, nagkatinginan silang pareho pero pakiramdam niya nama-magnet ang mata niya sa lalaki. Nakahalata yata ang lalaki sa mga malalagkit niyang tingin kaya umiwas ito.
Ano kaya ang iniisip ng lalaking ito tungkol sa akin? Baka isipin niya crush ko siya. Bakit hindi ba? Ani ng kaniyang isip. Napailing na lang siya sa mga naiisip niya.
"Apo, halika ipapakilala kita rito sa isa ko pang apo," wika ng kaniyang lola.
Apo? Sa narinig niyang pagkasabi ng kaniyang lola na apo kaya agad itong napatingin sa kaniya.
"Lola, may iba ka pa bang apo maliban sa akin?" Agad niyang naitanong sa kaniyang lola. Natawa naman ang matanda sa inasal ng kaniyang apo.
"Hindi apo, siya kasi ang inalagaan ko noon at tumayo na rin na pangalawang magulang niya. Nanay nga ang tawag sa akin pero sa itsura ko ngayon mas bagay na tawagin niya akong lola." Natatawa pa rin niyang wika. Napako naman ang pansin ng dalaga sa lalaki na tumatawa rin.
"Siyangapla hijo, ito si Heaven ang nag-iisang katuwang ko sa buhay at pinakamamahal kong apo. Siya naman si senyorito William ang anak nina Sir Roberto at Mam Claudia ang may-ari ng hacienda." Pakilala sa kanila ng kaniyang lola. Napa Oh! na lang siya dahil boss pala nila ito.
Ang yaman pala niya kaya maganda ang katawan dahil kompleto sa vitamins from A to Zinc hindi na nakakapagtaka.
Nahihiya ang dalagang makipagkamay sa kaniya kaya tumango na lang ito sa kaniya. Ga'non din ang ginawa ng lalaki pero malagkit ang pagkatitig nito sa kaniya.
"Magluluto ako ng paboritong ulam ni senyorito. Punta lang ako sa likod ng bahay para kumuha ng mga gulay." Napatigil si Heaven at nag-isip dahil kukuha dapat ito ng gulay. Nasaan na ba iyon? Napatampal na lang ito sa noo dahil naiwan niya pala sa likod dahil nagmamadali ito kanina.
"Lola, ako na po ang kukuha." Pagpapatigil niya sa kaniyang lola.
"Ako na apo, ikaw na muna bahala kay senyorito." Akmang tatalikod na siya sa kanila ng magprotesta ang lalaki.
"Nanay huwag niyo na po akong tawaging senyorito. William na lang po o apo nana- este lola." Pagmamaktol nito sa kaniyang lola. Nakakahiya lang dahil sa laking tao nito para siyang bata kung umasta naging bonjing ala Jimmy Santos. Natawa tuloy siya dahil bigla niya naisip iyong movie na iyon. Napansin niyang napatingin sa kaniya ang lalaki kaya bigla siyang nag-isip ng palusot.
"Tama po siya lola huwag niyo na lang siyang tawagin na senyorito ako na lang ang tatawag sa kaniya ng ga'non. May tama ka do'n senyorito hehehe." Parang natatae na ewan ang pinakita niyang pagtawa.
Umalis na ang kaniyang lola para pumunta sa likod ng bahay. Siya naman pumunta sa kusina para magsaing. Iniwan na lang niya ang lalaki sa may sala.
Nang pumunta ang dalaga sa kusina hindi niya alam ba't niya ito sinundan. Hindi man niya aminin may side ang dalaga na natutuwa siya. Hindi niya alam kung ikakatuwa ba niya ang paghawak sa kaniyang Badong. Una pa lang niya nakita ito kanina biglang bumilis ang tibok ng kaniyang puso at agad na tinigasan. Sa lahat ng babaeng nakasalamuha niya, ang dalaga lang ang nakagawa iyon sa kaniya. What's happening to me? Tanong ng isip ng lalaki na hindi niya masagot.
Inabala na lang niya ang gumugulo sa kaniyang isip sa pamamagitan ng panonood sa babae. Pinapanood niya ito ng palihim, hinugasan niya iyong bigas sa may kaldero tapos nagsindi ito sa may kalan gamit ang panggatong. May gumagamit pa pala ng ganito. Nawika ng isip niya. Halos kasi gas stove o ginagamitan na ng kuryente. At base sa kilos ng dalaga sanay na ito gawin. There's somethig in his thought na humanga siya sa dalaga. What? Nasabi ko ba na humanga ako? Oo kakasabi mo pa lang. Para na siyang nababaliw sa mga pumapasok sa isip niya. Ngayon lang kasi ito humanga sa isang babae. There's something wrong with me.
