Pagdating palang ni Anna sa opisina nila kinabukasan ay nagtaka na siya sa tingin sa kaniya ng mga kasamahan niya. Mga mapang-asar ang mga mata nito at ang lawak ng mga ngiti.
“Ahem!” kunway tikhim ng kasamahan nilang lalaki na tumayo at naupo sa malapit sa kaniya.
“Good morning! Miss Cruz,” si Sherry iyon na kakaiba ang tono ng pagbati sa kaniya at makahulogang nakangiti sa kaniya.
Napakunot ang noo niya at naglakad na siya sa table. Noon niya napagtanto kung bakit nagkakaganun ang mga kasamahan. Sa table niya ay may isang bouquet ng bulaklak na nakapatong doon. Dinampot niya iyon at tiningnan kung sino ang nagpadala niyon.
“Yown! Binasa na!” sigaw ng isang lalaki at nagtawanan ang mga ito.
Natatawang binasa niya ang pangalan ng nagpadala noon. “Lenard. Sino ‘yun?” tanong niya sa isip dahil hindi niya kilala ‘yon. Hindi nalang siya nagpaapekto at ipinagpatuloy ang trabaho.
“Wow! Ang haba ng buhok girl!” tili Gab habang nagla-lunch sila. Kinuwento niya sa mga ito na nakatanggap siya ng bulaklak mula sa isa nilang katrabaho na Lenard ang pangalan.
“I don’t want to offend you Anna, but Lenard is a womanizer,” bulong ni Natasia sa kaniya. Halata ang concern sa mga mata nito.
“Grabe naman beshy! Hindi pa nakikilala ni Anna yung tao sinisiraan mo na agad,” sagot Gab.
“I am just warning her!” madiin na sagot ni Natasia. “Hindi ako boto kay Lenard para sa iyo. Sisirain lang niya ang buhay mo. Baka mapaaway ka lang sa mga babae niya,” dugtong pa nito.
“May pinaghuhugutan teh? Siguro may nakaraan kayo ni Lenard?” pag-uusisa ni Gab.
“Wala ha! Di hamak naman na gwapo si Stephen kesa sa Lenard na ‘yan!” mabilis na sagot ni Natasia.
“Oh narinig mo Anna ha! Babaero daw. Warning lang naman ‘yon,” sa huli ay paalala narin ni Gab sa kaniya.
“Don’t worry. Hindi ko din naman siniseryoso ang pagpapadala niya ng bulaklak,” sagot niya sa mga kaibigan. Totoo naman iyon dahil ni hindi pa nga sila nagkakakilala ng binata.
Mula kay Natasia ay napag-alaman niyang si Lenard ang head ng IT Department. Kasama ito sa nagdaang meeting at doon siya nakita nito. Ngunit hindi siya interesado sa lalaki dahil nga sa sinabi ni Natasia na babaero ito.
Kinahapunan ay naghanda na siya para umuwi, nahihiya man ay napilitan siyang bitbitin ang bulaklak na pinadala ng binata. Panay ang tukso sa kanya ni Sherry habang papalabas siya ng opisina. Pagdating nila sa lobby ay laking gulat niya ng makita si Jake na naroon. Nakatalikod ito sa kanila at may kausap sa cell phone nito. Bigla itong bumaling sa direksyon nila at nagkatinginan sila. Napigil niya ang paghinga ng magtama ang kanilang paningin. Mula sa mukha niya ay nakita niya na lumipat ang tingin nito sa mga bulaklak na hawak niya. Bigla ay para siyang na-conscious at lalong nahiya. Wala naman itong reaction at tinalikuran lang sila ulit habang patuloy ang pakikipag-usap sa kung sino man ang nasa kabilang linya.
Hindi na ni Anna maintindihan ang sarili. Wala namang dahilan at ni hindi siya pinapansin ni Jake pero abot-abot ang tibok ng kaniyang puso sa tuwing nakikita niya ito. “Isa kang baliw Anna. Baliw!” pagalit niya sa sarili.
JAKE POV:
He was on the balcony of his condo, enjoying the city view. Doon siya sa condo unit niya umuwi. Pinagmamasdan niya ang kadiliman ng langit, sa kamay ay ang paborito niyang alak. Ganito siya kapag may malalim na iniisip. He sighed. Naiirita siya sa mga oras na iyon. He's a sensible person, yet there's something about Anna that bothers him. At hindi niya matukoy kung ano iyon.
Naalala niya ng una niyang makita si Anna. Lubos ang inis niya dito ng madatnan niya ito sa isang bar with his cousin. Sarah has been through a lot the past days at hindi na niya alam kung paano ito matutulongan. His uncle Henry can be very controlling at dahil doon ay napapalayo ang loob nito sa anak na si Sarah. Three days before her wedding ay nawala ito at hindi nila makita kahit saan. Hindi nito sinasagot ang mga tawag nila at ng gabi ngang iyon ay hindi niya inaasahan ang pinsan na makita sa bar na lasing. At sino ang babaeng kasama nito? Aaminin niya na mukha naman itong disente pero hindi niya mapigilan ang pag-isipan ito ng masama. Masyadong mapagtiwala si Sarah sa mga tao sa paligid niya.
