Guidance Office.
Dinala kami rito ng mga guard matapos ang insidente kanina sa canteen. Kitang-kita ko kanina kung paano ako tingnan ng mga tao dahil sa nangyaring gulo. May mga babae pa nga na umiyak nang dumaan ako, sinaktan ko daw ang angel nila.
Tsh.
Angel daw. Saan banda?
Maliban sa mata ng ibang babae ang mga mata ng tatlong itlog ang mas matalim, mukhang magkakaroon pa kami ng round two.
Habang naglalakad kami palabas ng canteen papunta sa guidance office ay kumalat na kaagad ang balita, nakasungaw ang ilang estudyante sa bintana at masama ang tingin ng karamihan sa akin.
Sa gilid ng mata ko ay may nakita akong may grupo ng mga estudyante ang nagkumpulan sa isang puno, nag-thumbs up pa ang isang babae sa akin nang mapansing nakatingin ako sa grupo nila. Hindi nakaligtas sa mata ko na nakatayo sa likod ng grupong iyon ng mga estudyante si Gello bago kami pumasok sa office.
Pumasok kami sa guidance office kung saan air conditioned ang kwarto, maputi ang tiles na sahig  ngunit may kung anong hindi maganda sa pakiramdam ang ibinibigay na presensya ng opisinang ito. Nakaupo ang isang medyo may edad nang babae, nasa 40's na siguro, Mrs. Wilfreda Mendoza. Wilfreda? parang... napatingin ako kay Alfred.
Nakangisi ang loko.
"What happened here?" halos namimilog ang mata ni Mrs. Mendoza nang pumasok kaming apat.
"Ma'am, nag-away po sa canteen." sagot ng isang guard na kaming apat ang tinutukoy.
Tinignan ako ni Mrs. Mendoza mula ulo hanggang paa tapos mula paa hanggang ulo. Ang lakas makainsulto sa tingin.
"You're the transfer student right?" tanong niya sa akin, tumango lang ako bilang pagsagot. Sunod na binalingan n'ya ang tatlo. "Hindi n'yo dapat binubully ang bagong transfer dito Mr. Morgan, you should welcome him in your school instead." malumanay na wika nito kay Angelo.
Aba, mukhang mabait naman pala kahit pa-paano.
"Ma, kami 'yong binully." sabat ni Alfred.
Ma? Tsh. Sabi ko na nga ba. Alfred. Wilfreda.
"Oo nga po Tita, sinuntok n'ya si Angelo sa mukha at nilamutak pa ng isang pinggan ng kanin, sinikmuraan ako at sinipa pa si Alfred." singit ni Ronn, detalyado talaga ang lahat ng ginawa ko.
"What? tatlo kayo, kayo pa ang nabugbog?" gulat na tanong ni Mrs. Mendoza, nagbulungan ang dalawang guard sa likod namin, narinig ko pang pigil na tumawa ang isa.
"Guards, get out." masama ang tingin n Mrs. Mendoza sa mga guard, kaagad namang lumabas ang dalawang guwardya nang utusan niya ng walang salita.
Hindi pa naisasara ng mga gwardya nang maayos ang pinto ay kaagad nang nagsalita si Mrs. Mendoza. "How dare you hurt my son!" Pigil ang galit niya nang balingan ako, tumayo siya mula sa kinauupuan niya at nilapitan si Alfred, hinawakan sa balikat at hinaplos-haplos. "Are you hurt my baby? May masakit ba? mamaya pupunta tayo sa doktor, okay?" pag-aalalang tanong ni Mrs. Mendoza sabay yakap kay Alfred na halatang mas nainis sa ginagawa ng mama n'ya.
"I'm fine Ma, stop it." reklamo ni Alfred. Napangisi ako nang hindi ko namamalayan. Mama's boy.
"You!" nagulat ako nang biglang tumingin sa akin si Mrs. Mendoza. "Ang kapal ng mukha mo para saktan si Mr. Morgan and my son!"
"Tita ako rin sinaktan n'ya." singit ni Ronn, mukhang nakalimutan pa siya.
"Right, pati ikaw." dagdag lang nito, napakamot lang nang ulo si Ronn.
"Eh sila naman po yung nauna Ma-"
"Enough!!!" pasigaw na putol sa paliwanag ko ni Mrs. Mendoza. Nasabi ko ba kanina na mabait siya? Binabawi ko na.
