Kanina pa ako palakad-lakad dito, napapagod na ako hindi ko pa rin mahanap mga kaibigan ko. Saan na naman kaya nagsipuntahan iyong mga iyon.
Tumigil naman ako sa paglalakad nang tumunog ang aking cellphone, agad ko naman itong sinagot.
"Hello! bakit ang tagal mo namang sagutin 'yong tawag ha?!" naiinis na sabi niya, siya pa naiinis dapat ako nga ang mainis dahil hindi ko sila mahanap eh.
"Teka nga! Bakit ka naiinis?! Dapat ako nga ang mainis dahil hindi ko alam saang lumalop kayo naroon!" pagsusumbat ko sa kanya, narinig ko naman na may tumawag sa pangalan niya sure akong iyong ibang kaibigan namin iyon.
"Punta ka na lang sa cafeteria, hinatayin ka namin doon bye!" pinatayan agad ako ng phone, bastusan lang eh no!
Nagmadali naman akong pumunta sa cafeteria tulad ng sabi niya, mga patay gutom talaga 'tong mga 'to.
" Leash, dito!" sigaw ng isang tinig, hinanap ko naman saang banda nang galing iyong boses.
Nakita ko naman si Liana na kinakaway ang kanyang kamay, kahit kailan talaga nakakahiya 'tong babaeng 'to. Agad naman akong lumapit para hindi na siya mag-ingay dahil lahat ng kumakain ay sa akin na nakatingin.
Hinila ko naman kamay niya pababa at naupo sa tabi niya."Kahit kailan ka talaga napakaingay mo nakakahiya!" panenermon ko sa kanya, sumimangot naman siya habang tumatawa 'yong dalawa.
"Saan ba kayo nagpunta? Kanina pa ako hanap nang hanap sa inyo nakakapagod kaya alam niyo namang malaki 'tong school!" inis na pagrereklamo ko sa kanila, habang hinihilot ko ang aking mga paa dahil masakit.
"Naglibot lang rin, uso kasi tumawag Leash, matalino ka pero minsan utak mo nasa paa," natawa naman 'yong dalawa sa sinabi ni Tash, napairap na lang ako sa sinabi niya.
"Ano gusto mo kainin Leash?" pagtatanong naman ni Zaire, pero umiling lang ako sa kanya.
"Busog pa ako, kayo na lang kumain, salamat na lang," nakangiting tugon ko sa kanya, at nilabas na lang ang aking phone para malibang.
Habang nagscroll ako sa social media ko, nag-uusap naman silang tatlo about sa mga gagawin sa school, ngunit napatigil ako noong nabanggit nila 'yong tungkol sa pagbubukas ulit nong sports.
"Si Leash magaling doon, hindi ba Leash?"
"Hoy! Leash ayos ka lang?" habang kinakalabit ako ni Zaire, at napalingon naman ako sa kanya.
"Ha? Ano ulit 'yon?" pagtatanong ko ulit sa kanya, hindi ko narinig dahil may iniisip ako.
"Sabi ni Liana hindi ba magaling ka sa swimming?" pag-uulit ni Zaire sa kanyang tanong, tumango lang naman ako at umiwas ng tingin.
"Bakit hindi mo i-try na sumali?" suggest naman ni Liana, napabuntong hininga lang naman ako, hindi kasi ganon kadali para sa 'kin.
"Oo nga!" pagsang-ayon naman ni Tash, pero umiling lang ako sa kanila.
"Restroom lang ako," pagpapalam ko, hindi ko na hinintay ang kanilang sasabihin at agad akong umalis.
Pagkarating ko nang restroom agad akong maghilamos, ngunit ang pinipigilan kong mga luha'y tuluyan ng nagsituluan, hinayaan ko lang siya na pumatak.
Hindi ko alam kung kaya ko pang sumali sa sports na 'yon, narinig ko namang may papasok sa restroom, kaya agad ko namang pinunasan ang aking mga luha, at naghilamos ulit.
Inayos ko muna ang aking sarili bago ako lumabas. Bumalik naman ako sa cafeteria na parang walang nangyari, nadatnan ko pa rin silang nag-uusap doon.
