Tulala akong bumalik ng restaurant. Hindi ko na alam anong oras na. Hindi ko alam kung ilang oras akong naghintay at tulala sa park. Hinintay kong lumabas si Elrie sa building. Natakot akong sundan siya. Natakot ako sa ano mang pwede kong makita.
Pero bakit ba ako nag-iisip ng ganon? She's my bestfriend and he is my fiance. I trusted them so much. Pero meron din sa loob ko ang hindi mapigilang magduda. Anong gagawin niya doon? Sinong pupuntahan niya?
Baka kakilala lang siguro noh? O kaya may kalandian siya doon. O kaya kaibigan. O kaya kung pupuntahan man niya si Third it would be about me. Baka hinahanap niya ko. Tama! Ganon nga. Dapat magti...
"HOY!"
"AYY TITI!" Napatalon ako at napasigaw sabay hawak sa dibdib.
Biglang may gumulat sakin mula sa likuran. Hinawakan niya ako sa magkabilang balikat. Agad akong napalingon sa taong iyon.
"Anong sabi mo titi? Hoy ang bastos ng bibig mo ah." Sabi niya na parang nandidiri.
Bat ba kasi titi nasabi ko? My mind was supposed to say magTITIwala, kaso ginulat niya ko kaya ayun naisabibig ko. Yung titi pa talaga. Puchi naman!
"Bat ka kasi nanggugulat! Pinyata ka talaga!" inis kong sabi sa kanya.
"Hahahaha. Oh hinintay mo ko talaga?" biglang seryosong tanong niya.
He was wearing a simple blue t-shirt and pants. May dala din siyang backpack.
"Tapos na work mo?" Tanong ko naman sa kanya.
"Ahuh. So eto na phone mo." Pormal niyang sagot saka kinuha ang phone ko mula sa bag niya at binigay sakin.
"Thank you." Seryoso kong sabi sabay ngumiti ng pilit.
Binalik niya ang kanyang backpack sa likod. Kunot ang noo niyang nakatingin sakin tila napansin niyang wala ako sa mood.
"May problema ka ba? Inaantok ka na siguro o pagod? Bakit ba kasi hinintay mo pako?" nag-aalalang sabi niya.
Bumuntong hininga ako at ngumiti ng konti sa kanya.
"Okay lang ako." Matamlay kong sabi.
Tinitigan niya lang ako. Nakakailang na titig. Tila binabasa niya ako sa pamamagitan ng mata ko. Umiwas ako ng tingin.
"Ahh sige uwi nako. Salamat uli sa phone." Paalam ko at akmang tatalikod na nang hawakan niya ko sa pulso.
"Teka. Ah. Pwede ba malaman pangalan mo?" Nahihiya niyang sabi sabay kamot sa ulo niya.
Ang cute niya tignan mahiya. Medjo namumula pa siya. Hahaha. Wala sa sariling napangiti ako sa hitsura niya.
"Ba...bakit ka ngumingiti?" Nauutal niyang sabi dahil sa hiya.
"Hahaha. Wala lang hindi kasi bagay sayong mahiya. Sagwang tignan." Biro ko sa kanya.
"Tsk." Masungit na sabi niya at inirapan ako.
"I'm Saturn. Saturn Jimenez. 21." Pormal kong pagpapakilala sabay abot sa kamay ko for shake hands.
Tinignan niya ang kamay ko saka tumingin sakin.
"Cygnus Allera. 23." Pormal din niyang pagpapakilala at inabot ang kamay ko.
As our hands collide, a strong currents flows into my nerves. My heart beats crazy.
Kaya bigla kong nabawi ang kamay ko.
"Ahh. Nice to...meet you." Naiilang kong sabi.
Bigla din ata siyang nailang dahil umiwas siya ng tingin at napahawak sa batok.
"Nice to meet you din." Pormal niyang sabi sabay ngiti ng konti sakin. Nginitian ko din siya.
"Uuwi ka na?" Tanong niya. Tanging tango lang ang sinagot ko sa kanya saka humarap sa kalsada.
Wala nang masyadong sasakyan dumadaan. Madaling araw na din kasi.
"Hatid na kita sainyo." Biglang alok niya.
"Nako huwag na. Doble pa magiging pamasahe mo eh hindi naman iisa ang daan ng bahay natin ee." Pagtanggi ko sa kanya.
"Nako. Okay lang yon. Baka kasi mapano ka pa. Madaling araw na kaya. Madami pa namang loko dyan sa daan" Sinsero niyang sabi.
