Napangiwi si Anna sa mga damit ni ibinigay sa kaniya ni Natasia. Sleeveless iyon at skirt na hanggang kalahati ng legs niya. Hindi siya sanay magsuot ng ganun!
“Wala na bang iba?” tanong niya dito.
“Wala na Anna,” nakangising sagot ni Natasia. “Ano ka ba i-flex mo naman ang legs mo. Halos lumuwa kaya ang mata ng mga kalalakihan sayo kahapon!” biro nito.
“Baka sayo sila nakatingin at hindi sakin,” sagot lang niya. Hindi pumayag si Natasia na palitan niya ang damit kaya wala siyang nagawa kundi isuot iyon.
Pinagtitinginan siya ng mga katrabaho pagkadating nila sa venue. Makailang ulit niya hinihila ang skirt pababa ngunit talagang maiksi ito. Nahihiya siya sa tingin ng mga kasamahan sa Department pati ng Sir Felix niya.
Nakita niya ang pagpasok ni Jake sa gym at napatungo siya ng makitang kasama na naman nito ang babae. “Impakto talaga! Mula ngayon aalisin ko na lahat ng paghanga ko sayo!” bulong ng isip niya. Nag-angat siya ng tingin at nakita niyang pinagmamasdan siya nito. Nakakunot ang noo nito na tila wala sa mood. “At siya pa ang may ganang tingnan ako ng pagalit?” inis na napairap siya dito at hindi na ito tinapunan muli ng tingin. Ini-announce na ang laban nila ng finals kung kaya nagpasiya siyang magbihis na ng uniform.
“Are you okay?” tanong sa kaniya ni Natasia ng magkita na sila sa court. Tumango lang siya at tinapik naman siya nito. Makakalaban na nila ang team ng sinasabi nitong si Miss Basides kaya kailangan niyang mag-focus. Malaking babae si Miss Basides at mukhang mahihirapan sila sa team nito. Nakita niya sa laro ng mga ito kahapon na may mga nakakampi itong bagong empleyado na marunong din sa volleyball.
Pumasok na sila sa court at panay na ang kantiyawan ng magkabilang grupo. Pumito ang referee hudyat na simula na ang laban ng dalawang grupo. Naging dikit ang score ng kanilang team. Kapansin-pansin na mahaba ang bawat rally at nakaagaw ito ng atensyion ng lahat. Unti-unti ay dumami ang nanunuod sa kanila. Nahihirapan siyang saluhin ang bawat serve ng kalaban nila kaya sa unang set ay natalo agad sila.
“Anna! Bawi tayo next set,” pag-aalo sa kaniya ni Natasia. Humihingal na tumango siya sa kaibigan at matamang pinagmasdan ang kabilang team na nakamasid din sa kanila.
Sa ikalawang set ay lumamang agad sila. Mas naging maingat sila sa bawat palong binibitawan. Pagod na pagod at pawisang pawisan na siya pero sanay siya sa ganoon. In fact, she missed those feelings. Iyong thrill na dulot ng paglalaro. Ilang beses siyang napaluhod at napahiga pero hindi niya ininda iyon. Kasama iyon sa laro. Nanalo ang team nila ng ikalawang set, ngunit sa ikatlo ay natalo na naman sila. Hindi maitatanggi na mahusay din talaga si Miss Basides. Isa nalang at talo na sila ng team nito.
Pagkatapos ng fourth set ay nakahinga siya ng maluwag ng maipanalo nila iyon. Lalong nabuo ang tensiyon sa court dahil sa final set. Bago magsimula ang laban ay hindi sinasadyang napasulyap siya sa pwesto ni Jake. Napansin niyang mataman siya nitong tinitingnan. Wala na ang magandang babae na palagi nitong kasama. Si Sarah na ang katabi nito at si Dean. Nakita niyang kumaway sa kaniya si Sarah kung kaya napilitan siyang tapunan ito ng ngiti. Hindi na siya tumingin kay Jake. Mawawala lang siya sa focus kapag inisip niya ito.
