Kairi's P.O.V
"DADAAN pa ba ako sa bahay niyo, o dederetso na ako sa puso mo?"
Nakakunot noo ko siyang tinignan na nanlilisik na rin ang mata. Napansin niya siguro na para akong isang toro na aatake anumang oras, kaya hinawakan ako bigla sa magkabilang balikat.
"I'm just kidding, siyempre dadaan ako rito para sunduin ka." Hinawakan niya ilong ko at pinisil-pisil. Hinawi ko kamay niyang nakahawak sa ilong ko.
"Kailan ka ba magseseryoso, Champ?" seryosong tanong ko sa kaniya.
"Ang hirap magseryoso sa harap mo. Kasi kapag tinitignan kita napapangiti ako." Ngumiti siya sa akin at tinap ang aking ulo. Hindi na ako sumagot pa kasi sasagot ulit ng kalokohan. Sinenyasan ko siyang umalis na, pero bago niya gawin 'yon hinalikan muna ako sa noo.
"See you later, Heartbeat," wika niya. Saka siya sumakay at umalis na.
Pagkapasok ko sa bahay, si Nanay Lita lang ang naabutan ko. Nasa grocery pa si mama mamaya pa 'yon uuwi. Pagtingin ko sa orasan na nasa wall 1 pm na pala hindi pa ako naglulunch. Pero feeling ko busog ako. Dahil sa nangyari kanina sabayan mo pa ang mga kalokohan ni Drei. Nabusog ako sa mga pinagsasabi niya. Umakyat na lang ako sa aking kwarto tutal wala naman akong gana kumain. Habang paakyat parang may bumubulong sa aking tenga lahat ng mga binibitawan na salita sa akin ni Drei napapailing na lang ako.
Pagpasok ko nagbihis muna ako tapos saka ako humiga, napagod kami kanina sa filming. Naisipan kong kunin ang aking bag para kunin ang cellphone kaya napabangon ako, pero naaalala ko bigla nanakaw pala kanina. So I have no choice kung hindi matulog na lang.
...........
Naalimpungatan ako dahil narinig ko ang boses ni mama. Pagtingin ko sa orasan four pm pa lang, mahaba rin pala naitulog ko. Pero, bakit maaga yata umuwi si mama ngayon? Naisipan kong bumaba para puntahan siya. Naabutan ko sa dining area na hinahanda ang dala niyang pagkain. Isa 'yong mango cake my favorite. Napatingin siya sa akin paglapit ko, lumapit ako sa kaniya at nagmano. Umupo ako para kumain, ngayon ko lang naramdaman ang gutom ng pagkakita ko sa mango cake. Habang sumusubo ako panay tingin sa akin ni mama. May gusto siya itanong pero nagaalinlangan kaya ako na kusang nagtanong sa kaniya. Ganyan si mama, minsan ayaw ka niya pangunahan, mas gusto niya 'yong kusa kang magsasalita.
"Ma, ano po 'yon?" Tanong ko habang kumakain. Huminto siya sa kaniyang ginagawa at naupo.
"Anak, tinawagan kita ulit kanina pero nakapatay phone mo, ano nangyari?" bakas sa mukha niya ang pag-alala at pagtataka.
"Sorry ma, nanakaw kanina phone ko. Nung tumawag ka po nasa convenience store kami ni Drei ng biglang may humablot at tumakbo ng mabilis. Gusto ko sana habulin kaso pinigilan ako ni Drei," mahabang paliwanag ko. Tumango lang si mama.
"Tama lang ginawa ni Drei, baka mapano ka pa. Huwag mo na isipin 'yon anak, natanong ko lang." Ngumiti siya at hinalikan ako sa ulo.
"Ma, bakit po pala ang aga niyo umuwi ngayon?" Tanong ko habang may ginagawa siya sa kusina.
"Sinadya ko talagang umuwi ng maaga, kasi tutulungan kita para mamaya sa pupuntahan mong party." Pinuntahan ko siya sa kusina at tinignan na magkasalubong ang aking kilay.
"Ma, bakit parang big deal sa'yo 'yong pagpunta ko sa party?" naguguluhan kong tanong. Humarap siya sa akin at hinawakan ako sa kamay.
"Gusto lang kita tulungan, matagal na rin na wala tayong bonding. So, parang ito na 'yong way para magkaroon tayo ng time together." Tanging ngiti lang ang pinukaw ko sa kaniya. Naiiyak ako sa kaloob-looban ko, nakakataba kasi sa puso na marinig mo 'yon galing sa magulang mo.