I feel so touched. I never experienced someone being so concern about me except from my parents, of course. Kahit si Third kasi hindi naman masyadong maaalalahanin at sweet. Si Elrie naman lagi niya ko pinagtatanggol pero hindi rin naman siya ganon ka vocal ng concern sakin. Minsan nga ako pa napapahamak sa mga ginagawa niya. Pero si Cyg? Kahit dinadala niya sa sungit? I can feel its genuineness.
"Sige. Mapilit ka eh. " nakangiti kong sabi.
"Tara." Sabi niya sabay hawak sa kamay ko at hinila.
Naramdaman ko na naman ang kuryenteng dumaloy sa katawan ko. Mabilis ang paghinga ko dahil sa bilis ng tibok ng puso ko. Pero binalewala ko lang ito.
"Sakay na." Biglang sabi niya sakin kaya napabalik ako sa reyalidad.
"Jeep? Magjijeep tayo?" Gulat kong tanong.
"Oo bakit hindi ka pa nakakasakay?" Gulat din niyang tanong.
Nakasakay nako ng jeep once. And hinding hindi ko na gugustuhing sumakay pa uli. Natrauma nako. Kaya kahit konti lang pera ko sumasakay ako ng taxi o kaya mas pinipili ko nalang maglakad.
"Hi..hindi.. Pero nata..ta..kot ako." Nauutal at nanginginig kong sagot.
"Ha bakit?" Natatawa niyang tanong.
"Bas...ta." nauutal at takot ko pa ring sabi.
Bigla siyang humarap sakin at hinawakan ang magkabilang pisngi ko at pinatingala sa kanya.
"Huwag kang matakot okay? Kasama mo naman ako. " nakangiting kumbinsi niya sakin.
Hindi ko alam pero napatango nalang ako. Agad din naman niya ako hinila papunta sa jeep at inalalayang umakyat.
"Manong Domingo St. po." Sigaw niya sa driver. He knows my address? How?
Napalingon ako sa kanya ng nakakunot ang noo.
"Paano mo nalaman kung saan bahay ko?" Taka kong tanong sa kanya.
"Ah hehehe. Hula ko lang. Galing ko noh?" Biglang biro niya.
Hindi ko nalang binigyan ng pansin ng may sumakay na tatlong lalaking malalaki ang katawan.
Tinignan nila ako. Umiwas agad ako ng tingin ng napalitan ang kanilang mga mukha sa mga mukha ng mga lalaking hindi ko na gusto pang maalala.
Napakuyom ang mga kamao ko ng mahigpit na nasa itaas ng hita ko. Nanginginig ako. Hindi ko sila nakikita pero pakiramdam ko nakatitig sila sakin.
Naisara ko ng mahigpit ang aking mga hita. Nararamdaman ko na namang uli ang kilabot na iyon. Nanginginig nako sa sobrang kaba.
Napapikit ako ng mahigpit ng mag-usap usap sila. Hindi ko maintindihan ang pinag-uusapan nila. Ang naririnig ko lamang ay ang boses ng mga lalaking yun sa nakaraan ko. Mga boses na ayoko nang marinig pang muli.
Napatalon ako at napamulat bigla ng may humawak sa kamay ko. Paglingon ko si Cyg lang pala.
"Hey. Okay ka lang? Namumutla ka. Tsa..ka nanginginig." Nag-aalalang tanong niya.
Hindi ko na napigilan ang emosyon ko. Kusang tumulo ang mga luha ko at wala sa sariling napayakap sa kanya at humagolgol.
"Anong problema Satty?" Nag-aalalang tanong niya.
"Nata..takot... a..ko." humihikbi kong sagot.
"Shhh tahan na. Andito lang ako." Pagpapatahan niya sabay ganti sa yakap ko at marahang hinaplos ang likuran ko.
"Please... bu..ma...ba.. na ...tayo." umiiyak kong sabi at humigpit ang yakap sa kanya.
Bigla kasing nagtawanan ang mga lalaki. Nakakakilabot. Ibang mga boses ang naririnig ko. Ayoko na dito. Gusto ko ng bumaba.
"Manong para po!" Biglang sigaw ni Cyg. Huminto din naman ang jeep.
"Pakiabot po ng bayad. Salamat." Sabi niya sa katabi kong babae.
"Tara na." Bulong niya sakin. Agad din naman akong bumaba habang nakaalalay pa rin siya sakin.
Nang makababa ako. Agad akong napaupo sa tabi ng kalsada at niyakap ang mga tuhod ko. Yumuko ako doon at nilabas ang emosyong matagal ko ng iniiwasan pero nararamdaman ko na namang muli.
Akala ko nabura na yong alaala na yon pero hindi pa pala. Andito pa rin pala.