"Alizza,huwag ka takbo ng takbo anak baka madapa ka pa!
Habol-habol ni Lina ang kinder garten na anak.Ganito ang pinagkaabalahan niya mula lunes hanggang byernes.Pagkahatid sa bata ay dederetso na s'ya sa ipinatayo niyang restaurant malapit sa pampublikong paaralan.Mula kasi ng bumalik siya sa kanilang lugar ay hindi na siya nagtangka pang maghanap ng trabaho dahil inaalagaan nalang niya ang anak.
"Ay naku,kapal ng mukha ng babaeng iyan noh!Biglang nagpatayo ng restaurant dito,hindi man lang iniisip ang negosyo natin,wala na masyadong kumakain sa karinderya natin at sa restaurant nalang niya pumupunta ang mga titser at ibang estudyante dito!
Iyon ang naririnig niya habang dumadaan s'ya,deadma lang dahil sa tatlong taon niya na sa negosyo ay hindi siya nahihirapang itaguyod ang anak at ina niya na siyang katuwang niya sa pagpapalaki sa bata.At isa naman niyang kapatid na bunso ay siyang tumutulong din sa restaurant, kapag wala itong pasok sa paaralan.
Naalala pa niya ang araw na pagdating nila ni Alizza sa lugar kung saan siya lumaki.Walang tigil ang putak ng putak ng ina dahil disgrasyada daw siya at iniwan nalang basta ng ama ni Alizza.Kaya walang nagawa si Lina at ikwento nalang ang katotohanan sa ina.Pero ang kapatid niyang si Leandro ang alam ay pamangkin niya ang bata.High School pa lang si Leandro sa edad na trece.Namatay ang kanilang ama noong first year college pa lang si Lina sa kursong HRM.Hindi na s'ya nakatapos dahil wala namang trabaho ang ina at kapapanganak palang noon kay Leandro mabuti na nga lang at nakapag first year college s'ya,kaya lumuwas na lamang ng Manila para maghanap ng mapapasukan kahit katulong lamang.Hindi naman nagtagal at natulungan siya ng pinsan na maipasok sa mansyon ng mga Fortalejo dahil buntis daw ang ginang na asawa ng isang business tycon sa Manila.At doon nag-umpisang magtrabaho at nakilala ang mga Fortalejo.Hindi naman niya inakala na ganun ang mangyari sa pamilyang iyon,sa loob ng dalawang taon at kalahati sa mga Fortalejo ay wala siyang masabi sa mag-asawa.Napakabait ng mga ito at napakamatulungin ngunit isang gabi nagulat nalang sila ng biglang may narinig silang putok ng baril at nakitang nakahandusay ang guard na bantay sa gate kaya agad silang tumakbo papunta sa kwarto kung saan nandoon ang among lalaki.Kasalukuyang ginagamot kasi ang amo dahil nadisgrasya ito gamit ang kotseng minamaneho.Palaisipan sa kanila ang nangyari dahil paano nawalan ng preno ang sasakyan na kakabili lamang?Kahit ang mayordoma ng mansyon ay nag-alala noon sa mga nangyari sa mag-asawa dahil sunod-sunod ang aksidente.Una si maam Irish na muntikan ng nabundol,sunod si sir na naging 50/50 dahil nawalan daw ng preno ang sasakyan at ang huli ng pasukin ang mansyon ng mga taong hindi kilala dahil naka bonnet ang mga ito.
"Oh,anak kanina ka pa tahimik diyan!Naalala mo nanaman ang nakaraan?
"Opo inay,kumusta na kaya sila?
"Anak,sana nakaligtas sila ng gabing iyon.Mabubuti silang mga tao!
"Kung nakaligtas sila inay,dapat pinuntahan na nila si Alizza dito.Pero tatlong taon na eh,wala man lang balita kahit sa radyo ang nangyari ng gabing iyon?
"Hindi ba nga na mayayaman ang pamilyang iyon?Baka binayaran nalang ang medya!