"Nandiyan na pala si Leash, tara na?" pagtatanong niya tumango lang ako at nauna nang lumabas.
"Dito na ako kita na lang tayo mamayang lunch," tumango lang naman sila at kumaway na sa kanila.
Pumasok naman ako sa room, at kaunti pa lang ang naroon. Mas pinili kong maupo sa may likod sa may malapit sa bintana sa bandang right side.
Magkakaiba kami ng strand na kinuha pero namamanage pa rin namin time namin, naglalaan kami ng oras para makabonding ang isa't isa.
Ilang minuto pa bago magtime, naisipan kong basahin 'yong libro na dala ko. Habang nagbabasa ako mas dumami na 'yong pumapasok sa room, at medyo maingay na dahil nag-uusap usap na 'yong iba.
Napatigil naman ako sa pagbabasa nang marinig kong nag-uusap 'yong dalawa kong classmate sa may unahan ko.
"Alam mo ba may nasagap akong balita," pagkwento nito sa kanyang katabi, napalingon naman sa kanya ang kanyang kaibigan.
"Alam mo para kang reporter bilis mo makasagap ng balita eh, para kang cctv laging nakamasid," natawa naman ako dahil sa tinuran nang kanyang kaibigan, umirap lang naman sa kanya ang katabi.
"So ayon na nga, ang sabi-sabi sa buong campus lilipat raw rito 'yong isa sa star player nang basketball. Myghadd! magiging classmate natin siya whaa!" napailing na lang ako dahil sa naging reaction niya.
Samantalang 'yong isa naman pinipigilan 'yong katabi sa panghahampas sa kanya, pero halata ring natutuwa siya.
"Bwesit ka! kilig lang walang hampasan takte nakakasakit ka eh, ano suntukan na lang?" panghahamon niya natawa naman ako dahil aasta pa siyang susuntok.
"Sorry na," panghihingi niya ng tawad sa kanyang kaibigan, umirap lang naman ito.
Napatigil naman silang dalawa nang dumating na ang aming guro hindi ko pa alam name niya kasi bago lang kami rito.
Masyadong malaki 'tong school minsan nakakalito pero sanayan lang 'yan. Sa may bandang upuan ko'y makikita mo sa labas ang malawak na corridor, may mga iilang studyante pa ang naglalakad rito kaya dito 'yong pinili ko na upuan.
Tinigil ko naman ang pagtingin sa labas, at sa pag-iisip ng kung ano-ano. Nakinig na lamang ako sa sinasabi ng guro namin.
Maya-maya pa'y may biglang pumasok sa room, napatigil naman si ma'am sa pagsasalita at lahat ng atensiyon ng iba'y nasa kanya. May mga nagulat, kinikilig, natutuwa at nakangiti dahil sa presensiya niya meron na ring sumisigaw.
'Ano ba meron sa lalaking ito at ganito sila kung makareact' ani ko sa aking isipan, habang sila'y kilig na kilig ako nama'y walang pakialam sa nangyayari.
"Tama nga ako may lilipat rito, pero hindi ko akalaing si Zoier pala wwhhaaaa!" impit na tili niya sa kanyang katabi, napailing na lang ako.
'Zoier? Sino kaya ito bakit tila kilala siya ng lahat' sa isip nito, habang ang iba'y nagsisigawan na, samantalang siya'y naguguluhan.
"Class keep quite, stop shouting!" may pagkamadiing sigaw ng aming guro, ang kaninang ingay bigla na lang nawala at naging tahimik.
"Zoier umupo ka doon sa tabi ni Ms. Salvador" pag-uutos niya habang nakaturo banda sa akin ang kanyang daliri.
Agad namang sinunod nito ang utos nang guro, at wala siyang pakialam sa mga tili at pinagsasabi ng guro sa harapan.
'Ano ba special sa lalaking 'to at ganito sila?' ani pa rin nito sa kanyang isipan, naguguluhan pa rin siya at walang alam.
"Sana ako na lang katabi ni Zoier, swerte niya," bulong-bulongan ng iba na mas lalong nagpakunot sa aking noo.
