"L-Luna! T-Tulungan mo ako!" tila nahihirapang sigaw nito.
Iminulat ko ang mga mata ko at tanging madilim na paligid lamang ang aking nakikita.
"S-Sino ka?" pabalik kong tugon habang iniikot ko pa rin ang paningin sa paligid.
"L-Luna! Tulungan mo ako!" may halo ng pag hikbi ang boses na aking naririnig. Nagmama-kaawa.
Y-Yas.
"Yas! Yas! Nasaan ka?" sigaw ko ng makilala ko ang boses nito.
Tumakbo ako ng tumakbo upang hanapin ang boses nito nang dalhin ako ng mga paa ko sa tapat ng isang tao na naliligo sa sarili niyang dugo.
Napatakip ako ng bibig ko at hindi ko mai-galaw ang mga paa ko dahil sa nakita ko.
"Y-Yas," naginginig kong tugon habang nakatingin pa rin sa kanya.
"Luna. Tulungan mo ako. Tulungan mo ako Luna," nagmamakaawa niyang tugon at pilit na inaabot ang kamay niya sa akin.
Nanginginig ang aking kalamnan at nagsimula nang bumuhos ang luha ko sa aking mga mata.
"Umalis na tayo dito!" rinig kong sigaw ng isang babae. Pamilyar ang boses niya.
"Hindi! Hindi pwede!" nanggagalaiti na sigaw ng isang babae at nakipagtalo pa sa isang babae.
S-Sino sila?
Nawala na ang mga ingay na nanggagaling sa rooftop kaya napabaling ulit ang tingin ko sa duguang katawan ni Yasmeen.
Ini-hakbang ko ang mga paa ko upang hawakan ang katawan ni Yas pero bigla na lang akong hindi makagalaw at nandilim ang paningin ko.
"YAS!" habol ang hiningang sigaw ko.
Tagaktak ang pawis at nanginginig ang aking buong katawan dahil sa galit at takot.
Iginala ko ang paningin ko at napagtantong nasa loob pa rin ako ng kwarto ko.
Napa-tingin naman ako sa mesa kung saan nakapatong ang alarm clock ko.
5:10. Umaga na pala.
'Panaginip lang. Panaginip lang pala. Pero... Pero bakit parang pakiramdam ki ay totoong-totoo?'
Napahilamos na lamang ako sa aking mukha at nahawakan ko ang aking basang pisngi.
Hindi ko namalayan na nagsimula na naman tumulo ang mga luha ko sa pisngi ko kaya at napahagulgol na lamang ako nang sumagi sa isip ko ang napanaginipan kong katawan ni Yas at ang nagmamaka-awang tawag boses nito.
Ang sa-sama ng ginawa nila, mga silang puso! Hindi man lang nila tinulungan ang kapatid ko.
"AHH!" Inis na sigaw mo habang nilalamukos nang mahigpit ang kumot ko. Hindi ko alam, hindi ko na maintindihan ang sarili ko para na akong sasabog dahil sa halo-halong emosyon na nararamdaman ko.
Narinig ko naman ang mabibilis na yabag patungo sa kwarto ko.
"Pa-Pamangkin! Anong nangyayari? Ma-May masakit ba?" katok ni Tita sa labas ng pinto.
Ngunit hindi naman nag-tagal ay nabuksan niya ito dahil hindi naman ako nagla-lock ng aking pinto. Nag-lakad siya papunta sa akin at nag-aalalang tinabihan ako sa kama.
"Pamangkin. Bakit ka umiiyak?"
Tiningnan ko lamang siya at sa mga sandaling iyon ay bigla na naman akong napahikbi.
Niyakap niya ako at hinaplos-haplos ang likod ko. Iyak lang ako nang iyak habang nakasandal sa balikat niya.
Hinintay niya lamang na tumahan ako at hinayaan na sumandal sa braso niya habang masuyong hinaplos ang buhok ko at likod
Tumigil na ako sa pag-iyak at lumayo na ako sa pagkaka-yakap niya pagka-tapos ay pinahid ang mga luha na tumulo sa magkabilang pisngi ko.
"Hindi ka ba papasok ngayon?" tiningnan niya ako ng may pag-aalala at hinaplos ang aking mukha. Napatango na lamang ako sa kanya bilang tugon sa tanong nito at ngumiti.
Tumayo na ako at kinuha ang tuwalya ko. Isinabit ko ito sa aking balikat at niyakap si Tita.
"Maliligo na ho ako Tita," gasgas na boses na tugon ko rito dulot nang pag-iyak ko kanina.
