( Agatha's Point of view )
"Mahirap ba sagutin ang itinatanong ko sa iyo?" Hala, hindi pa rin mawala pamumula niya.
"Ano ba tinatanong mo?"
"Si Andrew crush mo pa rin siya ano?"
"Hindi ah!" Ibinagsak ang katawan sa kama bago magtalukbong ng kumot. "Inaantok na ako pakilock na lang paglabas mo."
"Hoy ang daya mo!" Hampas ko sa braso. "Sagutin mo ako si Andrew ba crush mo pa rin?"
"Hindi at never ang suplado kaya 'nun! Labas ka na inaantok na talaga ako."
"Si Nathan nga pala nakalimutan kong isama sa puwede mo jowain." Hindi na nagsalita kaya lumapit na ako sa pinto. "Ipupusta ko sina Nathan at Andrew." Kahit sino sa dalawa basta magka-boyfriend lang itong kaibigan ko.
Madalian kong sinagot ang tawag ni Carl my loves ng makabalik ako sa kuwarto.
"Sorry, inagaw ni Andrew itong cellphone kanina."
"Okay lang, hindi ko nga alam kung kinilig itong kaibigan ko o ano. Namula ba naman ang mukha ng nag-Hello si Andrew."
"Talaga? Hmmm...may naaamoy akong muling ibalik."
"Hindi naman naging sila."
"Kay Andrew ako. Ikaw kanino ka sa mga kaibigan ko?"
"Sa iyo, sa iyo lang ako." Kunwari naiihi kong sabi.
"Tanga, kanino mo ibibigay ang boto para kay Prinsesa."
"Makatanga wagas ah?" Saglit akong natahimik.
"My loves nagtampo ka na yata."
"Hindi nag-iisip ako kung kanino ko ibibigay."
"Ah, basta kay Andrew ako."
"Reason?"
"Dahil the feeling is mutual."
"Iyong dalawa same ng feeling sa isa't-isa? Weh? Malabo yata iyon samantalang todo iwas si Drew sa kaibigan ko dati."
"Feeling ko lang bakit ba? Ano na sino boto mo?"
"Ah, eh, si Andrew at Nathan lang naman ang gusto ko for her. Playboy si Daryll, ayoko umiyak lang sa huli ang Pir ko."
"How about Alex, Anton, and Kevin? Ayaw mo sa kanila?"
"Uhm...kay Kevin wala dapat gumalaw doon dahil private property 'yon ni Elaine." Halakhak ko bago niya ako tawanan din.
"Walang problema kung kay Alex kuwela naman kambal ni Andrew kaya lang dahil sabi ko nga sayo boto ko kay Drew huwag na lang si Alex hahaha."
"Ang gulo mo." Inis kong sabi.
"Puwede rin si Anton may future siya baka araw-araw travel sila nang travel at iikutin ang buong mundo."
"Uhmm...hindi rin tayo ang makakapagdesisyon niyan kundi si Princess pa rin."
"Kung sabagay....hmmm...gusto mo magkita tayo ngayon?" Tumingin ako sa orasan na nakasabit sa pader.
"Nang ganitong oras?"
"Oo, hindi ako makatulog nandito kasi ngayon sina Andrew at Alex."
"Eh di narinig nila pinag-uusapan natin??"
"Nope, nasa kabilang kwarto na sila ngayon."
"Maiba tayo my loves. Kanino mo ibebenta condo mo if ever nagawa na bahay natin?"
"Naghahanap pa lang ako eh ikaw lang eh ayaw mo rito tumuloy after natin ikasal."
"Ayoko nga. Ilang babae na ba dinala mo riyan ha? Ayokong nagse-sex tayo naaalala ko mga nakasama mo." Humagalpak ng tawa ang boyfriend ko. "Anong nakakatawa??" Sinimulan kong pagtataray.
"Ilan na nga ba dinala ko rito?"
"Malay ko sa iyo!"
"Wala, wala akong dinalang babae rito. Ano ka ba naman simula pa noong una ikaw lang babae kong dinala rito."
