Ilang araw na yung lumipas mula nung tamaan ako ng bola sa noo. Pero hindi ko pa rin alam kung sino ang nakatama sakin. Ayoko na ding alamin dahil sigurado ay hindi naman intensyon ng kung sinomang taong yun na tamaan ako ng bola.
Freeday namin sa last subject kaya maaga ang uwian namin. Naisipan kong dalawin si Kyla sa bahay nila. Dun na ko dumiretso, hindi na ko nag abalang bumili ng pagkain para sa bata dahil hindi ko naman alam kung pwede ba sa kanya yun o hindi.
"Ate Mika!" bakas ang kasiyahan sa mukha ni Kyla. Naabutan ko siyang naglalaro mag-isa sa garden. Niyakap ko siya tapos pumasok na kami sa loob ng bahay nila.
"Laro tayo?" aya ko sa kanya, tumango naman siya.
"Mabuti naman at nakabalik ka neng." sabi ni Manang Lita matapos nitong ilapag sa center table yung miryenda na hinanda niya.
"Maaga po kasi yung uwian namin eh kaya dumaan na po ako dito."
Nagkukwentuhan kami ni Manang habang kalaro ko si Kyla hanggang sa maging topic namin si Kiel.
Nasa school pa daw siguro yun at may klase pa. Nung nakaraang sabado daw ay umuwi daw itong may pasa sa gilid ng bibig siguro daw ay napalaban na naman ang grupo nila. Naalala ko yung usapan nila nung Tadeo ba yun? Sabado yun eh alam ko, 'yun nga kaya' yon? Kung oo ay kasalanan ko pala yun dahil kung hindi sakin ay hindi mapapaaway si Kiel.
Napabuntong hininga ako sa isiping yun.
"Manang lagi po bang napapalaban ang grupo nila?" usisa ko kay Manang Lita.
"Naku oo neng. Matay ko na ngang sabihan yun pero hindi nakikinig. Hangga't may inaapi daw eh hindi titigil ang grupo nila."
"Po? Ano pong hangga't may inaapi?" medyo naguluhan kasi ako sa part na yun. Eh di ba gangster sila? Edi dapat sila yung nangaapi?
"Hindi lang basta gang ang kinabibilangan niya, sa pagkakaalam ko eh nagtatanggol sila ng mga binubully, inaapi, sinasaktan nila yung mga taong nangaapi ng kapwa. May mga activity din sila na naglilinis ng Village, nagpapakain at nagtuturo sa mga Street children. Kung alam mo neng yung mga kabataan na naglilinis palagi dyan sa parke nitong Village? Sila yun. " mahabang kwento ng matanda.
Napanganga ako sa mga narinig ko. Nagkasala agad ako dahil jinudge ko agad yung gang nila. Yun pala ay may magandang purpose naman pala kung bakit yun nabuo.
Pero gang pa rin yun Mika! Nananakit pa rin sila ng kapwa, nilalagay nila sa mga kamay nila yung batas!
Ah basta! Parang mas lalo akong naging interested sa White Shadow Gang. Medyo jeje yung name ng gang nila pero alam ko na may meaning yun sa kanila.
Lumilipad ang isip ko habang naglalakad pauwi. Kapag nasa bahay ako nila Kiel ay para akong bumabalik sa pagkabata. Paano kasi ay nakikipaglaro ako kay Kyla ng Barbie o luto-lutuan ng ilang oras.
Kawawang bata, nagsusuffer sa sakit na yun. Sa edad niya dapat ay nag-aaral siya, nakikipaglaro at nag-eenjoy lang sa buhay niya.
Pagkauwi ko ay nakaramdam ako ng masakit sa bandang puson at tiyan ko. Hindi ko na lang pinansin dahil baka sign lang yun na darating na ang buwanang dalaw ko.
Gumawa muna ko ng assignments tapos naligo at natulog.
Kinabukasan ay maaga akong pumasok. May kailangan pa kasi kaming gawin na Group Project sa isang subject. Buhay estudyante nga naman oo, yung ibang teacher parang hindi dumaan sa pagiging student kung makapag demand at kung makapagbigay ng activities sa mga student niya!
Kaya ako kapag naging teacher na 'ko magiging considerate ako sa mga student ko.
Break time at tulad ng nakagawian ng isang typical na estudyante ay nagpunta muna ko ng CR bago sa canteen. Si Cassey hindi pumasok dahil masama daw ang pakiramdam niya. Mahilig kasing magpuyat yung bruhang yun kakanood ng kdrama eh.
Chineck ko lang yung sarili ko sa salamin at naghugas ng kamay ng maramdaman ko na naman yung sakit sa bandang puson ko medyo tagos sa balakang. Hindi ko na lang pinansin at naglakad na ko papuntang canteen.
Habang naglalakad ako ay pinagtitinginan nila 'ko. Kinukunutan ko lang sila ng noo dahil naiilang ako sa ginagawa nila. May mali ba sa mukha ko? Bukas ba yung butones ng Blouse ko? Chineck ko yung damit ko, okay naman, kinuha ko yung phone ko sa bulsa at ginawang salamin. Okay naman mukhang wala naman akong muta o dumi sa mukha.
"Miss diretso lakad lang." sabi sakin ng lalaki na biglang lumapit sakin at nilagay yung jacket sa balikat ko.
Malaki yung jacket sakin, siguro hanggang kalahati ng legs ko. Tumingala ako at tinignan ko kung sino yung lalaking yun.
Nanlaki ang mga mata ko dahil si Kenneth pala yun, ang High School President ng School. Maraming nagkakagusto sa kanya. At siya din yung crush ko!
Bigla akong nataranta dahil sa presence niya. Hala bakit niya ginagawa 'to? At bakit sinuot niya sakin yung jacket niya?
Naglalakad lang kaming dalawa hanggang sa parang papunta sa CR.
"Ahhh excuse me Mr. President-"
"May tagos ka miss." hindi ko natapos ang sasabihin ko dahil sa sinabi niya
Ganito reaksiyon ko--------> OoO
Sobrang nanlaki yung mata ko at nakanganga ko dahil sa sinabi ni Kenneth.
To be continued..