It's Sunday morning and I'm already dressed up. Balak ko kasing pumunta sa bahay nila Dominique para ibigay ang regalo ko sana kay Mayor kagabi kaya lang naiuwi ko noong nawala ako sa mood.
S'yempre paraan ko lang 'yung gift, 'no. Gusto ko talaga makita si Dominique at para makapag-sorry ako sa inasal ko kagabi. Kailangan magpa-good shot ako sa kanya. Ayaw ko namang habambuhay nang tumatak sa isip niya na isa akong malditang spoiled brat. Kaya habang maaga pa ay babaguhin ko na ang impression niya sa akin. 
"Good morning, Mom. Good morning, Dad," I greeted my parents when I saw them in the dining, eating breakfast.
"Ang aga mo yata ngayon? Saan ang punta mo?" Tanong ni mommy.
"Ahm, ibibigay ko po ang gift ko kay Mayor. Hindi ko kasi naibigay kagabi," sagot ko at ipinakita ang paperbag na dala ko.
Ngumisi si mom at pinaningkitan ako ng mga mata. Nagkatinginan sila ni dad at pansin ko na nagkainitindihan sila kahit hindi nagsasalita. I just shrugged. Gano'n naman talaga ang mag-asaw, 'di ba? 
"Si Mayor nga ba ang pupuntahan mo, Lia? O si Dominique?" Pang-aasar ni mommy.
I felt my cheeks heated and they both laughed. Napasimangot na lang ako.
"Mom, Dad, ibibigay ko lang po talaga itong gift. Babalik din ako agad," sabi ko.
"Okay. Basta huwag mo masyadong kulitin at abala iyon sa trabaho," sambit ni dad. Napaisip ako saglit kung sino ang tinutukoy niya nang muli siyang magsalita. "Si Dominique ang tinutukoy ko."
Pabiro akong umirap at tinalikuran na sila. Nagpahatid na ako sa driver namin patungo sa bahay ni Mayor Aranda. Malapit lang sa amin iyon dahil ang mga bahay dito sa Isla Felice, nakahiwalay ang malalaki sa hindi kalakihan.
Nasa bandang Silangan ang mga naglalakihang bahay habang nasa Kanluran naman ang mga maliliit lang. Nasa Hilaga ang munisipyo, ospital at iba pang mga gusali at nasa Timog ang mga paaralan.
Pumarada ang kotse sa harap ng gate ng bahay ng mga Aranda. Bumaba ako at agad na pinindot ang doorbell. Pinagbuksan ako ng guard pagkatapos ng ilang segundo.
"Ahm, good morning. I am Camellia Fortalejo. Nandyan po ba si Mayor Aranda?" tanong ko.
"Miss, hindi n'yo po puwedeng basta-basta makausap si Mayor. Dapat may appointment kayo," sabi ng guard.
Napasimangot ako dahil hindi ko naisip na baka mahigpit ang seguridad dito sa kanila. Hayst. Ano ba sa tingin ko? Na porke't inimbitahan kami sa party nila kagabi ay puwede ko na siyang puntahan kahit anong oras? 
"Hindi po ba talaga pwede? Iaabot ko lang itong regalo ko para sa Mayor," pamimilit ko pero umiling lamang siya.
Napabuntong-hininga ako at tumalikod na. Nanlaki ang mga mata ko nang makita si Dominique na mukhang kagagaling lang mag-jogging. Nakasando at itim na jogging pants siya.
"What brings you here Miss Fortalejo?" he asked in a serious tone that almost make my knees trembled.
"Ahm, ibibigay ko lang sa dad mo ang gift ko sa kanya. Hindi ko naibigay kagabi kasi umuwi ako agad," sagot ko at ipinakita ang paper bag.
Nagbaba siya ng tingin sa hawak ko at sinenyasan ang guard na buksan ang gate. Napangiti ako nang palihim. Akala ko hindi niya rin ako papasukin, eh. 