Tumango naman ito at tumayo na.
"Hindi na muna pala kita mahahatid at masusundo mamaya ah baka kasi malate akong umuwi dahil may meeting kami," malungkot na saad ni Tita pero tumango lamang ako at nginitian ulit siya.
Pumasok na ako ng banyo at isinampay ang tuwalya pagkatpos ay humarap ako sa salamin at tinitigan ang sarili ko.
Mapupula at namumugtong mata, naoulang ilong at namumutlang mga pisngi ang bumungad sa akin.
Binuksan ko ang shower at hinayaan ang sarili ko na mabasa. Kung sana pwedeng tangayin na lang ng tubig itong sakit at galit na nararamdaman ko, pero napaka-imposible.
Marahan akong napa-suntok sa pader at kasabay nang pag-agos ng tubig sa mukha ko ay ang mga luha na sumasabay sa pag-ragasa nito.
Matapos kong maligo ay lumabas na ako at nag-ayos. Isinukbit ko na ang bag ko sa mga balikat ko at tinungo na ang pinto ng kwarto ko.
Pagkalabas ko ay dumiretso na ako sa hagdan at bumaba. Nakita ko si Tita na kumakain kaya nagpaalam na ako.
"Tita. Alis na ho ako," paalam ko sa kanya pero kunot noo naman itong humarap sa akin.
"Pamangkin. Kumain ka muna." malumanay na saad nito pero may halong pag-aalala ang tono ng boses nito.
"Sa school na lang po, Tita." Pilit na ngiting saad ko.
"Sigurado ka? Kumain ka ah?" Tanong niya pero tumango naman ako at nginitian niya ako kaya tumalikod na ako.
Malapit lang ang paaralan dito sa subdivision namin kaya ginamit ko na lamang ang aking bisikleta papunta sa West University. May ilan-ilan na rin akong studyante na nakikitang naglalakad papasok ng gate. Nang makarating ako ay ipinark ko na ang aking bisikleta pagkatapos ay ni-lock ito at nagsimulang maglakad papuntang building namin.
Tatalikod na sana ako nang bigla na lamang may humarurot na motor sa harapan ko.
Nilagpasan ko ito at nagpatuloy na akong naglakad papasok ng building pero nakarinig ako ng pag-busina nang napaka-lakas kaya tinapunan ko ito nang masamang tingin.
Tinaas nito ang shield sa helmet nito at hindi na ako nagulat sa aking nakita.
"Pasikat!" malamig kong turan at nakita ko ang panlalaki nang mga mata niya.
Muli niya itong pinaharurot at i-pinark sa gilid katabi ng bisiketa ko at mabilis na umibis pagkatapos ay mabibilis na hakbang ang ginawa nito para maabutan ako.
"Anong sabi mo?" pagharang nito sa daraanan ko at nakita ko ang pagkadismaya sa mga mata niya.
"Bingi ka ba?" mataray kong tugon sa tanong niya.
"Aba't! Hoy! 'Wag ka ngang mag-inarte. Hindi bagay sa'yo," nangigigil na saad nito habang dinuduro ako.
"Huwag ka ring mag pasikat. Hindi bagay," saad ko at tumalikod na.
'Kailangan kong iwasan ang taong 'to. Dahil kung hindi makikilala niya ako at masisira ang plano ko.'
Malalaking hakbang ulit ang ginawa niya niya para magpati-una sa akin sa paglalakad. Napa-iling na lamang ako dahil sa pagpapama-immature nito.
Nasa pinto na ako nang makita ko si Hara na nakatingin kay North na naka-upo na sa upuan nito at nakatingin sa akin nang MASAMA.
'Pft! Naapakan ko ata ang ego niya.'
Ibinaling ko naman ang tingin kay Hara at napa-irap na lamang ako sa hangin dahil sa mga tingin na ipinupukol nito kay Hilaga.
'Bagay sila. Parehong pasikat.'
Lumapit na ako sa upuan namin at bigla namang nag-iba ang porma ng pag-upo niya.
Itinukod niya ang isang braso niya sa table niya at isinandal ang ulo niya dito habang nakatingin pa rin sa akin nang masama.
Nag-akto naman itong humihikab at pumikit. Lumapit ako sa kanya at tinulak ang ulo niya dahilan para mapamulat siya. Ipinukol niya sa akin ang mga tingin niya na animo'y sasakalin ako dahil sa galit.
Ramdam kong nakatingin sa amin si Hara kaya kumalma ako at nginitian si North.