"Talaga?" Kagat-labi ko.
"Oo, kailan ba ako nagsinungaling sa iyo? Simula nang matapos tayo sa elementary tayo na magkasama tapos iniisip mo marami ako naging babae?"
"Naniniguro lang..."
"Pero sigurado akong ikaw lang babae sa buhay ko."
"Hmmm..kaya lang my loves hindi na tayo puwede magkita dahil sa susunod na araw ikakasal na tayo."
"Sige na please? Saglit lang kasi ano..."
"Ano?"
"Alam mo na hehe."
"Baliw."
"Sige na?"
"After na lang ng kasal natin."
"Matagal pa."
"Magtiis ka,"
"Pero ang tagal ko nang---"
"Ops! Maglubay Carl."
"Sige na nga, matulog na lang tayo pero puwede ba bukas ng umaga magkita tayo kahit saglit lang ikikiss lang kita."
"Abnormal ka talaga."
"Sige na, sige na, sige na please?"
"Oo na. Ang kulit mo nasa shop ako ni Elaine bukas magdala ka na rin ng makakain."
"Kahit hindi mo na sabihin magdadala talaga ako gusto kong tumaba ka ng husto." Devil talaga tumawa ang isang ito.
"Kapag tumaba ako bahala ka na sa buhay mo!" Pinatayan ko ng cellphone. Ang pang-inis niya sa akin ang pagtaba ko. Ayoko talaga tumaba. Ayoko. I don't. I don't.
HINDI pa sumisikat ang araw bumangon na ako para magluto ng almusal. Tamang-tama apat lang kami ngayon sa apartment kayang-kaya ko na ito. Para itlog at hotdog lang naman saka gusto ko rin matutong magluto paminsan-minsan experience kumbaga para sa future wife ni Carl.
"Tita Agatha, good morning po." kinukusot ni Glaydel mga mata gamit ng kamay pababa ng hagdan.
"Careful," Baka inaantok pa, "Bakit ang aga mo gumising?" Nasa likuran ko na ito at naupo. "Gutom ka na ba?"
"Gusto ko po ng gatas Tita."
"Okay ipagtitimpla kita." Kumuha ako ng tasa saka tinimplahan ng gatas.
"Salamat po, kayo po bakit maaga nagising?"
"Sasama ako sa shop ng mommy mo para tumulong."
"Hindi po kayo papasok?"
"Naka-leave ako para sa kasal namin ng Tito Carl mo bukas." Tanaw ko habang humihigop din ng kape.
"Yehey! Gusto ko na isuot 'yong gown ko."
"Ang cute mo roon panigurado kaya ikaw mag-beauty rest ngayong araw."
"Dapat tayong dalawa tita magpa-beauty rest." Ngisi matapos ubusin ang gatas. "Tulog pa si mommy babalik po ako sa taas para bantayan siya."
"Oh bakit?"
"Nilalagnat po siya kagabi pa."
"Ano?" Nagmamadali akong umakyat para puntahan sa kwarto si Elaine. Dinampi ko noo nito hindi na gaano mainit pero mahirap magtrabaho na masama ang pakiramdam.
"Uminom na po siya ng gamot kanina." Nakasunod pala si Glydel.
"Gisingin mo si Tita Princess hindi puwede magtrabaho today ang mommy mo."
Nag-nod lang pagkaraan lumabas ng kwarto. Chineck ko ang temperature niya saka nilagyan ng bimpo sa noo. Minsan lang magkasakit si Elaine pero 'yong minsan na 'yon tumatagal ng ilang araw. Paano kaya ito. Sino magtatao sa shop?
"Elaine?" Lapit ni Princess bago hawakan sa kamay. "Nakainom na ba siya ng gamot?" Tingin sa akin.
"Oo sabi ni Glydel."
"Huwag muna kaya natin buksan ang shop?" Nag-aalala nitong pakiusap.
"Huwag ninyo isara .arami akong ipapa-deliver ngayong araw saka bukas kasal mo Agatha dapat ako ang punong-abala sa kasal." Pilit na pilit magsalita si Elaine habang yakap siya ni Glydel.
