Marviel Kismet Chen's Pov
"Kamusta ka na?" nakangiting tanong ni Kara
Sa wakas, natapos din ang punishment ko. kaya naman nabisita ko agad sila ni Mira
Close na pala silang dalawa, sayang wala pa rin kasi akong kasama sa Crazy ward. Kaya kailangan ko paring magpunta dito sa cardio ward
"Ayos lang naman, ganun parin. Bigla-biglang nakakatulog" kibit-balikat ko
Medyo bothered din ako sa nangyayari, hindi naman ako ganito dati, tapos may mga nakakalimutan pa ako. Tulad ng nangyari last week kung saan daw bigla nalang akong nahimatay at si Thomas pa nagbuhat saakin papunta sa Emergency room dahil nauntog pa ang ulo ko sa bookshelf
Pati tuloy si Mommy at Daddy nagpanic. Hindi ko din maalala ang ginagawa ko ng oras na yun, kaya lalo akong nag-aalala
"Mukhang naiistress ka. Try mo kayang kumausap ng doctor? Yung pwede kang payuhan" komento ni Mira
Buti pa sya mukhang nagbabakasyon lang, nakadekwatro pa habang nagbabasa ng libro eh
"Ganun na ba kalala ang mukha ko?" pout ko
Alanganin namang tumango si Kara "Medyo. Pero wag kang mag-alala, cute ka parin" ngiti nya na ikinangiti ko din
Umupo sya sa tabi ni Mira at nagsimulang iligpit yung mga librong binasa ng magaling kong kapatid.
Hindi man lang marunong magligpit eh
Tama nga ako na mabait talaga sya, sa ilang araw na nakakausap ko sya. Mas nakikilala ko din sya, mahiyain din sya nung una kaya nagka-ilangan kami. Buti nalang at deretsong magsalita si Mira. Kaya sya ang naging way para maging friends din kami
"Wag mong sinasabihan ng cute yan. Baka lumaki pa ang ulo" sabat ng bitter kong kapatid
Tinignan ko sya ng masama na ikinatawa ni Kara
Nakakainis din ito eh, hanggang cute lang naman hinihingi ko. Tanggap kong hindi ako maganda
"Aalis na nga lang ako, baka bullyhin mo pa ako lalo" alis ko nalang
Hindi ko na din hinintay pa ang pagsagot nila at mabilis na lumabas. Narinig ko pang tinawag ako ni Kara, pero hindi ko nalang sya pinansin at bumalik na sa ward ko
Inaantok nanaman ako, nakakainis naman kasi wala akong makasama-sama sa ward. Wala tuloy akong makausap
Sana naman may mabaliw at ipunta sa crazy ward. Kahit isa lang...
------------------------------------------------------------------
Miracle Destiny Chen's Pov
"Nakaalis na?" tanong ko kay Kara at binaba ang librong props ko
"Yup" thumbs up ni Kara na ikinangiti ko "Ang galing mong umarte, pero wag mong masyadong galingan, alam mo naman ang mangyayari sakanya kapag umatake sakit nya" dagdag nya pa kaya napabuntong-hininga ako
Alam ko naman yun, pero hindi namin magagawa yung surprise namin sakanya kapag nandito sya
Sa kulit ng babaeng yun, madali nyang malalaman ang sekreto namin
"Bilisan nalang natin baka bigla syang bumalik" ngiti ni Kara na ikinatango ko
Buti nalang at nakilala sya ni Viel, nagkaroon ako ng instant best friend na handa akong samahan kahit saan. At ito nga, balak naming lumipat sa crazy ward para makasama ko ang makulit kong kapatid.
Pumayag din naman si Kara na samahan ako para daw magkakasama kaming tatlo. Kaya yun ang magiging surprise namin
Mabilis ang mga kilos naming nag-impake, nakiusap na kasi kami kay Mommy na lilipat kami, at pupunta nalang dito kung may check-up o anuman.
Kasama ang mga nurse at doctors na sasama saamin papunta sa crazy ward, pumunta na kami. Syempre dala ng mga nurse ang gamit namin
"Excited na akong makita ang reaction ni Viel" natatawang sabi ni Kara
Natawa din tuloy ako ng maisip ang gulat na mukha nya, sana magustuhan nya to. Palagi nya ding sinasabi na gusto nya ng kasama sa ward nya since special ward talaga ang kinaroroonan nya
Hiniwalay kasi nila Daddy ang crazy ward at mental ward para talaga kay Viel, since wala naman talaga syang sakit sa pag-iisip. Baka kasi lalo syang maistress. Kaya ang papayagan lang sa crazy ward ay yung mga light mental disoder or mga brain malfunctions. Kaya wala pa din syang makasama-sama eh
"For sure matutuwa yun" nakangiting sagot ko nalang
Sana talaga matuwa ang antukin na yun
------------------------------------------------------------------
Timothy Range Pantanor
Should I visit her?