Simula ng ng huling set at tahimik ang lahat. Parang walang humihinga ng magsimula ang laban. Tahimik sa bawat rally. Umiingay lang ang crowd sa bawat score na nakukuha ng bawat team. Tanda niya ang pakiramdam na iyon tuwing lumalaban sila ng championship noon. She felt her momentum. Nag-adjust siya at consistent ang mga galaw niya. Ibinuhos niya lahat ng effort sa game. Alam niya na kasama sa bawat laro ang tibay ng loob. Kapag nagpadala siya ay matatalo sila. Naramdaman yata ni Natasia ang energy niya at nahawa narin ito sa kaniya. Naging dikit ang score nila ng kalaban. Nakakita siya ng pagkakataon at isang magandang set ang ibinigay niya kay Natasia na siyang tumapos ng laro. Nagsigawan ang mg aka-group nila sa panalo ng team nila. Nayakap naman siya ni Natasia sa sobrang tuwa!
“OMG! Anna! Sabi ko nanga ba mananalo tayo!” tuwang-tuwa ito at di alintana ang pawis at pagod. Maging si Gab ay napasugod sa kanila ng yakap at nakatanggap ito ng kantiyaw sa mga kagrupo.
“Traydor! Traydor!” birong kantiyaw ng mga ito kay Gab.
Kinagabihan ay may victory party na gaganapin. Ang department nila Gab at ang HRD ang punong abala sa event na iyon. Kung kaya hindi na nila nakasama si Gab dahil isa ito sa mga nag-aayos ng program. May stage na ginawa sa gym at may naka-set up na banda doon. May mga table, upuan at food catering. May room para sa empleyado na kinuha ang company para doon sila makapagpahinga at bihis habang hindi pa nagsisimula ang event. Madami nga lang silang magkakasama doon.
“Anna, isuot mo na ito,” utos sa kaniya ni Natasia na nakangisi. Sa kamay nito ay isang cute na skater dress. “Bagay yan sayo,” nakangiti nitong inabot ang dress sa kaniya. Mabait talaga ito kahit na alam niyang may kaya din ito sa buhay. Hindi ito masyadong nagku-kwento ng tungkol sa kanila ni Stephen at iginagalang niya iyon.
Kinagabihan matapos makapahinga at magbihis ay nagtungo na sila ni Natasia sa gym kung saan gaganapin ang victory party. Pagdating sa venue ay binati agad sila ng mga kasamahan.
“Congratulations! Ang galing niyo kaninang dalawa ah!”
“Oo nga eh! Sinong mag-aakala na magaling pala sa volleyball itong si Anna!” komento din ng isa.
“Whoa! Paganda ng paganda itong si Miss Anna natin ah,” malakas na bati sa kanya ng isa. Tumawa lang siya sa mga ito. Nagsimula ang kasiyahan at natanggap nila ang cash price sa mga napanalunang sports. Ini-announce din ang winner ng cheerdance competition at nakuha iyon ng grupo nila Gab. Nagtatalon ito sa tuwa ng i-announce ang pagkapanalo. As usual ay ang OA ng expression nito at natawa din siya dito. Nagsalita muna si Mr. Henry Cristobal at matapos ang mga awarding ay nagsimula ng tumugtog ang banda at naglabas narin ng inumin.
“’Yan ang hinihintay naming!” sigaw ng isang kasamahan habang inaabot ang alak. Natawa nalang siya sa mga ito.
Masaya man ang pagtitipon ay hindi parin lubos ang kasiyahan niya. Okupado parin ni Jake at ng kasama nitong babae ang isip niya. Bakit kailangan nitong paglaruan ang nararamdaman niya? Hindi niya alam kung ano ang pumasok sa isip niya ng oras na iyon at kumuha siya ng isang bote ng alak at dire-diretsong tinungga iyon. Naramdaman niya ang pait pero mas matimbang ang nagrerebelde niyang puso. Napansin niyang nabigla ang mga ksamahan sa table sa ginawa niya.