"Ako na lang magbabantay sa shop ibigay mo sa akin lahat ng mga idedeliver."
"Kaya mo ba Princess?" Wala siyang alam pagdating sa pagdedeliver at ito ang lagi namin sinasabi sa kanya na pag-aralan pero ayaw nito.
"Ako na lang bahala bantayan mo ang mag-ina. Huwag mo alalahanin ang shop Elaine magpagaling ka ng husto dahil kasal ko bukas."
"Hindi nga dapat ikaw magpahinga dahil kasal mo bukas?" Salaysay ni Princess.
"Darating si Carl magpapasama na lang ako. Maliligo lang ako bago umalis magpahinga ka ng husto Elaine."
Tinext ko muna si Carl na agahan ang punta sa shop mabuti wala itong gagawin ngayong araw.
"Good morning my loves, sino bantay kay Elaine?" Usisa nito ng makapasok ako sa kotse.
"Si Princess." Hinahanap ko lipstick ko sa bag.
"Akala ko pa naman makakapagpahinga ako ngayon dahil bukas ikakasal na tayo."
"Pasensya ka na wala naman kasi akong makakatulong sa shop niya wala pa rin mga kasama namin sa apartment."
"Hindi naman iyon ang sinasabi ko."
"Ano?"
"Wala ba siyang mga tauhan para gumawa nito?"
"Mayroon kaya lang nasa probinsya."
"Sayang."
"Sorry." Hawak ko sa kamay nito habang bumubuntong-hininga.
"Magpapahatid na lang ako ng pagkain maaga pa kasi kung ngayon ako bibili 'di ba?"
"Oo."
Nakakahiya tuloy kay Carl. Naistorbo ko pa tuloy ang pagpapahinga niya. Sa totoo lang may gagawin pa sana kami sa simbahan para bukas pero hindi na lang natuloy nagpadala na lang kami ng ibang tao gagawa.
"Kompleto na po Ma'am Agatha mga ikinarga namin sa close van." Pasakay na sana pahenante ng makita ako.
"One hundred five po na bouquet tama po ba?"
"Opo ma'am."
"Tawagan mo ako kapag naibaba ninyo na ha?"
"Opo ma'am paalis na kami salamat."
"Okay." Pumasok ako sa loob. Abalang inaayos ni Carl ang iba pa idedeliver. Dumiretso ako sa isang kumpol na bulaklak. Mamaya raw dadaanan ito ni Nathan para sa event na hawak ngayong araw.
"My loves." inihagis sa akin ang isang box na walang laman.
"Anong gagawin ko rito?" Nakabusangot kong tanong.
"Itabi mo." Parang ang bigat ng pagkakasabi nito.
"Loves, uy loves," hindi ako nililingon. "Galit ka ba?"
"May dahilan ba?" Halata ang pagkasarkastiko ang mukha nito.
Hinagis ko sa di kalayuan ang kahon, "Kung pagod ka na puwede naman magpahinga hindi 'yong iinit ulo mo. Tandaan mo, ako lang kasama mo baka ang labas nito mag-away tayo bago maganap ang kasal bukas." nakakasama ng loob.
May dalawang kahon hinagis malapit sa entrance bago lumabas. Hayaan ko na muna siya baka hindi maganda ang pakiramdam kasi hindi naman ganyan ugali niya. Masipag si Carl. Simula pa noon una puro trabaho ginagawa. Kahit wala itong permanent job maaasahan mo siya sa lahat ng bagay.
Nag-text si Princess. Ang sabi medyo okay na raw pakiramdam ni Elaine pero sinabi kong okay lang kami kaya hindi na kailangan magpunta since patapos na rin ang mga idedeliver. Ayokong maabutan kami ng lahat na ganito kami nag-aaway sa hindi maipaliwanag na dahilan.
"Agatha!"
"Nathan!"
Luminga-linga sa paligid, "Ikaw lang? Nasaan si Elaine?"
"May sakit pero medyo okay na raw sabi ni Princess."