"I don't care kung sino ang nauna but violence is not tolerable in this school, Mister, what's your name again?"
"Alegre po." Tanging naisagot ko na lamang sa kanya.
"Right, Mister Alegre." pagpapatuloy nito sa akin.
"Tita, anong parusa sa kanya?" tanong ni Ronn, mukhang wala pa sa mood si Angelo magsalita, kitang kita ko pa rin ang sugat sa labi n'ya nang sapakin ko s'ya.
"It's a warning Mister Alegre and since first offense mo, I'll suspend you for the whole week." Sagot ni Mrs. Mendoza.
Wow. First day, suspended kaagad, akala ko ba first warning pa lang?
Magrereklamo sana ako pero mukhang mas pabor sa akin 'yon, hindi ako papasok ng isang buong linggo.
"Expulsion.”
"Ha?" tanong ni Mrs. Mendoza, nang magsalita na si Angelo sa wakas.
"I want him out of this school." galit na galit na boses ni Angelo nang muli siyang magsalita.
"Expel him Ma." dagdag naman ni Alfred.
"Oo nga, expel him Tita." Singit ni Ronn.
"Expulsion? oh sure, Mister  Morgan. Mister Alegre you're expelled, dahil sa ginawa mo kay Mister Morgan at sa anak ko." walang kagatol-gatol na sabi ni Mrs. Mendoza, may kumalabit naman sa likod nito, si Ronn.
"Tita, may ginawa rin siya sa akin 'di ba?" pagpapakampi ulit ni Ronn.
"Oh, right pati kay Mister... what's your name again?" Tanong ni Mrs. Mendoza sa kanya.
"Ronn, Ronnel Atienza, Tita." sagot niya kay Mrs. Mendoza.
"Right Mister Roll." ulit ni Mrs. Mendoza.
"Ronn tita, Ronn." Pagtatama niya ngunit tila walang nadinig si Mrs. Mendoza.
"Teka, akala ko po ba suspension lang?" angal ko sa kanila.
Nagkibit-balikat lang si Mrs. Mendoza "That's Mister Morgan's decision and that's final." Nasilayan ng ngiti ang tatlo sa sinabi ni Mrs. Mendoza pero hindi ako papayag.
"Hindi naman po yata tama ang gan'on Ma'am, third offense po dapat ang expulsion." reklamo ko.
"Tsk, tsk, tsk." gumalaw pa talaga ang hintuturo ni Mrs. Mendoza para lang makuha ang atensyon ko."This is our school, my rule." dagdag pa ni Ma'am.
Mahirap talaga labanan ang may impluwensya kapag ganito ang sitwasyon. Nakangiti na si Angelo, masaya na siguro dahil nagtagumpay na siya. Si Alfred naman ay chi-ne-check na ng Mama n'ya kung napilayan o kung may nararamdamang masakit.
Hindi ako pwedeng ma-expel ayaw kong ma-disappoint ang lola ko at lalong ayaw kong patayin ako ng tiyahin ko. Bago pa ako muling mangatwiran ay biglang bumukas ang pinto ng office.
Isang lalake ang pumasok, mas bata siya kung ikukumpara kay Mrs. Mendoza, nasa late 20's pa lang siguro pero may magandang pangangatawan.
"Mrs. Mendoza, can I have the student files that I requested yesterday?" napatingin kaming lahat sa kanya. Kitang-kita ko sa mukha ng apat na kasama ko na nabigla sila sa pagdating ng lalaking ito sa guidance office. Biglang pormal na napatayo si Mrs. Mendoza at parang namutla si Angelo.
"Yes, Mr. Morgan." biglang bati ni Mrs. Mendoza sa kanya.
"G- Good morning, Sir Morgan" sabay na bati ni Alfred at Ronn.
Napatingin ang lalake sa amin, Morgan? ibig sabihin ba nito may relasyon sila ni Angelo? Ano 'to?
Una, kaaway ko ang anak ng may-ari ng school, ngayon nanay ng isa sa kaaway ko guidance counselor, pati ba naman ngayon kamag-anak din ng kaaway ko ang principal?
"What's happening?" tanong ni Mr. Morgan, kay Angelo nakatingin. "Bakit may sugat ang labi mo?"