"Siguro nga inay,sana lang nakaligtas sila.
Tahimik na nagliligpit na sila Lina dahil magsasara na ang restaurant nila.Alas singko ng umaga hanggang alas otso ng gabi lang sila open.Habang pauwi ng bahay ay hindi siya mapakali kaya nagmamadaling nagdrive ito gamit ang kanyang e-bike na pwede may sakay na dalawa sa likod.
Pagkapasok sa gate ay narinig niyang malakas na iyak ni Alizza.Kaya naiwan ang nanay niyang napailing na lamang at bitbit ang bag na dala ng anak.
"A-anong nangyari sa anak ko Leandro?Tanong agad nito sa kapatid."Ewan ate,nagulat nga ako biglang umiyak eh,iniwan ko lang s'ya dito sa baba nanonood ng tv.Kakalabas ko nga lang ng kwarto at kababa ko lang para sana tanungin siya bakit siya umiiyak!
Sabay kamot sa ulo ng 13 years old na kapatid.
"Anak anong nangyari bakit ka sumigaw at umiiyak d'yan?
"K-kasi po nakakainis..
"Anong nakakainis?..Sabay turo nito sa tv na pinapanood.."S-si Song hye Kyo kasi at Song Jong Ki nagkahiwalay..wala talagang forever haist...Ang sweet sweet nila sa DOTS eh.Nagpapakasal pa kasi!
Tawa naman ng tawa ang nanay niya na kakapasok lang sa sala kung saan silang mag-ina.Pati si Leandro ay hindi na din mapigilan ang pagtawa..
"Anak naman,akala ko napaano kana!Dinig na dinig ka hanggang labas eh!Mag si six ka lang ba talaga?
" Mommy ang O.A mo,sikat kaya iyang mag ex na ngayon!Idol ko nga iyang si Noona SHk eh..
"Adik ka na din sa k-drama mana kana sa lola mo!
"Apo maganda di ba?
"Opo lola,saka nakakainlove!
Sabay pa cute pa nito sa lola..Wala nang nagawa si Lina kundi ngumiti nalang sa anak.Tanging libangan na kasi ng ina ang panonood ng k-drama lalo na pag si Lee min ho ang bidang lalaki at si Song hye Kyo ang babae..
"Dyan na po muna kayo inay,ako na ang maghahain ng hapunan natin!Kayong maglola talaga!
Tumawa nalang ang maglola na talagang magkasundo sa gustong panoorin.Habang naghahain ng pagkain nilang dala galing sa restaurant ay panay sulyap niya sa anak-anakan.Napalapit na din sa ina ang bata at habang lumalaki ay naging kamukha ito ng ina na si maam Irish niya.
"Kakain na po at makatulog ng maaga!
Tawag nito sa dalawa na panay parin ang panonood ng k-drama.Maganda kasi panoorin sa tv kasi malaki ito,nakabili kasi siya ng smart tv at naka netflex pa sila.Tanging ina,kapatid at si Alizza nalang ang napagkuhanan niya ng lakas.Ito na lamang ang pamilya niya na siyang kinakapitan niya at wala na sa isip niya ang pag-aasawa.Ituon nalang niya ang atensyon kay Alizza.
Lumipas pa ang ilang taon ay magdedebut na si Alizza at nasa second year college na din ito sa kursong General Education para makapagturo sa lahat ng level.Mabuti na lamang ay hindi ito nagtatanong kung bakit magkaiba ang apelyido nilang dalawa dahil Fortalejo parin ito at Magtalas siya.Mabuti nalang at middle initial nito ay Montejar kaya ang full name nito ay Alizza Janine Montejar Fortalejo.Alizza Janine M.Fortalejo..Naikwento naman niya sa titser dito ang totoo bakit hindi niya kaapelyedo ang anak.Pero hindi ang totoong pagkatao ng dalagita syempre,sabi lang niya na anak ng tita niya at pinaampon sa kanya.