Baka nandoon nanaman si Kurt..
Tumayo na ako mula sa pagkakaupo sa swing, tsaka naupo ulit ng maisip na baka nandoon ang pinsan ko
Ewan ko ba, gustong-gusto kong puntahan si Viel. Kahit na tinulak nya na ako palayo. Gusto ko paring subukan. Pero baka lalong lumala yung sakit nya eh
But I think she needs me, magkaibigan parin naman kami. Dapat dinadamayan ko sya ngayon.
Pero paano nga kung nandoon si Kurt? Paniguradong sasaya na sya kapag nandoon yun.
Hindi naman sa pagiging seloso o ano, pero hindi ako manhid para hindi mapansing may gusto ang pinsan kong yun kay Viel. At alam kong gusto din sya ni Viel.
Well sa tingin ko may pag-asa pa naman ako, pero kahit na wala, si Viel lang talaga ang gusto ko eh. And I'm willing to do everything for her. Kahit ano pa yan
"Timothy?"
Agad akong napatingin sa tumawag saakin at nakita ko nga ang nakangiting mukha ng kaklase namin sa elementary na si Lanie
"Hello" napangiti ko ding bati
Kilala ko sya since naging classmate namin sya ni Viel. Pero hindi ganun kaclose. Kaya napansin ko ding ang malaking pagbabago ng mukha nyang lalong nagpacute sakanya
Cute, kasi para sakin si Viel lang yung maganda, hahaha!
"Bakit ka nandito?" halatang nahihiya nyang tanong
Namumula yung buong mukha nyang lalong ikinalawak ng ngiti ko
Sa pakikitungo nya kasi para syang may crush saakin, cute naman sya kaya ok lang
"Wala, trip lang. Upo ka" aya ko sa katabi kong swing
Umupo din naman sya sa swing na katabi ko at bahagyang nagswing
"Hindi mo ata kasama ngayon si Viel?"
Ito lang ang disadvantage kapag alam ng lahat na magkakaibigan kami, halos lahat kasi ng mga classmates namin, alam na prinsesa namin ni Kurt si Viel at pareho pa naming gusto
Kaya nga palagi naming sinasamahan, kasi baka bigla syang awayin ng mga babaeng nagkakagusto saamin. Yung isa lang naman ang manhid na hindi mahalata ang effort namin.
"Nasa hospital sya" sagot ko nalang
Kumunot ang noo nya sa sinabi ko
"Bumisita? Bakit hindi mo sinamahan?"
Mahina na akong natawa
Palagi kasi akong nakabuntot kay Viel, kaya siguro nagtatanong sya ng ganyan
"Nakatira na sya doon" ngiti ko na lalong ikinalito ng mukha nya
"May sakit na din ba sya sa puso tulad nung kapatid nya?" pagtatanong nito
Hindi ko na tuloy napigilang matawa
Ang cute ng pagiging slow nya
"May narcolepsy sya" napaiwas ng tinging sagot ko
Ramdam ko tuloy ulit yung panghihinayang.
Madalas kasing pumapasok sa isip ko na kung sakali bang hindi sya nagkasakit, may possibility bang ako ang pipiliin nya? Kasi kung oo, then I'll do my best. Kung kailangan mag-aaral din ako ng mabuti tulad ni Kurt gagawin ko. Tsaka ako gagawa ng gamot sa narcolepsy
Mukhang nagulat si Lanie sa sinabi ko, kaya mahina nalang akong nangiti
Hindi naging pala-kaibigan si Viel since kami ang palagi nyang kasama, kaya possible na hindi nya maalala si Lanie. Pero kitang-kita ko kay Lanie na nag-aalala sya kay Viel sa nalaman nya
"Gusto mo kong samahang bisitahin sya?" tanong ko nalang
Gustong-gusto ko talaga syang makita eh
"Kung ok lang" nahihiya nyang tanong na ikinangiti ko din naman agad
"Oo naman, tara bili muna tayo ng pasalubong. Patay gutom ang isang yun eh" biro ko at tumayo na
Tumayo din naman sya at masaya pa kaming nagkwentuhan. May mga similarities sila ni Viel na napapansin ko kaya madali ko syang nakasundo.
Mukha din naman syang mabait, makulit din sya na lalo kong ikinatuwa. Paniguradong matutuwa si Viel kapag naging kaibigan nya din si Lanie.