Patay.
"Sir, that guy, the transfer student, Mr. Alegre did that to your brother." sagot ni Mrs. Mendoza na sa akin nakatingin.
"Yes sir, saka sinikmuraan ako niyan, sinipa si Alfred saka sinapak at nilamutak ng isang plato ng kanin yung mukha ni—" isang matalim na tingin ang ipinukol ni Angelo na nagpatigil kay Ronn, hindi ko alam kung may utak ba 'tong isang 'to sa kanilang tatlo.
"Continue..." utos ni Mr. Morgan.
"...An..gelo..." pagpapatuloy ni Ronn, halata sa mukha na medyo nahiya sa pagsusumbong na ginawa niya. "Masakit sa tiyan yung suntok eh..." pabulong pa na dagdag nito.
"Is that true?" baling sa akin ni Mr. Morgan. Malamig at parang walang emosyon si Mr. Morgan nang tanungin ako, mas kakaiba siya kay Angelo.
"Sila naman po ang nauna." pagtatanggol ko sa sarili ko.
"Hindi kayang manakit ng baby ko Mr. Alegre." sabat ni Mrs. Mendoza "...hindi nga niya kayang matulog mag-isa sa madilim na kwarto, manakit pa kaya ng tao? My son is an angel just like Mr. Angelo." dagdag pa nitong pagtatanggol sa anak niya at kay Angelo.
"Ma, stop it." namumulang saway ni Alfred. Nahihiya sa pambubuking ng mama niya na ipinagtatanggol lang siya.
"Ako rin Tita hindi ko rin kayang manakit kagaya nila, takot nga ako sa dugo ng ipis eh, sa tao pa kaya?" pagpapakampi na naman ni Ronn. Dugo ng ipis? meron ba n'un? Wala namang pumansin kay Ronn  pagpapakampi nito.
"Mister Alegre, come with me at my office..." utos ni Mr. Principal sa akin."...wait for me outside, I need to talk with these people first."
Lumakad na ako palabas ng office at iniwan sila sa loob, lagot na talaga ako, patay na 'ko kapag nalaman 'to sa bahay. Sumandal lang ako sa gilid ng pader at nakahalukipkip habang hinihintay na lumabas si Mr. Morgan.
***********************
Makalipas ang ilang minuto lumabas na ang tatlo kasama si Mrs. Mendoza. Nagkasalubong ang mata namin ni Angelo at kitang-kita ko ang panlilisik ng mga mata nito.
"Hindi pa tayo tapos Alegre." mariing bulong ni Angelo, hindi iyon ang ina-alala ko sa ngayon ang mas iniisip ko ay ang expulsion at ang galit ng tiyahin kong mangkukulam.
"Hindi ko patatawarin ang ginawa mo sa anak ko at kay Mr. Morgan, Mr. Alegre you better watch yourself carefully." may pagbabanta sa tinig ni Mrs. Mendoza, kinalabit naman siya ni Ronn mula sa likuran.
"Tita may ginawa rin siya sa akin 'di ba?" pagpapakampi ni Ronn sa mga kasama.
"Right, Mister...uhm.. Mister..."
Bakas sa mukha ni Mrs. Mendoza ang pag-iisip sa pangalan ni Ronn.
"Atienza tita, Atienza." ulit ni Ronn. Tumalikod na ang apat at narinig kong ipapatingin sila sa clinic. Hindi ko alam kung matatawa ba ako sa ginagawa ni Ronn o maaawa dahil nakita ko itong nagkakamot ng ulo habang naglalakad.
Sumunod na lumabas si Mr. Morgan ilang segundo matapos makalayo nina Angelo.
"Follow me." utos nito sa akin saka nagpatuloy sa paglakad. Kaagad naman akong sumunod sa malalaking hakbang niya at may mga estudyante pa ring nakatingin sa amin.
Siyempre, kilala nila kung sino ang nasa harapan kaya naman hindi nila maiwasan na magbulungan.
Pagkapasok namin sa office ay kaagad na umupo si Mr. Morgan sa table niya. Ilang sandaling katahimikan ang nangyari sa amin habang hinihintay ko siyang magsalita.
"Mr. Alegre, did you really hit my brother?" blangko lang ang mukha nito nang tanungin ako
.