"Hindi mo na kailangan gawin 'yon ma, kaya ko naman po." Inakay niya ako pabalik sa dining area.
"Huwag mo na ako pagbawalan anak, gusto ko gawin 'to siyempre dapat ang anak ko ang pinakamaganda sa party." Nakangiting sabi niya. Niyakap ko na lang siya ng mahigpit.
"Salamat ma, maraming salamat sa lahat, I love you ma," wika ko. Medyo naluluha na ako. Hinagod ni mama likod ko.
"Mahal din kita, anak." Humiwalay kami sa pagkakayakap at inayos niya ang nagulo kong buhok.
"What time ka pala susunduin ni Drei?" tanong niya. Sumagi bigla sa isip ko si Drei pagkarinig ko ang pangalan niya.
"Mga seven pm po," maikli kong sagot. Tinignan ni mama ang orasan na nasa wall.
"Past five pa lang, magluluto muna ako para makakain ka pa." Hinawakan ko kamay niya para pahintuhin.
"Ma, huwag ka na magluto, remember party 'yong pupuntahan ko daming pagkain, do'n na lang ako magpakabusog." Natawa ako sa aking sinabi pati si mama natawa rin.
"Parang pagkain lang ang pinunta mo do'n ah!" Malakas na tawa ang pinakawalan niya.
"Hindi naman po," nahihiyang sabi ko.
"Sige, umakyat ka muna para makapagpahinga."
Pagtingin ko sa orasan six pm na kaya naligo na ako. Kanina pagakyat ko naghanap ako ng maisusuot at nakita ko 'yong niregalo sa akin ni mama nung 18th birthday ko, isang beses ko lang 'yon nasuot. Nagpunta na ako ng cr para maligo, pagkatapos pinatuyot ko ang aking buhok gamit ang blower. Saktong pagbukas ng pinto nakangiting pumasok si mama. Tinulungan niya akong patuyutin ang aking buhok. Pagkatapos siya na rin ang nag-ayos. Crisscross Braid Crown ang ginawa niyang ayos sa buhok ko saka niya kinurl ang bandang likuran.
"Alam mo, gustong-gusto kita ayusan no'n para ka kasing barbie." Nakita ko ang kaniyang reflection sa salamin na nakangiti. After ayusan ni mama ang aking buhok sinunod naman niya ang aking mukha. Kung ako ang masusunod lip tint lang ayos na ako. Pero tinodo ni mama kaya hinayahan ko na lang. Mabilis lang ang pagmamake up na ginawa niya sa mukha ko. Sinabihan ako na magbihis na kasi malapit ng mag seven. Pumunta ako sa cr para makapagpalit. Suot ko ang regalo sa akin ni mama no'n na half shoulder black dress na may split sa gilid. Pinartneran ko ng black stiletto heels. Paglabas ko namangha si mama nang makita ako. Lumapit siya at pinatitigan.
"Ang ganda mo anak, ganyan din ako kaganda nung dalaga pa ako," wika niya. Habang ang tingin hindi maalis sa akin.
"Ma, maganda ka pa rin po hanggang ngayon sa'yo nga ako nagmana," pampalakas loob kong sabi sa kaniya. May kumatok sa aking kwarto pagbukas ni mama si Nanay Lita.
"Ate, nandiyan na po 'yong sundo ni Kairi." Pagiinform niya sa amin.
"Sige Lita, bababa na rin kami." Tumango lang si Nanay Lita at umalis na.
"Mauna na akong bumaba para may makausap si Drei." Tanging pagtango lang din ang sagot ko.
Nang makaalis si mama tinignan ko ang aking sarili sa salamin. Malaki nga pagbabago ng itsura ko kapag naayusan. Sinadya ko talagang black ang isuot ko, dahil para sa akin hindi birthday party ang pupuntahan ko, kung hindi burol ng espasol na 'yon tsk. Kinuha ko na ang aking handbag at lumabas na sa aking kwarto.
Nasa hagdan pa lang ako nakita ko agad si Drei, bigla itong napatayo sa pagkakaupo. Nagkatitigan kaming dalawa, parang walang humihinga at hindi kumukurap ang aming mata. Napako lang ang mata namin kakatitig sa isa't isa. Aaminin kong namagnet ako sa itsura niya, kung g'wapo na siya dati mas lalo siyang gumwapo. Nakasuot siya ng three piece suit kulay black at shoes na black din. Iba rin ang ayos ng buhok niya, nakaundercut 'to masculine ang look malakas makahatak. Narinig namin napatikhim si mama, agad siya pumunta sa may hagdan at inalalayan niya ako pababa. Nakatitig pa rin siya sa akin at gano'n din ako.