Nagluto ang kaniyang lola ng pakbet isa pala sa paborito ng binata. Sabay silang tatlo na kumain. Palaging pinapansin ng dalaga ang binata na magana itong kumain hindi mo mahahalatang mayaman.
"The best po nana- este lola ang pakbet mo na-miss ko po ito ng sobra." Sobrang lawak na ngiti ang pinakawalan nito. Pati siya ay nadadala sa pagngiti niya. Hindi niya malaman ba't kusa na lang kumilos ang kaniyang kamay at pinaghimay ito ng isda. Gulat ang binata dahil sa kaniyang ginawa.
"T-thanks," sagot niya na hindi makatingin sa dalaga.
"Masarap ang pakbet lalo na kapag sinamahan mo ng pritong isda o inihaw na bangus. Pero wala tayong inihaw na bangus ngayon kaya pritong gg muna." Sabay subo nito sa pagkain.
"What's gg?" Curious na tanong ng binata.
"Mayaman nga pati gg hindi alam." Dapat pabulong na wika lang ng dalaga pero nasabi niya pala.
"Come again?" Pag-uulit sa kaniya ng binata.
Nataranta na naman siya. "Ba't kasi kapag nandiyan ka natataranta ako."  Tinignan niya ang binata na may nakakalokong tingin. Narinig na naman ba niya ang sinabi ko?
"A-ah ano senyorito gg for gaga este galunggong. Iyon nga po hehehe." Parang tanga na naman ang pagtawa niya. Tumango-tango lang ang binata sa kaniyang kasagutan.
"Alam mo hijo magaling din magluto itong apo ko at napakaswerte ko sa kaniya. Sana man lang bago ako lumisan sa mundong ito makita kong nasa mabuting kamay ang apo ko." Bigla silang natahimik dahil sa turan ng matanda. Kanina pa ito nagsasabi ng kung ano-ano natatakot tuloy ang binata.
Pagkatapos ng masagana nilang tanghalian napagkasunduan na sabay na silang pumunta sa hacienda. Dahil sa katandaan ng kaniyang lola siya ang pumalit para maging katiwala sa mansion. Pinagbuksan ng binata ang dalaga ng pinto ng kotse. Nagtataka naman napatingin ang dalaga sa binata.
"Sasakay ba ako riyan? Baka madumihan ko ang sasakyan mo senyorito." Nababahalang wika ng dalaga. Sa tanan kasi ng buhay niya tricycle, dyip at bus lang ang nasakyan niya.
"Hindi iyan, sige na pumasok ka na." Biglang pumasok sa isip ng binata ang ginawa. First time niya ulit maging gentleman at never pa niya ginawa ang pagbuksan ng pinto ang babae kay Heaven lang. Winaglit na lang ng binata ang sinasabi ng kaniyang isip. Ginagawa niya lang ang mga bagay na iyon dahil sa lola niya. Tama gano'n na nga.
Nagpatuloy lang sila na tinatahak ang daan papuntang hacienda. Napapansin ng binata na panay panakaw na tingin ang pinupukol ng dalaga sa kaniya. Minsan nahuhuli niya itong nakatingin at parang wala sa sarili. Kaya kapag nahuli siya namumula bigla ang pisngi.
"Ano bang nangyayari sa akin, kapag kasama kita parang may kabayong naghahabulan sa dibdib ko." Bulong ng dalaga na nasabi niya pala. Narinig iyon ng binata pero nagkunwari lang na hindi. Dahil parang naapektuhan siya sa sinabi ng dalaga kaya bigla itong nagpreno.
"Ay kabayo!" Gulat na wika ng dalaga. Natawa ang binata dahil sa pagkasabi niya. Bago ulit para sa kaniya dahil ngayon lang siya tumawa ng gano'n kapag kasama ang dalaga.
"Kabayo?" Tanong niya sa dalaga na hindi mapakali sa kinauupuan.
