HINDI ALAM ni Ellie ang gagawin gayong first time niyang i-welcome sa kanilang bahay si Ronnie, lalo na't sa tuwing nakikita niya ito ay nakikita niya rito ang mukha ng kaniyang ultimate crush na si Renz. Sa totoo lang ay hindi niya maiwasang ma-starstruck sa binata lalo na't parang ito na rin si Renz. Pero, ayaw niya naman maging unfair dito, dahil anuman ang pagkakatulad ng itsura ng dalawa ay sigurado siyang malaki pa rin ang pagkakaiba.
"O, hijo, kain lang nang mabuti, hah? Feel at home," masayang wika ni Aleng Eden na kaniyang ina. Inihain nito sa may center table ang tinimplang orange juice at cheese bread na binili pa sa bakery.
Nakita niyang napatango naman si Ronnie bago pa man magpasyang bumalik sa kusina ang kaniyang ina, na kahit pagod na sa maghapong paglalabada ay nagagawa pa ring ngumiti.
"Ahm, napakaswerte ko naman at ipinaghanda pa ako ng meryenda ng mama mo." Napalingon siya sa winika ni Ronnie sa kaniya habang pareho silang nakaupo sa may sofa.
"Ah.. ganiyan talaga si mama sa tuwing may bisita sa bahay, maasikaso. Ahm, siya nga pala, nakarating sa akin 'yung ginawa mong video na ang nilalaman ay ako, sa totoo lang, na-appreciate ko 'yon," nakangiti niyang sabi at matamis na pagngiti naman ang ibinigay nito sa kaniya.
"Ahm, mabuti naman at nagustuhan mo. Sa totoo lang ay hindi na talaga ako tinigilan ng aking paghanga sa'yo simula no'ng araw na una kitang nakita, e."
Tila hindi siya makapaniwala sa binitiwang salita nito. How could a strange man would feel an attraction to her for the very first time?
Segundo ang lumipas at sa pananatiling pagtikom ng kaniyang bibig ay doon lamang niya nagawang magsalita, "Ah.. pero, aware ka ba na may kamukha kang artista?"
Nakita niya ang sandaling pagkunot ng noo nito. "Si Renz Joaquin ba? Hm, sa totoo lang, kahit sino ang makakita sa akin ay sinasabing kamukhang-kamukha ko siya. Pero, kung ako lang, hah? Ayokong isipin na compliment 'yon, kasi.. paano kung dumating ang araw na dumami lang ang mga followers ko dahil sa kamukha ko ang artistang 'yon?" Bahagya pa itong natawa. "Hindi ba't ang unfair no'n sa part ko?" Hindi siya nakapagsalita. Hanggang sa narinig niya na naman ang tinig nito. "Anyway, sabayan mo na lang akong kumain, sayang naman kung hindi natin 'to kakainin." Agad siyang natulala sa paglantak ni Ronnie sa cheese bread at ang reaksyon pa ng mukha nito ay tila sarap na sarap.
"O, hinay-hinay lang, baka mabulunan."
"Ah, hindi ko nga pala nasabi, favorite ko 'tong tinapay na 'to, e. At saka, napagod din ako sa biyahe." Hindi niya alam kung maiilang ba siya o magiging komportable sa pagiging open ni Ronnie sa kaniya, kahit na first time lang naman nilang nagkasama. And it was good to feel that her heart is genuinely happy right now.
Ilang segundo pa ang lumipas at nakita niya na rin ang sarili na sumasabay sa trip ni Ronnie. At sa totoo lang ay ngayon niya lang naramdaman ang ganitong komportableng pakiramdam. Pakiramdam niya'y nagbukas na naman ang kaniyang pinto para sa isang pagkakaibigan.
Ilang sandali pa ay hindi niya inaasahang makatatanggap ng mensahe mula kay Kiara, dahilan para sandaling mawala ang atensyon niya sa kaganapan. At nang basahin niya ang mensahe nito ay ito ang bumungad sa kaniya, "Ellie! Is that true na kasama mo ngayon ang vlogger na kamukha ni Renz Joaquin?"
Sandaling napakunot ang noo niya at nang balikan niya ng tingin si Ronnie ay kapansin-pansin ang pagtataka sa tingin nito. Subalit segundo rin ang lumipas bago siya nagpasyang magsalita. "Teka, paano nalaman ng kaibigan ko na kasama kita?" Wala siyang narinig na kasagutan mula kay Ronnie, kaya naman nang buksan niya ang kaniyang account sa social media ay bumungad sa kaniya ang mga post mula sa kanilang mga kapitbahay na masayang ibinahagi na magkasama sila ni Ronnie. Nakita niya rin kung gaano ito binigyang atensyon ng ilang netizen at ang iba pa'y umaasang magkakaroon ng loveteam sa pagitan nilang dalawa ni Ronnie. Taka siyang napalingon kay Ronnie gayong pagtataka pa rin ang namayani sa tingin nito. At doo'y dahan-dahan niyang ipinakita rito ang balitang kaniyang nalaman.