"Umalis na kayong dalawa baka mahuli pa kayo," pagbabasag ng katahimikan ni mama. Humalik ako kay mama gano'n din ginawa ni Drei. Pahakbang na kami ng magsalita ulit si mama kaya napalingon kami pareho.
"Drei, 'yong bilin ko huwag mo kakalimutan." Tumango lang si Drei at ngumiti.
"Opo, tita," ani niya. Lumabas na kami ng bahay at nagpunta sa kaniyang kotse. Nagulat ako kasi iba gamit niyang kotse ngayon. Inalalayan niya ako ulit papasok always gentleman.
Pagkapasok niya, agad ko siya tinanong. "Champ, bakit iba ang gamit mong kotse?" Inayos muna niya ang kaniyang suot bago sumagot.
"Nasira kasi 'yong kotse kanina pinaayos ko muna." Tumango lang ako. Nagulat ako dahil kinuha niya ang aking kamay.
"You're so beautiful tonight, Heartbeat. Not only for tonight but you always beautiful in my eyes," kumikinang ang mata niya habang sinasabi niya 'yon.
"You too, Champ. Aaminin kong mas lalo kang gumwapo." Pareho kaming napangiti. May kinuha siya sa may back seat.
"Here, for you," isang bouquet of tulips may favorite flower. Kilala na nga ako ni Drei ang lahat sa akin, gano'n din naman ako sa kaniya.
"Para sa akin ba 'to?" hindi makapaniwalang tanong ko.
"Hindi, sa kapitbahay niyo! Malamang Heatbeat, ibibigay ko ba 'yan sa'yo kung hindi?" pamimilosopo niya sa akin. Inirapan ko lang dahil sa kalokohan na naman niya.
"Thank you, Champ." Hinawakan lang ako sa ulo at umalis na rin. Nasa biyahe na kami, kahit kasama ko siya kinakabahan ako. Hindi kasi ako sanay sa mga sosyalan na gathering na 'yan. Kaya hindi ako mapakali sa aking kinauupuan. Kanina nga hindi maayos ang pagkakabit ko ng seat belt kaya siya na ang gumawa, nagkalapit tuloy mga mukha namin. Naamoy ko lang naman ang mabango niyang pabango.
"Bakit ba ang likot-likot mo? Ayan tuloy, natabig mo na puso ko, nahulog pa sa'yo." Pinanlisikan ko siya ng mata. Seryoso na nga ako rito namimilosopo pa.
"Ayan ka naman, seryoso na nga ako rito dinadaan mo na naman sa kalokohan," nagtatampong sabi ko.
"Ano ba kasi gumugulo sa isip mo? Huwag mo sabihin nai-in love ka na sa akin." Panunukso niya at may pakindat kindat pa.
"Tae mo!" inis na sabi ko sa kaniya.
"Ok, seryoso na ano ba 'yon?" seryoso na nga niyang tanong.
"Hindi kasi ako sanay sa mga sosyal na gathering na 'yan, baka makagawa lang ako ng ikahihiya mo," malungkot na boses ang pinakawalan ko. Inalis niya ang pagkakahawak sa may gear shift at napahawak sa kamay ko.
"Don't worry, hindi kita pababayaan. I swear it to you."
Nagpatuloy lang ang aming biyahe, tapos hininto ni Drei ang sasakyan sa isang sikat na hotel. Akalain mo nga naman, mayaman pala ang espasol na 'yon hindi halata. May palengkera attitude kasi siya. Bumaba si Drei at pinagbuksan niya ako ng pinto. Binato niya ang susi ng kaniyang kotse sa lalaking nakatayo do'n at pumasok na kami sa loob. Bago kami tuluyan makapasok kinuha niya ang aking kamay at magkaholding hands kaming naglakad. Sinalubong kami ng dalawang lalaki na hindi ko kilala. Masasabi kong mga mayayaman din at tulad ni Drei mga greek god din sa kagwapuhan.
"Look who's here! Hi brod!" Bungad na bati sa amin ng isang adonis na lalaki. Almost pareho silang g'wapo ni Drei, pero mas lamang pa rin si Champ mestiso lang 'to.
"Hi brod! Musta na ang isang bachelor?" Bati rin ng isang greek god. Hindi sila magkakalayo-layo sa kagwapuhan. Kung 'yong isa mestiso ito naman moreno pareho sila ni Champ, matangkad lang siya ng konti sa dalawa. My gosh! Napapalibutan ako ng mga greek god. No wonder, lahat sa pwesto namin nakatingin karamihan mga kababaihan iba! Isa pa lang bachelor 'tong si hudas, hindi halata sa pagmumukha tsk.
