Bumalik na kami ni Stryker sa room at hindi pa rin mapagkit sa mukha niya ang ngiti.
Masyado ata siyang masaya.
Pagpasok namin sa loob at dumiretso na sa upuan ko. Hindi naman nakaharang si North sa daraanan ko kaya hindi ko na siya kailangan pang sabihan.
Hindi man lang ako nagka interes sa pakikinig sa lesson dahil lumulutang ang isip ko.
Nagising ang diwa ko ng marinig ko ang bell.
Uwian na pala.
Iniligpit ko na ang mga gamit ko at nilagay ito sa aking bag.
Dumaan na ako sa harap ni North ng walang kahirap-hirap dahil siya na mismo ang nag bigay ng daan sa akin.
"Miley!" sigaw ni Stryker at lumapit sa akin. Inakbayan niya ako pero inalis ko naman agad ito dahil sa mga mapanghinalang mata na nakatingin sa amin.
"O-Oh, bakit?" tanong ko sakanya at isinukbit na ang bag sa balikat ko.
"Nakuha mo ba 'yung assignment natin?" tanong niya pero napakunot-noo na lamang ako at umiling-iling.
Ginulo niya lamang ang buhok ko at binigay sa akin ang notebook niya.
"Ano ito?" tanong ko.
"Nandiyan 'yung assignment," nakangiti niyang saad at abot na hanggang tainga.
Always naman siyang nakangiti eh. Mas maraming beses ata siyang nakangiti kesa sa ibang ekspresyon.
"S-Salamat," nakangiti kong turan kaya naman napatango lang siya.
"Eww! Bakit ka naman lumalapit ka diyan sa pangit na 'yan, Stryker? Magiging partner ba kayo sa vlog niyo? Chubby bunny? Hahaha!" panunuyaw na wika ni Kaye.
"Chubby bunny! Maawa ka naman kay Miley. Pangit na nga baka mas pumangit pa. 'Tsaka baka mabawasan ang subcribers or viewers mo niyan," panggagatong naman ni Shannia sa sinabi ni Kaye.
"May sasabihin pa ba kayo? Just mind your own business ladies. I really don't need your opinion to whom i'm going to be friend with. I'd rather be friend with Miley than to any of your group," seryosong wika ni Stryker.
Kinuha niya ang kamay ko at hinila na paalis sa silid na iyon.
"S-Stryker. Sorry nga pala. Nadamay ka pa sa issue ko kina Kaye at Shannia. Okay lang kung ayaw mo na akong kaibigan, maiintindihan naman kita," mahinahong wika ko.
Napahinto naman sa paghila sa akin si Stryker at hinarap ako.
"I won't. Why would I unfriend you? We've just started being friends. Don't mind them. I really don't like them since that incident happened a year ago. Tsk!" inis na wika niya.
Binitiwan ko ang mga kamay niyang nakahawak sa akin at nagtatakang tingin ang ipinukol ko sa kanya.
"What do you mean? T-That incident happened? A-Are you there?" nauutal kong wika at tiningnan niya naman ako ng may pagka-bigla.
Ngumiti naman siya at umiling-iling. "Wala 'yun. Halika na," tinalikuran niya naman ako at naiwan akong nakatayo at nakatulala.
Maybe he knows something about that incident. Bakit ayaw niyang sabihin?
Hinabol ko siya at hinarangan.
"Ano bang nangyari noon, Stryker? Pwede mo bang sabihin sa akin kung anong nalalaman mo?" pangungulit ko kay Stryker ngunit napakamot lang siya sa batok at tila may pagdadalawang isip niya akong tiningnan.
Umiling lang siya, "Hindi muna ngayon, Miley. Sige na aalis na ako. Mauuna na ako sa 'yo," wika niya at iniwanan na ako.
Dumiretso muna ako sa library para hanapin ang libro na related sa binigay na assignments sa amin.
Pagkalabas ko ay madilim na sa labas at nakita ko si North na kalalabas lang sa office ni Ma'am Alexis.