Wala din siyang plano na tanggapin sa trabaho si Anna. But then he reviewed her resume na iniwan nito sa sasakyan niya. Nakita niya na cum laude ito ng grumaduate so he decided to give her a chance dahil narin sa pakiusap ng pinsan niya. Kaya kay Felix niya ito ini-assign dahil alam niya kung gaano ito kataray sa empleyado. Inaasahan niya na kusang magre-resign ang dalaga ng mas maagap. Wala na siyang balak pansinin muli ang dalaga at sa totoo lang ay nalimutan na niya ito. But then he saw her at Sarah’s wedding. Noon niya napansin na maganda pala ito. He was aware of the attention she was getting from men, pero mukhang hindi ito napapansin ng dalaga. And then he saw that Mark approaching her. Kakilala niya ang binata. They came from the same university, ilang beses din silang nagkaharap at mabait naman ito. But who knows? Maaaring babaero din ito. He saw Anna’s face light up ng kausapin ito ni Mark at alam niya kung bakit. Naghahanap ito ng masasabayan pauwi. He knows its none of his business kung sumama man si Anna kay Mark at kung ano man ang gawin nila, pero namalayan nalang niya ang sarili na hinila ang dalaga. D*amn! He was like a jealous boyfriend.
At ng mabalitaan nga ni Sarah ang ginawa niya ay hindi na ito tumigil sa pang-aasar sa kaniya. Of course, Sarah would know how he acted like a jealous boyfriend; Mark is Dean’s business partner. Sa mga nagdaang taon ay palagi ng may inirereto sa kanya ang pinsan niya; mga babae na kaibigan umano nito, pero ni isa man ay wala siyang pinagtuunan ng pansin. Masasaktan lang ang mga ito. He is a businessman. Profit. Opportunities. Market positioning. Return of investment. Iyon ang mga bagay na palagi ay nasa isip niya. Wala sa isip niya ang pumasok sa isang relasyon. Besides, he doesn’t feel the need to be in a relationship. Women willingly jump in his bed. He can f*ck them without the need to be in a relationship with them. Of course, Sarah doesn’t like his ways, but what can he do?
But this Anna is making him uncomfortable. He is losing his equilibrium whenever she’s around. Pinagsisihan niya ang gabing inaya niya itong ihatid at nag-dinner pa sila. He noticed how she had looked at him since then. He knows he got her attention, and it was a wrong move. Ayaw niyang may maramdaman ang dalaga sa kaniya dahil hindi naman niya kayang suklian ito. Kaya simula noon ay hindi na niya ito pinansin.
Ngunit nito lang ay nakita niya ito sa meeting. He didn’t expect her to be in that meeting. Mukhang pinagtitiwalaan na agad ito ni Felix. He saw how that IT guy looked at her ngunit tila hindi ito napapansin ni Anna. Naka-focus ito sa trabaho nito. Wala ang atensyon niya sa manager na nagbibigay sa dad niya ng update sa Department nito. He just sat there, silently admiring her beauty. Nakatungo ito habang nagsusulat at ng bigla itong mag-angat ng tingin ay nahuli siya nito. He looked away, silently cursing himself. Sarah chuckled beside him, at ng tingnan niya ang pinsan sa tabi niya ay nakita niya ang nakakalokong ngiti nito sa kanya.
Ngayong hapon nga ay nakita niya si Anna sa lobby bago umuwi. May hawak itong bulaklak. It must be from that IT guy? He felt the need to ask, pero hindi pa siya nawawala sa katinuan. Siguradong magtataka ang dalaga kung bigla siyang magtatanong.
Aaminin niyamg attracted siya kay Anna at kahit siya ay hindi alam kung bakit. There is nothing special about her. He met plenty of women at madaming babaeng higit na mas maganda. If one day makaisip man siyang bumuo ng pamilya ay hindi ang tipo ni Anna ang nasa isip na pakakasalan niya. Of course, he wants his wife to be stunning, sophisticated, elegant at higit sa lahat ay dapat sanay ito sa mundo niya. Someone who will understand his responsibilities. Obviously, Anna doesn't possess those traits. Simple lang ito manamit at mag-ayos. Nakita niya ang kilos nito sa wedding ni Sarah, hindi ito kumportable at hindi nakikipag-usap sa mga guests. In other words, hindi si Anna ang type niya. Kung kaya ngayon ay naiinis siya sa sarili kung bakit iniisip niya ito. Ngayon lang nangyari ito sa kaniya at hindi niya ito nagugustuhan. Kailangan niyang kontrolin ang sarili. Hindi siya makapapayag na mahulog kay Anna kahit na anong mangyari.