"But I think brod pumapag-ibig na 'tong si kumag." Pagbibiro sa kaniya nung moreno na lalaki at napatingin sa akin. Sinuntok pa niya sa dibdib si Champ ng mahina lang.
"Huwag kayong ganyan, baka sagutin niya ako agad." Sagot ni Drei at kumindat sa akin. Inirapan ko lang siya.
"Ipakilala mo naman kami sa magandang dilag na kasama mo brod." Pabulong na sabi nung moreno na lalaki pero narinig ko naman. Tinignan muna ako ni Drei bago magsalita.
"This is Marco and Jacob, mga friends ko." Pakilala niya sa dalawa niyang kaibigan. Si Marco 'yong moreno at si Jacob naman 'yong mestiso.
"She's -" pagputol ko sa sasabihin ni Drei inunahan ko na baka ano pa sabihin sa dalawa.
"Hi! I'm Kairi, classmate and friend of Drei. It was a pleasure meeting both of you." Pagpapakilala ko sa aking sarili sabay ang pagshake hands ko. Nilahad naman nila agad pero si Marco instead na shake hands lang, hinalikan nito ang likod ng aking kamay. Lumaki bigla ang mata ni Drei dahil sa ginawa ng kaibigan niya. Agad niyang tinabig si Marco.
"Brod, wala naman ganyanan." Pagbibiro ni Drei kay Marco. Natawa lang silang tatlo. Ok din pala 'tong mga kaibigan niya puro kalokohan ang alam nilang gawin. Biglang dumating 'yong dalawang bitch. Kahit anong gawin nilang pag-aayos wala pa rin silang kagandahan.
"Hi guys!" Bati ni espasol sa amin sabay ang paghawak sa braso ni Drei. Tinignan niya ako mula ulo hanggang paa at saka umirap. Kahit anong paganda gawin mo forever ka ng espasol bitch!
"Oh! Hi buti at nakapunta ka." Sabi niya sa akin sabay ang pagtaas ng kilay nito. Plastic ang higad akala niya maloloko niya ako puwes nagkakamali siya.
"Oh! Yes, as matter of fact hindi ko kasi matiis 'tong babe ko na hindi siya samahan, baka mamaya eh gapangan ng ahas o hindi kaya landiin. Marami pa naman higad na nagkalat ngayon." Mahabang sabi ko sabay ng paghatak kay Drei at humawak sa kamay niya. Napatingin ang tatlong lalaki sa amin, na lahat sila napapangisi at aliw na aliw sa napapanood.
"Oh! By the way, happy birthday." Habol kong sabi. Happy lamay day ang tamang bati ko sa'yo. Tama lang pala ang suot namin black para sa lamay mo bitch!
"Oh! Thank you, your so kind." Pilit na ngumiti sa akin at inirapan ako.
"Tara na girl, masisira lang beauty natin ngayon, may nakapasok kasi na pangit!" Sabat ng kaibigan niyang namamaga ang nguso dahil sa kapulaan.
"Talaga? Nasaan 'yong pangit? Ah! Nandiyan ka lang pala, ba't hindi ka nagsasalita?!" mataray na pagkasabi ko kay namamaga ang nguso. Dahil sa inis ng dalawa padabog silang umalis. Palagi na lang silang nagwawalk out hindi naman bagay sa kanila tsk.
"Whoa! Hindi ko kinaya 'yon!" manghang sabi ni Jacob.
"Palaban pala 'tong si Kairi, brod matakot ka na!" Napalakas na pagbibiro ni Marco kay Drei. Pilit na ngiti lang ang binigay nito sa kaibigan.
Pagkatapos ng scene na 'yon pumunta na kami sa aming table. Pinaupo muna ako ni Drei bago siya umalis para kumuha ng makakain ko always gentleman
"Wala ata balak pumunta si Noah, ano balita sa kaniya?" Tanong ni Drei pagkaupo niya. Naguusap sila habang pinaglalaruan ni Drei ang aking kamay sa ilalim ng mesa at kumakain na rin.
"Ikaw ang childhood bestfriend niya, bakit kami ang tinatanong mo?" balik na tanong sa kaniya ni Jacob.
"Hindi na rin kasi kami nagkikita ng kumag na 'yon," walang ganang sagot nito.
"Balita ko may kinahuhumalingan ang isang 'yon sa university nila, pumapag-ibig na rin katulad mo." Sabi ni Marco sabay turo kay Drei. Napahawak lang siya sa batok parang nahihiya dahil sa inasta ni Marco.