Ipinag-sawalang bahala ko na lamang ito at pumunta na ako sa lugar kung saan ko pinark ang aking bisikleta.
Nahagip ng tingin ko si Hara at sinundan ko ito. Nakita ko siyang nag-iisa sa parking lot at may kausap siya sa cellphone.
Tiningnan ko lang siya ng ilang segundo ng may naisip akong gawin.
Mabilis akong bumalik sa building at dumiretso sa cr. Isinuot ko ang damit kong itim pati na rin ang pantalon na itim.
Naghilamos ako ng aking mukha at inalis ang makakapal kong kilay at mga black dots sa mukha ko pati na rin ang salamin ko.
Hindi niya naman siguro ako makikilala nito.
Itinali ko ang buhok ko at tinakpan ng isang itim na tela ang aking mukha.
Lumingon muna ako sa magkabilang gilid ng pasilyo at ng makitang wala ng tao ay lumabas na ako at tumungo sa parking lot.
Nakatalikod siya sa akin at nilalagay niya na ang kanyang cellphone sa bag.
Hinawakan ko ang kamay niya at iniikot ito patalikod.
Nakatalikod na siya sa akin at itinulak ko siya sa isang kotse malapit sa kanya.
"S-Sino ka? Ba-Bakit mo ginagawa ito?" nanginginig ang boses na untag niya.
"Did you kill my sister?" inis na untag ko sa kanya.
"Ahhh! W-What the heck are you talking about!?" tugon niya at napasigaw sa sakit ng mas lalo kong hinigpitan ang pagkaka-hawak sa mga braso niya.
"Yasmeen Mortelle! Did you kill her?" galit kong sigaw sa kanya at naramdaman ko ang pagtigil niya sa pagpalag.
Is it true?
"Hey! Who are you?" sigaw ng isang baritonong boses.
Nakita ko ito na papalapit sa amin at ng tumapat sa liwanag ang mukha niya ay nakilala ko ito.
North! Why is he here?
"You will suffer for what you did to my sister," huling bulong ko sa kanya at mabilis na tumalikod kay Hara.
I know that North is chasing me.
Why the heck is he here?
Kailangan ko na muna siyang iligaw, hindi niya ako pwedeng mahuli.
Pumasok ako sa building ng 2nd year at nagtago sa isang silid na nakabukas.
Sa pagpasok ko ay na realize ko na hindi ito ginagamit dahil sa maalikabok dito at nagkalat ang mga libro.
Kaya pala hindi lock.
Naramdaman ko ang pagdaan ng mga mabibigat na yabag ni North na palapit sa silid na tinataguan ko kaya naisiksik ko ang sarili ko sa isang gilid.
I heard the doorknob clicking and I don't know whatever or whoever was behind that door.
"Anong ginagawa mo diyan?" rinig kong tanong ng isang lalaki kay North.
"A-Ah nothing! I think I saw a cat going inside of this room so I was just about to check if I saw it right," wika ni North at narinig ko naman ang pagsara ng pinto.
"Wala naman akong nakitang pusa diyan eh," sagot ng isang lalaki. Narinig ko naman na tumawa si North.
"Oh, I guess I was just hallucinating. By the way thank you. I'll leave now," rinig kong saad ni Hilaga.
Papalayo ang kanilang mga yabag kaya naman nakahinga na ako ng maluwag at dahan-dahang naglakad sa may pintuan.
Wala na sila sa paligid kaya umalis na ako sa pinagtataguan ko at dumiretso na sa building ng 3rd year.
Pumasok ako sa cr kung saan ko naiwan ang aking mga gamit.
Dali-dali akong nagbihis at inilagay ang salamin sa aking mata.
Lumabas na ako sa cr at isinara ang pinto.
"Miley?" rinig ko sabi ng isang boses.
Nanigas ang buong katawan ko sa sobrang pagka gulat.
"What are you doing here?" giit nito.
Dahan-dahan akong lumingon sa kanya at nakita ko ang nakakunot niyang noo.
N-North. D-Did he caught me?