Nauna sila Aidan at yung dalawa pa nilang bandmate. Nung malapit na kame sa entrance ni Isang. Narining namin:
"Tangina mo Master Aidan, Hokage ampota!" Tapos nag-tawanan silang tatlo.
"Gago!" Sagot ni Aidan. Tawanan na naman sila.
Nung nakapila na kaming lahat. Sabi nung Chot:
"Inamo ka Aidan, magpaalam ka muna! Hindi ka si The Flash, hayop ka!"
"Animal ka! Nagpaalam na ko!" Sagot ni Aidan. Tapos tawanan na naman sila. Yung dalawang bruhang kasama ni Chot sa kotse nagtataka kung anu ang topic.

Vigan
Sobrang ganda ng Vigan sa gabi. Ayun kinuhaan ako ng kinuhaan ng picture ni Isang. Feeling pro ang lola mo! Kanina sa byahe walang magawa si Isang, kaya na-braid nya yung buhok ko. Prepared si Isang para sa presyo ng kainan na ito. Ito pala ang gusto niyang kainan na restaurant kaya nagtipid kame kaninang lunch. Nag-order kame ng Italian food. Ang laki ng serving! Pang lima na tao ata ito?
"Wine tayo bes?" Tanong ni Isang sa akin. "Para kunwari nasa Italy tayo! Wait ganyan ka lang, I'll take your picture!" Nakailang shots din si Isang.
“Far away look pa bes. Tingin ka sa malayo dali!” Utos ng feelingerang photographer.
Natawa ako sa mga pinagagawa sa akin ni Isang, Hay naku talaga!
“Wag ka tumawa bes, any ka ba? Tumingin ka lang sa malayo. Side view lang, ang ganda nung effect ng mga ilaw bes! Tingnan mo? Iniharap sa akin ni Isang ang camera at totoo naman ang ganda ng resulta.
“Diba bes? Aesthetic!” Sabi ni Isang na tinitingnan ang mga previous shots nya sa akin.
“Dami mong alam bes! Aesthetic, aesthetic ka pa nalalaman!” Komento ko kay Isang.
"Ayan na si Kuya!" Sambit ni Isang nang may lumapit sa amin na waiter. Nag-order si Isang ng wine. Di naman ako umiinom ng alak kaya tumanggi ako.
Grabe ang epekto ng kalahating glass of wine kay Isang. Ang daldal ng bruha, kung anu-ano pinagsasabi. Saka ang landi ng tawa nya. Pinagtitinginan kame ng mga foreign nationals sa katabing mesa. Siguro mahigit isang oras na din kame dito sa Vigan. May lumapit sa amin na mukhang nakainom na mga Pinoy.
"May nakaupo Miss?" Sabi sa upuan na katabi ni Isang.
"Wala!" Sabi ni Isang. Kasabay na pagsagot ko ng ‘meron’.
Napaatras ako palayo dun sa lalake kasi muntik na siyang sumubsob sa akin. Bigla na lang may kamay na bumuhat sa balikat ng lalaki at iniangat ito, pagkatapos ay sinalampak ito sa silya. Tumingala ako sa mayari ng kamay. Si Aidan.
"Tara na!" Sabi ni Aidan. Kinuha ko ang camera ko kay Isang baka bumagsak pa.
Tipsy na kasi si sya. Pagdating sa sasakyan yoong dalawang babae—na hindi ko na gusto alamin ang pangalan— eh sa van sumakay. Iba pala nagagawa ng alak, naligaw ata silang dalawa at mali ang sasakyang pinasukan? Si Isang humiga sa likod ng kotse ni Aidan, hindi na makausap. Napapa-iling na lang ako sa bestfriend ko. Paano kung wala ako dito? Maglalakad na ako papunta sa van para kunin yung bag ko ng biglang nagsalita si Aidan.
"Saan ka pupunta?" Pasigaw yung tanong nya.
"Kukunin ko bag ko." Sagot ko kay Aidan.
"Sumakay ka na, ako na kukuha!" Nakasimangot niyang sabi. Bakit parang galit siya?
Sumakay na ko habang hawak yung DSLR ko. Nang makabalik si Aidan nag-sabi ako ng thank you tapos binuksan ko ang bag ko. Tiningnan ko kung may nawala. Okay naman, kumpleto naman gamit ko. Napaigtad ako ng biglang may bumusina sa likod namin, muntik ko ng nabitawan ang bag ko. Si Chot pala tumapat sa amin. Siya nagda-drive ng van. Binaba ni Aidan bintana nya.
"Lasing ang mga animal!" Komento ni Chot. "Ako na lead, pre!"
Tumango lang si Aidan at may pinindot sa side nya para sumara ang bintana. Umalis na si Chot pero mabagal lang takbo niya parang hinihintay kame sumunod. Nagrereply ako kay mama ng magsalita si Aidan.
"Manliligaw ako." Sabi nya. Feeling ko mali intindi ko?
"Ano?" Tanong ko kay Aidan. Paglilinaw ko sa sinabi nya.
"Wala!" Sagot niya. Tapos bumalik na siya sa pagmamaneho.
Tinuloy ko na pag-reply kay mama. Sinasabi ko lang kung saang lugar na kame para updated sila ni papa.
"Patugtog ka na." Sabi sa akin ni Aidan.
Pinili ko na kanta yung Original Sound Track ng The Fault in our Stars, Let me in by Grouplove. Umayos ako ng upo kasi lumalamig na.
"May jacket dyan sa compartment." Sabi ni Aidan sa akin habangg nakatingin sya sa daan. Gabi na din kasi kaya lumamig bigla at madilim na kailangan niya mag-focus sa daan.
Kinuha ko agad kaysa mag-ihi ako sa lamig. Sinuot ko yung jacket saka ko kinalas yung braid ko medyo na-kulot ang buhok ko. Na amoy ko yung shampoo ko sa area ko. Hala! Amoy pawis na yung ulo ko nakakahiya!
"Sabi ko manliligaw ako!" Biglaang sinabi ni Aidan.
Nagulat ako sa sinabi niya at nilingon ko siya. Kinabahan ako bigla at napalunok ako sa narinig ko.
"Pwede ba?" Dagdag pa niya na nakangiti sa akin.