Ilang segundo rin na nakatitig doon si Ronnie bago nito nagawang magsalita, "Ano ka ba, ganiyan talaga ang mga tao, normal lang na isipin nila na may something sa atin. Pero hindi ba dapat ay maging masaya ka?"
Kunot noo siyang tumingin dito. "So, ang ibig mong sabihin ay dapat ikasaya ko pa ang issue na inaakalang totoo ng mga tao?"
Nakita niya ang pag-iling ni Ronnie. "Alam mo, Ellie, sa online world, maraming lumalabas na fake news, kaya nasa sa'yo na 'yan kung paniniwalaan mo ba o hindi-- ang ibig ko lang naman sabihin, dapat ay maging masaya ka na nagkakaroon ng interes sa'yo ang ibang tao sa kabila ng mga problema. At isa pa ay dapat masanay ka na sa mga comments ng mga taong nakapaligid sa'yo. Kasi ibig sabihin lang no'n ay interesado sila sa'yo at sumisikat ka na. Hindi ba't iyon din naman ang pangarap mo?"
"Oo naman, Ronnie, isa pa, gusto ko rin talagang makapagtrabaho sa showbiz."
Nakita niya ang malaking pagngiti ni Ronnie. "That's my point. Kaya dapat ay maging open minded ka sa anumang issue na ibinabato ng mga netizen, kasi wala pa 'yan sa realidad na mararanasan mo sa mundo ng showbiz." Bahagya siyang napatango bilang pagsang-ayon sa sinabing iyon ni Ronnie. At ewan ba niya kung bakit sa paraang 'yon ay naging panatag na ang kaniyang pakiramdam. "Isipin mo na lang, ako, ordinaryong tao lang na nabigyan ng chance na makapagbahagi ng videos para sa mga tao, which is comfort zone ko naman. Alam mo, Ellie, naisip ko lang na, baka p'wede tayong mag-collab sa vlog ko? Tutal naman ay pareho tayo ng goal sa life, 'di ba? Hindi ba't magandang isipin na habang sabay tayong sumisikat ay kumikita rin tayo pareho?"
Napaisip siya sandali at naisip niya na magandang ideya nga iyon kasabay ng kaniyang pagiging beauty queen at pag-attend ng acting workshop. At ang isa pang ikina-e-excite niya ay hindi malabong makatrabaho niya si Renz Joaquin in the future kapag nagtulungan sila ni Ronnie sa kanilang karera.
"Alam mo, tama ka. Sa totoo lang, hindi lang saya ang naibigay mo sa akin nang gawin mo akong topic sa vlog mo, kundi binigyan mo pa ako ng mas malaking pag-asa para sa pangarap ko," masayang sabi niya na ikinangiti naman ni Ronnie.
"At sa totoo lang din ay isa kang malaking inspirasyon sa akin, Ellie." Tila nabingi siya sa sinabing iyon ni Ronnie at parang tumigil ang kaniyang kamuwangan sa paligid.
Segundo rin ang lumipas bago pa siya nagdesisyong magsalita, "Ah.. mabuti pa at ubusin na natin itong meryenda." Nakita niya naman na agad na ngumiti si Ronnie, bilang panakip sa bahagyang pagkailang nito.
Pasado alas singko na ng hapon nang magpasyang umuwi si Ronnie. Nagpaalam naman siya sa ina na sasamahan niyang makalabas si Ronnie at pumayag naman ito. Kapansin-pansin naman ang tinginan ng kanilang kapitbahay na hindi maitatago ang kilig, na para sa kaniya'y dapat masanay na lang sa kung anumang gustong isipin ng mga tao.
Sa halos dalawang oras na sila'y nagkasama ay masasabi niyang worth it ang makasama si Ronnie bilang isang bagong kaibigan. At aaminin niyang gusto na niyang masanay sa presensya nito kaya naman napagdesisyunan niyang subukan itong kausapin muli.
"Saan ka pala niyan uuwi?"
"Ah, didiretso na muna ako sa bahay ng mama ko sa Pasig, at baka doon na lang din muna ako magpalipas ng gabi."
Dahan-dahan naman siyang napatango habang sinusuyod nila ang daan palabas. "Ah, edi nakabukod ka pala sa parents mo?"
Bigla na lamang napakamot si Ronnie nang hindi makati. "Ahm, oo, e. Simula nang mag-aral ako sa kolehiyo habang nagtatrabaho ay nagawa ko nang mag-rent ng apartment para less hassle na rin sa biyahe dahil mas malapit iyon sa distance ng school. Saka mas okay na rin 'to sa trabaho ko, palaging tahimik lalo na kapag bubuo ako ng videos. Mahirap pero kinakaya. Kaya hanggang ngayon, tiis-tiis pa rin habang hindi pa nakaka-graduate."