Nauna siyang pumasok at sumunod naman ako. Bumungad sa amin ang malawak na hardin na puno ng iba't ibang bulaklak. Mahilig yata sila sa mga bulaklak. May fountain sa gitna at may batong anghel na nakaupo sa tuktok nito. Alam ko namang malawak ang lupain nila pero hindi ko naman inakala na ganito kalaki pala. 
Pagpasok sa loob ng mansyon ay malawak na sala ang makikita. May malaking flat screen T.V. rin. Umakyat si Dominique sa hagdan kaya sumunod ako sa kanya. Sa bilis niya maglakad ay hindi ko na napagmasdan ang paligid,basta huminto siya sa harap ng kulay gray na pinto.
Kumatok siya roon at hinintay na may magsalita bago pumasok.
"Dad, someone wants to talk to you," he said and opened the door widely for me to enter.
Pagkapasok ko ay isinara na rin ni Dominique ang pinto at iniwan kami ni Mayor.
"Good morning, Miss Fortalejo. Ako ba ang iyong sadya? O ang aking anak?" Pabirong tanong ni Mayor kaya namula na naman ang mukha ko.
"Ibibigay ko lang po sana ang regalo ko sa'yo, Mayor. Hindi ko pa naabot kagabi dahil umalis na po ako agad," sagot ko at inilapag sa mesa niya ang paper bag na may lamang painting ng kanyang mukha na ako ang gumawa.
"Salamat, Hija. Pasensya ka na pala sa nangyari kagabi."
"Ayos lang po," sagot ko.
Bumukas bigla ang pintuan at pumasok si Dominique. Nakabihis na ito ng kaswal na damit at mukhang may lakad.
"Dad, pupunta ako sa planta. Titingnan ko kung anong lagay doon," sambit nito at sinulyapan din ako.
"Sige, hijo. Bakit hindi mo isama itong si Camellia para naman makapamasyal siya sa planta?"
Napalingon ako kay Mayor sa sinabi niya. Nakangisi ito sa anak niya at nakita kong napakunot ang noo ni Dominique. Ano bang trip ni Mayor? Or should I say, ano bang trip ng mga magulang namin? 
Nagkibit-balikat lang si Dominique at lumabas na ng opisina.
"Sige na, Hija. Sumama ka na kay Dominique at kapag sinungitan ka magsumbong ka sa'kin."
Hindi ko alam kung seryoso ba si Mayor pero sumunod na lang din ako kay Dominique. Tutal ito naman ang plano ko, ang makasama si Dominique.
Paglabas ko ng mansyon nila ay nakita ko si Dominique na nakasandal sa pinto ng sasakyan niya at nilalaro ang susi.
Damn! He looked like a model from a magazine.
"Let's go," he said before he opened the car door for me.
Hindi na ako nagsalita at pumasok na sa kotse niya. Gusto ko rin kasing makita ang Aranda Plantation. Nadaraanan ko naman iyon kapag pumapasok sa school pero hindi pa ako nakakapasok.
Mabango sa loob ng kotse niya. At nang pumasok siya ay nalanghap ko rin ang kanyang pabango. Hindi masyadong matapang at nakakahilo.
"About last night, gusto ko sanang mag-apologize sa inasal ko sa maid niyo. Ayaw ko lang talaga na nadudumihan," sambit ko at napangisi siya.
"Ayaw mong nadudumihan pero sasama ka sa planta? Baka mamaya awayin mo lahat ng trabahador doon."
Napasimangot naman ako. "Hindi naman ako warfreak, 'noh. At saka si Mayor kaya ang nagpasama sa akin sa'yo."
"I know what you're doing, Camellia. Don't try to flirt with me, wala ka lang mapapala." Seryosong saad niya kaya agad ko siyang hinampas sa braso.
"Ang taas ng tingin mo sa sarili mo. I'm not flirting with you, 'noh!"