“Wooah! Easy Anna. Malakas ang tama niyan!” sita sa kaniya ng isa sa mga ito ngunit hindi niya ito pinansin. Nagpaalam sa kaniya si Natasia na may pupuntahan lang pero sa totoo lang ay hindi na niya iyon naunawaan.
Maya-maya pa ay nagsasayawan na ang mga katrabaho. Tumatawa siyang pinapanuod ang mga ito ng makaramdam siya bigla ng pagkahilo. Nangingimi ang mukha niya at unti-unti narin nawawala ang pakiramdam niya sa binti. Pakiramdam niya ang malakas na music at ang galaw ng mga ilaw ay nakakadagdag sa pagkahilo niya. Nagpasya siyang lumabas muna ngunit ilang minuto palang siya sa labas ay naramdaman niyang gustong lumabas ng mga kinain niya. Hindi na niya napigilan at dali-dali siyang tumakbo sa isang kanto at doon sumuka.
“You’re drunk,” narinig niya ang ang pamilyar na boses ni Jake sa likod niya. Hinawakan nito ang braso niya pero pinalis niya iyon. Ayaw niya itong makausap.
Narinig niya ang malalim na paghugot nito ng hininga. “Anna..Please, let’s talk,” tawag nito sa kanya.
Marahas siyang tumayo sa narinig niyang sinabi nito. Lets talk? Ano ang pag-uusapan nila? Bobolahin na naman ba siya nito?
“You! Ano ba ako sayo ha,” at dinuro niya ito. Wala na siyang pakialam kung may makarinig sa kanila. “Isang araw sasabihin mo sakin na gusto mo ako, pagkatapos ano? Sa kasunod na araw ibang babae ang kasama mo? Bakit mo ako pinaglalaruan? Ano bang kasalanan ko sa’yo?” inilabas na niya ang lahat ng galit na nararamdaman sa binata.
Iyon ang tagpong nabungaran ni Gab ng sundan siya nito sa labas. Dali-dali siya nitong hinawakan sa braso at hinila ng makitang dinuduro niya si Jake.
“Anna! Ano ka ba? Tara na sa loob,”pigil nito sa kanyang kamay. “Sir Jake, pasensya ka na sa kaniya. Nakakainom na kasi,” hinging-paumanhin nito ngunit nagmatigas pa siya.
“No Gab! Totoo naman ang sinasabi ko eh,” hinila niya ang kamay mula kay Gab ngunit nakita niyang parang umikot ang paligid niya. Nawala siya sa balanse at unti-unting nagdilim ang paningin niya. She thought she will collapse on the ground, but she felt a strong arms grabing her waist. Iyon ang huli niyang ala-ala bago siya tuloyang mawala sa huwisyo.
JAKE:
Kahapon pa siya wala sa mood ngunit hindi niya iyon pwedeng ipahalata. Iniiwasan siya ni Anna at alam niya kung bakit. Hindi niya inaasahan na pupunta si Janine sa event na ito ng company nila. Aminado siya na makailang beses silang lumabas ng dalaga. Janine is pretty and their family are good friends. Isa pa ay mabait ito. He even considered wooing her, but that was before. Noong ayaw pa niyang tanggapin na nahuhulog na siya kay Anna. Ngayon ay sigurado na siyang wala siyang nararamdaman kay Janine. Ibang-iba ang nararamdaman niya kapag si Anna ang kasama niya. Nang nasa business trip siya sa Cebu ay ang si Anna parin ang laman ng isip niya. Halos hindi siya makapag-focus sa trabaho dahil doon. Noon ay mas nakumpirma niya na ayaw niya itong mapunta sa ibang lalaki. Kaya nabuo ang desisyon niya na ipapaalam sa dalaga ang nararamdaman pagkabalik niya. Unti-unti ay kinuha niya ang loob ni Anna kahit panga alam niyang nagtataka ito sa ikinikilos niya. Ang totoo ay kumukuha lang siya ng tyempo. Pero lahat ng iyon ay nasira sa pagdating ni Janine.