"Mama,huwag na po bongga ang kaya lang po sa budget natin.
Sabi nito ng pinag-usapan na nila ang gaganaping debu nito.
"Hindi,ang gusto ko bigyan ka ng bonggang debu dahil minsan lang ito sa tanang buhay nating mga babae!
"Bahala ka mama ha,basta may pang enroll pa ako next semester!
"Ikaw talagang bata ka,syempre mayron pa.Nakabudget na talaga ang gastos sa pag-aaral mo ano!
Natawa nalang ulit ang pamilya dahil sa kanya..Ngunit nagulat sila ng biglang may tumatawag sa kanila sa labas ng gate at mukhang nagmamadali ito.Agad namang tumakbo sa bintana ang binata na si Leandro upang silipin kung sino ang tumatawag..
"Lena,aling Lucy nandyan ba kayo?
Kaya lumabas agad ang mag-ina upang harapin ito..
"Mang Julio bakit po?
"A-ang restaurant ninyo,nasusunog!
"Po?P-paanong nangyaring nasusunog?
Agad namang tumakbo si Alizza papunta sa restaurant nila at si Aling Lucy naman ay naninikip ang dibdib.Kaya imbes na sa restaurant ang punta nila ay tinakbo ni Lina ang ina sa hospital.
"Leandro ang pamangkin mo,puntahan mo!ako na ang bahala kay inay!
"Ako na ang magdrive ng e-bike mo Lina,sa likod ka nalang at hawakan mo si Aling Lucy!
"Salamat mang Julio.Maraming salamat.
Agad namang sumakay ang mag-ina sa likod at nakita pa ni Lina si Leandro na tumatakbo.
"Inay ko please,lumaban kayo.Huwag po ngayon please!
Samantala umiyak na lamang si Alizza na nakitang wala na ang restaurant nila.15 years na dito sila kumukuha ng pantustos ng pamilya.
"Bakit kasi ang tagal ng mga bomberong iyan,para din silang nasa pelikula ah! huli lagi dumarating nauunahan pa ng bida!
"Alizza tama na iyan,wala na tayong magawa!
"Mayro'n tito!Alam kung sinadya ang pagsunog nito!
"Wala naman tayong alam kung sino ang may gawa nito.Kaya tayo na,insured naman daw ito sabi ni ate..
"So ganun nalang?Tito hindi pa ako tapos mag - aral oh!may dalawang taon pa ako at magmamasteral pa ako!
"Masteral?Hindi ba teacher lang ang inaaral mo?
"Mayron ding masterl iyan tito,hindi mo alam?
"Tara na nga dahil ang lola mo nasa hospital dinala na ni ate doon..
"Ha?Bakit napaano ang lola?
"Halika na kasi,sundan na natin sila sa hospital..
"Hoy,kayo!kung sino man sainyo ang may gawa nito!magtago na kayo at kakalbuhin ko kayo!
Sigaw pa nito sa kawalan,bago sumunod sa tito niya..
"Kumusta ang ipinagawa ko sayo Luisito?
"Ok na mr.Fortalejo nagawa ko na ho.At wala ng hanapbuhay ngayon ang yaya na nag-alaga sa pamangkin ninyo.
"Mabuti kung ganun,para madali nating makuha ang tagapagmana ni kuya.Mabuti at nahanap din natin s'ya.
"Sasama kaya iyon mr.Fortalejo eh,ang alam niya ang yaya niya ang ina n'ya!
"E di,sabihin natin ang totoo na pagsisinungaling!
"Totoong pagsisinungaling?
"Oo,sabihin natin na tayo ang totoong kamag-anak niya at si Lina ay yaya n'ya lang na ninakaw siya sa atin!Mabuti at nahanap natin s'ya.Magagalit iyon sa ina-inahan niya at sasama na sa atin iyon.Tama ba?
Tumango na lamang ang alalay ni Bon Fortalejo na kababatang kapatid ni Bernard Fortalejo.