"Y-Yes, Sir..." napalunok ako sa sagot ko.
"How does it feel?"
"Sir?" parang nabingi ako sa tanong na 'yon. Kailangan ko pang ulitin dahil nakita ko na medyo nakangiti siya, ibang-iba sa seryosong mukha niya kanina.
"Anong feeling? Alam mo bang matagal ko nang gustong gawin 'yon kaso pinipigilan ko lang baka hindi ko mapigilan lakas ko." nakangising sabi nito saka nag-flex siya ng muscle niya sa braso, ipinakita niya ang kanyang maskuladong braso kasabay ng nagtataas-babang mga kilay.
Weird pala nito.
"Ahm..." Hindi ko alam ang sasabihin ko dahil parang nabigla ako sa mga kilos at sinabi ni Mr. Morgan.
Isang kutos ang nagpabalik sa akin sa realidad, kinutusan ako ng principal?
"Hoy, tinatanong kita kung ano pakiramdam nang sapakin mo si Angelo? 'wag ka mag-alala tayo-tayo lang 'tol."
Tol? Ano 'to feeling close kaagad?
"M-Maganda, magaan sa pakiramdam Sir, tinapunan po kasi ako ng soup ng kapatid mo habang binu-bully ang grade seven."
Tumango lang si Mr. Morgan bago muling magsalita. "Hindi talaga maiiwasan 'yon sa school na 'to, iyon ang gusto ng board..."
Board? meaning may mas mataas pa sa kanya?
"Mabuti naman at nabigyan mo ng example ang batang 'yon, masyado kasi siyang na-spoiled ni Mommy. Hindi ko madisiplina nang husto pinipigilan lang ako ng mga parents namin." paliwanag sa akin ni Mr. Morgan.
Alexis Andrei Morgan, iyon ang nabasa kong pangalan n'ya sa table. Nakita niya na binabasa ng mga mata ko ang pangalan n'ya kaya nagsalita s'ya para makuha ang atensyon ko. "Kinausap ko na ang tatlo at winarningan ko na rin sila katulad mo."
Huh? Warning? Ako? warning na 'tong ginagawa n'ya?
"Mrs. Mendoza told me she expelled you pero hinarang ko 'yon, 'wag mo na lang sana uulitin 'yong ginawa mo." paalala ni Mr. Morgan.
"Yes Sir." sagot ko sa kanya.
"...sa harap ng maraming tao." nakangiti niyang pagtatapos.
Ha? 'wag kong gagawin ang pananapak sa kapatid n'ya sa harap ng maraming tao? Dapat ba akong matuwa?
"Syempre 'wag mo naman gawing hobby dahil mata mo lang ang walang latay. I trust you have a good judgement like what she told me." dagdag pa ni Mr. Morgan.
She? Sinong she? Magtatanong pa sana ako pero bumukas ang pinto ng principals office at pumasok si Mrs. Mendoza, ang sama ng tingin sa akin at parang babalatan ako ng buhay.
"How are they?" biglang bumalik sa pagiging pormal si Mr. Morgan, magaling pala mag-poker face ang isang 'to.
"Okay naman daw po sabi ni doktora, nabigyan na rin ng first aid ang kapatid mo kaya pinabalik na sila sa class nila." sagot sa kanya ni Mr. Mendoza.
"Mr. Alegre, you can return to your class now." utos ni Mr. Morgan sa akin, kahit papaano may kakampi pa pala ako rito sa school.
Nagpaalam na ako sa dalawa kahit galing sa ilong ang sagot ni Mrs. Mendoza pero palihim na kumindat si Mr. Morgan, loko-loko rin pala siya, hindi lang halata.
Para akong nabunutan ng tinik nang bumalik ako ng classroom, hindi na ako expelled at ibig sabihin hindi na ako mabubugbog ng tiyahin ko. Sa pag-upo ko sa aking upuan ay alam kong marami pa ring mata ang nakatingin sa akin, kung pwede lang dukutin ang mga mata nila, ginawa ko na.
"Buti nga, karma 'yan sa ginawa mo sa'kin." pambebelat na salubong ni Daldalita sa akin, nakalimutan kong kasama ko nga pala siya rito sa school at biglang lumayas nang nainis sa akin bago nangyari ang gulo.