Natawa na lang siya at hindi na sumagot. But I wonder if I don't really have a chance on him. As if namang may makakatiis sa ganda ko. 
Ilang saglit lang ay nakarating na rin kami sa planta ng mga Aranda.
Ang alam ko ay dito sila nagma-manufacture ng mga produkto na isinu-supply nila sa iba't ibang bahagi ng bansa. May malawak silang taniman na talaga namang may mga malulusog at matatabang pananim.
Bumaba siya ng sasakyan at ganoon din ako. Alas nuebe na ng umaga kaya naman medyo mainit na. Nagsilingunan sa amin ang mga trabahador at ang iba ay bumabati kay Dominique. Halatang malapit siya sa mga tauhan nila. Well, wala naman akong naririnig na reklamo sa pamilya Aranda kaya sa tingin mababait talaga sila. 
"Sa office ka na lang maghintay para hindi ka mainitan,"sabi ni Dominique at itinuro iyong mababang building kung nasaan ang opisina niya.
"Hindi na. Maglilibot-libot na lang ako,"sagot ko at iniwan siya doon.
Hindi na niya ako nasundan dahil nilapitan na siya ng ibang trabahador at sinabi ang lagay ng planta. Nagtungo naman ako sa kabilang parte at tinignan ang pinagkakaabalahan ng mga tao roon. May mga nagbubuhat ng mga kahon at inilalagay sa truck.
Napakalawak ng lugar na ito. Nakita ko pa ang ibang tauhan na may inaasikasong mga pananim kaya lumapit ako roon.
"Hija, bisita ka ba ni Sir Dom?"tanong sa akin ng isang matandang lalaki.
"Opo. Naglibot lang po ako dahil ngayon lang ako nakapunta rito," sagot ko.
"Hindi ka ba naiinitan? Baka masira ang balat mo, napakamestisa mo pa naman," sambit nito kaya medyo natawa ako.
Sasagot pa lang sana ako pero may babaeng dumating. Namukhaan ko siya, siya iyong babaeng nakatapon sa akin ng alak kagabi.
"Tay, ito na po ang tanghalian ninyo. Didiretso na po ako kila Mayor," sambit nito at inabutan ng isang supot ang matanda na tatay niya pala.
"Salamat, anak. Huwag ka magpagabi ngayon at may pasok ka pa bukas." Bilin ng matanda.
"Opo,itay," sagot ng babae at napatingin sa akin. Nanlaki ang mga mata niya na parang natakot.
"Ano pong ginagawa niyo rito? Pakiusap huwag niyo pong ibabalik kay itay ang galit niyo sa'kin. Ako na lang po ang gantihan niyo. Patawad po talaga sa nangyari kagabi." Biglaan niyang sambit.
Naguguluhang napatingin ang ama niya sa akin. Teka, sa tingin niya ba narito ako para gantihan ang ama niya? Ha! Hindi ako ganon kababaw, 'noh?!
"Sabelle, ano ba iyang sinasabi mo? Bisita siya ni Sir Dom kaya narito siya," sambit ng ama niya.
Pero hindi nagpatinag si Sabelle at lumuhod pa sa harapan ko.
"Pakiusap, huwag po ang ama ko. Hindi ko naman po sinasadya ang nangyari kagabi. Patawarin niyo po ako." Umiiyak na sambit niya.
"Anong nangyayari rito?"
Napalingon kaming tatlo sa pinanggalingan ng boses at nakita ko si Dominique.
"I don't know. She thought I'm going to hurt her father."I answered.
Tiningnan niya ako saglit bago nilapitan si Sabelle. Itinayo niya ito at napaiwas ako ng tingin. Hindi ko alam bakit naiinis ako kapag tinutulungan ni Dominique ang babaeng 'yan.
Am I jealous? Okay fine, I'm really jealous. I like him and he's going to be mine.
_________________________