Pagkakita sa kaniya ni Anna na kasama si Janine ay alam niyang nasaktan ito. Gusto niya itong kausapin at magpaliwanag pero hindi siya makahanap ng tyempo. He was forced to entertain Janine dahil hindi pwedeng balewalain lang niya ang dalaga. Ayaw niyang mapahiya ito lalo na at kaharap ang pamilya niya. Kaya kahit gusto niyang lapitan si Anna ay hindi niya magawa.
The past two days was a torture for him. He was stunned when he saw Anna in her uniform. Napaka-sexy nitong tingnan. He noticed how men looked at her. Lalo na ng makita niya itong maglaro. The instant she stepped in the court he saw her expression changed. Hell! She was so fierce! Kita niya ang pagbabago sa mga mata nito, the seriousness in her face and the fire in her eyes. Parang hindi ito ang mahiyaing Anna na nakilala niya. At kaninang umaga ay nakita pa niya ang suot nito. Hindi niya alam kung anong pumasok sa isip nito at nakasuot ito ng maiksing skirt. Kitang-kita ang mapuputi nitong binti and he doesn’t like the idea of men lusting over her.
Nakahinga siya ng maluwag ng kinailangan ni Janine umalis dahil may emergency ito sa company. Before she left, sinigurado niyang maipapaalam niya dito ang saloobin niya. He told her he is in-love with someone else. Naunawaan naman iyon ni Janine. She just smiled and even wished him good luck kahit alam niya na nasaktan ito.
“I know that you are not in-love with me, Jake,” Janine said trying to hide the pain in her eyes. “Ang swerte naman ng babaeng nakabihag sayo. Alam ko na hindi ako ‘yon dahil ramdam ko sa mga kilos mo,” sambit nito bago siya hinalikan sa pisngi at nagpaalam.
At ngayon nga ay nasa sasakyan niya ang maswerteng babaeng nakabihag ng kaniyang puso. Tulog si Anna dahil sa kalasingan. Sinabi niya sa mga kaibigan nitong sina Gab at Natasia na siya na ang maghahatid sa dalaga. Kahit nag-aalangan ay napilitan ang mga itong pumayag. Nangako naman siya sa mga ito na wala siyang gagawing masama. Isa pa, hindi niya magagawang pagsamantalahan si Anna. Pagkarating sa apartment ng dalaga ay marahan niya itong binuhat. Umungol ito ng maramdaman ang pag-angat ng katawan sa sasakyan.
“Hmm..Gab nawawalaa..,” ungol nito.
“Huh?” tanong niya dito.
“Nawawala ang paa ko,” sagot nito.
Natawa siya sa sinabi nito. Marahil ay epekto iyon ng alak sa dalaga. Pagkarating sa tapat ng pinto ay kinuha niya ang susi sa bag nito. Nabuksan niya ang apartment nito at ibinaba niya si Anna sa sofa. Pinagmasdan niya si Anna na nakapikit. Maya-maya ay nagsalita ito.
“Na..nasusuka ako.” Nagpilit itong tumayo para pumunta sa banyo pero tila walang lakas ang mga tuhod nito. Kung kaya ay siya na ang nagdala dito sa banyo. Pagkarating na pagkarating palang sa banyo ay nagsuka na ito. Hinawakan niya ang buhok nito na tumatakip sa mukha nito. If she was someone else, maybe he would feel disgusted. But she was Anna, and for an unknown reason, all he wanted to do was take care of her.
Matapos ang ilang sandali ay nakatulog na muli si Anna. Marahan niya itong inilapag sa kama nito. Nagdadalawang isip siya kung papalitan ba niya ito ng damit ngunit ayaw niyang isipin nito na nagsasamantala siya kung kaya hinayaan nalang niya ang suot nito. Pinagmasdan niya ang loob ng apartment ng dalaga at napansin niyang halos wala itong gamit doon. Maliit na ref lang ang tanging appliance nito. Nagpasya siyang sa sasakyan nalang niya magpalipas ng gabi. Bukas na lamang siya magpapaliwanag sa dalaga. Hindi niya hahayaan na hindi ito makausap. Marahan niyang hinalikan ang noo nito saka dahan-dahang lumabas ng apartment nito.