"Pero, favor sa atin 'yon mga brod magkakaroon ulit tayo ng panibagong kotse!" masayang sabi ni Jacob.
"Sa yaman ni Noah, balewala lang sa kaniya 'yon." Sabi ni Drei at napatingin sa akin.
Masaya pala kausap mga kaibigan ni Drei. Mayayaman sila pero hindi matapobre. Kahit ilang oras ko lang silang nakasama hindi ako naboring mga kalog din tulad ni hudas magkakaibigan nga sila. Sa kalagitnaan ng program pinakanta si Drei. Lahat ng tao do'n inudyukan siya na kumanta kaya wala siya nagawa. Bago siya pumunta sa stage hinalikan niya muna ako sa noo nakita 'yon ng dalawa niyang kaibigan.
"Before I sang, I just wanted to say something to a special someone in my life right now. Where words fail, music speaks, this is for you," wika ni Drei bago kumanta. Kinuha niya ang gitara at nagsimula ng patugtugin.
Wise men say
Only fools rush in
But I can't help falling in love with you
Shall I stay?
Would it be a sin
If I can't help falling in love with you?
Lahat nakikinig lang sa kaniya pati mga kaibigan nito. Pati mga malalandi na babae halos mahimatay dahil sa kakiligan tsk. Maganda pala boses niya, magaling din tumugtog ng gitara. Ano pang intrument ang kaya niyang patugtugin?
Like a river flows
Surely to the sea
Darling, so it goes
Some things are meant to be
Take my hand,
Take my whole life, too
For I can't help falling in love with you
"Walang hiya, tinamaan na talaga ang kumag," wika ni Jacob at napatingin sa akin.
"Walang duda brod, kita naman eh!" Masayang sabi ni Marco at napapailing na lang. Pilit na ngiti lang ang binigay ko sa kanila.
Like a river flows
Surely to the sea
Darling, so it goes
Some things are meant to be
Take my hand,
Take my whole life, too
For I can't help falling in love with you
For I can't help falling in love with you
Magmula umpisa hanggang matapos ang kanta, nakatingin lang siya sa akin. Nakakaasiwa lang kasi pinagtitinginan ako, lalo na 'yong dalawang bitch ang sama ng tingin sa akin. Pagkatapos niya kumanta, lahat nagpalakpakan. Nagpatugtog sila ng sweet song at ang iba sumasayaw na sa dance floor. Isasayaw sana ako ni Marco ng kunin bigla ni Drei ang kamay ko, at hinila ako sa gitna.
"Argh! Ang daya mo brod!" Pasigaw na sabi ni Marco. Nag-fuck you sign lang sa kaniya si Drei.
Inilagay ni Drei ang aking kamay sa kanyang batok at hinapit niya ako sa aking beywang, tapos hinila palapit sa kanya. My gosh! Wala na halos space!
"Alam mo makasarili ka!" Sabi ko at tinaasan siya ng kilay.
"Mas mabuti ng makasarili, kaysa makita kita na nasa piling ng iba." Pinagdikit niya ang aming noo habang sumasayaw.
"Maganda ba boses ko?" tanong niya sa akin.
"Hindi, boses palaka nga!" Pagbibiro ko sa kaniya, pero hindi na lang niya pinansin. Ang ganda ng boses mo, kahit sino tiyak maiinlove. Gusto ko sana sabihin pero huwag na lang baka lumaki pa ang ulo.
Nauna na kaming umuwi, kasi ang usapan nila ni mama hanggang ten pm lang. Hinatid niya ako at naging tahimik lang ang takbo ng biyahe namin. Kahit wala kami masyado ginawa feeling namin pagod na pagod antok na rin siguro. Pinagbuksan niya ako ng pinto. Akala ko aalis na pero bumalik sa kaniyang kotse at may kinuha.
"Here, Heartbeat." Binigay niya sa akin ang isang paper bag.
"Bakit mo sa akin binibigay 'to? Nakalimutan mo ba ibigay sa birthday celebrant?" Umiling lang siya.
"Para sa'yo 'yan." Naguguluhan akong tumingin sa kaniya at sa hawak kong paper bag. Dahil sa kuryusidad binuksan ko ang nilalaman nito. Nagulat ako dahil ang nilalaman isang latest na iphone.
Nagtataka ko siyang tinignan. "Bakit mo ako binigyan ng phone?" tanong ko sa kaniya.
"Dahil para kang cellphone, na hindi ko kayang iwan."