Ito na ba yun? Yung risk na dapat nating i-take? Nginitian ko din siya at sinabing, "Sige."
Baguio
Mga past 9pm na kame nakarating sa bahay ng lolo ni Aidan. Pagod na lahat at antok. Binuksan ko na ang pinto ko para makapag-unat na ng binti. Paglabas ko nakaabang na si Aidan. Sinamahan niya ako at si Isang sa kwarto na pagtu-tulugan namin.
Nanghiram na ko ng shirt kay Aidan kasi kukulangin ata damit ko na dinala. Pinahiram nya ko ng white na V-necked shirt. Ang bango lang ng shirt nya eh! Sarap ng tulog ko nito panigurado.
******
"Cali." May tumatawag sa kin sa panaginip ko. "Calista?"

"Yugyugin mo yung bed!" Sabi ng isa pang tinig, "Uy! Ali anu ba gising na!" Sigurado ako si Isang yun.
Umupo ako sa bed at nakatulala lang. Alam ko napaka-gulo ng buhok ko pero wala ako pakialam. Para akong nakalutang at nahihilo pa ako. Humiga uli ako, pumikit at saka nag-unat.

"Hoy! Calista mahiya ka uy. Bahay mo? Kwarto ni Aidan 'to." Si Isang na naman yun.
"Yaan mo sya!" Sagot ko. Narinig ko tumawa si Aidan.