"Ah si Prinsesa pala nagbabantay sa kanya ngayon."
"Oo, okay na nga pala order mong bulaklak kompletong-kompleto at fresh na fresh." Ibinigay ko ang twenty five pieces ng red tulips.
"Okay thank you. So, sa iyo na rin pala ako magbabayad."
"Ah yes! Tara sa counter." Ibinigay ko ang resibo, "Saan ba kasal 'yan gagamitin? Ang astig ah red tulips."
"It wasn't a special wedding that I brought sa isang special na tao puwede pa."
Hmm...
"Sa girlfriend mo ah I see."
"No." Tinaasan ko ng kilay dahil masyadong pa-mysterious. "You should know that na para sa kaibigan mo ito ibibigay."
Walang hiya. Manloloko. Two timer.
"Lubayan mo kaibigan ko." Nababanas kong hinablot sa kamay niya ang tulips.
"Agatha!" Nakita ni My loves Carl ang ginawa ko dahilan para lapitan kami. "Anong nangyari?!"
"Pagsabihan mo itong kaibigan mo ha? Nakaka imbyerna masyado."
"Anong ginawa ko?" Maang-maangan puta!
"Ginawa? Nathan may girlfriend ka na bakit ganyan ka sa kaibigan ko? Ano gusto mong palabasin?"
"Loves relax..." Bulong ng boyfriend ko.
"Ito eh!" Duro ko kay Nathan sabay harap kay Carl.
"Relax, kakausapin ko na lang siya." Buntong-hiningang inaya ang kaibigan sa labas ng shop.
Sa sobrang badtrip nakuha kong ihagis ang mga tulips sa sofa. Nakalimutan ko nga pa lang may girlfriend siya at maling mapunta ang kaibigan ko sa isang gaya niyang manloloko at two timer.
( Carl's Point of view )
"Dre, pagpasensyahan mo na. Concern lang kasi girlfriend ko sa kaibigan niya. Bakit naman kasi balak mong bigyan ng bulaklak at iyong favorite pa niya."
"Sorry hindi ko sinasadyang magalit si Agatha gusto ko lang naman bigyan si Prinsesa dahil masaya akong nagkita kaming muli."
"Iyon nga lang ba ang dahilan?" Hinawakan ko ang balikat. "Dre, kung ano man 'yang nararamdaman mo sana hindi maging dahilan para masira kayo ni Phoebe."
"I know but..." He sigh. "Fine, gusto ko pa rin siya ewan pero simula ng magkita kaming muli bumalik sa dati ang lahat. Paano ko siya nagustuhan dati at kung paano kami nagsimula sa masayang pagsasama."
"Is that the only reason or is there more? Baka sign lang 'yan dahil hindi kayo maayos ni Phoebe baka naghahanap nang kalinga ang puso mo mula kay Phoebe sorry ha? Pero kahit sino man tanungin maling magbigay ka ng bulaklak sa ibang babae lalo at walang kaalam-alam dito girlfriend mo. Okay lang kung mag-usap kayo, magkita pero iyong ganyan? Sana nakukuha mo ibig kong sabihin."
"Nakipaghiwalay na ako sa kanya," inayos ang kwelyo pagkaraan ay sumakay ng kotse. Kinatok ko ang bintana saka muling nagsalita ito.
"Palilipasin ko muna ang mga nangyari pakisabi kay Agatha pasensya sa abala."
"Huwag kang mawawala bukas sa kasal namin inaasahan kita."
"Of course I did arrange your wedding hinding-hindi ako mawawala." Tahimik isinara ang bintana at tuluyan nang umalis.
"SO nasaan na magaling mong kaibigan ha?"
"Umalis na."
"O ano sinabi? Anong dahilan bakit niya bibigyan ng bulaklak ang kaibigan ko ha? Plano ba niyang gawin kabet o plano niyang iwan 'yong isa?"
"And that's what happened,"
"Happened what na gawin kabet ang kaibigan ko? No way! Ngayon pa lang puputulin ko na ang namamagitan sa kanila!"