------------------------------------------------------------------
"Whoa! Nandito ka na din" napangiting bati ko kay Mira na nakaupo sa gilid ng kama nya
Naging dalawa ang queen size bed sa kwarto ni Viel, yung isa may kulay na yellow na unan. Kay Viel yun. Habang yung isa purple, na paniguradong kay Mira
Napangisi din naman sya at bahagyang binaba ang binabasa
"Nakausap ko na si Mommy na dito na ako, para may kasama sya" turo nito sa kapatid na busy sa paglalaro sa phone
Adik talaga to minsan sa gadgets eh. Kaya malabo ang mata
"Huy, tigil mo muna yan" mabilis na lapit ko sakanya at kinuha ang phone nya
"Putsa ka naman Ten eh! Mapapatay ko na si Itsuki!" himutok nito at pilit kinuha ang phone
Pero dahil matangkad ako, hindi nya maabot. Kaya tawa lang ng tawa saamin si Mira
Tinignan ko naman ang nilalaro nya at napangiwi ng makita kong simulator nanaman at nagkalat pa ang mga taong nakamask na pumapatay
Minsan talaga nakakatakot syang pumili ng laro, kung ano ang ikinaamo ng mukha nya, yun pa ang ikinasama nya sa laro. Parang serial killer game to eh
"Ang bayolente" hindi ko na napigilang ngiwi
"Sino ba kasing nagsabi sayong tignan mo? Akina nga!" hindi ko na sya napigilan ng tumalon sya at nakuha nya ulit ang phone "Kainis! Inunahan tuloy ako nung isa" himutok pa nito ng mukhang namatay yung pinapatay nya
Napailing nalang ako
Sa kanilang magkapatid, siguro kung may paghihinalaan na pumapatay, aakalain ng lahat na si Mira yun. Ang tapang kasi ng mukha nya. Habang si Viel sobrang amo. Kahit na magkamukha sila, magkaibang-magkaiba sila ng vibe na nabibigay
Pero ang totoo, maloloko ka lang sa amo ng mukha nung isa, kakaiba kasi yung pag-iisip nya. Mas malala din na alam nyang maamo ang mukha nya at madalas nya pang gamitin yun
Atleast sa pagpapacute lang at hindi ko pa naman sya nakitang nagsimula ng gulo
"Nga pala Viel, may papakilala ako sayo. Gusto ka daw kamustahin" kuha ko nalang ng atensyon nya
Para matigil sya sa paglalaro ng bayolenteng laro nya
Mukha din namang gumana dahil natigil din sya at tumingin saakin
"Lanie, pasok ka na" hila ko din naman sa kasama kong dala ang ibang binili nya
Sabi ko kasi kaninang ako na ang magbabayad, pero gusto nya din daw magdala ng ibibigay nya kay Viel, kaya hinayaan ko na sya
"Viel, si Lanie. Kaklase natin sya nung elem. Gusto ka daw kamustahin" pakilala ko sakanya
Ngumiti din naman ang dalawa sa isa't-isa.
"Hello, Oo natatandaan ko sya. Kamusta na?" tango din naman ni Viel at tumayo para batiin ito ng yakap
Mukhang magkakasundo din naman pala sila
"Ayos lang naman, ikaw?" nahihiya pang bawi ni Lanie
Mukhang nagkakahiyaan pa sila ah.
"Ayos lang din, upo ka dito" tapik ni Viel sa tabi nya "Ano pala yang mga dala mo?" tawa nito
Dinadaan nya sa tawa yung hiya nya, madalas ganyan sya kapag nakikipagkilala. Pero kapag nakaclose nya na, paniguradong magiging makulit na sya
"Ah mga prutas, para sayo" abot ni Lanie ng dala nyang basket na ikinangiti din ni Viel
Nagdesisyon akong lumapit kay Mira na busy parin sa pagbabasa, napapansin ko kasi kapag hindi sya kinakausap. Hindi din sya nagsasalita.
"Pwedeng paupo?" agaw ko ng atensyon nya
Tumingin naman sya saakin at nakangiting tumango "Go ahead" usog nya sa uluhan kaya umupo ako sa gilid
"Akala ko ba bibisitahin mo si Viel?" may himig ng panunuksong tanong nya
Napangisi ako
"Maya nalang, busy sya" tawa ko ng hindi nya man lang ako kausapin dahil kausap nya na si Lanie
Ang babaeng to talaga...
Pero kahit ganito sya, hindi ko parin maiwasang mapangiti. Lalo na kapag nakikita kong masaya sya.
Simple lang sya, kahit na maliit na effort matutuwa na agad sya ng sobra. Mababaw lang din ang kaligayahan nya. Hindi na kailangan ng mamahaling regalo o pagkain sa birthday nya, basta nandoon ang mga taong importante sakanya
But the most important thing about her is, she's also sensitive. Napakasensitive nya to the point na mas pinipili nyang sumaya ang mga tao sa paligid nya.
Pero sa ngayon, gusto kong sya din ang sumaya. So I'll do whatever it takes to make her happy. Kahit anong ipagawa nya, gagawin ko
Dahil mahal na mahal ko sya. Just to see her smile