"Dyan na kayo." Sabi ni Isang, "Ako nakainom pero parang si Cali may hangover!"
"Kargahin na kita?" Tanong ni Aidan.
"Wag." Sagot ko na nakapikit pa rin.
"Maganda ka pala sa umaga?" Sabi ni Aidan.
"Matagaĺ na." Sagot ko. Tumawa na naman si Aidan at lumabas na, buti naman at nagsi-layas na sila at antok na antok pa ako!
Pinuntahan ako ni Isang sa kwarto kasi daw alas-tres na! Grabe nakakahiya! Sobrang pagod ko ata at nakatulog ako ng sobra. Kasi naman off ko ngayon, pakiramdam ko ata ng katawan ko nasa bahay ako. Tiningnan ko ang phone ko at kumpirmado nga! It’s 3:03pm, Saturday.
Nahihiya akong pumunta sa dining area nila Aidan kaya sinamahan ako ni Isang na bumaba papunta doon. Andoon yung kasambahay nila at tinanong ako kung gusto ko na bang kumain. Andoon din sila Aidan at Chot nagmemerienda na sila ng pizza at Coca Cola. Nagpunta muna ako sa kuhaan ng tubig kasi nakalimutan ko magmumug kaya iinom na lang ako para mawala na pagkauhaw ko. Pagka-inom ko ng tubig may narinig ako nagpa-piano.

Nasa kusina kami lahat at parang nasa sala ata yung nagpa-piano. Lumakad ako sa sala at sumilip kung sino ang nagpa-piano. Isang batang lalaki ang nakaupo at pumipindot dun sa upright piano. Nakalimutan ko yung title pero alam ko ito ang tinutugtog lagi sa kasal. Ang galing tumugtog grabe nakaka-tuwa lalo na kapag bata.

Lumakad si Aidan at lumapit sa bata. Huminto ang bata sa pag-piano at tumayo then lumapit sila sa akin.

“Si Albee, anak ko.” Pakilala ni Aidan sa bata. Nagulat ako ng sobra pero tinago ko na lang sa pag ngiti. Kamukhang kamukha ni Aidan ang anak nya. Pareho silang matangos ang ilong. Pati ang nang-uusig na mata ni Aidan nakuha ng bata. Paglaki ng batang ito malamang marami din paiiyakin.
“Hello, Albee!” Sabi ko na lang, “Ilang taon ka na?”

“I’m eight years old po.” Sagot ni Albee.

“Ang galing mo naman mag-piano.” Komento ko kay Albee.

Bahagyang ngumiti ang bata at sumagot ng, “Thank you po.”

“Marunong din yan si Ali magpiano, Albee,” Sumabat na naman si Isang.

“Grabe hindi naman.” Pagsagot ko. Pahamak talaga itong si Isang. Iba ang marunong sa magaling at minsan lang ako makahawak ng piano. Kapag dumadalaw lang ako sa pinsan kong si Andrea.

“Come on, let's play!” Yakag sa akin ni Albee.

Tiningnan ko na lang ng masama si Isang. Mamaya ka sa aking bruha ka! At naglakad na ako papunta sa upright piano. Nakatayo sa tabi si Albee at naghihintay sa akin. Tinuro sakin ni Albee ang upuan at minuwestrang umupo ako. Masa-sabunutan ko talaga si Isang! Ayoko na talaga humawak ng piano kasi maaalala ko lang si Andrea. Pumikit ako at pinuwesto na ang kamay ko sa keys ng A Thousand Miles ni Vanessa Carlton.

“Bridge na agad tugtugin ko ha,” anunsyo ko kina Isang at Albee.

At tinugtog ko ang bridge at sinabayan ang mahinang pag-awit ng kanta. Ayokong maiyak dito, nanginginig na mga daliri ko pero tatapusin ko na lang para kay Albee. Nang matapos ang kanta nilingon ko si Albee sa kaliwa ko at nginitian.
“Why didn’t you start at the beginning of the song?” Tanong ni Albee.

“The song reminds me of bittersweet memories.” Sagot ko kay Albee.

“What do you mean?” Tanong ni Albee.

“Albee!” Saway ni Aidan.

“It reminds me of my cousin.” Sinabi ko na lang at tumayo na mula sa piano chair.

“What’s wrong?” Tanong uli ng bata.

“My cousin is dead.” Sinagot ko kay Albee at nagsimula na akong maglakad papunta sa kusina.

“I’m sorry,” Narinig kong sinabi ni Albee. Nilingon ko na lang siya at tumango. Napa-buntong hininga na lang ako habang naglalakad.