Chapter 1 (Part III)
"Bye po tita, bye Mia ano palang gusto mong pasalubong ni tita Cassey? " paalam ni Cassey kay mama at bunso. Tong kaibigan ko talaga spoiled sa kanya si Mia eh.
"Ahm tita Cassey pwede po bang Barbie?" pacute na tanong ni bunso.
"Syempre naman pwedeng pwede, ilan ba ang gusto mo?" tanong ni Cassey kay mia habang karga niya.
"Okay na po kahit isa lang basta po Mermaid na Barbie." sagot naman nitong kapatid kong mahilig magpacute para hindi makatanggi yung mga tao sa kanya.
"Hmmm, Mermaid na Barbie? Okay no problem baby basta behave ka lagi kila mama at ate Mika ha?"
Cassey's POV
Hello there readers, ako si Cassey Ysabelle Villanueva, 14 years old. Best friend ako ni Mika at classmates kami.
Hindi na ko masyadong magpapakilala kasi makikilala niyo naman din siguro ako ng maayos bago matapos tong story na ito. At isa pa, hindi na uso sa mga kwento ngayon ang pagpapakilala, hindi rin naman kasi ito slambook! Chos XD.
By the way thanks to author Martina for giving me this POV.
So nandito na nga kami sa Mall para bumili ng school supplies namin.
Bag, shoes, notebooks and papers, ballpen, art materials, etc. etc.
Namili din kami ng pang hair thingy, clips, hair bands, pony tail, at kung ano mang cute ang makita namin.
Ilang oras din kaming paikot ikot sa mall ng maalala ko 'yung request ni Mia bulilit kaya inaya ko si Mika sa toys section.
Ikot kami ng ikot pero hindi namin makita kung saan yung section ng mga Barbie. Nagtutulakan pa kaming dalawa kung sino ang magtatanong sa sales lady.
So ang sabi ko na lang kay Mika eh maghiwalay kami para mas mabilis kasi gutom na rin kami.
Pumunta ako sa left side, siya naman ay sa right side. Masyadong malaki itong store. Ito yata ang pinakamalaking toy store rito.
Saan kaya yun?
Ikot. . ikot. . ikot. . Nang bigla na lang, parang may narinig akong familiar na boses ng babae. Hinanap ko kung saang banda ang boses na iyon at hindi nga ako nagkamali.
Si Mika, at parang nakikipag away siya dun sa lalaki. Naku guys bye na muna for now at delikadong magalit tong best friend ko. Mabait siya pero wag mong gagalitin at baka magkaroon ng World War 3, charot! Basta guys I'll be right back soon!
Mika's POV
"Bibitawan mo ang braso ko o sisipain ko yang kaligayahan mo?" nagtitimpi kong banta dito sa ugok na lalaking nasa harap ko. O di ba? Napanood ko pa at tinandaan ang pamatay na linyang iyan sa napanood kong tagalog action movie
Paano ba naman kasi ay parang bakla dahil pumapatol sa babae. Nakikipag agawan sa Mermaid Barbie eh ako ang unang nakakita at nakahawak kaya nga nasa ilalim ang kamay ko at nakapatong sa kamay ko 'yung kamay niya.
"Matapang ka huh? Pwes manigas ka riyan dahil hindi ko bibitawan 'tong braso mo hanggat hindi mo binibigay sakin yang Barbie. Para sa kapatid ko yan." maangas at matigas na sabi sakin ng lalaking mukhang sanggano na sa halip na makiusap sa akin ay nakikipag away pa. Paano ko ipauubaya ang laruang ito sa kanya kung ganyan ang ugali niya? Siya ang manigas!
"Mister ako nga sabi ang nauna rito, at para sa kapatid ko din 'to, iiyak yun kapag umuwi ako na walang dalang ganito." bwisit tong lalaki na 'to ang kulit!
"Buti nga ang kapatid mo iiyak lang eh, yung kapatid ko. ." hindi niya tinuloy ang sasabihin niya pero naghintay pa rin ako na ituloy niya iyon, lumambot din kasi panandalian ang emosyon sa mukha niya kaya para akong nawala sa sarili. Handa na sana akong ipaubaya ang manika nang bigla ay agawin niya sa kaliwang kamay ko iyon at agad na tumakbo sa cashier para bayaran.
Napabuntong hininga na lang ako, nilipad tuloy yung bangs ko. Nalingunan ko yung sales lady, nakangiti siya ng konti sakin tapos sabay lumapit.
"Ahhmm Miss, pasensya na ha? Natakot kasi ako dun sa lalaking customer kaya hindi ako nakalapit sa inyo kanina. Kung gusto mo ng ganung Barbie meron akong naitabing dalawa, para sa birthday sana ng pinsan ko yun kaso hindi ako makapag decide kung alin sa dalawa ang pipiliin ko." nabuhayan ako ng loob sa sinabi nung sales lady at dali-daling sumunod sa kanya habang paulit-ulit na nagpapasalamat.
" Thank you talaga Miss ha? Naku hindi ko alam kung anong mangyayari kapag umuwi ako ng walang dalang Barbie na Mermaid eh. " pasasalamat ko ulit kay ateng Sales Lady.
Bwisit talaga yung lalaki na yun! Nasira ang araw ko dahil sa kanya. Hinding hindi ko makakalimutan ang itsura niya at sigurado akong gagantihan ko siya pag nagkita kami ulit na dalawa!
Kumain muna kami sa McDo kaya halos nakalimutan ko na rin ang nangyari, pinagtake out na din namin si bunso.
* * *
Pag-uwi ay tuwang-tuwa si Mia sa Barbie at McDo. Kaya ito sayaw ng sayaw sa itaas ng sofa. At kami naman panay ang puri sa kanya. Parang ginagawa namin siyang laruan at tawa kami ng tawa. Katatapos lang naming kumain at dito matutulog si Cassey kaya ang saya ko.