"Hala! Narinig ba niya ang sinabi ko kanina?" Nakasanayan na kasi ng dalaga na sana sa isip niya lang ito nasasabi pero hindi niya alam lumalabas na pala sa bibig niya. "Opo senyorito kabayo ayon po oh." Turo niya sa mga kabayong nadaanan nila.
"Ang hilig mong bumulong noh pero naririnig naman." Sabi ng binata sa kaniya pero hininaan lang niya para hindi marinig ng dalaga. Hindi nga niya narinig dahil busy kakatingin sa labas ng bintana. "Maiba ako ikaw ba iyong kumanta kanina ng basketbol?" Tanong niya sa dalaga na agad napalingon sa kaniya.
"Narinig niya ako kaninang kumakanta, ano ba iyan nakakahiya ang pangit pa naman ng boses ko." Hindi na lang pinansin ng binata kahit narinig niya ulit. Napapailing na lang siya sa dalaga.
"Opo, senyorito ako po iyong kumanta. Paborito kasing kantahin iyon ng kaibigan kong si Georgia pangalan niya sa gabi pero sa totoong katauhan siya si George. Sabi pa nga niya sa akin masarap daw mag-basketball kasi nakakarating ka sa langit. Ikaw senyorito nagba-basketball ka rin ba at narating mo na rin ang langit?"
Napaubo ang binata dahil sa pinagsasabi ng dalaga. Seriously, hindi niya alam kung ano ang tinuturo sa kaniya ng kaibigan niya. Halata naman kasi sa dalaga na napakainosenti nito. Something came up in my mind. What the heck no!
"Kung iyong basketball na laro ang sinasabi mo, oo nung nag-aaral pa ako. Pero may ibang basketbol akong nalaro at maraming beses pa." Tumaas ang sulok ng bahagi ng kaniyang labi. Pinatitigan niya ang dalaga kung nakuha ba niya. Base sa itsura nito parang mahirap niyang makuha.
"Gano'n ba senyorito, kung nakapaglaro ka na ng basketball eh di narating mo na ang langit?"
"Fuck! Fuck!" Hindi naiwasang nasabi ng binata at napalakas pa ito.
"Asan po ang pak pak senyorito?"
"Nothing, kailan ko ba sagutin iyong tanong mo?"
"Kayo po kung gusto mo sagutin, kung ayaw mo pwede naman." Malungkot na pagkasabi ng dalaga.
"Oo, maraming beses na akong nakarating sa langit." Biglang lumiwanag ang mukha ng dalaga.
"Talaga senyorito, eh di natikman niyo na masarap po ba?"
"Oh! Heaven masasarapan este mababaliw ako sa'yo." Mababaliw na siya kung paano niya sasagutin ang tanong ng dalaga. Pati ang nasa ibaba nito ay kanina pa gustong makawala. Sa itsura pa lang nitong napakainosente baka makapagsabi ang binata ng iba.
"Ah?" Sagot lang ng dalaga sa kaniya. Parang naguguluhan sa mga nangyayari.
"Ilang taon ka na Heaven?" Pag-iiba na lang niya ng usapan.
"Twenty na po ako senyorito." Mabilis na sagot ng dalaga.
Seriously, twenty na siya pero walang kaalam-alam sa mundo. You really amazed me woman. He smirked.
"Kayo po senyorito ilang taon na kayo?" Tanong niya rin sa binata.
"Thirty three," sagot niya na nasa harapan nakatingin.
"May asawa na po ba kayo?" Tanong niya ulit.
"Wala pa." Hindi alam ng binata ba't niya sinasagot ang mga tanong ng dalaga. Kung tutuusin kanina pa niya dapat sinigawan ito dahil ayaw na ayaw niya na tinatanong about personal matter. Pero heto siya masigla niyang sinasagot ang katanungan ng dalaga at hindi man lang nagagalit.
"Bakit po?" Tanong niya ulit. Napatingin siya sa dalaga na nakakunot ang noo.
"Dahil hindi ko pa siya natatagpuan." Sagot ng binata at ngumisi sa dalaga.
"Hala senyorito! Tinataguan ka ba niya?" Hindi pa rin nauubos ang dalaga sa pagtatanong.
"Damn!" Napahawak ang binata sa kaniyang ulo sumasakit dahil sa mga pinagtatanong ng dalaga.
"Senyorito malayo po ang dam dito." Tinuro pa niya kung saan banda naroroon ang dam na sinasabi nito.
"What the heck!"