NANG dumating si Sam sa apartment niya ay agad siyang nagtungo sa bahay ng landlord niya upang humingi ng isa pang palugit para mabayaran ang apartment niya. Nag kasabay-sabay kasi ang kanyang bayarin kaya nawalan sya ng pambayad sa apartment niya. Pag hindi siya nabigyan ng palugit ay tiyak na sa kalsada siya matutulog ngayong gabi. 
"Aling Marie! Aling Marie tao po! " 
"Anong ginagawa mo rito Sam? may pambayad kana ba ng renta mo?" Mataray na tanong ni Aling Marie ng makalabas ito ng bahay. 
"Iyon nga po ang ipinunta ko rito Aling Marie. Pwede mo po ba akong bigyan ng isa pang linggong palugit? Medyo gipit po kasi talaga ako ngayon pero promise next week ibibigay ko na yung kulang ko sa renta. " sambit niya. 
"Aba naman Sam, tatlong buwan mo ng sinasabi sa akin yan. Hindi ka pa ba nag sasawa? Ako sawang sawa na. Kung bukas wala pa rin ang bayad mo sa renta papalayasin kita agad. Sawa na akong magbigay sayo ng palugit." Pinagsarahan siya nito ng pinto pagkatapos nitong magsalita.
'Ano nang gagawin ako? Wala talaga akong pera ngayon.' Sigurado na ang pagtulog niya sa kalsada bukas.
Nasa ganoong pag-iisip siya ng tumunog ang kaniyang cellphone.
"Hello? Jesie?" Tanong niya sa kabilang linya. Isa ito sa mga kaibigan niya. 
"Hello? Bruha nasaan ka? Nandito kami ni George sa apartment mo." Sabi ng nasa kabilang linya.
"Ha? Anong ginagawa niyo dyan ? W- wala naman tayong usapan ngayon?" Naalarma siya. Walang may alam sa mga kaibigan niya na may balak siyang pumasok sa bar ng araw na iyon dahil siguradong malalagot siya sa mga ito.
Nagmadali siyang magtungo sa apartment niya at naabutan niya roon si George at Jesica na nakaupo sa sofa.
"Anong ginagawa niyo rito?" Hingal na sambit niya. 
"Ikaw, saan ka galing? Ang alam namin ay 6 pm pa ang tapos ng duty mo sa coffee shop na pinagtatrabahuhan mo. Bakit ngayon ka lang nakauwi?" Mataray na sambit ni Georgina.
Patay na !  "Ah kasi may isa pa akong part time job na in-apply-an, pero hindi ko nagustohan kaya umalis nalang din ako agad." Totoo naman ang sinabi niya. Pero hindi na niya sinabi ang iba pang detalye.
"At ano namang part-time iyon?" Pag usisa pa ni Jessica.
"Ah eh, pagiging waitress lang sa isang restaurant. Masyadong maraming gawain kaya hindi ko na tinanggap." Hinubad niya ang kanyang sapatos at tuluyan ng pumasok sa kanyang apartment at umupo sa sofa. 
"Oh really? Kaya pala may tumawag sa akin kani-kanina lang at sinabing nasa bar ka daw at pumasok ka sa isa mga VIP room doon. " Nakahalukipkip na sabi ni Jessica." Tell me, what did you do ?"
Pumikit siya ng mariin. Wala talaga siyang maitatago sa mga ito. "May nag-alok sa akin ng trabaho sa bar." Pag-amin niya. "Kakausapin lang daw ang mga customer at bibigyan ng inumin. Sinabi naman ng manager na hindi ako pwedeng hawakan ng sinuman kaya pumayag ako. Malaki ang offer doon pero hindi ko rin natagalan hindi ko kaya ang trabaho kaya umalis na lamang ako." Pag sisinungalin pa rin niya. Ayaw na niyang mag alala pa ang mga ito." Kailangan ko ng pera dahil binigyan na lamang ako ng isang araw ni Aling Marie para makabayad sa utang ko sa renta. Wala na akong ibang maisip na paraan." Tumingin siya sa mga ito. "I'm sorry."
Hinawakan ni Georgina ang balikat niya. "Why didn't you tell us? We can always lend you money so that you can pay you rent."
Napayuko siya. "I don't want to bother you guys. Problema ko ito kaya dapat ako ang humanap ng solusyon dito. Ayokong palagi na lamang akong naasa sa inyo. Lalo na sa iyo Georgina. Napakalaki na ng naitulong ng pamilya mo sa akin."
Simula kasi ng mamatay ang kanyang ama ay ang tatay na nito ang nag silbing tatay-tatayan niya. Nang mawalan sila ng tirahan ng nanay niya ay ang pamilya rin nito kumupkop sa kanila. Pati tuition fee niya noong high school ay ito ang nag bayad. Umalis lang sila sa poder nito nang mag asawa uli ang kanyang ina at tumira na lamang sila sa probinsya. Ngunit hindi rin naman naging maganda ang buhay nila roon dahil sa amain niya. Araw- araw itong naglalasing at binubugbog silang dalawa ng kanyang ina. Nagpasiya siyang tumakas kasama ang kanyang ina, dahil hindi na niya kaya ang ginagawa nito. Ngunit ayaw namang umalis ng kaniyang ina dahil naaawa ito sa kanyang amain. Ilang beses niya itong kinumbinsi na sumama sa kanya ngunit ayaw talaga nito. Kaya nagpasya siya na umalis at iwan ito. Kahit naman ganun ay palagi pa rin naman niya itong binibisita pag may pagkakataon.
"Please wag mong sasabihin kay tito Edwardo. Mag aalala lang iyon." Pakiusap niya kay Georgina. 
"Okay." Pagsang ayon nito. "I will not tell him but you will allow me to lend you money for your rent." 
Nagkibit balikat nalamang siya. Siguradong hndi naman to papatalo sakanya. "Okay." 
Niyakap siya nito kasama si Jesica. 'Ano bang gagawin ko kung wala sila sa tabi ko?' Sambit niya sa kanyang sarili.