"Ganoon ba? E, napakasipag mo naman pala. Pero parang same case lang tayo, hah? Kasi ako naman, nasanay na rin akong rumaket para lang may pandagdag bayad sa tuition fee. Pero parang mas naging mahirap hati-hatiin ang oras gayong sumabay ang acting workshop ko sa RTV. At good thing na rin kahit papaano kasi, sa pag-graduate ko, kung sakaling ma-absorb ako sa acting workshop, edi hindi ako mahihirapan na maghanap ng trabaho, 'di ba?"
Nakita niya ang magandang ngiti ni Ronnie. "Kaya hanga ako sa'yo, e."
"O, teka lang, 'wag mong sabihing, nag-background check ka na sa akin?"
Tipid na natawa si Ronnie at doo'y nasorpresa siya sa isinagot nito. "Siyempre naman, given na 'yon kapag napusuan mo ang isang taong maging content ng vlog mo. Isa pa, malaki ang tiwala ko na magiging matagumpay ang collaboration natin." A smile curved on her face.
"Ikaw talaga. Hindi mo alam kung ilang beses mo na akong napangiti simula nang magkasama tayo kanina."
"Well, iyan naman talaga ang purpose ko, e. Ang mapasaya ka." Bahagya pa silang nagkatitigan bago siya lumihis ng tingin.
"O, sige na, baka gabihin ka pa sa biyahe. Basta, kumustahan na lang, hah?"
"Ayos lang, pero salamat sa time, Ellie. So, masasabi ko na bang friends na tayo?"
Bahagya siyang natawa. "Hindi pa ba kaibigan ang dating natin? Pero sige, para lang malinawan ka, simula ngayon.. ay friends na tayo!" masayang sabi niya. Nakipag-high five pa siya kay Ronnie at kapansin-pansin naman ang masayang reaksyon ng mukha nito. Segundo rin ang lumipas bago pa ito tuluyang umalis. Subalit napatango at napangiti pa ito bago nagawang tumalikod sa kaniya. At ewan ba niya pero parang kay gaan lang sa pakiramdam na nakilala niya ang isang Ronnie Juanson.
Napangiti naman siya sa isiping iyon at sandaling binalikan sa isipan ang mga kaganapan sa social media. Naisip niya tuloy na kahit marami man siyang tagahanga at tagasuporta mula sa online world, iba pa rin ang kaniyang personal life-- iba pa rin ang personal na buhay ni Ellie Hermosa, dahil at the end of the day, isa pa rin siyang ordinaryong tao na mayroong mataas na pangarap.
Pagkabalik niya sa kanilang bahay ay saka niya lamang nagawang reply-an si Kiara.
"Kia, kung ano mang iniisip mo, wala kami sa level ng relationship na sinasabi ng mga tao. Magkaibigan lang kami."
Para sa kaniya ay mas mabuti pang linawin niya na sa kaibigan kung ano bang nag-uugnay sa kanila ngayon ni Ronnie Juanson. At para matigil na rin ang isiping maaaring lumampas sa friendship ang kanilang relasyon na inaakala ng iba.
Okay na sana ang iniisip niya subalit bahagya siyang natulala sa screen nang makitang bumungad ang pangalan ni Ronnie rito. She cleared her throat before going to speak. "O, Ronnie. Ahm, nakasakay ka na ba?"
"Oo, ahm, pasensya ka na kung napasamâ pa yata ang pagpunta ko sa inyo, nabuhay pa tuloy ang issue about sa atin."
"Okay lang, ikaw din naman ang nagsabi na dapat masanay ako, 'di ba? Wala, e, gano'n talaga ang mindset ng mga tao."
"Tama ka. Pero ayoko naman lumipas ang araw na 'to na manatiling paniwalaan ng mga tao ang fake issue about sa atin." Bahagyang napakunot ang noo niya.
"Anong binabalak mong gawin?"
"We need to break the silence. Sakyan natin kung ano ang iniisip nila."
Doon siya napaayos mula sa pagkakaupo. "So, binabalak mong totohanin ang iniisip ng mga tao about sa atin, ganoon ba?"
"Bakit hindi? Kung dito rin naman tayo kikita nang malaki, 'di ba? The more na napapaniwala natin ang mga fans na mayroong special relationship between you and me, lalo na't magkakasama tayo sa magiging bawat vlog natin, the more na mas maraming manunuod ng videos natin at p'wede pa itong kumalat sa buong mundo." Sandali siyang natahimik habang iniisip kung kakagatin ba niya ang kagustuhan ni Ronnie. Dahil may punto nga naman ito at kung sasakyan nila kung ano ang paniniwala ng mga tao ay baka ito pa ang maging way ng success nilang dalawa.
Pero papayag nga ba siya sa kagustuhan nito? At makakaya ba ng konsensya niyang lokohin nila ang mga tao dahil lang sa ito ang paniniwala ng mga ito?