Iniinis n'ya ako kahit hindi ko s'ya pinapansin, hanggang sa mapagod siya sa kanyang pang-iinis na wala namang patutunguhan.
Kasalukuyang nagtuturo sa harap ang teacher namin, this time babae naman, hindi ko alam ang pangalan at hindi na n'ya ako inintindi sa pagdating ko, siguro nasabihan na siya ni Mrs. Mendoza.
"You better get yourselves ready for the ranking exam class, ayaw kong makita na mapunta kayo sa ibang section." pagpapa-alala ng teacher sa buong klase.
Kakaiba kasi dito, sa isang section, walong teacher ang focus na nagtuturo at sa kanila lang, kaya may faculty room sa ibaba na specially made para sa kanila. Hindi ko alam kung ganun din ang faculty ng nasa ibang section. Mabilis na lumipas ang oras at sa wakas ay uwian na, hindi ko alam kung bakit pero pakiramdam ko napakahaba ng araw na ito.
Isa-isa nang naglakad palabas ng room ang mga classmates ko at nagpahuli ako para hindi na makigulo sa pag-uwi kahit excited din akong umuwi.
Habang naglalakad ako sa hallway nakita ko si Angelo na may kausap sa phone n'ya hindi ko ugaling makinig pero narinig ko lang naman dahil napadaan ako.
"Okay, mamaya nand'yan na siya, I expect good results from you." pinatay na n'ya ang phone saka naglakad na ulit, hindi pababa ng building ang tungo n'ya sa halip ay paakyat pa nga. Sa Mercury or Venus siguro ang pupuntahan n'ya sa itaas.
Nagpatuloy na ako sa paglalakad at nasa school ground na ako nang magpakita na naman si Daldalita.
"Eah, sa wakas makaka-uwi na, maghapon ka ring nakababad dito sa school ano?" tanong n'ya sakin kahit alam n'yang hindi ako sasagot dahil maraming tao ang naglalakad palabas ng school.
"Oi, ano Trick? gagala tayo mamayang gabi?" tanong ulit niya, nagkibit-balikat lang ako bilang sagot. Siguro, okay 'yong suhestyon niya para makatanggal ng stress. Hindi ko nga lang sigurado kung makakapamasyal kami, depende kasi ito sa pagkakataon.
"Sana swertehin ka mamayang gabi." sabi niya sa akin bago bumalik sa pananahimik niya habang nakasunod sa akin.
Nakita ko ang ibang estudyante na palabas ng school na sinusundo ng magagandang sasakyan, may iba na alam mong mamahalin at may iba naman na sakto lang, kahit sabihin natin na may mga pera ang mga estudyante rito hindi naman siguro lahat talagang mapera para bumili ng mga mas mamahaling sasakyan.
Isang kamay ang biglang umakbay sa akin mula sa likod, dahil sa pagkabigla ko kaagad kong hinawakan ang kamay na 'yon saka ito pinilipit.
"Aray, aray!" daing ni Gello sa ginawa ko.
Si Gello lang pala, kaagad ko naman siyang binitawan nang malaman ko na siya pala 'yon. Natawa lang sa amin si Daldalita, sa ngayon lumulutang na s'ya sa hangin, nagsawa na sigurong maglakad.
"Akala ko kung sino na." bulong ko.
"Sorry naman." pareklamong sabi ni Gello habang hinihimas ang napilipit n'yang kamay.
“'Wag kang pabigla-biglang susulpot." paalala ko, hindi kasi ako sanay sa ganoong pang-gugulat
"Sabay na tayong umuwi may sasakyan ako, saan ka ba? ihahati—"
"Hindi na mas gusto ko mag-commute." putol ko sa kanya.
"Ano ka ba? nakikipag kaibigan na nga, ikaw pa ang may ayaw! Be friendly naman walang-iiyak pag namatay ka!" sabat ni Daldalita.
"Okay, magco-commute na lang din ako." nakasunod pa rin siya sa akin habang naglalakad na ako palabas ng gate.
Ilang minutong lakad pa ang kakailanganin bago marating ang sakayan ng jeep dahil may isa pang gate na dadaanan, medyo malayo ang school sa kalsada kaya naman may sasakyan ang mga estudyante.