Hindi ko na lamang pinansin ang sinasabi ng iba bagkus itinuon ko ang pansin sa sinasabi ng aming guro sa harapan.
"So, magkakaroon tayo ngayon ng activity, so find your partner now," utos nang aming guro, maraming tumayo upang maghanap ng kapartner at may isang lumapit na classmate namin inirapan pa ako tusukin ko kaya 'yang mata mo tsk!
"Hoy, ikaw umalis ka nga riyan at ako ang magiging partner ni Zoier," pagpapaalis niya psh! tumayo na lang ako at akmang aalis ng hinawakan ako nang kung sino man ang kamay ko.
"No, stay here kapartner kita at ikaw umalis ka," walang pakialam na sabi niya kay Scarlet, habang sa akin siya nakatingin.
Tinignan ko naman siya ng masama ngunit wala siyang naging reaction, padabog namang umalis ito at masama pa rin ang tingin sa akin.
Problema ng lalaking ito, mukhang mapapahamak pa ako dahil sa pinaggagawa niya, kakasimula pa lang ng klase may kaaway na ata ako, sarap sapakin ng yelo na ito! Feeling close naman.
"So meron na ba kayong kapartner lahat?" Pagtatanong naman ng aming guro.
"Yes, ma'am" sabay-sabay na sagot namin liban lang sa katabi ko. Minsan aakalain mong pipi ito eh, hindi ata uso sa kanya ang pagsasalita.
" Dahil meron na kayong partner, sila na ang magiging permanent partner niyo sa lahat ng activity na gagawin natin sa subject ko, I will give the activity tomorrow, by partner, but individual grades, so it's our first day you can do anything right now, but tomorrow we will start our class, that's all goodbye." Umalis naman siya agad pagkatapos niya sabihin iyon sa amin.
May usapan kaming magkakaibigan na magkikita na lang kami sa cafeteria, kaya baka nandoon na mga 'yon.
Lumabas na ako pagkatapos ko mag-ayos ng gamit ko, ngunit nasa labas pa lang ako ng room ng harangin ako nila scarlet ng mga kaibigan niya.
"Padaan ako," pakiusap ko ngunit mas lalo silang humarang at tinulak ako.
Naramdaman ko ang hapdi sa aking palad dahil 'yon ang ginawa kong pananga para hindi ako tuluyang matumba.
"Ano ba problema niyo ha?!" inis na sigaw ko sa kanila at tumayo mula sa pagkakaupo.
"Ikaw ang problema namin, naiinis ako sayo alam mo ba 'yon?!" Tinulak-tulak niya ako, ngunit tinabig ko ang kayang mga kamay.
"Wala kang karapatang ganyanin ako, ano namang pakialam ko kung naiinis ka! Ah Alam ko na naiinis ka kas hindi ikaw 'yong pinili ni yelo na makapartner ganon ba? Pwes huwag ako pag-initan mo, minsan pa at hindi mo magugustuhan ang gagawin ko sayo!" Binunggo ko naman siya at umalis na doon.
Anong akala niya na papa-api lang ako sa kanya, ngunit nagkakamali siya pagbibigyan ko siya ngayon, pero kapag naulit ipapakita ko sa kanya kung ano ang kaya kong gawin.
Mahapdi ang kamay ko at may sugat pero maliit lang kaya hindi ko na kailangan pumunta sa clinic ako na lang gagamot mamaya nito. Pumasok naman na ako sa cafeteria at hinanap sila hindi na ako nahirapan dahil nasa dati naman silang table namin. Lumapit ako sa kanila at masama ang tingin nila sa akin.
"Bakit ganyan kayo makatingin?" Nakakunot noo kong tanong at naupo sa tabi ni Tash.
"Bakit ngayon ka lang alam mo bang kanina pa kami naghihintay dito?" Pagsusungit ni Zaire tsk! kahit kailangan talaga kararating ko pa lang eh.
"Sorry naman, kasi hinarang ako nila Scarlet eh," pagpapaliwanag ko at halatang hindi nila kilala.
"Sinong Scarlet? Bakit ka niya hinarang? Ayos ka lang ba?" sunod-sunod na tanong nila,  interview time na naman ito pwede namang pakainin muna nila ako ano bago sila magtanong hays.