"Agatha please...relax. Nakipaghiwalay siya kay Phoebe siguro dahil ayaw na niya."
"Tapos liligawan si Princess dahil alam niyang single na siya. Wala nang pananagutan sa iba."
"My loves...." Nag-back hug ako, "Ang bilis naman magbago ng isip mo. Akala ko ba boto ka isa man sa kanila ni Andrew eh bakit ngayon galit na galit ka riyan ha?"
"Nagbago na isip ko."
"Magbabago pa lalo 'yan dahil single na ulit si Nathan wala ka na problema. Sige ganito na lang kay Andrew na rin ako boto. Alam kong gusto rin siya ni Prinsesa noon pa man."
Humarap sa akin na parang nagdududa sa mga sinasabi ko.
"Ito ang huling araw na mag-jowa tayo pero bago mangyari ang kasal gusto ko sana malaman mula sa iyo kung ikaw ba gumawa 'nun."
"Nang?"
"Gumanap na Sleeping beauty si Princess dati ang sabi niya may humalik daw sa kanya. Aminin mo nga sa akin, ikaw ba? Ikaw ba nagnakaw ng halik sa kaibigan ko?" Napakamot ako sa batok while ngisi, "Carl, tama ba itong hinala ko na ikaw ang humalik sa kanya?"
"Nag-attempt pero hindi nangyari."
"Sinubukan mo pero hindi nangyari dahil???"
"Dahil nagkagulo kami sa backstage." Pinulot ko ang mga bulaklak na nagkalat, "Hindi ko nga alam na may humalik pala sa kanya that time ngayon ko lang nalaman sa iyo."
"Sigurado ka? Hindi ikaw?"
"Hindi."
"Eh sino??"
"Ewan ang tagal na 'nun."
"Pero natatandaan pa ni Pir ang lahat dahil binabase niya ang lahat sa taong humalik sa kanya."
"You mean?"
"Ganito kasi 'yon iniisip niya si Nathan ang humalik pero may pagdududa pa rin siya na baka isa sa inyo ang gumawa 'nun."
"Ah basta labas ako riyan! Yes nag-attempt ako pero hindi nangyari dahil nag-away away kami nila Kevin at Alex." Napa-isip ako, "Tama! Kasama ko sina Alex at Kevin that time!"
"Ibig sabihin wala kina Alex at Kevin?"
"At sa akin," paniniguro ko.
"Kina Anton, Nathan, Andrew at Daryll ang tamang sagot ganoon?"
"Ganoon na nga dahil hinatak ako ni Alex palayo sa stage tapos hinatak ko si Kevin kaya imposibleng makahalik sila kay Prinsesa na ganoon ang ayos namin." Hinawakan nito ang sariling chin bago tumitig sa mukha ko.
"Naniniwala ako sa iyo."
"Gusto mo magtanong-tanong ako sa kanila?"
"Kaya lang huwag masyadong obvious my loves baka magalit sa akin si Pir."
"Eh ano ba kasi mangyayari kung sakaling mahanap at malaman niya ang totoong pagkatao ng humalik sa kanya?"
"Marahil curious siya sa first kiss niya."
"Oh tapos?"
"Baka gusto lang niya malaman dahil first kiss nga niya. Siguro naman hindi niya ibabase sa nararamdaman niya ngayon."
Matawa-tawa ako, "Ang babaw na lang niya kung maiinlove siya sa taong hindi niya alam kung sino humalik sa kanya....araaay!" Hawak ko ang ulo dahil binatukan ako.
"Hindi ganyan ang kaibigan ko!" Pinandidilatan ako ng mata.
"Sabihin na nga natin isa sa kanila so ano plano niya?"
"Hindi ko pa natatanong pero sa ngayon gusto kong malaman kung sino saka malay natin di ba?"
"Na?"
"Baka kung sino first kiss niya iyon din makatuluyan." Nag-isip ako ng malalim sa mga sinabi nito. Maaaring isa sa mga kaibigan ko ang may gawa niyon nakakasigurado ako.