"Diretso lang ng lakad. Wag kang titingin sa aso." bored na utos sakin ng lalaki.
Sinunod ko ang sinabi niya hanggang sa hindi na kami pinansin nung aso at nagdire-diretso na kami sa paglakad.
"Ehem. ." sabi ng lalaki na hindi ko pinansin.
"Ehem wala na yung aso kaya pwede mo ng bitawan yung braso ko." napahiya na naman ako at mabilis kong inalis ang kamay ko sa braso niya.
"Pasensya na." nakayuko kong sabi, mabuti na lang at madilim dahil siguradong namumula ako ngayon.
"Psh! Unbelievable!" iiling iling na sabi ng lalaki matapos sulyapan ang mukha ko.
Nakita niya kaya na nagbablush ako? Hindi naman siguro.
"Dito na ko, salamat." paalam ko dun sa lalaki pero hindi ako pinansin, dire-diretso lang siya ng lakad habang nakapamulsa.
Nagkibit balikat ako at pumasok na sa gate. Grabe ginutom ako lalo. .
Mukhang mapapalamon na naman ako nito.
"Oh bakit ngayon ka lang?" bungad sa akin ni mama nang makita ako, nasa sala sila at nanonood. Himala at nandito na agad si papa, mukhang walang OT. Wala din siyang hawak na papel o kung ano man tulad ng lagi kong nakikita.
Mukha ding good vibes sila dahil hindi ako sinermunan kung bakit ginabi ako ng uwi.
"Galing pa po kasi ako sa shop dahil gumawa ako ng assignments. Kumain na po kayo?"
"Hindi pa, hinihintay namin kayo ng kuya mo." si papa ang sumagot.
"Magbibihis lang po ako." paalam ko sa kanila.
Nilapitan ko muna si bunso na busy sa paglalaro ng mga Barbie, kiniss ko siya sa pisngi bago binigay sa kanya ang pasalubong kong bengbeng na chocolate, paborito niya kasi yun. Masarap naman kasi kaya paborito ko na rin at iyon ang happy pill ko.
Nanglaki bigla ang mga mata ni Mia at agad yumakap sa akin.
"Oh anong sasabihin mo kay ate?" malambing na tanong ko sa kanya.
"Thank you ate, ang ganda mo talaga." magaling talagang mang uto 'tong bata na' to eh. Thank you lang naman ang hinahanap ko pero may kasama pang pang-uuto. Ginulo ko na lang ang buhok niya at umakyat na nang sariling kwarto para magbihis.
Pagbaba ko ay nakauwi na pala si kuya Michael.
Kumain na kaming buong Pamilya. Wala kaming katulong dahil house wife naman si mama.
Syempre dahil wala nga kaming katulong kaya ako ang tagahain, ako din ang tagaligpit pero tinutulungan naman ako ni mama, siya na nga ang naghugas ng mga pinggan eh.
"Bukas mo na kainin yan bunso." utos ni papa kay Mia dahil gusto nitong kainin yung bengbeng na pasalubong ko sa kanya.
Umakyat na 'ko sa kwarto para icharge ang phone ko. Nakatulog na din ako agad pagkatapos dahil napagod ako sa maghapon.
* * *
Hinahanap ko ang sinasabing room ng Mapeh teacher namin. Kaso hindi ko mahanap dahil sa College Department pa yun. Inutusan ako na manghiram ng CD para sa tugtog na gagamitin sa sayaw namin. Bakit kasi ako yung paboritong utusan ng mga teacher eh.
Habang naglalakad ay pinagtitinginan ako ng ibang college students kasi high school nga ako tapos nandito ako sa Department nila.
"Hi Miss, may hinahanap ka ba?" tanong sa akin ng isang nasa grupo ng kalalakihan na nakatambay sa canopy.
"Ah, yung music room po kasi hinahanap ko." sagot ko dun sa lalaki.
"Ah music room ba? Diretsuhin mo lang yang pasilyo na yan tapos kumaliwa ka. " nakangiting sagot nung lalaki.
"Salamat po." nakangiti ko rin na sagot, nagtaka lang ako dahil nagtawanan sila bigla pagkasabi ko nun.
Napakunot noo na lang ako at naglakad na ulit papunta dun sa direksyon na sinabi nung lalaki.
Medyo mahaba yung pasilyo, naglalakad ako ng biglang may humila sakin.
"Ikaw na naman?!" iritado, medyo napalakas ang boses na sabi ko sa lalaking kaharap ko ngayon.
"Kung ako sayo hindi na ako tutuloy dyan sa pasilyo na 'yan." sabi lang nung lalaki.
"Pwes hindi ka ako kaya gagawin ko kung anong gusto ko." mataray kong sabi sa kanya.
"May utang na loob ka sakin kaya makinig ka." nanlaki ang mga mata ko sa sinabi niya. Utang na loob? Bakit ako nagkaroon ng utang na loob sa kanya?
Ah oo nga pala, hinatak niya ako nung may mga nagtatakbuhang kabataan. Tapos nung may aso—Pero inagaw niya yung Barbie na para sa kapatid ko!
"Hoy baka nakakalimutan mo na may atraso ka pa sa'kin? Di ba inagaw mo yung Barbie dun sa mall?" nakataas ang isang kilay na sabi ko sa kanya
"May dahilan kaya ko ginawa yun." inis ang boses na sagot niya sa akin, gayon pa man ay hindi ko mabasa ang ekpresyon ng mukha niya pero parang biglang lumungkot ang kanyang awra.
"O edi inamin mo rin na ikaw nga yun." naiinis kong sabi sa kanya. Paano ba naman kasi ay pinagkaila niya pa nung una na hindi niya naaalala na inagaw niya yung Barbie at hindi pa kami nagkikita.