"Teka nga isa-isa lang pwede, so Scarlet 'yon 'yong pinakamaarte sa room napakasungit akala mo kung sino, hinarang niya ako dahil doon sa nangyari kanina kasi pinili ako ni Yelo bilang kapartner niya at pinaalis si Scarlet at oo ayos lang ako nagkaroon lang ng kaunting gasgas sinabihan ko na siya kaya okay na. Ano nasagot ko na ba tanong niyo? Pwede na ba ako kumain?" Pagpapaliwanag ko sa kanila at nagsimula ng kumain.
" Yelo? Sino naman iyon?" pagtatanong muli nila sa akin, ito na naman magsisimula pa lang ako na kakain may tanong na naman.
"  Zoier ata name niya, yelo ang tawag ko sa kanya dahil napaka cold niya, parang bato, feeling close pa anong akala niya masaya ako na pinili niya akong partner gulo lang tuloy nangyari!" Umirap naman ako pagkasabi ko ng mga 'yon.
"Bakit may kasamang irap? Napakaswerte mo kaya girl," napatingin naman ako ng masama sa kanya, swerte na ba ako sa tingin nila dahil sa pagpili sa akin ni Yelo psh!
"Sis, anong swerte doon nakakawala ng mood kamo!" pagsusungit ko sa kanila, napa-irap na lang si Zaire ano napakasungit talaga nito!
"Well sabagay may point ka, pero kung titignan mo sa mata ng ibang mga babae na nag-aaral dito swerte kana, at 'yong iba pinapatay ka sa mga tingin nila," tama naman siya, totoo 'yon kung sa room pa lang kanina kay Scarlet sobrang sama na makatingin at hinarang ako paano pa kaya kapag lahat sila nakakita.
"Pero as if I care, bakit ko pagtutuonan ng pansin ang mga 'yon, tsk tara na nga!" Tumayo na ako ngunit naramdaman ko na lang ang lamig sa aking ulo dahil sa juice na binuhos ng kung sino man.
"Malamig ba?! nababagay lang sa 'yo iyan masyado kang epal!" Lumigon naman ako sa likod dahil nasa likod ko siya tsk! Scarlet na naman! Napaka war freak talaga nang babaeng ito, walang pinipiling lugar!
Akma sanang susugod sila Liana ng umiling ako sa kanila, halata sa kanila na gusto nilang sumali, ngunit ayaw ko silang madamay.
"Hindi mo ba naintindihan sinabi ko kanina? Tinatanong mo kung malamig 'di ba pwes ito sayo," Sabay saboy ng juice na kinuha ko lamang sa studyante na dumaan.
"What the heck! Bwesit ka talagang babae ka! sinusubukan mo talaga ako pwes ito rin ang sa 'yo!" Sinangga ko naman ang aking mga kamay dahil binato niya ako ng mga pagkain na nasa mga lamesa.
"Pwede ba tumigil kana ha!" may pagkamadiing sigaw ni Zaire sa kanya.
Humarang naman sila sa akin ngunit bigla silang tinulak ng mga kaibigan ni scarlet kaya pati ako nadamay at napaupo.
" Ayan ang nababagay sa katulad mong, bida bida! Tara na nga girls, huwag nating sayangin ang oras natin sa katulad niyang basura!"
" Kung ako basura ano ka langaw? Sunod nang sunod kong nasan ang basura, sino bang bida bida sa atin dito 'di ba ikaw? Hindi ka lang pinili ganyan na ugali mo para sabihin ko sayo deserve mong hindi piliin dahil sa ugali mo!" susugod sana ulit siya ng pinigilan siya ng mga kaibigan niya dahil may teacher na papasok sa entrance ng caffeteria, kaya umalis sila agad.
" Leash ayos ka lang ba? Tara samahan ka namin magpalit, may extra damit ka naman sa locker mo 'di ba, maaga pa naman kaya kailangan mo makapagpalit ang lagkit lagkit muna." Nag-aalalang sabi ni Liana, sumang-ayon naman ang dalawa sa kanyang sinabi kaya tumango na lang ako.