Naglalakad pa rin kasunod ko si Gello, at naiirita ako. Alam ko na kasi na may itatanong siya. "So, Cloud kamusta 'yong nangyari kanina?"
Tsh. Sabi ko na nga ba, tsismoso rin ang lalakeng 'to.
"Sino yung kasama mo kanina sa may puno?" pag-iiba ko ng usapan.
"Hmm? ah, mga taga mars din kagaya ko." sagot ni Gello binibilisan ko ang hakbang pero nagagawa pa rin niyang sumunod.
"Masaya sila sa ginawa mo kanina kay Angelo, first time kasi na may gumawa ng ganoon sa kanya." Nakangiti niyang sabi sa akin.
"Ah, hindi ko naman ginusto 'yon." napatingin pa ako sa polo ko na may mantsa pa rin ng soup at na-alala ko  ang ginawa ni Angelo.
"Sana nga raw dalasan mo. Haha." biro pa ni Gello sa akin, hindi ako sumagot at nagpatuloy lang sa paglakad, pangalawa na siya na nag-request na bugbugin ko si Angelo ah.
Magsasalita pa sana si Gello nang may humintong van sa unahan namin, lumabas ang apat na lalake, mas matanda sila sa amin at hindi rin estudyante ng school.
"Sino sa inyo si Alegre?" tanong ng isang lalake, hindi sila mukhang goons pero masama ang pakiramdam ko.
"Hala, Trick ano 'yan?" Tanong ni Daldalita na tuloy lang sa paglutang. Kung pagmamasdan, medyo malaki ang katawan nila at mukhang nasa college na.
"Bakit kuya?" takang tanong ni Gello, napahinto na kami sa paglalakad, tatlong lalake ang pumalibot sa amin. Lumapit 'yong nagtanong at siya ang mukhang lider.
"Sino si Alegre?" ulit na tanong ng lalake, hindi niya inintindi ang tanong ni Gello.
Isang kamay ang kaagad mula sa likod ang humawak sa braso ko pataas upang hindi ko na maigalaw ang mga kamay ko na nakalock kahit anong piglas ang gawin ko.
"T-teka kuya!" takot na sabi ni Gello, isang kamao ang kaagad na dumapo sa mukha niya na nagpabagsak sa kanya sa sementadong kalsada.
"Ang ingay mo." saway ng lalake na lider ng apat saka ito dumura.
"Tol heto 'yong may mantsa sa polo, siya na siguro 'yong sinasabi sa'tin." turo ng isa na may dalawang hikaw sa kanang tenga. Kaagad akong sinikmuraan ng lider nila, pinatigas ko naman ang sikmura ko para maminimize ang impact ng suntok.
"Cloud!" sigaw ni Gello, habang tumatayo ito pero sinipa siya ng isa sa apat na may highlights ang buhok. Sunod-sunod na sipa ang ginawa ng naka-highlights na nagpabaluktot kay Gello sa sakit.
"Hoy! tama na 'yan!" sigaw ni Daldalita ngunit wala siyang magawa kahit awatin n'ya ang mga ito ay tumatagos lang ang mga kamay niya sa katawan ng lalakeng sumisipa kay Gello.
Bwisit!!! sigaw ng utak ko, bakit kasi sumabay pa siya? nadamay tuloy.
Isang kamao mula sa kanan ang tumama sa mukha ko, kaliwa, kanan, sunod-sunod ang suntok at salitan ang lalakeng dalawa ang hikaw at ang leader nila sa pagsuntok sa akin. Sinusubukan kong pumiglas ngunit malakas ang pagkakalock sa braso ko mula sa likod at tumatawa pa ang loko.
"'Trick! tulungan mo si Gello, duguan na 'yong tao!" tawag sa akin ni Daldalita.
Pwede tignan mo muna kalagayan ko? dalawang tao sumusuntok sa mukha ko at nararamdaman kong may dugo na ang ilong ko pati ang labi ko ay putok na rin. Si Gello pa ina-alala n'ya?
"Haaahhh!" Sumigaw ako upang makabuwelo bago pa umabot ang kamao ng leader nila, ginamit ko na ang paa ko upang itulak palayo ang leader nila sa akin at ang pwersa sa sipa ko ang ginamit ko ring pantulak pabagsak sa kalsada sa amin ng lalake na nasa likod ko.
★★★★★ITUTULOY★★★★★